الكفرات يا اهل الكفرات!!!

[برقان]

السلام عليكم يالربع








يالنسبه للي يبي يغير كفراته انا عندي لاند gxr لكزس واباغير كفراته


وش تشورون يالخبريه واللي عند انواع يعلمني بمواصفاتها علما اني ابي شي للطعوس وفي نفس الوقت للدييييييييييييييييييييييرة


وعلى القوة........;)

[الباهي]

هلا والله بالغالي

اذا تبي شي للبر والديره انصحك بالبيلون من نوع (سيام)
لانها احسن من الدنلوب من ناحيه عمره الافتراضي فهو اطول عمر
من الدنلوب والنوع الثاني (شاهين) جيد وانا كنت مركبه
لاكنه بهدلني بالبناشر هذا اللي عندي ومجربه بنفسي

اتمنى اني وضحتلك الشي المفيد
وتقيل تحيات
اخوكالباهي

[mohamad1121]

السلام على الجميع ورحمة الله وبركاته:ــ

سمعت نصحيه احد الاخوه من قبل من ناحية الاطارات لسيارة لاندكروزر ونصحني باطارات الشاهين وعند احد المحلات وجدت الاسعار متقاربه ولاتفرق بين نوعين الدنلوب والشاهين وغيرت الاطارات المستهلكه من نوع الدنلوب الى الشاهين وعند التغيير وجدت ان هناك فرق فهي افضل في الاستخدام فاطارات الدنلوب قاسيه على السياره واطارات الشاهين افضل ولينه ،، والله العالم .


ابوكاسر

[مفتون صيد]

اهم شيء ياشباب الدنلوب لا احد يقربها تراها مشهوره بالتكريش وانا صارت معي .....واما الحلوه والمجربه في البر والطريق ولينه وتتحمل الجو الهنكوك تراها حلوه ومواصفاتها زينه مره ورخيصه وفيه نوعيه ثانيه حلو على حسب كلام اللي اعرفهم وهو سموتومو على ما اظن هو ياباني ورخيص اما البرجستن قاسي على الموتر ولا ينفع

[دله وفنجال]

السلام عليكم ...


اخوي برقان هنالك الكثير من الكفرات الي تنفع مع النفود والازفلت فعلى سبيل المثال :


1: التويو حجمها مقارب الحجم الدنلوب او نفسة وهي افضل من الدنلوب والين منه لافي النفود ولافي الردمية ( الجلد) ويطول معك والسعر تقريباً مقارب للدنلوب .

2: الهانكوك ممتاز ولين ورخيص لاكن عيبة ليونته الزايدة لان ادنات شي قاسي يشقة ولا بنفود مامثلة والمطناج .

2: اما بنسبة للبالون التويو والبرجستون والساماتوما تنسا شي اسمة مطبات وبنفود يتندح الموتر تندح لاكن بزفلت مايطول والعيب فيه ان ممشا الكفر على بطنه يعني جاي على شكل مثلث بحيث ان وسط الكفر يمسح قبل الجوانب ، والصراحة مامدحوة بـ GXR يقولون انه يلعب اذا اكل الجروف ولاهوب راسي والسبب زي ماذكرت .

3: المشلن لك ولزمن وممتاز خاصة النوع الديد والي حجمه يقارب الحجم البالون الـ 900 لاكن اعيوبة انه يشيل اشحن حصا وقاسي مع الدعسة ( بطن الكفر) ورخو مع الجوانب والدليل انك اذا نسمت له ناضر وشلوم شكل الكفر تلقا الزايد امتطايحة على الجوانب مثل كروش الادببة لاكن عيبة بعد انه غالي . ( مع العذر لذوي اصحاب الوزن الثقيل ).

4: البرجستون لايقربك خذة نصيحة تراه دمار ولاينفع وتقل حصات ولا اكل مطب صغير
كنة ماكلن جبل وسعره بغير محله .


ارجو اني افدتك بشي وعذراً عن الاطالة.


اخوك الاستبنة .

[شبوب]

مــشــلان 000 وبس

[الأشهـــــب]

الاخ الفاضل : برقان
حياك الله يالغالي .
الحقيقة هذا الموضوع قد أشبع طرحاً وتداولاً ياعزيزي في هذا المنتدى ، وقد إختلف الأخوة الكرام .......... فكل واحد يدلو بدلوه ويفيدون حسب تجاربهم ، ومعرفتهم .
أخي الكريم ...... ليس نقصاً في الأخوة الكرام ، (( الله يعطيهم العافية )) .ولكن للحد من تكرارا المواضيع من غير حاجة ............
فهذه بعض الروابط التي تحدثت عن هذا الجانب من الموضوع .

1- كيف تختار الإطار المناسب لسيارتك .
http://www.mekshat.com/vb/showthread.php?s=&threadid=1475&highlight=%DF%DD%D1%C7%CA

2- وش رأيكم بكفرات برللي ( أم عقرب )
http://www.mekshat.com/vb/showthread.php?s=&threadid=9190&highlight=%DF%DD%D1%C7%CA

3-استفسار عن حجم الكفرات؟؟؟
http://www.mekshat.com/vb/showthread.php?s=&threadid=7601&highlight=%DF%DD%D1%C7%CA

4- سؤال لخبراء الكفرات
http://www.mekshat.com/vb/showthread.php?s=&threadid=7474&highlight=%DF%DD%D1%C7%CA

5- شورو علي في اي كفرات
http://www.mekshat.com/vb/showthread.php?s=&threadid=4875&highlight=%DF%DD%D1%C7%CA

6- كفرات الشاص....
http://www.mekshat.com/vb/showthread.php?s=&threadid=4336&highlight=%DF%DD%D1%C7%CA

7- أطارات ( برجستـــــــــــن أم د نلووووب).
http://www.mekshat.com/vb/showthread.php?s=&threadid=2776&highlight=%DF%DD%D1%C7%CA

هاه يكفي ولا أزودك ؟
هناك أيضاً روابط أخرى كثيرة تتحدث عن هذا الموضوع ، لكن الي وضعت لك إن شاء الله فيه الخير والبركة

أخي الغالي برقان ..............أتمنى إني أكون قد أفدتك ياعزيزي .

وتقبل أطيب تحياتي ،،،،،،،،،،،،،،،،،،،،،،،،،

[برقان]

الأخوه :
الباهي/ابو كاســـــــــر /مفتون صـــــــــــيد/الأستبنه/شبوب /الأشهب




[SIZE=6]الله يعطيكم العافيه واحد واحد ومشكورين يالربع واسال الله ان لا يحرمكم الاجر وعلا القوه