من يقول عندي الحل

[طال أنتظاري]

السلام عليكم ورحمة الله وبركاته

.
.
.


الله لايهينكم شباب بغيت منكم خدمه الا وهي أفادتي

انا عندي ددسن موديل 98 مخصصه للبر بس الموتر بطنه نازل والسست لاين وشلون ارفعه عن الأرض أخوكم

عليمي والشي الثاني أقدر اركب سسته قدام وهل يثر عليه

اخير وش المساعدات المناسبه له

لاتقصرون ياخوان والله يستر عليكم








.

[برق تميم]

عليكم السلام ورحمة الله وبركاته

اخوي طال افضل شي لك تركب ورا زيادة سسته وتدبل المساعدات وترفع الوجه شوي وافضل المساعدات الي تركب على الددسن مساعدات أي سي ديلكوا

هل هو دفرنس او دفرنسين

[طال أنتظاري]

الله يبيض وجهك ويرزقك ويوفق أخوي برق تميم على التجاوب

بالنسبه للسياره دفرنس

ماعطيتني علم عن السسته الي قدام أقدر اركب اولا وهل يظرها

بارك الله فيك

[الدحبول]

يا أخي انصحك
إذا مسامير بلوط الجنوط عندك 6 مسمار
تركب جنوط لاندكروزر 97 وتحت مقاس 16 وتركب كفرات دنلوب 275
5 جنوط مع كفرات 1200 سعر تقريبيا م
الكفرات دنلوب مقاس 275 جديدة الواحد ب 360 * 5 = 1800 الجديد

[عاشق السيل]

وعليكم السلام ورحمة الله وبركاته ،،

أول شي الشباب عافهم الله ماقصروا ،،

واللي عندي أنا :

أما من الخلف مالك إلا تزيد سستة أو ثنتين حسب رغبتك برفع الموتر ،،

أما في الأمام يوجد وزنية أسفل السيارة بين القير والمكينة تقريبا ولها مسمارين واحد يرفع الجهة اليمنى والثاني للجهة اليسرى وممكن تستخدم مفك العجل وتشد على المسمارين بتوازن ويرتفع وجه الموتر ،،

أما السست قدام ماأعتقد إنها تركب لأنه مافيه مكان لها لوجود المقصات ،،

وبالنسبة لتغيير الجنوط أو الكفرات بمقاسات كبيرة ،، تراها بتثقل عليك الموتر والأفضل تخليها على كفراتها ،،،

واما المساعدات الزينة والله ماأعرف عنها شي والله يوفقك ،،،،،

أتمنى أكون أفدتك وانتظر غيري بيفيدك أكثر ....




.