اخوي متعطل في الشرقية ولا عرف مشكله [الأرشيف]

مشاهدة النسخة كاملة : اخوي متعطل في الشرقية ولا عرف مشكله

فهووودي 7991

22/08/2007, 04:38 PM

اتصل علي وقالي سياره متعطله وهم مصيفين في الشرقية مع الأهل

نوع سياره جيب Gxr موديله 2000 قير اتوماتيك ماشي 170000كم

المشكله اذا بغيته يمشي يحن في مكانه كأنك داعس بنزين مع فرامل

خرب عليه قبل اسبوعين وداه ورشة قالو مافيه شي راح سافر عليه ورجع وسافر مره ثاية وخرب عليه في الشرقية وداه اكثر من ورشه قالو يمكن كلتشات قير وياخذ شغل اسبوع اتصل على كم واحد قالو احتمال كبير كلتشات

وفيه واحد قال يمكن زيت الدفرنس ناقص راح وفعلن لاقى زيت ناقص وعباه بقى المشكله في الرويس الي هي R

يمشي ثقيل وD خف الحنه شوي والمشكله انهم بيرجعون بكره

هل تعتقدون يرجعه للرياض وصحيح الكلام زيت ناقص يسوي كذا ولا كلتش

خيام الندم

22/08/2007, 04:50 PM

الله يحفظهم بحفظه ويكلأهـــم برعـــايته
الله يرجعهم سالمين غــانمين محفوظين من كل شر ومكروه
يارب ياسميع الدعاء

فهووودي 7991

22/08/2007, 04:56 PM

الله يحفظهم بحفظه ويكلأهـــم برعـــايته
الله يرجعهم سالمين غــانمين محفوظين من كل شر ومكروه
يارب ياسميع الدعاء

آآآآآمين يارب الظاهر الأهل بيرجعون في القطار ويبقى اثنين من اخواني بيرجعون في السياره ومترددين وخايفين يتعطل فيهم في الخط

راعي الهـــدد

22/08/2007, 05:02 PM

نصيحة لوجه الله ... ما دام راجعين بكره ...

فخله يحمله بسطحه ... ويرسله الرياض ...

ثم يستآجر صالون من ذيب لتأجير السيارت ... واذا وصل الرياض يسلمه لأقرب فرع لذيب ....

وسعر الإيجار زهيد جداً ....

هذا افضل من انه يتطور العطل .... او يتوقف به في الطريق .... هو والعائلة ....

بس ودي يفحص على البريك ... الي هو الجلنط ...

ممكن أن السسته حقته معلقة ... يعني هو ينزل الجلنط بس باقي مربوط ....

اذا ماهو كذا .... فالمشكلة بالقير 100%

خله يتأكد من هالشغلة ...

هذا شوري عليك ياغالي ....

راعي المسرى

22/08/2007, 05:04 PM

سطحة البسامي وربعه تراهم دواء .......يامال العافية والله يردهم سالمين
وإذا وصل الرياض يحلها ربك

خيام الندم

22/08/2007, 05:05 PM

احلى كـــلام وأزبن راي وعـــين العقل بس لايتغـــير الراي !!
يجـــون بالــــريل والله يعــــينهم ويصبرهم وأبلعـوها هالمــره ومعوضــــه ان شاء الله
وبالنسبه للقـــــير نزلووه وشوتووه شــوت وغيرو الكلتشات والصــوفه وشيكـــو عليه كامل ويزين ان شاءالله بس والله قلــــــــــــــيل خاتمــــــه التـــــويوتا

راعي المسرى

22/08/2007, 05:07 PM

:good: راعي الهدد أنا أكتب وأنت ترسل شف توارد الأفكار الله يعافيك ................:good:
وعسى الله يسلم خاوينا ويرد موترهم لعافيته

راعي الهـــدد

22/08/2007, 05:12 PM

:good: راعي الهدد أنا أكتب وأنت ترسل شف توارد الأفكار الله يعافيك ................:good:

وعسى الله يسلم خاوينا ويرد موترهم لعافيته

ههههههههههههههههههههههه

هلا والله بالغالي ....

القلوووب عند بعضها طال عمرك ....

محبك ابو حمد ....

غضنفر

22/08/2007, 05:15 PM

اذا يبون التوفير
يرجعون السيارة بسطحة
وانت انتظرهم عند محطة القطار:d

فهووودي 7991

22/08/2007, 05:24 PM

كلمته من قبل شوي يقول الأهل بيرجعون بطياره حاجزين من الرياض
طبعن اخواني راحين بسياره مستقبلين اهلي في الشرقية
يقول الظاهر مافيه حجز لاقطار ولاطياره

ويقول خلني اجربه اليوم اذا ضبط برجع فيه واذا ماضبط برجعه بصطحه ولو ارجع مع الكداده

هل فيه احد صادفته مثل المشكله الخراب السياره

فهووودي 7991

22/08/2007, 05:28 PM

نسيت لقولكم يقول اغلب الورش يقولون كلتشات قير

ويقول الظهر عبيت زيت الدفرنس وخف الحنه بقى مشكلت الريوس فيه حنه وثقيل

فهووودي 7991

22/08/2007, 05:38 PM

راعي الهـــدد هلا بأخوي ابوحمد
كلمته وقلته تأكد من الجلنط قالي لا هاذي في المشكله في القير

راعي الهـــدد , راعي المسرى , خيام الندم ، غضنفر

مشكة اخوي عمره 18 وما معاه بطاقة عمل عشان يستأجر سياره

وشاكرلكم على مروركم ونصائحكم ووقفتكم معي

ابورانا

22/08/2007, 05:41 PM

الله يسهل عليكم

أعالي المزن

22/08/2007, 05:52 PM

السلام عليكم ورحمة الله وبركاته

أعتقد أن المشكلة في القير ، تأكد من زيت القير ، مره حصل أن لا حظت السيارة ما تندفع إلا بعد أن أدوس على البترول ، و لما رحت للكراج تبين أن الزيت ناقص بس التسريب .
و لكن أنصح بعدم المغامرة

المارونـــي

22/08/2007, 05:55 PM

الله يردهم بالسلامه هذا بعد يمكن ايكون العطل في دباب السياره يمكن يكون الفلتر مسدود من الكربون بعد يسوي ذي المشكله يحن الموتر مكانه

فهووودي 7991

22/08/2007, 06:10 PM

ابورانا
مشكور ياحبيبي

أعالي المزن , المارونـــي

المشكله يقولون الورش يشتغلو فيه اسبوع وهم بيرجعون بكره

وشاكرلكم على مروركم

الباثفايندر3

22/08/2007, 07:42 PM

السلام عليكم نصيحتي لك ان لاتتركهم يسافرو على الموتر خلهم يشحنونه ويركبون على التكسي او النقل الجماعي كلها 5 ساعات واعتقادي والله اعلم انها 90% مثل ما قالو الورش كلتشات القير لاكن فيه بالدمام ورشه مخصصه للجيوب خل اخوك يسأل عنها ويعمل فيها سوداني اما اذا كانو بالجبيل انا من اهل الجبيل ارسلي رقم جواله على الخاص وانا اتولى امره اوديه لافضل الورش عندنا اسأل الله ان ييسر امرهم ويناهي امرهم الى خير

رجل كريم

22/08/2007, 08:53 PM

السلام عليكم ورحمة الله وبركاته:

خله يغير فلتر وزيت الجير وان شاء الله تنحل المشكلة , الزيت يشريه من الوكالة افضل ..

الله يحفظهم ويردهم لديارهم سالمين ..

تحياتي ..

أ.الخزاعي

22/08/2007, 09:25 PM

الله يرجعهم بالسلامة

محتري السيل

22/08/2007, 11:27 PM

الوكاااااااااااالة
ولايضيع وقته بين الورش

بدوي جنوبي

22/08/2007, 11:49 PM

بدوي جنوبي

22/08/2007, 11:55 PM

اخي فهودي

عشان تكون في الصورة اذا كان زيت الدفرنس ناقص هذا ما يمنع السيارة من المشي
يعني انتبه من الورش يقولو نصلح الدفرنس ،،، وعمر الدفرنس ما يوقف السيارة من المشي
والسيارة ما شاء الله موديل 2000
هذي وحده

الثانيه اخي الكريم المشكله عند اخوك في القير ،، يحن المحرك ويا دوب تمشي او ما تمشي

الحل :

الله يعينكم خلهم يركبون باص الاهل ،،، واخوك يكون مع السطحه
حتي يوصل الرياض ،،،
بعدها شوفو لكم ورشة ممتازة
والله يوفق الجميع

راعي الهـــدد

23/08/2007, 12:52 AM

ايش معني ذيب لتاجير السيارات ههههههههههههههههههه:D
الله يا الدنيا صرت يا ابو حمد راعي دعاية واعلان مو راعي هدد
سبحانه مغير الاحوال :j

ههههههههههههههههههههههههههههههههههه

الله لايسلطكم علي ... كل ماقلت شي حقيقي ... قلتو دعاية .... ههههههه

والله ياغالي ... سالفة ذيب لها سالفة ...

نفس وضع اخونا الي توقف موتره بالشرقية .... صار على الأهل وهم بالشرقية قبل سنتين ....

وتعطل القير صار بس ريوس .... عاد حلها ....

فركبها الوالد بسطحه .... واستآجر صالون 2005 من ذيب على ما أضن ...

فتعآمله طيب ... فستحق الدعاية .... استغفر الله ... قصدي استحق انا نستآجر منه ... هههههه

ولايهمك لعيونك أصير راعي دعاية ... ههههههههههه

ياحبي لك وبس ....

سندباد الخليج

23/08/2007, 01:05 AM

نعم الحل الافضل واختصاراً للوقت وللمال

رحلوا السياره على سطحه والاهل بالباص

ولا توديه ورشه ولا غيرها الوكاله وبس ولو انها غاليه بس تضمن السياره

وبالله التوفيق

ابوعبيده

23/08/2007, 05:09 AM

ياجماعه مر صناعية الدمام تراها اكبر من صناعية الرياض .......

فهووودي 7991

23/08/2007, 12:33 PM

الباثفايندر3
والله انك احرجتني الله يكثر من امثالك ونعم الرجل , الأهل موجودين في الخبر
داكار
أ.الخزاعي
محتري السيل
بدوي جنوبي
راعي الهـــدد
سندباد الخليج
ابوعبيده

اول شي اشكركم على وقفتكم معي من غيركم مأعرف وش اسوي والله اني ما أفهم في المكينيكا وخرباتها تبيني في كماليت السياره اسألني عن اي شي وانشالله ماراح اقصر معاكم

اتصلت عليه وقلته كل شي ذكرتوه في الردود
لقيت حجز قال مالقيت حجز لا طياره ولا قطار لازم تحجز قبله بأربعه ايام
رحت سألت تأجير سيارات قال سألت والوالد ماجب معاه بطاقت العمل
طيب مارحت سألت عن نقل الجماعي والتكاسي قالي مأعرف مكانهم
اذا ماحصلتهم علمني اتصل على واحد من اصدقاي من الشرقية وساكن في الرياض وعارف شرقية شبر شبر قال طيب
شيكت على زيت القير يقول زيت القير محترق بسبت الكلتشات على كلام الورشه
( ملاحظة يأخوان انا مغيره بنفسي يوم كان ماشي 165000كم والحين ماشي 170000كم يمكن يفيدكم بشي بسبب الحرق زيت )
طيب وباقي الزيوت قال زيت القير محترق وزيت الدفرنس ناقص وعبيته وباقي الزيوت تمام
طيب السياره ماشيه مافيه اي شي قال تمام بس يبقى مشكلت الريوس لازم تدعس على خفيف وتستنا شوي بعدين يمشي واذا شلت رجلك من البنزين لازم تعيد الحركه مره ثانية
سألت الورشة تمشيك الى الرياض قال الورشه ما أضمن لك يمكن توقف في اي لحظه
وش صار على الأهل قال بحطهم الساعه وحده الظهر في المطار يبقى انا وأخوي احتمال كبير نرجع بالسياره واحتمال بسطحه ونشوف نقل الجماعي ولا تكسي
قلت طيب حاول انك ترجعها بسطه واذا رجعت بسياره انتبهو على نفسكم واذا صار شي لاقدر الله اتصلو علي
قال طيب

فهووودي 7991

23/08/2007, 02:19 PM

اتصل علي اخوي وقالي برجعه بنقليات البسامي 200ريال

ولقى حجز على القطار للشخص الواحد 60ريال

( والله قهر :mad: جى في بالي سفريات للخارج ومصاريف الشحن وتذاكر الطياره )

المهم :D السياره بتوصل يوم الأثنين

عاد يأخوان دلوني على ورشه زينه في الرياض لين تجي السياره وأوديها لهم

صياهد نجد

23/08/2007, 02:27 PM

يحملة صطحة يوديه الورشة دسك وصحن

صياهد نجد

23/08/2007, 02:33 PM

احسن ورشة في الرياض الوكالة

فهووودي 7991

23/08/2007, 02:42 PM

احسن ورشة في الرياض الوكالة

كثيير ناس يسبون في وكالت عبداللطيف جميل يقولون تغير عن اول بكثير

ويمدحون البازعي افضل منه بمليون مره بس مو معناته راح نوقف عليهم اكيد فيه ورش احسن من الوكالة بكثير

صياهد نجد

23/08/2007, 02:48 PM

دسك وصحن محترق لاز تغيير غيرة هذا يخلي السيارة ماتمشي تقول ماسك فرامل

صياهد نجد

23/08/2007, 02:58 PM

البازعي مخصص سيارات خليجية يختلف عبدللطيف الان طلع النصب في كل ماكان

فهووودي 7991

23/08/2007, 03:00 PM

دسك وصحن محترق لاز تغيير غيرة هذا يخلي السيارة ماتمشي تقول ماسك فرامل

معليش انا مأفهم في مكانيكا السيارات الحين الي ابي اعرفه الدسك وصحن الكلتش يجي في القير العادي والتماتيك ولا بس في العادي

اخوي يقول خراب في كلتشات

وهل كلمة كلتشات المقصود منه هو دسك وصحن ولا شي ثاني

للمعلومية ان سيارة اخي قير توماتيك

بدوي جنوبي

24/08/2007, 01:50 AM

الدسك والصحن والفحمه تجي في القير العادي

فهووودي 7991

25/08/2007, 10:45 AM

الدسك والصحن والفحمه تجي في القير العادي

شكر لوخي بدوي جنوبي على التوضيح

ولازلت انتظر من الأخوان على ورشة زينه وسعره معقول وصاحب خبره

مستر 1

25/08/2007, 11:21 AM

اتبع شورراعي الهدد عزالله انه راي سليم من رجل حكيم

أبوسعد 511

25/08/2007, 01:27 PM

شف اذا السياره تحن في الــd فهاذي المشكله في القير واحتمال كبير تكون في الكلتشات وانا انصحك اذا كانت كلتشات لاتغيرها شفلك قير جديد

حتى لو كان غالي لاتغير كلتشات لأنها بترجع مثل الي قبلها وبتخرب والله يعينك لأن انا معي جيب 97 وراح علي القير وركبت قير جديد اخذته 7500 بس ماشاءلله بعدها ارتحت والله يوفقك

فهووودي 7991

25/08/2007, 01:51 PM

ف11هد

مايحتاج راعي الهدد ونعم فيه وسمعنا نصيحته ونفاذناها

حامدسعد

والله ضيقت صدري انشالله نقول انها مشكلتها بصيطه