يا الربع محتار و ابي مشورتكم...عندي جكسار 2006 و افكر بالربع...

[وقيان]

السلام عليكم و رحمة الله وبركاته..... والله يحييكم كلن باسمه...

يا الربع صار لي شهر اهوجس ومحتار... و قلت ورى ما انشد النشامى رواعي الراي السديد...

موتـــري gxr2 2006 ذهبي... و الحمد لله الموتر نظيف وممشاه قليل....32000 الف فقط... (( ماشاء الله تبارك الله ))

صار له الحين سنة عندي والحمد لله مابه اي مشاكل... لكن اشوف انه كبير شوي.. و انا افكر ابيعه و اخذ لي جيب ربع مستخدم....وش رايكم بالربع... هل هو قاسي مثل الشاص ويناقز ولا ازين....

رجاءآ .. لا احد يطلع من هالموترين... اما اجلس على موتري ولا ابيعه و اخذ ربع ...

و ياليت نسمع ارائكم جميعآ وكل واحد يطول بالشرح ويفسر عشان تكون الفائدة اكبر ....


نبي نشوف ارائكم و اكيد انها بتساعدني في اتخاذ القرار و بتفكنا من هالهواجيس :D

[بريد5]

ابن آدم طماااااع



اعذرني على هالكلمة

لاكن غيرك يتمنى الزين اللي معك

خلك على موترك واحمد العافية

بعدين جيب الربع اذا اخته اجزم مليووون بالمية

انك تبي تتححسف وبيضيق صدرك

تقول فرق وخلق



والله يوفقك

[وقيان]

ابن آدم طماااااع





اعذرني على هالكلمة


لاكن غيرك يتمنى الزين اللي معك


خلك على موترك واحمد العافية


والله يوفقك





اخوي بريد... مشكور على مداخلتك...

لكن الواحد يكون طماع لما يدور الأغلى... انا قاعد افكر اشتري سيارة قيمتها اقل من نص سيارتي الحالية...

و شكرآ على المداخلة مرة اخرى...

[ق ب م 632]

والله يااخوك ترا الربع سمعته ماهيب زينه ابد واخاف يحطون الناس عليك هروج مهوب فيك وانت فاهم قصدي زين



فخلك على موترك ازين لك والجي اكس ار موتر لايعلى عليه ماشاء الله




وعذا انا اوصيك قبل لاتتحسف لاتفرط بموترك نصيحه من اخووووووو يبي مصلحتك

[سعد الليالي]

خلك على موترك
ولا خذ ربع نيسان احلى والين وحق مطارد بران وطعوس


http://pix.nofrag.com/b1/96/a3e22f4f2a098910b455e6cb3e53.jpg

http://pix.nofrag.com/36/b5/173003268dac533aeaab37729d53.jpg

شف كيف الزعقة...

http://pix.nofrag.com/53/4c/e44b0bbcbc496ac058accd63fe29.jpg

[مكشات عنيزه]

اخوي هذي ما تبي مشاورة
انا اقول ابتل على موترك والله يهنيك به
ولا تفكر بالربع ابد ابد ابد
لانه ما يتميز على موترك ولا بميزه وغير كذا تراوه يبي يكسر ظهرك
واسأل مجرب
وتراك بالنهاية تبي تتحسف
هذا رأيي وبالنهاية امر كله عائد اليك
شف وضعك وانت الي قرر
لكن احب ان اذكرك بصلاة الاستخاره
وتقبل مروري

[غضنفر]

الربع التويوتا زين ولا يعلى عليه لكن فيه مشكلتين

1- السمعــــــة
واذا تبي تتأكد اسأل الشيبان
خاصة اذا انت رجال كبير بتتعب من كلام الناس



2- الانقلاب
وهذا هو السبب الرئيسي الي يخليني ابتعد عنه
قليل جدا تلقى ربع 2002 وتحت ما انقلب او جاه شي
نعرف ناس يسوقون ما شاء الله عليهم ومع ذلك انقلبوا عليه ويا كثرهم
ادنى سيف اذا نزلت معه ومال بك الموتر على جنب ودع اهلك


والجكسار الله يهنيك فيه شيخ قوم
موتر الكل يتمناه
ولا فيه فرق عن الربع واجد بالعزم خص لا كان قير عادي


وان كان القصد انك تبي موتر يعطيك بالنفد
انصحك بالباترول 2007 4800 سفاري 1 قير عادي ابيض لؤلؤي
تاخذه جديد بحول 118,000 الف وتبيع موترك بحدود 120 الف وتوفر لك كمن الف

والشور شورك والدراهم بجيبك
ههههههه

[هاوي الربع]

السلام عليكم

والله ان كنت تبي الراي خلك على موترك

لا ربع تويوتا ولا ربع نيسان والله ان ربع التويوتا مطبه اقشر للغاية

خلك على موترك قبل ما تتحسف

والراي رايك الله يوفقنا واياك

[وقيان]

مشكووووووووورين جميعآ... و انا شايف الاغلبية مايؤيدون الربع....

[بواسامه]

((اتستبدلون الذي هو ادني بالذي هو خير))
خلك اعقل واحفظ دراهمك من التنقل بين المواتر
وموترك الله من واحد تقطر كبده عليه وانت تبي ربع
الله يطعمك خيره ويكفيك شره
استاجر لك ربع كم يوم عشان تعرف الفرق بنفسك وتهون تلقائي
وفقت للخير

[د م ق]

الربع ماهو للرجال وصغير وسعره ماهو له

انصحك امسك موترك

[رجل كريم]

السلام عليكم ورحمة الله وبركاته:


ليه اللي عنده الربع سمعته سيئة على مافهمت من بعض الاخوة؟

ايش دخل السيارة في السمعة ؟؟:confused:

الرجال سمعتها باخلاقها وتعامله الحسن مع اهله والناس مو يحكم على الشخص من سيارته ..

تقبلوا تحياتي ..

[كيكي]

:mad: :mad: خلك على الgxr احسن لك من الربع:no2: :no2: :no2:

[شبح الصحراء]

فعلاً الجيكسار لا يصلح إلا للعائلات وأحس انه ثقيل طينة واذا تبي موتر خفيف جرب الفورنتشر ستة سيلندر أو الباترول ربع وإذا ملزم على تويوتا ربع اشتر معاه سيارة صغيرة كورلا أو سيفك لأن التويوتا ربع ما يصلح إلا للبر بس! .

[شمالات نجد]

ضبط موترك الجي اكس ار وارفعه بيايات ومساعدات استرالية وحط له دف لوك خلفي (هزاز) ان كان ما فيه والموتر عطه يعطيك ولا تنسى مراوح الكهرب :)

او بعه واشتر لك شاص وسيارة ثانيه للمدينه


بالتوفيق

[الدحبول]

الجيكسار ممتاز لاندكروزر 100
الكبسولة تويوتا ربع لاندكروزر 70
السيارتان من فئاتان مختلفتان
الجيكسار نظام التعليق أفضل من الربع و إريح لاتنسى الجيكسار يايات في الامام والخلف
الربع تويوتا نظام التعليق في صلب ممتاز قوي جدا يصلح لاماكن الوعرة من الخلف ستت وليس ياي
الجيكسار يتوفر فيه صف ثالث
الربع تويوتا لايتوفر في صف ثالث
الجيكسار في موصفات العصر من درجة الحرارة والمرائة عاكسة الكهربائية الانوار العالي زنون Cd إلخ.........
الربع تويوتا لاتوجد فيه موصفات العصر فقط مكيف نوافذ كهرباية ستيريو
لاندكروزر أوسع من الداخل
الربع تويوتا يملك قدارة عالي في جتياز الطرق الوعرة والتحميل والسحب حيث ياتي بدفرنشين كاملين
الجيكسار رزه وشكل جميل مايحتاج
@@@@@@@@@@@@@@@@@@@@
الربع تويوتا مايحتاج
الجيكسار مايحتاج
@@@@@@@@@@@@@@@@@@
إذا كانت كثير طلعات إلى البر و الاماكن الوعرة يعني 80% في البر
إنصحك به
@@@@@@@@@@@@@@@@@@@@@@@
إذا كانت طلعات البر متوسطة أو قليلة يعني 50% أوقل إنصحك بالجيكسار

[sall]

السلام عليكم

قلت ربع
ياويلي طرب والله طرب
طرب قومه
طرب عزم
طرب نفود
طرب كشتات
طرب صيد
موتر ما يقول لا
موتر يجزمك على الطلعات
موتر قوي ولا يأثر به الزمن
موتر شيييييييييك
ما يطيح سعره
ــــــــــــــــــــــــــــــــــــــ
اللاند كروزر Gxr
ولا احلى منه ماشالله تبارك الله
خاصة
اذا رفعته من ورا وقدام
وطقيت له مكحلات عليها بالون
مع انتل ايكوم وفارة القارمن
تعطية غسلة وتلميع
ماشالله تبارك الله
مااقدر اعبر لك الا اني اقول

خلك على موترك تراااااااه عز والله عز
يفيدك على الخط ولا يقصر معاك بالكشتات
ولا بالنفود
وحتى له عز بالشارع
مهب من السيارات الغير مرغوب بها
وفوق لك هذا كشخا
بس لا تنسى المكحلات والبلون



بالتوفيق

[بيت طين]

الجي اكسار لا ينفع للعائلات ولا ينفع للبر بعه واشترلك سوبر للعائله والباقى اشتر فيه شاص قديم شوى ابركلك يعيش معك وتقنص فيه وتكرفه اما الجي اكسار بتجلس خايف عليه وتداريه بدون فايده وصل الاستخاره تراها كلها بركه.

[مهب الريح]

يا أخي عندي نقطة مهمة .. وأريد أن تفهمها ( أعذرني لا تزعل علي ) .. إن كنت
طارح الموضوع تبين نوافق هواك وبس .. فأقول ما لك إلا اللي براسك إلا أن يشاء الله .
..
أما إذا كنت طارح الموضوع تبي المشورة أشهد بالله إن موترك جكسار لا تفرط فيه
أبد أبد أبد
..
فيه عدة مميزات وهي ( الراحة . الرسواة . رسمي . يشيل . تانكين . ينشد فيه الظهر .
ينفع .. ديرة .. بر .. خط )
..
( لاتنس الاستخارة )
..
محب وناصح لك .. مهب الريح

[بدون لوحات]

الربع مصمم للاعمال الشاقه مثل سحب بكرات الكهرب وللشركات والدوريات

[M o b d a]

عجب عجاب ..



والله إني محتار منك ..


مادري وشلون تترك اللى ربي منعم عليك وتروح للربع ..

يعني مو معجبك من أي ناحيه ..

صحيح متعب سواقته لاكنه يكفيك إسمه ..


خلك عليه

وأمسك منونك لا يجيك أجن منه ..

مار لو إنت قايل أبي فكسار أشوا شوي ..


لاكن الله يوفقك إن شاء الله باللى يطيب خاطرك ..


وأنصحك تركب لك كعكات 2.5 سم

يطلع مضبوط والستبنه رفيعه والموتر بعد


أنا معي واحده إل كل خير ..

الله يعينك ويوفقك إن شاء الله