الخساير في وقت الصيد

[قناص رماح]

السلام عليكم ورحمة الله وبركاته

من الخساير اللي تحصل وقت الصيد نذكر لكم :

1ـ الخرابات في السياره .

2ـخسارة البنزين والزيت.

3ـ قيمة صناديق الفشق ودستات الرصاص .

4ـ قيمة البنادق والشوازن .

5ـ خسارة متطلبات الطلعه من عزبه وثلاجه وغاز وغيره .....

6ـ خسارة وقت .

ومع كل الخساير اللي ذكرت واللي ماذكرت يجد الصياد لذه بالصيد والطلعات للبر مهما كانت الخساير في سبيل

اشباع رغبته في هواية الصيد وسلامتكم،،،،،،،،،،،:good:

[الباهي]

اخي الغالي

بالفعل خساره دراهم وخساره صحه
بس اذا حصلت الصيد وصدت وانبسطت
تهون الخساير وابو الخساير لاتك راح تحصل
متعه نغنيك عن الدنيا ومافيها
اخوك الباهي

[قناص رماح]

السلام عليكم ورحمة الله وبركاته

مشكور على المشاركه اخوي الباهي والله يسلمك،،،،،،،،،،،

ابي اعرف من اخواننا الصيادين كم يخسر كل واحد منهم في موسم الصيد تقريبا وسلامتكم،،،،،،،،:D

[Bader-M]

والله انك صادق
اعرف شخص راتبه عالي مره
ولكن ما قدر يجمع منه ريال واحد السبب
الصيد والبران
ولو خبرو له الناس ان فيه قمريه في حدود العرق راح لمها
........
مشكور يالذيب

[قناص رماح]

السلام عليكم ورحمة الله وبركاته

الصراحه انه هذي حال اغلب الصيادين لو تذكر لهم انه فيه قميريه وحده باي مكان راح يركض وراها وانا

واحد منهم ومشكور اخوي على المشاركه وسلامتك ،،،،،،،،،،،،،،،

[laith]

الاخوه الافاضل ..

اسمحو لي بهذه الكليمات الصغيرات ................;) ;)

القنص علوم مرجله وتربية نفس .............لايمكن شراؤها بفلوس
القنص عزيمة وقوة اراده ......................ايضا لايمكن شراؤها بفلوس
القنص تحدي واعتماد علىالنفس .............مافيه واسطه
القنص فيه تعلوم على الرمي ..................وهذا من السنه
القنص عزة نفس بنفس تترفع عن الدنيات ..واحسنتم

بعد كل هذا ... وهذا مكسبك ......... تحسب للدراهم حساب:mad: ..

طبعا الشيء بمقدار والسلام..

[Bader-M]

laith
حنا ماقلنا شي في القنص
ولكن الشي ان زاد عن حده انقلب ضده
وعلى فكره الوالد راي قنص
والله العظيم اني بدية اعرف موعد هجرت الطيور وسعر الفشق وانواع الشوازل
مو كله حب في الصيد
ولكن من كثرر ما اسمع ابوي يسوف فيها
ولكن هذا لا يعني اني لا احب الصيد
ولكن مو بهذا الشغف
بس
تدري
والله ياقمريه مع المطازيز (طعمه براس ):good:

[بن نشار]

لاتحسب للخساير
اهم شي سعت الصدر:D

[نجمة سهيل]

قناص رماح:heart:

متعة الصيد لاتقدر بثمن ،،

كذلك متعة الكشتات مع الربع وعلوم الرجال ،،

جلسه معهم تسوا الف جلسه بالديره ،،

الي يتولع بالقنص لايقعد يقول هذا غالي ابي ارخص وماادري ايش،،

ياإنه يقدر يدبر عمره والا أحسن له لايتعمق فيه ،،

والفلوس تروح وتجي ليه نحزنها بجيوبنا:mad:

الفلوس ماراح تنفعك بقبرك ماراح ينفعك الا العمل الصالح ،

وبالنسبه لسؤالك عن الخساير انا اقولك مايقارب ال50 الف او اكثر ((هذا بس من وقت الدخل الين نهاية النحم))

طيب ابسألك انا وش رايك بالي يرمي يوميا صندوق كامل :rolleyes:
هذا وش تقول عنه

[الفهد]

السلام عليكم
بخصوص البر وخسايرة
واللة واللة ان طلعة مع اجاويد وشبة النار مع دلال وعلوم الرجال تسوى عندى
الاف الدنانير...ياخوى لاتحسب بالمال كثر ماتحسب للصيد والوناسة والتوفيق من اللة
بالنسبة لى انا, بس التجهيز فى بداية الوقت تقريبا من300الى500دينار{شاملة السيارة والعزبة
والفشق }اما بالمقناص واللة ماحسب ولاأهتم ماهو خسارة خوت الاجاويد
والسلام عليكم

[موان]

الخساير كلها تهون في سبيل تطريب الراس بالصيد والوناسة
ولو بيحسب الواحد وش كثر صرفه على الرحلات كان ما طلع
لكن الخساير كلها مادية بحته وهذا من فضل الله المهم إن الشخص
مايخسر شيْ أعظم من المادة وهو: المرجلة والكرامة وعزت النفس
وقبلها كلها دينه والسلام مسك الختام.
{{{{{ موان }}}}}

[سراي ليل]

اخوي قناص رماح
خساير الصيد والتعب ومقابل الوجيه الطيبه مثلك وشرواك( وشروى من يقرا)
احسن من خساير السفر برا والسياحه الخايبه لا وترجع متنكد فوق هذا كله

[ابووعل]

الرسالة الأصلية كتبت بواسطة حائل
اخوي قناص رماح
خساير الصيد والتعب ومقابل الوجيه الطيبه مثلك وشرواك( وشروى من يقرا)
احسن من خساير السفر برا والسياحه الخايبه لا وترجع متنكد فوق هذا كله

صدق اخوي حايل

تحياتي لك قناص رماح وللا خوان