رقم هاتفك في محفظتك قد يرجع لك بإذن الله مافقدت

[الأجودي]

بسم الله الرحمن الرحيم
السلام عليكم ورحمة الله

في الايام الماضية اتصل احد اصدقائي يقولي انه لقى محفظة فيها مبلغ من المال 200 ريال في احد المحطات على طريق القصيم ومايدري وش يسوي انا اقترحت عليه انه يعلن بالمنتديات لعل انه يلقى صاحب المحفظة ويكسب دعوه توافق باب مفتوح بإذن الله
جلست افكر ان هاللي حصل للشخص ممكن يحصل لاي واحد منا وممكن اننا نساعد من يلقى المفقود لو سوينا شي بسيط اجزم ان الكثيرين مافكروا فيها ابد وانا اولهم لاننا ماسبق ضاعت لنا محفظة
ليش مايوضع بالمحفظة ورقة صغيرة فيه اسم صاحب المحفظة ورقم تيلفونه حتى لو لاقدر الله ضاعت ولقاها رجال خير قدر انه يستدل على راعيها
انا ابتديت بنفسي وكتبت التيلفون وقلت اضع لكم هالفكرة البسيطة اللي لو ما افادت اللي يسويها بإذن الله مهيب ضارته
لاتنسوني ووالدي من دعواتكم

[العرمه]

الله يثيبك ياالغالي

انا اعرف واحد فاقد محفظته على طريق القصيم

وفيها مبلغ كله فئة 200 ريال ورخصة قيادة وتصريح سلاح فرد
وبطاقة صراف

اذا فيها البطاقات له المبلغ

الرقم 0503365649

[بنزرت]

فكره جيده
انا عندي فكره اخرى وهي الطريقه اللي اتبعها
اني ماحط فلوس في المحفظه عشان مو كل ما مريت بقاله او محطه او اي دكان اقوم اطلعها عشان الفلوس
... لانك يمكن تنساها في مره من المرات وياكثر المرات اللي بتطلعها عشان تحاسب
انا احط الفلوس في الجيب والمفظه فيها البطاقات بس وفيها ورقه حاط فيها رقم جوالي وكاتب عليها( عند العثور عليها ....جائزه 300 ريال )

[winchester]

الله يعطيك العافيه فعلاً نصيحه من ذهب

أنـا فقدت محفظتي وفيها 13 أثبات شخصي وأضطريت أراجع الدوائر الحكوميه علشان أطلع بدل فاقد

وكلفني تعب وغرامات

دمــت بود

[M o b d a]

يا خوك

إكتب رقمك عند حقين الإبواك

يحفره حفر على البوك

وإنتهت كل السالفه

[مغلي]

فكره ممتاااااااااااااااازه