الفزععععععععععه ياهل اخبره بالدبل ياهل اليوكن

[المهمري]

اشتريت يوكن م 2004 تعطل الدبل وديته للوكاله على الضمان قالو الحساس وصلحوه 0000000000انتهى الضمان وعادة المشكله ما وديتها للوكاله لاني اخاف من الوكالات رحت لصالح الجابري قال لي المدير مافيه اقل من 650ريال عمل يد وفوق قلت ياساتر (ويش حال اضعيف) مره تشر اللمبه ومره يشبك الدبل ومره لا قال لي واحد يمكن الكمبيوتر يبي اعاده برمجه قلت الله يعين هو انا اصلح الدبل وللا الكميوتر وللا لمبات البيت
عطونا رايكم ياهل الخبره ياعصب ظهري يارجال مكشات يارفيع الذرا

[جرب حظك]

أفتح الحساس ونأكد من الفيشه مالت التوصيل لايكون عليها ترسبات زيت وطين لهذا بعض المرات يشبك معاك نظفها ورد ركبها مره ثانية وإنشاالله راح يشتغل معاك

[مكشات عنيزه]

صارت لنا هذي مع شفر فكينا اصباع البطارية وخليناوه شوي
ورجعناهن والحمد لله رجع الموتر سليم

[صياهد نجد]

اخوي 2004 افصل اسلاك الكمبيوتر ورجعه مرة ثانية الوكالة كذابين وانشا اللة يضبط معك

[العطة]

السلام عليكم ورحمة الله وبركاته

فية ضمان على الاصلاح مدة ستة اشهر او 15.000 كلم حسب الوكالة
تاكد من الوكالة

ابوعبدالاله

[لن أمل من العطاء]

السلام عليكم اخوي المهمري

الله يعينك واحترم واقدر كل الردود من الاعضاء يكفي انك تحس انهم يودون مساعدتك ويشعرون بمعاناتك

ولكن كثرة المواضيع في هذا القسم عن مشاكل الدبل في السوبربان واليوكون وكثير من الاعضاء يتكلم عن الحساس وبعضهم عن فصل اصابع البطارية والبعض عن فصل افياش الكمبيوتر واحترم كل الاراء
ولكن ما هي الحساسات فالحساسات كثير منها الخارجي ومنها الداخلي وايضاء هناك اذرعة التوصيل بين التروس والضواغط التي تضغط التروس ببعضها وكلها معرضة للخلل واي خلل يجب ان تشير اللمبه في العداد

فحص الكمبيوتر الدقيق ومن فني ومتمرس ويعرف تفاصيل السيارة وبالضرورة ان يكون يعرف تفاصيل وطريقة استخدام كمبيوتر الفحص بالطريقة الصحيحة والمعقدة

انبهك على ان الدبل قسمين قسم يكون خلف الجربوكس مباشرة والقسم الثاني هو الدفرنس الامامي فاي خلل يجب ان تشير اللمبة

وتذكر ان حساست نظام ايه ي اس المانع للانغلاق له دور في الدبل
اخيرا ارجو ان تحل المشكلة ويكون حلها بسيط من غير تكلفة ويكون ارخص من تغير لمبات البيت وبكثير

واي مساعدة راسلني على الخاص وانا على اتم استعداد فانا هاوي ومتمرس على الامريكي وبالاخص الدفع الرباعي وتذكر انني لن امل من العطاء لاعضاء هذا المنتدى

[alshebel]

<?xml version="1.0" encoding="windows-1256"?>
<message><![CDATA[يا اخوان

ارجوا ان تثبتون موضوع عن دبلات الجمس واليوكون

لان مشاكله كثيرة حتى مع اللي شارينه جديد ويستخدمونه برفق]]></message>

[ابن صقيه]

نفس المشكله صارت لي قبل فترة ..
وحلها بسيط إن شاء الله .. أسمع ياسيدي :
رح لأقرب بنشري وحط اليوكون على الحفرة ،، ثم أنزل وخلك تحت مرتبة السواق تقريباً .. بتلقى سلك أسود طالع من القير ورايح وين ؟؟ رايح للدبل .. خلاص .
في طرف السلك بتلقى فيش أسود .. أفصل الفيش وخذ فرشة أسنان ونظف الفيش من داخل .. وبعدين خذ لك سيم يا وسيم واربط السلك بأقرب حديدة عشان ما ينفصل الفيش في أي لحظة .. وخاصة إذا غرزت ..
هذا ما حصل لي بكل تفاصيله وأرجوا إني أفدتك .. محبك ابن صقيه ..

[مخاوي قناص]

السلام عليكم اخوي المهمري

الله يعينك واحترم واقدر كل الردود من الاعضاء يكفي انك تحس انهم يودون مساعدتك ويشعرون بمعاناتك

ولكن كثرة المواضيع في هذا القسم عن مشاكل الدبل في السوبربان واليوكون وكثير من الاعضاء يتكلم عن الحساس وبعضهم عن فصل اصابع البطارية والبعض عن فصل افياش الكمبيوتر واحترم كل الاراء
ولكن ما هي الحساسات فالحساسات كثير منها الخارجي ومنها الداخلي وايضاء هناك اذرعة التوصيل بين التروس والضواغط التي تضغط التروس ببعضها وكلها معرضة للخلل واي خلل يجب ان تشير اللمبه في العداد

فحص الكمبيوتر الدقيق ومن فني ومتمرس ويعرف تفاصيل السيارة وبالضرورة ان يكون يعرف تفاصيل وطريقة استخدام كمبيوتر الفحص بالطريقة الصحيحة والمعقدة

انبهك على ان الدبل قسمين قسم يكون خلف الجربوكس مباشرة والقسم الثاني هو الدفرنس الامامي فاي خلل يجب ان تشير اللمبة

وتذكر ان حساست نظام ايه ي اس المانع للانغلاق له دور في الدبل
اخيرا ارجو ان تحل المشكلة ويكون حلها بسيط من غير تكلفة ويكون ارخص من تغير لمبات البيت وبكثير

واي مساعدة راسلني على الخاص وانا على اتم استعداد فانا هاوي ومتمرس على الامريكي وبالاخص الدفع الرباعي وتذكر انني لن امل من العطاء لاعضاء هذا المنتدى الله يجزاك خير وبارك الله فيك نحن محضوضين باامثالك اخوك مخاوي قناص

[المهمري]

ماقصرتو يارجال مكشات رفيع الذرا
ماقصرت يا جرب حضك0مكشات عنيزه0صياهد نجد0الشبل0ولن امل من العطاء(لاتنس اخاك ترعاه يداك)0ابن صقيه ومخاوي قناص
الحين هجد الدبل ويشتغل وما ودي احرك ساكن واذا تعطل اباسوي كل اللي تقولون
الشكر لله غلى مروركم

[alshebel]

يا ابن صقيه

اولا سلملي على شاعر تميم

ثانيا

اذا فصلت الفيش وش اللي يصير

هل ينفصل الدبل نهائيا

او ينفصل الحساس

او وش يصير

ومشكور للجميع