ناوي على اليوكن وطالب مشورتكم 000000000

[ابو مطير]

السلام عليكم ورحمة الله وبركاتة000
اخوكم ابو مطير ناوي يشتري يوكن 2007 او تاهو احداهن اكيد باذن الله 0
طيب هل يصلح لي كوني شخص قليل الطلعات للبر يعني مكشات قريب او وقت ربيع رغم ان المقناص قليل وقت صيد الدخل فقط0 ورجل ماهو راعي تطعيس ومجاكر ولا هو اللي يغير بالسيارة شي (يحب كل شي وكاله :d ) 0
وعندي سؤال عن اليوكن هل يوجد فيه نظام هيدروليك بمعنى انه اذا قمت بتحميله لاينزل البدي كثير 0
وبالنسبة للواجهه الامامية لليوكن اشوف انها نازله وقريبة مره للارض يعني احتمال كبير بالبران راح يضرب الحجر او الجرف البسيط وما شابه وهل له حل 0
جزاكم الله خيرا 0

[hamo0o0ody]

السلام عليكم
اخوي اليوكن او التاهو انا اشوف من ناحيتي انه مكينته قويه
بس تراه مع الوقت يبدأ يخرب عليك بالذات اذا كنت راعي بر
بالذات الموديلات الجديدة لأنها حساسه اما الكشتات الخفيفه ما يضرها انشاء الله
انا اقول شف لك جيب لاندكروزر او بالترول تراه هو الموتر اللي للبر اذا كنت راعي بر
وبعدين التاهو واليوكن مافيه هيدروليك وطامن ولا ينفع تعدل فيه
وان كان خاطرك فيه اشتره ولا تشاور

[احب البرواهله]

أخوي ابو مطير
السلام عليكم ورحمة الله وبركاته
أنا معي تاهو 2007 فل كامل ltz وهو مشابه لليوكون بالنسبة للهيدروليك مافيه ووجهيته النازله في الكتلوج موضح طريقه سهله لفك اللحيه السوداء يعني تقدر تفكها وترجعها بسهوله بس أنا ماجربتها وكشت عليه ورحت عليه للجنوب وما بهذلني بوجهيته بس إذا بغيت توقف عند رصيف تراه يحك وإذا شريته أن شاء الله خلهم يغيرون الكفرات ومبروك مقدماً

[ذيب صعافيق]

يابومطير التا هو _حسب ماذكرت عن وضعك _يصلح لك أما الهدرليك فيجي مع الفل الكامل

[احب البرواهله]

أخوي ذيب صعافيق بعد التحيه والتقدير
أنت متأكد من كلامك أن فيه هيدروليك بالتاهو الفل لأن توني شاري فل كامل تاهو ltz الدفعة الأخيره ونفظت موتري أدور شي ما لقيت يمكن أنت تقصد اليوكون

[مقلب]

اليوكن تراه معي وماشي زي الحلاوة
وتراه في البيع ارغب من التاهو
تحياتي

[مخرب طلعات]

اليوكون ولا تاهو كله واحد بس الفرق (الماكينة)

يعني ونصيحة لي خذ لك إسكاليد

أنا معاي إسكاليد أحمر 2007 طويل وفل أوبشن وماشاء الله تمام بس صوت الماكينة مزعج

مع غني حاط عزل من زيبارت بس مانفع وماكينته نفس ماكينة الدينالي و اقوى من ماكينة اليوكون والتاهو لكن

فيا ناس اللي يظن إن التاهو واليوكن والدينالي والإسكاليد ماكينة وحده هو غلطان

بس بالنسبة لبران وطلعات فخذ لك شاص :) لأنه هالسيارات جديده وغالية ولدوعه على مايقولون :)

فما أنصحك للبران لأن المكاين ماتتحمل الحرارة والخرابيط حقت البران

[anas]

نصيحة انتظر الى نزول
التاهو Z71 الجديد
حيث انه كما سمعت وشاهدت في احد المنتديات انه موجود في العيسى
من مواصفاته :
يوجد به دف لوك يشتغل توماتيك عند الحاجة
وايضا زوايد رفارف ربل على الكفرات
وايضا مرتفع عن الأرض من الأمام حيث ان الصدام الأمامي يختلف عن الموديلات العادية
انا اليوم كنت عند بالبيد وسألتهم عنه قالوا لي ما بعد وصل ، وأحد الأخوان مصوره وقال انه لقيه في وكالة العيسى .
نأسف على الإطالة .

[الدحبول]

حلو بنسبة لنزول الوجة
ركب كفرات يوكوهاما
315 \ 70 \ 17
إطارات الهامر

أو 275 \ 70 \17 دنلوب وبامكانك فك لحية

Ok
وتوكل على الله

[ابو مطير]

hamo0o0ody (http://www.mekshat.com/vb/member.php?u=35168) -- احب البر واهله-- ذيب صعافيق --مقلب -- مخرب طلعات --anas-- الدحبول --
اشكر لكم ردودكم وتفاعلكم معي والله العظيم ماقصرتوا معي وجزاكم الله كل خير 00
وبالنسبة للأخ -احب البر واهله- قلتلي خلهم يغيرون الكفرات ؟؟ لماذا يغيرون الكفرات ماهو السبب ممكن تفيدني وهل عند التغيير يحسب علي شيء او ماذا ارجوا التوضيح

[احب البرواهله]

بالنسبة للكفرات يوم شريت السيارة كان عليها جنرال والظاهر أنها مخزنه ولاحظت أن كفرين من الجوانب مورمه بس خفيف وعند الصيانه كلمتهم وقالوا عادي وطبيعي وبعد ما مشى موتري حوالي 9000خفت من الكفرات وكلمت مدير الصيانه وقالي طبيعي قلت ماعمري شريت كفر فيه مثل ذا المشكله وأنا دافع لكم فوق 140 الف قهر أغيرها على حسابي المهم طلب مني أدخل السياره للفحص وبعد ساعتين اتصلوا علي ورحت قالوا بنغير الكفرات لك بسعر لا يتجاوز 800 ريال للكفر الواحد وخذ الي تبي ونصحوني بكفر تويو A A H ظغط 400 حولوني على محل بالغرابي وركبتها وحاسبت المحل ومن بكره كلموني الوكاله وخذت فلوسي وخصموا 10% لأني غيرتها بعد ال 5000 كيلو لكن لو غيرتها تحت 5000 كيلو م أدفع شي وهم مبلغيني بذا الشي .

[برادو]

السلام عليكم

عزيزي بس حبيت اشارك وأقول ان البديل للأمريكي موجود وبقوه ليه نشتري الأمريكي؟ نصيحه أخ من ناحية الجوده فالياباني أفضل ومن ناحيه أن قروشك ماتروح للكلا.... الأمريكان فحنا كلنا ربحانين. ليه اذا صار شي نهب وقاطعوا وقاطعوا وبعدها بكم شهر نخق؟ ما ودي أني اثير التعليقات بس حبيت أذكر يمكن البعض نسى.

[ابو مطير]

السلام عليكم ورحمة الله وبركاتة
الاخ احب البر واهله0
شكرا لك على التوضيح وانا لاظت ذلك بالكفرات واحس انها مورمه كلها الاربع وكان واضح جدا 0
الاخ برادوا 0
جزاك الله خير على التنبيه 0
أخي في الله نحن معك في كل شيء بس لاتنسى ان الياباني ماعاد مثل اول لاحظ الاند من موديل 98 وطالع كم من الناس اشتكوا من اعطالها وصيانتها ومشاكلها وغلاء ثمنها ايضا وقطع الغيار 0
طيب انا ابغا اشتري سيارة والياباني مارتحت له رغم ان اليوكن اثبت وجوده على الساحه من ناحية الرحابه والرفاهيه والراحه وجودة التصنيع 0 شاكر لكم