وش رايكم في اشتراك البطارية حق السنيدي يوجد صور

[هاوي البر]

هذا صورة الاشتراك ووكتوب عليه (( هذا المنتج صغير الحجم لدرجة يمكن وضعه في درج السيارة وذو قوة عالية يمكن تشغيل جميع أنواع السياراة. ))
هل هو على كلامهم ولا دعايه بس

http://www.mnoa3.com/vb/uploaded/594_1164817433.jpg

[لن أمل من العطاء]

حبيبي روح للرابط ادناه واقرأ عن الشتراك وطبق اجزء الخاص بالسلك فقط مع الزراديات اي الماسكات لتحصل على اشتراك يشغل تراكتووور
http://www.mekshat.com/vb/showthread.php?t=97782

[أستاذ قلق]

إللى اعرفه ان الاشتراك عمله فقط نقل الكهرب من بطاريه الى اخرى
يعني مافيه اشتراك احسن من الثاني
وللمعلوميه
اذا احتجت للاشتراك .. ووقتها لم يكن معك
بأمكانك ان تستخدم حديدتين وتجعل كل منهما على مكانه المخصص يعني ماتعكسهم
او اذا كانت يسارتك صدامها حديد
فل نقل معك جيب شاص واللى يبي يعطيك شحن معه جيب ربع
بهذا .. عليكم ان تضعون الصدامات على بعض بحيث يكون فيه التماس وهذا يكون السالب وبما يسمى الارضي
وان تاتي بحديده وتضعونها على الموجب

اتمنى انى اصبت
تحياتي لك

[طبيب بيطري]

مايميزة ان خفيف الوزن ( وذف )

ومرة واحد سوا لي اشتراك وعملة جيد

[مداوي]

بالنسبه لهذا الإشتراك ممتاز مافيه اي مشكله معي له عدة سنوات
لكن اللي معي نفس الشكل لكنه من (ساكو)

[وسيـع البـنايد]

عليك بساكو .. عنده أنواع جيدة وأبعد عن الصناعات الردئية
وعندك محل ( رد كاب ) اللي في شارع الضباب عنده انواع يمدحونها ..
والعليان أغلب اللي عنده مش حالك ورخيصة ماهي اللي يعتمد عليها

[ابو سمر]

شكرا لكم أخواني الكرام

وللأخ أستاذ قلق أقول ، أن أسلاك الإشتراك تختلف من نوع لنوع آخر ، فبعضها لا ينقل الكمية الوافية من الكهرباء للبطارية الأخرى .
بعضها تايواني ما يصلح لو كان بخمسة ريالات ، ردىء جداً ، وترتفع حرارة السلك بلحظات إذا كانت السيارة كبيرة ..

شكراً لكم ..

[تلسكوب 1]

إللى اعرفه ان الاشتراك عمله فقط نقل الكهرب من بطاريه الى اخرى



يعني مافيه اشتراك احسن من الثاني
وللمعلوميه
اذا احتجت للاشتراك .. ووقتها لم يكن معك
بأمكانك ان تستخدم حديدتين وتجعل كل منهما على مكانه المخصص يعني ماتعكسهم
او اذا كانت يسارتك صدامها حديد
فل نقل معك جيب شاص واللى يبي يعطيك شحن معه جيب ربع
بهذا .. عليكم ان تضعون الصدامات على بعض بحيث يكون فيه التماس وهذا يكون السالب وبما يسمى الارضي
وان تاتي بحديده وتضعونها على الموجب


اتمنى انى اصبت


تحياتي لك



بانسبة لقولك انه مافيه اشتراك احسن من الثاني كلامك غير صحيح (الاشتراك مثل انواع توصيلات الكهرباء الموجوده في السوق اكثرها خايس ولابريال ) بعض الاشتراكات ماتشغل السيارة خاصة اذا كانت البطارية فاضيه مره ويسخن الاشتراك ويمكن انه يحترق لأن بطارية السيارة 60 امبير او اكثر انت شف عداد الكهرب اذا كان 60 امبير كم سمك السلك لاتقولي هذاك 220فولت والبطارية 12فولت هذا يختلف عن قوة التيار الي هي الأمبير

[هاوي البر]

الله يجزاكم خير ما قصرتم

[فهووودي 7991]

وانا ازيد على كلام الأخوان ان الأشتراك نفس بعض هاذا غير صحيح

كان عندي ماطور او مكينه كبيره 40كم في مخيم كانت بطاريتها تعبانه تجيه حلات يطنقر ومايشتغل ودايم اسويله اشتراك من السياره مره من المرات جيبت اشتراك الردئ وماسوا ولا اي حاجه ثلاث اشتراكات مع بعض رديئه الي تباع بخسمه مدري بعشره وياله يشغلها واذا جيت افصل الأشتراك القاه حار ومره اخذت اشتراك اصلي من واحد من الجماعه اظاهر انه امريكي او حاجه زي كذا ماني متأكد المهم اشتراك واحد وعلى طول شغل المكينه بدون مأستنا يشحن كهرب

افضل انك لا تستعجل لين تتأكد نوع الزين وانا معاك انتظر ردود الأخوان لأني محتاج اشتراك زين وعملي

[صيهد]

انتبه انا كان عندي اشتراك من النوع الرخيص و فشلني ما قدر يشغل السيارة و الحمد لله خويي معه اشتراك من النوع الجيد من يوم شبكناه و السيارة اشتغلت

[مران]

وانا خوك انا جربت بحيل ممتاز
السنيدي ارقد وامن
تقبل مروري اخوك مران

[أستاذ قلق]

بانسبة لقولك انه مافيه اشتراك احسن من الثاني كلامك غير صحيح (الاشتراك مثل انواع توصيلات الكهرباء الموجوده في السوق اكثرها خايس ولابريال ) بعض الاشتراكات ماتشغل السيارة خاصة اذا كانت البطارية فاضيه مره ويسخن الاشتراك ويمكن انه يحترق لأن بطارية السيارة 60 امبير او اكثر انت شف عداد الكهرب اذا كان 60 امبير كم سمك السلك لاتقولي هذاك 220فولت والبطارية 12فولت هذا يختلف عن قوة التيار الي هي الأمبير

يعطيك العافيه على ها المعلومه