بلف الحرارة .... (وش الطريقة)؟؟

[أبو هيلة]

حياكم الله .. يا هلا و مسهلا
تناقشت انا و واحد من الشباب بالنسبة لبلف الحرارة للسيارة ... هل الافضل تركه على ما هو عليه ام نزعه في الصيف وتركبيه في الشتاء سؤالي طبعا بالنسبة للسيارات الصغيرة والجيوب وبالذات النيسان ؟؟ يالله يا الشقردية .. وش الراي .. ؟

[عاشق السيل]

الله يحييك يابوهيلة ،،

أما بلف الحرارة على حسب ارتفاع حرارة السيارة بالصيف إذا كانت ترتفع مرررررة وحلها الوحيد شيلة البلف ؟! فأكيد لازم تشيله ،،

أما إذا كانت الحرارة طبيعية بالصيف فالأفضل إنك ماتحركه أبدا وتخليه على ربط المصنع إلا إذا خرب ،،

أما بالشتاء فأنصحك تخلي البلف موجود لأنه مفيد جدا بوزن حرارة المكينة وخاصة إذا كان البرد شديد ،،

أتمنى أكون أفدتك وانتظر غيري بيفيدك أكثر وتقبل مروري يالغالي ......





.

[ابوقاسم]

كلام اخوي عاشق السيل صحيح

[رجل كريم]

السلام عليكم ورحمة الله وبركاته:

المفروض ان بلف الحرارة يظل مثل ماهو في الصيف والشتاء والمصنع ماحطه عشان الشتاء واقرا اي كتيب لاي سيارة تلقاه ينهاك انك تشيله او تتعبث فيه .هذا شي والشي الثاني اذا كانت الحرارة ترتفع بوجود البلف فهذا يدل على خلل لازم يتصلح .. والشي الثالث ان البلف يوزن الحرارة يعني يخليها ثابتة لانهم وجدوا ان افضل اداء للمحرك يكون في درجة حرارة معينة في حال زيادتها او نقصها يؤثر بشكل سلبي على استهلاك البنزين واداء المحرك ..
تحياتي ..

[لن أمل من العطاء]

السلام عليكم
كلام اخي دكااااااااااااار صحيح وسليم 100%

[GMC79]

اياني واياك وانا خوك تشيل البلف لافي الصيف ولافي الشتاء ومثل ماقال الاخ داكار لان المحرك يستفيد من الحرارة زيادة لزوجة الزيتوفي حالات شدة الحرارة يكون البلف فاتح على طول يعني كأنه غير موجودواذاكان فيه حرارة دور سببها وحل المشكلة