سؤال لاهل الخبرة بامراض الصقوروعلاجها لاهنتو

[albhhhar]

السلام عليكم ياخوان :
عندي طير فاعل وطيب بالحيل ورابطة عند واحد من الربع الى اعرفهم ومرة وانا مار على الطير اكتشفت بالصدفة انة شوفة ضعيف مرة بواحدة من عيونة وديتة المستشفى وقالو عندة التهاب في القرنية واعطوني علاجات لة والان لة شهرين ومازالت حالتة نفسها وش السواة ياهل الخبرة 000تكفون الطير طيب وماعندي حل الي مرت علية الحالة يفيدنا وبين لنا العلاج

[جرب حظك]

سوله عملية تشطيب ولا فصله نظارة هههههههههههههههههههوالله ياخوي مامر علينا المرض هذا والله يشافية

[فنجون]

شوف من واقع تجربه اللطير اللي يتردى انظره ما فيه فائده من العلاج

[راعي الناوي]

albhhhar الله يمسيك بالخير بالنسبه لي ، كم مره يصادف معاي ان خيط البرقع يرتبط داخل ، ومره صادفت ان عين الطير صارت بيضه تماما ومايشوف منها المهم علاجي له وذلك حسب توصيات الشايب خذيتله ورق شجرة ( العوسج ) وتخلطه لين يستوي سائل وتصب على عين الطير مرتين في اليوم والله يومين إلا والطير سالم مافيه شي

[سرهيد1]

السلام عليكم

أخوي بالنسبة لعين طيرك كيف عرفت أنه لا يرى بها ....؟؟؟؟ اقصد الطريقة التي اتبعتها لفحصه

ثانياً هل تلحظ أي تغيير في العين الضعيفه عن العين الآخرى ....؟؟؟ وما هو الملاحظ لو كان هناك ما يذكر

ثالثاً ياحبذا لو كان هناك صورة للعين المصابة

في النهاية سبق لي وآن سمعت كلام مثل اللذي ذكره اخوي راعي الناوي من كبار سن لهم باع في مجال طب الصقور ولكن في الحقيقة لا آذكر اي نوع من الشجر كان الذي ذكروه لي

وعند ردك على تساؤلاتي بحول الله اجيبك على نوع العلاج الذي يمكن آستخدامه مع الحالة

في النهاية يجب آن نثق بأن الشفاء من الله سبحانه وتعالى ......... وما دون ذلك فما هي إلا أسباب مجرد اسباب لا غير

الله يمتعك بطيرك

[albhhhar]

ما قصرتو يا اخوان ويعطيكم العافية على المرور الطير مودينة المستشفى بالرياض وبعد الفحص قال انة جايتة ضربة في القرنية واعطانا العلاج الازم والان لة شهر ونصف تقريبا لكن ما فية اى تحسن يذكر يشوف من قريب وبس مع العلم ان العين لاشفتها تقول سليمة ما فيها شى يدل على وجود ضربة ولا فيها وضوح ولا بياض ولا شى كانك تشوف العين السليمة هل من طبيب يعالج مثل هذة الحالات وماهو العلاج ولا هذة الحالة لايوجد لها علاج وسلامتكم