تانكي البنزين يقرقر !!

[رجـ الصدى ـع]

السلام عليكم ورحمة الله وبركاته ،،

حيا الله كلن باسمه ،، وهاذي الساعة المباركة .. جب القهوة ياولد (هههههه)

معي يا فال الخير شروكي وإذا شغلته وهو بارد أو هزيته من برا أسمع صوت في تانكي البنزين كنه صوت خرير ماء وقرقرة.

وش راي أهل الراي .. وسلمتم ..

أبو عبدالله ،،

[عاشق السيل]

وعليكم السلام ورحمة الله وبركاته ،، حيا الله أبوعبدالله ،،،

أول شي وين القهوة ؟!! هههههههه

وبعدين وش مضيق صدرك من الصوت لدامه مايطلع إلاّ إذا هزيت الموتر ؟؟؟!!!!!

الحل الوحيد إنك تخلي الموتر من الهز وتنتهي المشكلة
تراه يتضايق وتطلع الغازات اللي في بطنه ويبدا يقرقر !!
ههههههههههههههههه

أمزح معك والله لو أعرف حل للمشكلة كان جاوبتك بس الحمد لله إنها بسيطة والله يخلي لك المزيون ،،

تقبل مروري يالغالي بصدر رحب .....




.

[رجـ الصدى ـع]

يشرفني مرورك ياعاشق السيل .. والله يجيبه ،،
والله ونستني بسواليفك .. الله يوسع صدرك بالعافية ..
كلامك ما عليه غبش بس الصوت يطلع أوقات والموتر بارد ، ولا ما اشغله إلا في عز القوايل هههههههههه
الله يرحم والدي ووالديك عن النار ..

[رحال7]

جرب تغيير غطاء التانكى

[مدور ربيع]

لايصير معبي التانكي ببسي :p

القرقره اخوي معناه وجود هواء بالتانكي

السبب ؟؟

الله اعلم ..

يمكن يكون شيء طبيعي بسبب اختلاف الطقس :rolleyes:

ويمكن يكون هناك خلل داخلي

الوكالة تفيدك بمثل هالامور احسن من الورش

[عاشق سوريا]

مرحبا اخوي رجع الصدى .. اعتقد ( والله ولي العلم ) ان مشكلتك بسب البنزين الأخضر (اوكتين91) اذا كنت تعبي منه......

لأنه حصلت نفس المشكلة مع واحد من اخوياي سيارته باثفندر2005 بسبب البنزين ويطلع صوت (قـلـقـلـه) . خويي كان يتخيل الصوت في القير.. وراح للوكالة وغيروا له فلتر البنزين وقالوا له لا تعبي الا بنزين 95

[رجـ الصدى ـع]

أخوي رحال7
شكراُ على مرورك .. وبشيك على غطاء التانكي بإذن الله ..
سلمت وغنمت

مدور الربيع
الظاهر نبي نشربه ببسي صدق خل هالبلا يطلع هههههههههه
سلمت يالغالي .. وفالك الربيع والخير


عاشق سوريا
والله بصراحة أنا من النوع اللي يخلط .. يعني حسب المحطة واللي عندهم لآني كنت مسوي حمية عن الأخضر ولا لقيت إلا هو في أحد الكشتات .. ويالله من فضلك ،، الأمور طيبة ..
لكن نجرب هالفترة على الـ95 ونشوف ..
ماقصرت ..


الإخوة جميعاً .. يلومونني فيكم وفي تفاعلكم الله لا يحرمكم الأجر ويبارك في آرائكم ..

[عاشق السيل]

أول شي : بيض الله وجهك على هالدعوة الطيبة ،، وأنا أقول وإياك والحاضرين خاصة والمسلمين عامة ..

ثاني شي : أنا عرفت السبب !! أنت اللي ذبحت الموتر مرة 95 ومرة 91 !!! علشان كذا اختبص بطن هالمسكين !!!

برضو ،،،، تقبل مروري !!





.