ماهي اسهل واسرع طريقه لتنزيل النشيب

[ابومنقاش]

السلام عليكم اعزائي اعضا وزوار مكشات
تعلمون ان موسم الصيد قرب وخاصه الدخل وصيده في الغالب في الشجر طلح كان اوسلم اوسدر اوغيره
ويكون الدخل في قلب الشجر وعند صيده يكثر النشيب الي ماينزل وتبلش وش تسوي تروح وتخليه حرام
تحاول تجيبه ياخذ منك وقت وجهد وش الحل وخاصه اذا كان الصيد قليل .
فماهي الطريقه العمليه من ناحيه الجهد والوقت والمناسبه للصياد الي يمشي على رجوله مسافات بين
المشاجير ولاحوله احد من ربعه يفزع له بجمع الصيد.
وفق الله الجميع للصيد الوفير والسلامه الدائمه للجميع.......

[سعود مسعود]

النشيب نشبه والله وبعض الاحيان يرفع الضغط ويقهر لانك تحتار ماتدري وش تسوي ترجمه بالحصى
تعورنفسك وتتعب وقد يجي والا مايجي واحسن طريقه عندي يكون معي احد الوراعين ومعه عصى طويله
مثل حقة الدهانين البويه طولها 6 متر وفي الغالب يجيب النشيب في الشجر الصغار والمتوسطه اما الشجر
الكبيره فاالله يخلف اخليها رزق غيري من الطيور والهوام .
كذالك سمعت ان فيه قصبه طويله جدا وخفيفه بس غاليه شوي حقت السناره صيد السمك بس ما جربتها
ولا شفتها اسمع عنها . وشكرا يا ابو منقاش وللجميع تحياتي

[العليمي]

افضل شي يكون معك عصى طويله ، ويمكن لو يوجد ماسوره بلاستيك و تكون على شكل وصلات ، اذا جيت تحطها في السياره تفكها ، واذ جاء وقت لزومها تركبها مع بعض ، لاكن وين تلقاها ...

[رعد الجنوب]

السلام عليكم

الاخ ابو منقاش بعد التحية
انصحك استعمل السناره تجدها عند محلات الرحلات البرية
طولها 6 متر تقريبا عند فتحها ومقاسها وهي مغلقة نصف متر.

:good: :good: :good:

[السمح]

صار لي ثلاث سنين أستخدم الصنارة مثل ما قال أخي رعد الجنوب
وهي عبارة عن مواصير تدخل في بعضها البعض وخفيفة جداً وتجي مقاسات
منها خمسة متر وسبعة متر وثمانية ، كما أن لها جراب يجي معها بسحاب
ويكون طولها عند التسفيط نصف متر تقريباً
قبل كذا كنت استخدم النباطة وهي ترى عملية وحليلة

أحلى تحية

[بن نشار]

اخي العزيز
اقول انك تحضر معك سنارة صيد السمد وتكون من النوع التي تكون
خشابها طويل علشان ماتعوق معك ان نشبت الدخله او غيرها
ولك تحياتي

[مكشات]

مساء الخير
جربت عصا البوية بعد ترهيمه ..
وضعت فيه ( تكاكة ) بطرف العصا :p
والحبل ممدود لين أسفل العصا ..
بحيث لما يتعلق شيء أدخل راس الطير بالتكاكة وأسحب الحبل ومافيه أمل يفلت الطير :)
وممكن إستخدامه لأشياء كثيرة ، يعني ممكن تمسك فيه أي حيوان ماتطوله بيدك ..
المهم بعد التجربة نجح لكن من عنده الوقت بحيث كل مايتعلق طير يرجع يجيب العصا :(
هذه صور توضيحية للعصا :
http://www.mekshat.com/pix/upload/images2/nesheeb01.jpg

http://www.mekshat.com/pix/upload/images2/nesheeb02.jpg

http://www.mekshat.com/pix/upload/images2/nesheeb03.jpg

....................
لذلك ألغيت الفكرة وصرت ما أرمي أي طير لما احس إنه راح يتعلق أو يطيح بمكان ما أقدر أوصل له ..
...............
أخيرا
فكرة السنارة رهيبة
والأرهب نباطة السمح :D
تحياتي

[ابومنقاش]

الشكر لمن شارك اواطلع على هذا الموضوع من الاعضا او الضيوف وخاصه الاخوه العليمي ورعد الجنوب
والسمح وابن نشار والمشرف العام والاخ سعود مسعود .
فيبدو ان احسن طريقه هي القصبه كماقال رعد الجنوب وايده اكثر الاخوان الله يعطيهم العافيه
وسوف اشتريها هذا الموسم بس عساها رخيصه ومتوفره وسوف ادعو للجميع بالتوفيق وبموسم صيد وفير
والله يحفظكم......

[ابوريان]

اخوى منقاش الطريقه سهله وهي نفس الطريقه التى اشار اليها اخونا المشرف العام . بس بدل التكاكه تضع مسمار حق الصخانه ( صخانة الماء ) ويكون المسمار حجم كبير وهو على شكل 6 ويوجد بمحلات السباكه وسعره لايتعدى 3 ريال . وهذا المسمار له سنه تربطها اعلى العصا وهذه الطريقه استعملها وهى عمليه ومريحه .

[المدهش]

انا مع اخوي رعد الجنوب

[معشي الجن]

الواحد عجز يشيل (( أم صتمه )) وشلون يبي يجرجر معه أدوات للنشيب


أقول : أترك النشيب للصبـــــــــــــاري . والله العظيم أريح لك الف مره من البهذله .

[الفردوس]

مشكلة السنارة أن طرفها يكون لين
أنا استعمل عصا مثل عصا الأخ مكشات وطولها يجي ستة متر

[فرد حمزة]

والله ياهو بلشة النشيب

لكن الموضوع كووووووم ونبيطة السمح كووووووووم ثاني :D:D:D

[قناص القرائن]

وش النشيب

[ابومنقاش]

عزيزي قناص القراين النشيب هوالصيد الي يتعلق بالشجر وما تقدر توصل له ..
وللمعلوميه تراني جربت هاالسنه القصبه ولكنها غير عمليه وعله مطاوله ومن اول طلعه جدعتها
واخذت عصى البويه ووصلتها وهي عمليه لكنك ما تقدر تشيلها معك لكن خلها حولك بالسياره
والله يوفق الجميع دنيا وآخره

[قناص القرائن]

إيه عرفت وش النشيب يا خوي عند نا محل في شقراء يبع ادوات البر عنده اكيد يبعونه عند كم طريقته عمود من خشب طوله اقل من نصف متر ومعه وصلات تركبها مع بعض وإذا ركبت الوصل يطلع طويل بالحيل اوله عريض وكل وصله تنحف وقيمته 25ريال فقط

[أيمن]

( لقد تم إضافة هذا الموضوع إلى مواضيع المبتكرات والاختراعات (http://www.mekshat.com/vb/showthread.php?s=&threadid=12308) )
مع الشكر للجميع ،،
http://www.mekshat.com/pix/upload/images/flow12.gif

مشرف الخيمة

[قناص القرائن]

استلمت

[ابو زاخر]

الأصل كُتب بواسطة السمح
صار لي ثلاث سنين أستخدم الصنارة مثل ما قال أخي رعد الجنوب
وهي عبارة عن مواصير تدخل في بعضها البعض وخفيفة جداً وتجي مقاسات
منها خمسة متر وسبعة متر وثمانية ، كما أن لها جراب يجي معها بسحاب
ويكون طولها عند التسفيط نصف متر تقريباً
قبل كذا كنت استخدم النباطة وهي ترى عملية وحليلة

أحلى تحية

[الضاري]

مشكور يالغالي على هذا الموضوع المهم ..لكن أوصيكم ما تتركون النشيب وبأستطاعتك أخذها .. لأنك ستحاسب على هذة النعمة ..

أما محاولاتي :-

النبيلة أو النباطة مثل ما قال أبوتركي ( السمح )
أذا كان النشيب مرتفع ولا أستطيع الصعود الية ..وهي لاتزال معي في شنطة العزبة وأذا بدأ الموسم أضعها في مخبى المجند ..

مرة جرّبت صيخ حديد 6 ملي طويل عكفت رأسة ونشبتة في الصدام الخلفي للسيارة وأذا مشيت تسحبة السيارة وأستخدمة أذا نشب صيدي في أثلة أو طلحة ... لكن تركتة لأن طريقة وزنة على مكان الصيدة الناشبة صعبة شوي وخصوصا أذا كانت مرتفعة في راس الأثلة ..


تحياتي للجميع

[العودالازرق]

فعلا نواجها كلنا سابقا . من سنه استخدم السناره وارتحت

[ابو درع]

حياكم الله

احسن شي .................................................. ...(( نبيطه)):D

[خوي النشاما]

نعم انا مع الي يقول عصى البويات
وشكر







خوي النشاما
__________