رهمت ولكن....!!!

[عاشق النفود 111]

يا شباب

غيرت ماكينة جيب نيسان 85 وحطيت ماكينة كابرس 350 ...وغيرت المراوح كهرباء والراديتور دبل..
المهم إني بعد ما استخدمت السيارة صارت الحراره ترتفع حيييييل لدرجة أن المويه تطلع من القربه يعني تتطبخ...أما في المشاوير البسيطه والقريبه عادي الحراره على النصف دائما.
وش المشكله...؟؟

أفيدووووني يا أصحاب الخبرات ولا عليكم أمر

وفق الله الجميع...

[M o b d a]

والله ما لي علم

لاكن يمكن إنه من الرديتر ما تحمل المكينه وتأكد من المراوح تصلح للمكينه ولا لا ؟

[ناوي نيه]

يمكن (والله اعلم)يمكن القزوز صغيره ولا تتحمل الضغط او الفلتر وما شابه

[عاشق النفود 111]

والله ما لي علم

لاكن يمكن إنه من الرديتر ما تحمل المكينه وتأكد من المراوح تصلح للمكينه ولا لا ؟


الرديتر مكانه ضيق كل إلي قدرة أسويه أني أدبل نفس الرديتر أبو أربع طبقات ماركب..
وش المراوح المناسبه للماكينة 350
كل الشكر أخوي

[عاشق النفود 111]

يمكن (والله اعلم)يمكن القزوز صغيره ولا تتحمل الضغط او الفلتر وما شابه

طيب أخوي في الحاله هذي وش العمل..
كل الشكر أخوي

[.أبوعبدالرحمن]

وش المراوح اللي ركبتها؟؟؟؟؟؟؟؟؟؟؟؟


يمكن لو تركب مراوح فكتوريا او مراوح كابرس صابونة من 91 الى 94 لعلها تفيد مع فك البلف

[عاشق النفود 111]

أخوي أبو عبد الرحمن.. والله إني مأدري لكنها مراوح عاديه مدري وش حقه...أخوك عليمي وتوهق ( )

وش أفضل مراوح للماكينة 350..

يعطيك العافيه أخوي

[فنجون]

ركب ماكيينه عراوي احسن وبتروح الحراره

[z a n h o r]

يالغالي

رح لاهل الترهيم وهم يظبطونك

شف عندك عبدالرحمن الجميح بالرياض

والصمعاني بالقصيم

وفيه غيرهم لكن هذولا الي اعرف اماكنهم بس

[الفهد454]

ياخوك لاترهيم ولا شي


كله دبل الرديتر وهذي حنا مجربينها في جموس 454 والحراره ماعاد ترتفع

دبل الرديتر ومراوح مرسدس ثنتين تماتيك ولا عليك من الكلام


وشكرا

[ايو فهد]

تاكد من المراوح جعل والديك في الجنة

[عاشق النفود 111]

يالغالي

رح لاهل الترهيم وهم يظبطونك

شف عندك عبدالرحمن الجميح بالرياض

والصمعاني بالقصيم

وفيه غيرهم لكن هذولا الي اعرف اماكنهم بس

وين الورشه وش أسمها...وإذا فيه جوال له .... أقصد الجميح

كل الشكر أخوي

[عاشق النفود 111]

ياخوك لاترهيم ولا شي


كله دبل الرديتر وهذي حنا مجربينها في جموس 454 والحراره ماعاد ترتفع

دبل الرديتر ومراوح مرسدس ثنتين تماتيك ولا عليك من الكلام


وشكرا

يعطيك ألف عافيه أخوي..

معليش تدبل رديتر جمس أبو أربع طبقات .. على الجمس نفسه...!!
وين سويته ؟؟؟

[عاشق النفود 111]

تاكد من المراوح جعل والديك في الجنة

هلا بك أخوي أبو فهد الله يسمع منك
ويجعل والديك في الفردوس الأعلى..

[SilverSniper]

ركب مروحة فورد وحط لها كتاوت على سرعتين.. واربطها بحساس مرسدس 80 وركب الحساس في الكوع اللي طالع من المكينة.. ولا تحتاج رديتر ان شاء الله.. هذي طريقتي في البليزر.. بالتوفيق

[shaheenshah]

شيك على الخراطيش وغطى الاديتر يمكن يكون فيه تهريب وهذا اللي يسبب التفوير