بطاريات ( حجر ) ابيهااااااااا لا هنتوا

[ريح الخزامى]

السلام عليكم ورحمة الله وبركاته


اخواني اعضاء هالمنتدى الطيب اللي يعرف عن هالبطاريات ( الحجر ) وين تباع فيه يعلمني تكفون او عنده او عند احد يخبره يدلني وينها فيه ابيها

هالبطاريات مدري من وين يجيبونها خبري جابها لي نسيبي من القصيم وسعر الوحده غاليه الظاهر حول العشرين ريال للحبه الوحده اذكر مره جابها تجي في علبه جيشيه خظراء تفك العلبه في وسطها 6 حجر لونها رصاصي بدون لزقات والا شي كذا لونها مثل القصدير ماعليها شي وقوتها مدري وش قوتها الظاهر انها 220:p بس قويه مره يعني قوتها فوق 6 فولت للوحده الله يعافيكم يا اهل القصيم او اي احد يعرف عن هالبطاريات شي لا يبخل علينا والله اني عجزت وانا ادور عليها من مبطي

تحياتي لكم


:)

[قتال]

السلام عليكم ورحمة الله وبركاته ،،،،

أخوي ريح الخزامى .. حياك الله ..

أخوي بارك الله فيك .. ياليت توضح المطلوب بالضبط حتى نستطيع مساعدتك .. فالبطاريات أشكال وألوان كبيرة وصغيرة .. واستعمالاتها كثيرة .. حدد لأيش تستعمل حتى نعرفها ..

أضغط هنا >> هذا موقع قد يفيدك في تحديد نوع البطاريات التي تريد << (http://www.batterystation.com/lithium.htm)

[ريح الخزامى]

شاكر لك اخوي قتال على ردك بس اقول لك هالبطاريات كيف شكلها

البطاريه هذي تركب على الكشافات اليدويه مثل الماج لايت
يعني حجمها مهوب الاصبع العادي لا اللي اكبر منه ( مثل حقت الرادوا ) < دايم يشتري لابوه حجر ابو قطو للرادوا
يعني الحجم الكبير وهي ماتتباع في المحلات ولا لها وكيل مدري الظاهر انها تجي تهريب
لانها قويه ماهي سهله واهي تجي في علبه جيشيه وتكون من داخل موصله كل الاربع بطاريات مع بعض وطالع من برى العلبه سلكين موجب وسالب طبعا تنفك العلبه وتطلع البطاريات واهي شكلها ماهي مثل البطاريات العاديه اللي حنا خابرينها مثل الديورسل والانيرجايزر مثلهم بس طريقه توصيلها غير كانت عندي حبه وحده بس وعندي كشاف ماج لايت ابو ثلاث بطاريات ركبت البطاريه هذي عليه واحترقت اللمبه اللي فيه من قوة البطارية ورحت اشتريت لمبه حقت الكشاف ابو ست بطاريات وركبت مع البطاريه هذي بطاريتين ثانيه بس نوع ديورسيل منتهيه صلاحيتها يعني مافيها حيل ابد وماشالله تقول كشاف ابو مليون شمعه بس القهر اني تركتها في الكشاف فتره ما استخدمتها ومع المطامر في الموتر خربت البطارية وطلعت الماده اللي فيها واعدمت علي الكشاف :( هي موجوده في القصيم بس مادري وين احصلها مع اني ماقد رحت القصيم بس نروح علشانها والا نوصي وفيكم الخير والبركه وهي تستخدم بس للكشافات اليدويه فقط
شاكر لكم الله يعافيكم