ربع التويوتا يكر النيسان

[أسد الهيجا]

السلام عليكم
من غير طولة هرج هذا المقطع قدامكمhttp://br.youtube.com/watch?v=N4wPFrUtoYU&mode=related&search=

[الدحبول]

يمكن سواق النيسان غشيم
مافي شي أسمة موتر بر
على حسب السواقة
90% السائق
10% السيارة الموتر

[طحنون]

الحبول ماازيد على كلامك شي
هاذا لا يعني ان الجيوب سيارات خارقه للعاده
الخيل من راكابها
وياما في ناس مامعهم جيوب ووصلو الى اماكن الجيوب المجهزه بااضخم التجهيزات ماوصلت لها
في اثنين معهم ددسن غماره راحو الربع الخالي في سنه 1985
يعني ددسن موديل 85 دفرنس واحد
وعبو الحوض من الصيد كأن اللي صايد 4 سيارات واشخاص عددهم لايقل عن 7 رجاجيل
في رجال تحسبه عن قوم وفي قوم مايسون شي

[الصمان 2]

لا مجال للمقارنة



سلمني على التويوتا :good:




.

[طيب المجالس]

صح لسانك ياطحنون على هالحكم والكلام الحلو
ولا يهون باقي الاخوان

[بدوي جنوبي]

هههههههههههههههه
والله يا هو سحب النيسان تسحيب

تحياتي

[أسد الهيجا]

السلام عليكم
اشكركم اخواني على ردودكم السريعة والقياسيه ماشالله ماصار للمقطع نص ساعة ووصلت 5 ردود
وبالنسبة لاخواني الاعزاء الدحبول وطحنون اقول ان السواق في هذا المقطع مالله دخل وانتم دخلتونا في مواضيع ثانيه انا اتفق معكم ان السواق له دور فسبق ان رايت هايلكس رقا طعس بخط جدة مارقاه سواق ربع ولكن ذا المقطع مايعتمد على المهارة بل يعتمد على قوة المكينة وعزم السيارة وشكرا

[الدبل الثقيل]

ياخوي ماحد يراهن على قوة ربع التويوتا ........ لكنه غالي وماهو راسي مثل ربع النيسان ........ لذلك أهل الصيد يفضلون ربع النيسان لأنه أرسى في الطرد ... وأوسع .......... ولى كلهم ممتازين ........

[حمد808]

التويوتا الي في المقطع اجدد من الباترل وااااااااضح

[طحنون]

كل سباق وله ضروفه اللي تعيشه في لحظه السباق
والاسباب الميكانيكه والاسباب المتكافئه للسياره
اقصد المتكافئه (فيلسوف )
يعني الحاله النفسيه للسائق والقوه والضروف اللي عليها السباق كلها تحسب حسابات دقيقه
لو تذكرون السائق شوماخر سايق الفورملا ون خسر مره واحده فقط كل الامكانيات متوفره له لاكن الحاله النفسيه
ماهي مظبوطه وخسر السباق بملايين الدولارات
يعني ماتعرف الاسباب اللي سحب فيها الربع التويتا للربع النيسان
1- هل الوزن من صالح الكروزر انه اثقل
2- قوه الدفرنس الكرونا للكروزر
3- قوه القير
4- طريقه التحكم في القياده ولها دوركبير
5-حتى نوع البنزين له دور
الكلام يطول
لان له حساب وجواب من جميع النواحي
ومثل ماذكر الاخ العزيز
ان الباترول مديل قديم ويمكن له سبب ويمكن ماله سبب
يعتمد على قوه المحرك
عدد الاحصنه وعزم الدوران
انا كان مع هايلكس مديل 2001
مشيت عليها وجابت على عداد الرادار 203 كيلومتر
له جابت السرعه هاذاي
لان كان ضغط الكفرات 50 وكان الكفر واقف كنه حديد وكان التانكي البنزين مافيه الا اقل من الربع
وكان سرعه الرياح مع اتجاه السياره يعني ليس ضدها وكنت مسايس الموتر وكنت حاشر النمره في الرابع
وصفق طبلونه وتعداه
كل هاذاي عوامل خلت الموتر يمشي 203 كيلومتر على رادار امن الطرق طريق بقيق الحسا الساعه 3 الفجر
(طبعا ايام الرجه )

[abc_01]

طيب فيه مقطع ثاني ...

http://br.youtube.com/watch?v=yJP2HCZFXeA

[الاجودي]

ولا تزعل يارع التايوتا

وهذا ربع باترول يكر التايوتا

وسمعني ردك

http://br.youtube.com/watch?v=fbE3-40l0oM

[الاجودي]

الخير واجد

وهذا باترول يجر لاند كروزر

http://br.youtube.com/watch?v=qpcrIT5ZjMM&mode=related&search=

[Avalanche]

يمكن سواق النيسان غشيم
مافي شي أسمة موتر بر
على حسب السواقة
90% السائق
10% السيارة الموتر

كلام سليم 100%

و أضيف هذا المقطع

http://br.youtube.com/watch?v=fbE3-40l0oM&mode=related&search=

[أبوناصر]

أنا أقول مهوب قوة في التويوتا بس الوزن له دوره ولا لو تشوف الباترول يفحط في محله دليل القوة لكن وزنه ما يساعده



أما التويوتا أثقل وهذا واضح

[مساير الليل]

شف مين يسحب التويوتا أرداء السيارت سحبته
http://br.youtube.com/watch?v=4mC8tsJXKO8&mode=related&search=

[أسد الهيجا]

السلام عليكم
اشكركم اخواني الاعزاء على تشريفكم موضوعي ولو ان بعض الخوان من متعصبين النيسان قلبوها جد وهواش
قال بعض الاخوان ان النيسان الشاص قديم وانا اقول حتى الربع تويوتا قديم ايضا الاخ العزيز abc اضاف مقطع للانكروز ثابت يسحب باترول ثابت ياليت تشوفونه واعطوني عذر ثاني لان هالايام الاعذار بالكيلو
وانا يااخي الاجودي ماقلت لك عطني مقطع لموتر مغرز ولكن عطني مقطع لموترين ثابتين في وضع متكافي
لان الموتر المغرز طبيعي ينسحب ولو ان مقطع الربع المغرز كذب 100% لان الربع في نزله ولايمكن
يغرز حتى مع اكبر غشيم بالسواقه

ختاما: يامحبين النيسان انا ماني ضد النيسان يشهد الله لكن ضد ان الواحد يحب النيسان ويقول التايوتا ضعيف
وضد من يقول التايوتا قوي والنيسان ضعيف كلها مواتر قويه وياما اصحابها دخلوا الربع الخالي ومشوا بها
في مناطق صعبة الممشى ولكن المقطع اللي حطيته وحطه الاخ العزيز abc تثبت بما لامجال للشك فيه ان التايوتا اقوى من النيسان في العزم لكن مو واحد يجيب لي سيارة مغرزة ويقول النيسان سحبها ارجو الرد علي بمثل بمقطعي او مقطع الاخ العزيز abc الذي اشكره انه ساندني بالمقطع الذي يثبت الحقيقه

[اول]

عندكيهم عليك بهم

[صوعان]

ليس با الطريق هذي تقاس مدى قوه ومتانه السياره او الجيب
تخيل اخوي لو جبت اثنين ربع تايوتا وسويت فيهم نفس الحركه هلى تتوقع انهم بيثبتون مكانهم
لابد من واحد يجر الثاني ...والذكي يفهم

[مقلب]

مشكووووووووووووووور

[أسد الهيجا]

السلامك عليكم
مشكورين جميعا على ردودكم وياهلا وغلا بالجميع وعلى فكرة يااخ صوعان صحيح الكلام اللي قلته لكن مااتوقع
ينجر ربع التويوتا من ربع تويوتا اخر بتلك الصورة البشعه كانه لعبه وعلى فكرة شاهد مقطع الاخ abc في نفس موضوعي ستجد لانكروز سحب فتك كمان يعني الشغلة ثابته مثبته

[رجل كريم]

السلام عليكم ورحمة الله وبركاته:

مقطع رائع .. لكنك فتحت باب الهجوم عليك وعلى التويوتا ..

التويوتا والنيسان سيارات قوية جدا في البر والخطوط ..

اعتقد ان اطارات النيسان وان كانت اكبر حجما الا انها من النوع الرديء لان واضح ان مافيها اي تماسك وغير كذا السائق قام يلف الطارة يمين شمال واكيد هذا اخل بتوازن السيارة وعشان كذا شفناها تزحف على جنب واحتمال ايضا الوزن لصالح التويوتا الربع ..

المفروض قبل المسابقة تكون السيارتين بوزن واحد تماما يعني لو كان ينقص النيسان 100 كغ مثلا ’ يحطون اوزان حتى تتساوى وغير كذا لازم يكون مقاس الجنط والكفر واحد ومن نوع واحد .. اذا صار الشي هذا راح يكون التنافس شريف ..

تحياتي ..

[أسد الهيجا]

السلام عليكم
اخي العزيز داكار يابن الحلال لاتهاجمني ولااهاجمك وبعدين والله مانيب ضد النيسان ليه ماتفهمون
هذا مقطع حطيته لمجرد مشاهدته والشكر على نقله وايضا الاخ abc دعمني بمقطع الاندكروز اللي يسحب الفتك
اللي مكينته طايرين بها سحبه الاندكروز بكل سهولة بمكينة 4500 فمابالك لوسحبه الفكس ار اظنه يتفكك هههي

[مساير الليل]

اللي مكينته طايرين بها سحبه الاندكروز بكل سهولة بمكينة 4500 فمابالك لوسحبه الفكس ار اظنه يتفكك هههي

للمعلوميه أخي أسد الهيجاء المقطع ألي جابه أخويabc أنها باترول سلق ومكينة السلق 4500 نفس مكينة الأندكروزر

وشي بالمنطق لو تجيب أحد الأفراد يكون سمين قليلأ وواحد نحيف من راح يسحب الثاني وشف

وقس على الباترول ولاندكروزر الباترول خفيف ولاند ثقيل

ومثل ماوضحة ترى الباترول مكينتة 4500 في مقطع أخويabc

وشكرا