عاااااااااااااجل جداً اللي يعرف كهربائي سيارات ممتاز بالرياض أو الدمام يدخل هناااااا

[البرنس0880]

المشكلة عندي في سيارتي الكامري 2001 المكيف يفصل ولا يبرد أثناء وقوف السيارة.

[عاشق السيل]

أخوي البرنس ،،

فيه سوداني بالصناعية القديمة على كيف كيفك متخصص بالمكيفات !!

إذا طلعت مع مخرج 17 باتجاه الغرب وجاك مخرج علي بن أبي طالب رضي الله عنه من فوق النفق إطلع يسار باتجاه الجنوب وامسك الخدمة وبعدبن يجيك مسجد العويظة على يمينك لف يمين قبل المسجد مع شارع الأربعين واستمر على طول حتى يجيك يوتيرن بالرصيف على يسارك أنت خلك على طول وأول شارع على يمينك بعد اليوتيرن لف معاه وشوف سادس أو سابع ورشة على يسارك إسمها الورشة الهندسية فيه السوداني أبوفارس بإذن الله راح يفيدك ويحل مشكلتك والله يوفقك ،،،،

وتقبل مروري يالغالي ......




.

[البرنس0880]

يعطيك العافية ياعاشق السيل

[طحنون]

سجل عندك
عبدالله كهربائي يماني وشغله ممتاز
بالدمام على طريق المزارع بالقرب من سوبر ماركت كائن بنفس البنشري اللي بعد السوبر ماركت
والكهربائي الثاني عندالدفاع المدني اللي على نفس امتداد طريق المزارع ملاصق للدفاع المدني
بنشري وكهربائي

[البرنس0880]

مشكور ياطحنون بروحله بكرى ان شاء الله لأني حالياً بالدمام

[أبو الحارث 4]

إن كنت في الرياض الشفا معارض السيارات فعندك أستاذ الكهربائيين0 ( صادق ) باكستاني متقن ودقيق وصاحب ذمة وأنا معامله من عشرين سنة0506197313

[أبو ياسر]

فيه كهربائي يمدحونه بقوة بالدمام

كان يشتغل بالقصيم وتوه جاي وفاهم بعد بتركيب المراوح والبطاريات الأضافية للسيارات

موقعة عند شارع تويوتا خل محل xxx على يسارك وانت متجة لتايوتا بتجيك اشارة اول ماتعديها بيصير على يمينك مخابز مشهور الخليج اول لفة تجيك يمين ادخل معها يجيك المحل يسارك

اسمه بتار

والي يبي يثبت ماطور هوا بالكبوت يضبطة لك

والله يكتب الي فية الخير

[سيف111]

ابو ياسر لا هنت ممكن تلفون او وصف دقيق,,وشهو محل xxx?

[تنوم]

اخوي لاتعب نفسك المشكلة عندك باختصار حساس الي يرفع الابنص اذا شبك المكيف وينزل الابنص اذا فصل المكيف (حساس هواء)

[سعد777]

هاذا رقمي اذ تبي في الدمام دق على 0505262681 ابو فيصل
والله السيارات تاخذ موعد منه اندونيسي ان كان باقي في محله

[البرنس0880]

الله يعطيكم العافية كلكم بالنسبه لابو الحارث انارحت لصادق لكنه غير قطعة ولاصارة المشكلة منها , وبالنسبه للأخ طحنون رحت اليوم العصر لعبدالله الكهربائي وقال المشكلة 70 % من بلف الثلاجة ويكلف 400 ريال وأن خائف أغيرها ولاتصير المشكلة منه .

[طحنون]

الاخ العزيز اذا عندك تنسيم للفريون رح الى ترايستار
يحددلك مكان التسريب بالاجهزه اللي عنده وبعدين رح الى اي كهرباء من اللي ذكر الاخوان وغير القطعه العطلانه اذاكنت لاتثق بالكهربا يين او انك تخاف ان تغير قطعه ويطلع البلاء من قطعه ثانيه

[البرنس0880]

الاخ طحنون مع التحية
قبل شهرين أول ما صارت المشكلة رحت لترايستار وكشفوا على السيارة وقالو فيها تنسيم في المبروسر والثلاجة وراح تكلف 2000 ريال , والمكيف الحمدلله مافيه تنسيم لكنهم يلعبون على الناس للأسف .

[أبو ياسر]

اخوي سيف الوصف لمحل بتار

إذا كنت على شارع الملك سعود ومتجة شرق يعني على يمينك وكالة تويوتا الي بحي الجلوية

مقابل تويوتا فيه إشارة صح ابتل معه وخل تويوتا على يمينك وانت متجة شرق اول إشارة تجيك ديور معها فوق تحت

اول ماتديور ادخل مع اول لفة يمين بيجيك المحل يسارك

شغلهم بالكهرب وتجهيز الجيوب من تركيب مراوح كهرب او تثبيت ماطور هوا أو تركيب بطارية اضافية للسيارة

وتسليك انوار في اي مكان

وهذا رقمهم 8178210/03

جوال 0541278210