رز برياني اكسبرس

[الفرعاوي]

السلام عليكم ورحمة الله و بركاته ..

رزبرياني دجاج اكسبرس (في حوالي ساعة الاربع) :

المقادير :-

1. بصل (ثنتين لكل دجاجه)
2. طماط (خمس لكل دجاجة)
3. زيت
4. زنجبيل مبشور
5. ثوم حسب الرغبة (ما فيه ريحة لأنه مطبوخ مرة)
6. زبادي (او لبن)
7. دجاج او لحم و يفضل مقطع قطع صغيرة...
8. بطاطس (شوي مرة)
9. بهارات بيرياني (و انصح بـ برياني مصالحه من مهران)
10 . طبعا رز (يفضل المهيدب)

http://www.mekshat.com/pix/upload/images2/Beryani1.JPG

الطريقة :-


0. شب الضو على نار عالية ..
1. تكشن البصل الين حول ما يستوي
http://www.mekshat.com/pix/upload/images2/Beryani22.JPG
2. تحط الثوم و الزنجبيل و تحرك باستمرار الين يتغير لونهم شوي.
3. اضف الدجاج و قلقله لمدة دقيقتين و نصف :D
4. اضف الطماط و استمر في التحريك لمدة ثلاث دقايق ال ربع
5. اضف بهارات البرياني
http://www.mekshat.com/pix/upload/images2/Beryani3.JPG
6. قلقل الجميع لمدة سبع دقايق و ربع مع التحريك المستمر لين تتعب و مهم جدا ان الطماط يستوى و يصير مثل كذا (او اكثر بعد) :-
http://www.mekshat.com/pix/upload/images2/Beryani5.JPG
7. اضف الزبادي (او اللبن اذا ما عندك مثلي) و البطاطس و استمر في التحريك لمدة خمس دقائق ثم تقصر عليه مرة و تغطيه لمدة 8 دقايق.

8. في هذة الاثناء تكون جهزت الرز في قدر ثاني و نقعته في موية و غسلته و نشفته و بعدين تذر عليه الملح و شوي زيت و تكب الموية الفايحه عليه و تحطه على نار حامية الين يبدى ينبل ثم تقصر علي مره و تغطيه (يعني تسوي رز ابيض مثل حق الاندنوسيات :confused: )
http://www.mekshat.com/pix/upload/images2/Beryani4.JPG

9. قبل ما يستوي الرز بخمس دقايق تاخذة و تكبه فوق خلطة دجاج البرياني ..
http://www.mekshat.com/pix/upload/images2/Beryani7.JPG

10 . بعد ست دقايق و اذا استوى الرز تقلبه في بلم (صحن) مثل كذا
http://www.mekshat.com/pix/upload/images2/Beryani8.JPG

لا انصح هنا بخلط الجميع لان طبعا الخلطة تبي تصير حارة شوي و ما كل يبي الحار و بالتالي كل يخلط مع الرز الكمية اللي يبيها اثناء الاكل ...كذلك شكل الرز حلو اذا صار مشكل ..

ارجوا ان تكون اعجبتكم و عاد ما تبدون تهزون روسكم و اتوثم بكم .. :p

[قتال]

السلام عليكم ورحمة الله وبركاته ،،،،

ما شاء الله عليك أخوي الفرعاوي .. شغل 100 % .. الله يعطيك العافية وتسلم إيدك ..

بصراحة أوجعني بطني أول ما شفت الصور .. وطبعاً هاذي بحق .. يعني لازم تعزم أعضاء المنتدى عندكم بالفرعة :D :D

[ابو عمر اللاحم]

شغل ممتاز يالفرعاوي ماشاء الله عليك اثرك نشمي ومسكت من زمان .

لا تبخل علينا بالمزيد من هالطبخات الحلوه الله يعطيك العافيه.

تحياتي ،،،

[أيمن]

يسلموووووووو خيوووو، شو هيدا :D
حركاااات وسكناااات وملعقة خشب :D وشغل رهيب وطريقة حللللللوة، تشكر عليها أخوي الفرعاوي ..
إن الله أراد فأبسويها بالبر هالخميس ..
إلا على فكرة الكاميرة حلوة بعد :)

لكن فيه استفسار "صغنون" يا بعدي : بعدما نحرك الدجاج مع المحتويات خمس دقائق وتسعة وأربعين ثانية وتسعة معشار خمس ..... :p (المهم:mad: )
مرحلة إضافة الروب مافهمتها - أقصد مقدارها - لأني أشوف حسب الصورة ما فيه أي بياض للدجاج متأثرا باللبن ..
أيضا في ما لو حطيت لحم أتوقع قلقلة فقط لا تكفي لا ستوائه .. لابد أن يضاف له ماء حتى يستوي .. ولا لا؟؟!!

تحيتي

[laith]

اخوي" الفرعاي" :heart:

اشك انك انت اللي قاعد تطبخ ...;)

يارجل اذا انا دخلت المطبخ ... احلل المواعين صح ... مايبقى قدر ولاصحن الا استعمله واحط ايدي فيه..:D :D
ماشاءالله عليك ويعطيك العافيه على البرياني..

[جمالجمال]

لماذا تضعون الطماطة مع الرز

[ع م ر --- 950]

مشكور اخوي عالطبخه شكله بالصميم

[الصوح 10]

http://travel.maktoob.com/vb/picture.php?albumid=7748&pictureid=306968

[البرفسر]

ماشاء الله تسلم الأيادي

[صخب]

الموضوع هذا له 9 سنوات والى الان الاعضاء يردون
يعني المولود بذيك السنة هالحين بثالث ابتدائي ههههههه

[أبوتركي ومحمد]

طبخ طيب بارك الله فيك أخي
لاتحرمنا جديدك
تقبل تحيتي

[ديرتي جلاجل]

http://travel.maktoob.com/vb/picture.php?albumid=7748&pictureid=306968

[هامات السحب]

احسنت:):):):):):)

[ع العمرو]

http://www.samysoft.net/fmm/fimnew/shokr/2/80898296.gif (http://www.samygames.com/)

[صبر السنين]

يعطيك الف عافيه شكلها رائعه