الحقوني ياربع بالشنطه .....

[icom 2006]

السلام عليكم ورحمه الله وبركاته



اخواني اعضاء هذا المنتدى الرائع والزوار الافاضل انا شريت فورنتشر وبسافر والعفش مدري وين اركبه ناس قالو الي حط العفش فوق وناس قالوا ركب السله الي خلف الموتر بس السؤال ؟؟؟؟؟؟

وين القى هالسله الزينه ؟؟؟؟؟؟

وإذا ركبتها هل تنصحوني افصل عليها شراع او اخليها بدون شراع ؟؟؟؟؟

وإذا فصلت شراع ووين القى المحل الي يضبط الشراع الزين ؟؟؟؟؟

لاتحرموني من آرائكم لأن ممشاي الاربعاء القادم ومابقى وقت ....


والله يعطيكم الصحه والعافيه يالغالين .....:j

[الناقد الحر]

ركب الشنطة اللي في الخلف ولا تشاور واحرص على اللي بشراع

وهي توجد في الصناعية على ما أعتقد .....

[z a n h o r]

اذا اخذت السله الي تركب ورى

فصل لها شراع ما يدخل غبار ولا ماء

لانهن دمار للعفش <<< متبهذل من اول

[icom 2006]

بس ياربع وين الي عنده سله عليها الكلام والي يفصل لها شراع يضبطه ضبط

[speed 557]

السلام عليكم ...
لا تحتار ولا شي رح الورشة المواهب في الصناعية القديمة ( الصناعية العويضة ) وهنك باورونك الكتالوجات وطلب وتخير .
والسلام عليكم .

[icom 2006]

هلا اخوي speed 557 ماقصرت بس كم رقمهم او وصفهم وانا اخوك وماقصرت يالغالي ....

[فهووودي 7991]

انا شايف محلات في الغرابي يبيعونها تلاقها حاطها عند باب المحل

وفي عند السليماني في الغرابي جاهزه للتركيب

س: هل هي افضل من التفصيل او انها نفس بعض ؟

ج: مأدري عنها اي شي اسأل الأخوان ماراح احد يقصر معاك

[icom 2006]

انا شايف محلات في الغرابي يبيعونها تلاقها حاطها عند باب المحل



وفي عند السليماني في الغرابي جاهزه للتركيب


س: هل هي افضل من التفصيل او انها نفس بعض ؟



ج: مأدري عنها اي شي اسأل الأخوان ماراح احد يقصر معاك

>>.................................................. .................................................. ..>>

ياربع وش افضل الجاهز ولا التفصيل ووش الفرق بينهم ؟؟؟؟ :j

[الخبوبي]

اسمع يا بعدهم ابعد عن الجاهز لأنه صيني وما يتحمل الثقل

خلك في التفصيل أقوى وتفصل على مزاجك

هناك ورشتين في الرياض المتخصصه في تفصيل السلال الخلفيه

المواهب في الصناعيه القديمه ش العويضه ت/ 4461057

المميز في صناعية الفوزان الدائري الجنوبي ,, تلفونهم ما يحضرني الأن لكن ممكن تخذه من الإستعلامات

بالنسبه للشراع تقدر تفصله عند حقين الرحلات البريه مثل البريه في حي السلام بعد إشارة السدحان على اليمين

وأنت نتجه شمال او اليوسف بعد مستشفى اليمامه على اليمين وانت متجه شمال أيضآ

تكلفة السله مع البويه 500 ريال والشراع 120 ريال

أتمنى إني قدمت شي مفيد لك أخي الكريم

أخوك الخبوبي

[icom 2006]

ماقصرت وانا اخوك على هالمعلومه والله يجزاك خير ولا يحرمنا من معلوماتك يالغالي ..