ساعدوني على البحث عن نوع الخيمة المناسبة

[أشهب الال]

:redcar: أنا أحب الكشتات والرحلات 0ولكن تعبت من أنواع الخيام 0هذي ثقيله وهاذي خفيفه 0واسعه 0ضيقه0 تخر0 صعب بناءها0 تأخذ مكان كبير بالسيارة 000الخ
أرجو من إخواني أصحاب التجارب والخبرة 0مساعدتي عن أفضل خيمة للعجاز مثلي 0 وإلا تراني أبترك البر 0وأكشت بإستراحات0 ولو أنها كبيرة على مثلي0
وفقكم الله0 وكل كشتة وأنتم بمطر وربيع وغدران 0ومحبة وسلام0
وتقبلوا تحيات أخوكم 0أشهب الال

[مستقنص]

السلام عليكم
مساك الله بالخير

عليك بخيمة القاضي يمدحونها ولها مقاسات
وسهله التركيب وسهله التصفيط ومتكتكه يعني شغل نظيف بس مدري وش مقاساتها ولا ادري وش سعرها والشباب ان شاءا لله بيفيدونك
لكن اشوفها مع الربع اذا كشتنا

واذا قررت واشتريت خيمه علمنا نكشت معك هههههههههههه امزح معك :good:

الله يكتب لك اللي فيه الخير

اخوك
ذرى

[هاوي الربع]

السلام عليكم اتشرف أن اكون من اول الردود

ولكن غير القاضي (البيرق لا تدور )

مكان صغير +ما تهرب +سهلة الفك والتركيب +الخ000

[سدير وبس]

ما شاء الله
رب
جميل

[مرعش هدب]

مثل ما قال أخوي ((هاوي الربع))
البيــــــــــــــــرق وبــــــــــــــــــــس

[أشهب الال]

الأخوان / ذرى /هاوي الربع / سدير وبس/ مرعش هدب:
السلامُ عليكم ورحمة الله وبركاته
:redcar: أشكر لكم مروركم ياكرام0 وحقيقة أسعدتني مشاركتكم 0وأثلجة صدري 0 ومن بكرى أبشتري خيمة البيرق 0وبصراحة أسمع لها دعاية 0في بعض الأشرطة مثل حورنيات 0ولكن لم أجربها0
أخر ماجربت الخيمه الصينية التي أعمدتها شبكة المنيوم 0بصراحة هي خفيفة 0ولكنها بلاستيك 0شريتها من السنيدي بمبلغ 650ريال 0وتفاجأت أنها أطول من شنطة الجيب خلف المرتبة الخلفية 0 وأظطررت أن أقصها في أحد ورش الحدادة بمبلغ 150 ريال 0ولكن إختلف مقاس الخيمة يعني كبر 0وصارت تقل ثوب خبل 0
وهل يوجد للقاضي فرع في بريدة0 وأين يقع0
وختاماً أتشرف بمرافقتكم في أحد الكشتات محفولين مكفولين مخدومين0 وخصوصاً أخوي (( ذرى :BUTT1: ))

وتقبلوا تحيات أخوكم0 أشهب الال:good: 0

[عاشق السيل]

مثلك وشرواك ماأعتقد يترك البر ويكشت بالاستراحات !!!!

ونصيحتي لك أيضا مثل ماقالوا الشباب خيمة القاضي ( البيرق ) لأني كشت فيها بالصمان ومن أروع ماشفت من الخيام لجودتها وقوتها وسهولة تركيبها ، لو إنها ثقيلة شوي بس ماعليه تستاهل من يشيلها !!

لكن عيبها الوحيد (( وجود عمود بالنص )) لأنه يضايقك خاصة عند فل السفرة للأكل أما النوم عادي ممكن ترتب وضعك مع الشباب وتشيلكم كلكم ..


تقبل مروري يالغالي ولاتنساني تراني أبطلع معكم !!!!!!!!!!!





.

[أبو_خالد]

طيب من يعرف قيمة خيمة البيرق

[هاوي البر]

شف وانا اخوك التنافس الان وحسب كلام الشباب هي خيمتين واحده خيمة البيرق مقاس 4.5x4.5 وخيمة التوافق مقاس 3x4 انا سبق و ان سئلت مثل سؤالك و الشباب ما قصروا كل عطانا رايه وشوره الله يجزاهم خير
و انا مثلك في الاخير رجحت عندي خيمة البيرق

[أبو مها]

البيرق بلا منازع