للي مجربين جمس حوض نبي فزعتكم !!!

[مكشات عنيزه]

السلام عليكم
ياشباب ودي اشري جمس حوض رفارف استعمال امريكي
مع العلم اني راح اسكن بالشرقيه وكل اجازه ابروح للقصيم عليه
هل تنصحونن به ولا ادور شي ثاني
فزعتكم ياشباب

[ق ب م 632]

اخوي الجمس الجديد ماعليه



بس لاتتوقع انه مثل القديم ابد



وانصحك دور لك موتر خطوط ازين لك




واولا واخيرا استخر ربك

[الدحبول]

انصحك تشتري استعمال سعودي
عداد بالكيلو ويصلح لاستعمال في السعودية يني يتحمل الحر
الجمس ما عليه كلام
ومبروك مقدم

[باثفندر]

http://www.mekshat.com/pix/upload/sign/images/mk41765.gif

اذا كنت صامل على الجمس

لاتاخذ الا رفرف تراه اقوى دفرنشات واعمدة واخف وزن ولاتنسى تراه اغلى .

[مكشات عنيزه]

مشكورين يا اخوان على على الافادة
بس ياليت تقولون لي هل فيه عيوب بالجمس الامريكي
واذا كان فيه عيوب وش هذي العيوب واذا احد يعرف اسعار موديلات
من 2002 الى 2004
وشاكرا لكم

[مكشات عنيزه]

ياشباب تكفون الي مجربه لا يبخل علينا تراي متردد

[متيح]

عليك بالجمس الرفرف الجديد
و خل عنك كلام الناس اللي ماجربوا الجمس.
انا معاي جمس رفرف من الجدد 2001 و ما شاء الله عليه طرررررررررررررب

[مـدحـدر]

فيه واحد من الشباب اخذ جمس رفرف من الامارات

بسعر معقول ويمدح الموتر بس اذا نويت على الامارات انتبه من النصابين

يعني خلك ذيب

[طارق الحربي]

اخوي مكشات عنيزه

اذا لقيت واحد الله لا يهينك علمني

انا لي شهر ادور ولا لقيت شي:)

والله يرزقنا وياك

[مكشات عنيزه]

السلام عليكم

اخواني

ق ب م 632:
كلا مك صحيح وماعليه غبار ان القديم افضل
ومشكور على النصيحة والتذكير بالإستخارة

الدحبول:
الله يبارك فيك... والله ما نستغني عن رايك...لكن السعودي
غالي علي وكلامك صحيح السعودي افضل

باثفندر:
مشكور وماقصرت على الافادة والنصيحة

متيح:
يعطيك الف عافيه وتقل جزمتن لاسيما لانك مجربه
مشكوور

ابخص:
الذيب انت وشرواك... والله الروحة للامارات صعبه علي الوقت هذا وست شهور جاية لاني ما اقدر احك شعرت راسي
لكن الامارات تراه توافيق... مشكور على النصيحة وما تقصر

طارق رالحربي:
وراك حطمتن .. لكن ان شاء نبي نلقى انا وياك مواتر نظيفة

[حجلان]

انا جربت الجمس الجديد ابو رفرف غماره ونصف وتراه :good:

وماعليك من كلام الناس. :no2:

انا ساكن المنطقه الشرقيه والموتر ماعليه كلام :D

انا مرتاح منه جدا

فهو خادمني ومريحني من عدة سيارات

سياره عائليه

سياره وانيت للتحميل

سياره للبر (دبل)

جميله تصلح للكشته

[البّري]

مبروك مقدما
انا والله ادور غمارتين رفرف لان مافيه كلام ابد وخاصة من 2002-2005
ممتاز المظهر والمخبر ...... ههه حلوه
بس عليك بفحصه زين من حلا او صدوم

جعله الله عونا لك على الطاعه
اخوك البري

[مكشات عنيزه]

السلام عليكم

خواني

حجلان:
يعطيك العافيه على الافادة وحبيت استفسر
هل سيارك امريكيه وهل تمسك عليه خطوط
والله يهنيك بالسياره ويكف عنك شره
ومشكوووووور وما قصرت

البري:
الله يبارك فيك....الله الله لازم نفحص عليه من الى
عشان ناخذه وحنى مرتاحين
وجزاك الله كل خير
ونقولك مبروك مقدما ويطعمك من خيره ويكفيك شره

[السعساع]

مكشات عنيزة ابي انصحك مثل هاذى http://up4.arabsh.com/07/1da8d1d.jpg معي من زمان مافيه زي الجمس ولازم يكون خليجي ون كنت منتب راعي تحميل اشتر حجم 15 دبل تماتيك

[مكشات عنيزه]

مشاء الله يالسعساع موترك نظره و واضح انه نظيف
الله يهنيك به و يعطيك العافي ومشكور
ومن ناحية الدبل ودك ما تاخذ التماتيك ابد
العادي افضل واقوى وقليل الخربات
وانا ان شاء الله ابستخير وما يصير الا الي كاتبه الله

[رحال7]

اخى وصلت الى قناعه ان الامريكى سياره لا يعتمد عليها فى البر اذا كنت تقسى عليها وتأخذ راحتك وكثير مشاوير ولكن ايضا وصلت الى قناعه انه لا يوجد احد ينتج سياره ونيت مريحه وواسعه وتخدمك فى حالات كثيره الا الامريكان..هم اهل الونيتات ولا يوجد غيرهم!

اذا انت صاحب مشاوير كثيره للبر وتستطيع الاستغناء عن الونيت الامريكى فى مشاويرك داخل المدينه..فتوكل على الله وخذ "قير عادى" ولكن استخر فى كل حال.....

[الشيروكي]

خذ لك سعودي نظيف من 2001 وفوق قير تماتيك شفر دبل 1500 يجي غمارة ويجي غمراة ونص

[طارق الحربي]

اخوي مكشات عنيزه

ما قصدي والله احطمك بس انا اعلمك عشان اذا لقيت تعلمني :)

انا ادور حوض رفرف غماره وهو قلييييل بالسوق خصوصا السعودي اما الغماره ونص فيه امريكي واجد بس غاليات من 60 الف وحول

[الدحبول]

السعساع (http://www.mekshat.com/vb/member.php?u=52480) http://www.mekshat.com/vb/images/statusicon/user_offline.gif
مكشاتي متواصل

http://up4.arabsh.com/07/1da8d1d.jpg

[الشيروكي]

قليل بالسوق انا لي فترة ادور استعمال سعودي غمارة او غمارة ونصف لكن ماحصلت الا استعمال امريكي بالصالات وسعرهن مبالغ فيه جداً

[مكشات عنيزه]

السلاك عليكم


اتاسف عاى الاطاله على الردود لكن الظروف اجبرتن على ذلك

رحال 7 :
كلامك انا مقتنع فيه قناعة كامله لكن انا الحرص بالبداية على الخطوط
هل السيارة للخطوط عملية ولا لا
اما من ناحية البر ما راح استفيد منه لا بالشتاء وبإجازات اذا رحت لعنيزه
يعني بختصار ايام معدودة
واشكرك على تفاعلك وطرح رايك

الشروكي :
مشكور على النصيحة والفائدة

طارق الحربي :
لا ياخوي تراي امزح كل شي بيد الله وبإذن الله اني ابلقى انا وياك وكل من بغى يشتري

الدحبول :
مشكور على جهدك ووضع الصورة ولا نستغني عن لمساتك بالمواضيع
وعلى فكره تراي سألت ميكانيكي عندنى بعنيزه يبخص بالشروكيات
وقال عكس وجهت نظري بالقراند شروكي وقال ان السبورت اكثر عملية من العادي

الشروكي :
والله انك صادق ان سعرهن مبالغ فيه جدا بس ما باليد حيله ياتشتريه والا اقعد بلاوه

[لبيد بن ربيعة]

إذا لقيت نظيف وممشاه قليل وموديله حديث ، خذه وتوكل على الله

ومبروك مقدماً ، الله يطعمك من خيره ويكفيك شره

[خبراوي]

الامريكي استخدامه مثل الخليجي بس اهم شي يكون نظيف افحص الموتر عدل واذا كان تماتيك افضل من العايدي مليون مره لانه القير عايدي في الموديلات الجديده سواقته وعثه وثاني شي دوم اتكسر تروسه


تحياتي لك توكل على الله اذا الموتر نظيف

واذا موديل 2002 ترا مايتعدا سعره 50 الف الى 54 الف بالكثير

[سيف الظفير]

خذلك 2500 موديل 2006 مصفح دبل قير عايدي


وش خليت يا االذيب والله ان يقشع الزفلت قشع