المساعد الشخصي الرقمي

مشاهدة النسخة كاملة : ورشة لصيانة الشروكي


just 4 u
23/08/2007, 01:32 PM
السلام عليكم ,,,
أخواني الكرام لقد أشتريت جيب شروكي وأود أن أقوم بركيب بلف كابرس 160و حساس مرسيدس 75 مع المروحة لحل مشكلة الحرارة واريد ورشة ممتاز تقوم بعمل هذه التعديلات على السيارة أرجو أن من يعرف ورشة أن يعطني وصف لموقعها ورقم الهاتف علما بأني من سكان مدينة الرياض

ولكم مني جزيل الشكر
مكشات عنيزه
23/08/2007, 05:22 PM
السلام عليكم
اخوي ان كان هذي المشكلة ما يحتاج ورشة خاصة بالشروكي
رح لاي كهربائي يركب مراوح ويصير شغله ممتاز ويزينه لك
abo lafi
23/08/2007, 05:58 PM
السلام عليكم

عندك يا طويل العمر ورشه ابو عبدالله في مخرج 16 من ناحيه تركيب المراوح لا تنشد ابد لانه متخصص في تركيب المراوح لاغلب السيارات ......

وهذا رقم جواله 055222206

وللمعلوميه انا مركب عنده من 6 شهور وما يحتاج الموتر تمام .....

ارجو اني افدتك ..,,

مع التحيه...
z a n h o r
23/08/2007, 07:58 PM
اهلا وسهلا

استاذي انتبه انك تغير المراوح اذا كا اوتوماتيك

اما قير عادي غير ما عندك مشكله

وشوف انسب شي ابو عبدالله الدغيري بمخرج 16

الوصف

تدخل السلي من مخرج 16 وجهتك شرق
تمشي تقريبا الى ثالث اشاره عندها محطة سمنان
ديور امش مسافه تجيك محطه يمينك
هو فيها
just 4 u
24/08/2007, 12:33 AM
شكرا لكم على أستجابتكم الطيبة
الشروكي قيره تماتيك والحرارة مع المكيف بعد النص بشرطة مع تركيب بلف الكابرس وبدون الحساس المرسيدس
الأخ/مكشات عنيزة
مشكلة الشروكي حساس ماينفع أي واحد يصلحه
الأخ/ أبو لافي
شكرا على أفادتك الطيبة
أخ / zanhor
سمعت هذا الشئ بس أبغي الحرارة تكون على الثلث وش الحل ؟
بدوي جنوبي
24/08/2007, 01:42 AM
بالنسبه للحساس انا انصحك تاخذ ضغط اقل من 75 حق المرسيدس

انا مركب رقم 40 وما تشتغل المراوح الا اذا وصلت الحرارة دون النص

والسبب من الحساس فصلت الحساس وخليت المراوح علي طول شغاله

طبعا السيارة لكزس والحين الحرارة تمام

بالتوفيق
abo lafi
24/08/2007, 01:53 AM
اهلا وسهلا

استاذي انتبه انك تغير المراوح اذا كا اوتوماتيك

اما قير عادي غير ما عندك مشكله

وشوف انسب شي ابو عبدالله الدغيري بمخرج 16

الوصف

تدخل السلي من مخرج 16 وجهتك شرق
تمشي تقريبا الى ثالث اشاره عندها محطة سمنان
ديور امش مسافه تجيك محطه يمينك
هو فيها

السلام عليكم

ليه ما تنفع على التماتيك


لان فيه مبرد للقير طيب هاذي ما فيها مشكله وانا اقولك هالكلام من واقع تجربه ..,,

اسمع وانا اخوك انا جربت المراوح السوبارو على جيبين 98 سابقا 2001 حاليا وكلها قير تماتيك

والحراره تمام ولله الحمد

ابد توكل على الله وركب وان شاء الله ان الحراره تضبط

اخوك / ابو لافي
just 4 u
24/08/2007, 10:50 AM
الأخ/ بدوي جنوبي
شكرا لك على مشاركتك
الأخ/ أبو لافي
أود أن تجاوني على بعض الأسئلة
1- السيارة الى معك أستخدام أمريكي ولا سعودي
2- كم كانت الحرارة فبل التركيب و بعد التركيب كم هي الآن
3- ماهي الأشياء التي قمت بتغيرها أو تركيبها حتى تخلص من الحرارة ؟
4- هل جميع ماقمت بتركيبه ركبته عند الدغيري ؟
5- بالنسبة للمراوح السوبارو ركبتها من جهه شبك السيارة ؟ ولا وين ركبتها
6- كم كلفتك الشغلات هذى كلها ؟

وسامحني على كثر الأسئلة ولك منى خالص الدعاء أن شاء الله
دمتم بود
abo lafi
24/08/2007, 04:27 PM
السلام عليكم
السياره استخدام امريكي ...

وكانت الحراره تتعدى النص وانا واقف وفي الزحمه .....
اما الخط ترجع للنص ....

والان والحمد لله وانا واقف الثلث وفي الزحمه بالكثير تحت النص بشوي واذا مشيت ترجع الثلث واذا كان بالليل تنزل بعد زياده ...

انا كان عندي مشكله الرديتر اول شي الي هو النحاس قمت بتغيره الى المنيوم وفيه بعض التعديلات سويتها لانه وارد امريكا واذا كان حقك سعودي ما يحتاج هالتعديلات ....

وبعد ذالك ركبت مراوح سوبارو عند الدغيري ...

والمراوح ....فكيت مروحه المكينه والمروحه الكهرب الي جمبها وركبت مراوح سوبارو مكانها ....

بالنسبه لتركيب المراوح على ما اعتقد اني ركبتها 650 ريال شامل القطع والشغل....

ولاتتردد ركب وانت مغمض ..

واذا تحب تريح راسك قابلني وشف وش انا مسوي عشان ترتاح

واي استفسار انا مستعد
تحيتي ...
اخوك / ابو لافي
just 4 u
24/08/2007, 07:14 PM
أبولافي / حرم الله وجهك عن النار
موتري 97 قير تماتيك أمريكي ماقمت بعمله هو تركيب بلف كابرس لاغير ,
كم كلفك الأديتر الألمونيوم ؟
وش نوعه ؟
وشي التعديلات التي قمت بها ؟
وفقك الله
abo lafi
24/08/2007, 07:37 PM
السلام عليكم

اول شي تاكد من وجود مبرد القير اذا كان مهوب فيه الافضل انك ترهم لك واحد لان السعودي يجي فيه مبرد اما الامريكي بعضه يجي وبعضه لا ...

وجود مبرد القير يخفض الحراره ....مع وجود المراوح...
وسعر الاديتر الامينيوم 450 رصتين .....

بالتوفيق...
المسفري
24/08/2007, 10:56 PM
الشروكي الحراره على النص طبيعي
أذا كانت الحراره نص أو فوق النص بشرطه طبيعي
أقصى عزم وأقل صرف للوقود الحراره على النص بالنسبه للشروكي
فشوري عليك لاتغير أي شئ
للمعلوميه الحراره على النص بس ماتقدر تفتح الكبوت من غير دسوس !
بس بالشروكي طبيعي
المسفري
z a n h o r
25/08/2007, 12:25 AM
ابو لافي تصدق ان اول مره اشوف واحد ما شيه اموره مع المراوح واتوماتيك ( ماشاء الله تبارك الله )

كل الي شفتهم معهم اوتوماتيك وركبو مراوح رجعوها شد بلد

لكن شيء جميل انها ضبطت والله يتمم عليها

يمكن كانت طريقة التركيف فيها شي مو صح فيسبب الحراره

عموما ابو عبدالله دامه هو الي مشتغل على موترك فراح يضبط شغله على المواتر الثانيه
abo lafi
25/08/2007, 04:24 PM
ابو لافي تصدق ان اول مره اشوف واحد ما شيه اموره مع المراوح واتوماتيك ( ماشاء الله تبارك الله )

كل الي شفتهم معهم اوتوماتيك وركبو مراوح رجعوها شد بلد

لكن شيء جميل انها ضبطت والله يتمم عليها

يمكن كانت طريقة التركيف فيها شي مو صح فيسبب الحراره

عموما ابو عبدالله دامه هو الي مشتغل على موترك فراح يضبط شغله على المواتر الثانيه

اخي :z a n h o r


مهوب موتري الي ظبطت معه وبس اكثر من واحد اعرفه وماشيه اموره زي الحلاوه


السبب الي يخليها ما تضبط عند البعض الي هو عدم وجود مبرد للقير والشي هذا انا مجربه ..,,
just 4 u
25/08/2007, 07:59 PM
موتري مبرد زيت الفير منفصل عن الأديتر
اليوم ركبت أديتر أمريكي رصتين بس عريضات الى يشوفة يقول ثلاث ب680ريال و الأديتر القديم كان رصة واحدة فقط و نحاس وقمت بتركيب محلول أصلى ب45 ريال
و الحرارة خفت عن أول مع تشغيل المكيف و السيارة واقفة بعد النص بشوي
أن شاء الله بأسوى زيارة لأبو عبدالله
abo lafi
25/08/2007, 09:24 PM
السلام عليكم

انشاء الله تضبط امورك وتتيسر ارجو ان اكون ان واخواني قد افدناك ,,,,

بالتوفيق......
just 4 u
30/08/2007, 09:14 PM
جزاكم الله خير وماقصرتوا
بس ياليت ولا عليك أمر تتأكد من رقم جوال الدغيري لانه ناقص رقم
وشكرا
abo lafi
30/08/2007, 11:13 PM
السلام عليكم

اسف على التاخير

0552222006
ابو عبدالله