الفزعه يا أهل الخبرة بالميكانيكا ...!

[أطلال]

السلام عليكم ورحمة الله وبركاته :


ياشباب أنا عندي مشكلة احصلت بسيارتي كامري 2003


وهي نقصان ماء الرديتر كل يوم لازم أعبيه وبعد ماأعبيه


تطلع الموية من القربة ( الجيك )


الحقيقة احترت ماأدري وش اللي فيها


وديتها لمحل الرديترات قال غير الغطاء حق الرديتر


وغيرته بغطاء أصلي ولا زالت المشكلة موجودة


وديتها لمكانيكي سعودي قال غير البلف .


غيرت البلف أصلي ولا زالت المشكلة موجودة .


اللي يفيدنا جزاه الله خيرا .أبي مشوركم يالأهل الخبرة وشكرا لكم .

[باترول 82]

هلا بك أخوي أطلال
قد مرت علي هذي المشكله غير الرقبه حقت الأديتر اللي يركبها الغطا وإن شاء الله انها تنحل المشكله
اتمنى لك التوفيق

[برق السما]

وعليكم السلام ورحمة الله ..

أخوي أطلال بالنسبة لتغيير غطاء الرادتير مع الأسف الشديد كل ميكانكي التبس عليه الامر يعلل العله بغطاء الرداتيتر وتلقاه قبل يفحص الموتر يقول غير الغطاء وشف ..
صحيح أن الغطاء إذا صار به تنسيم ماله فايده , لكن خرابه قليل ..

عموماً والله العالم أن مشكلتك في الليات الموصله من الراديتر للقربه قد تكون منسده , شيك على الليات بشكل عام وإن شاء الله مشكلتك بسيطه ..

وأتمنى يفيدك أخوي بدوي جنوبي , فهو الأجدر بالإجابه مني ..

[-الساري-]

السلام عليكم
أخوي: أطلال... تحية طيبة
أول شيء شف ، شوف الرقبه حقة المروحه ،إذا تنقط،غيرها، وشيك على الليات اللى تحت ...
وهذا أهم شيء الليات اللى تحت....

[باترول 4×4]

اللي أعرف ان ماء الاديتر ينقص في أحد هذه الحالات :
الاديتر نفسه فيه شق يهرب الماء
أو غطاء الاديتر
أو أحد الخراطيش فيها شق يهرب الماء
أو تعطل طرمبة الماء أو ضعقها يسبب تهريب للماء .
أو شعر براس الماكينة يسبب تهريب الماء .
أو شق في ليات المكيف الحار يهرب الماء .
تأكد من هذه الأمور عند ميكانيكي مضبوط وإن شاء الله تجد العلة .
لكن ما قلت لنا كيف حرارة الموتر ترتفع ولا لا ؟

[رحال حائل]

السلام عليكم ورحمة الله وبركاته : شف وانا اخوك ابيك تفتح الكبوت لما توقف السيارة بعد مشوار وتكون المكينة حارة مو باردة وتجي عند االليات اللي تطلع من الأديتر واللي تدخل للأديتر وتناظرها وتقوم بشحط المكينه إما احد يقوم بالدعس عليها او انك تقوم بسحب الأبنص بيدك وتناضر الليات هل تنثني ويتغير شكلها ويصعب حركة الماء معها فإذا كان ذلك فهو المشكله قم بتغيير اللي اللذي يتغير شكله فإن عملية ضعف مرور الماء مع هذا اللي الخرب يضطر الماء الى ان يبحث عن مكان ليخرج من قو ضغط الماكينة وهذا يدل على ان راس الماكينه والوجية بسيارتك سليمة مما يظطر بالماء للذهاب الى القربة للخروج من هناك والتنفيس من الضغط الحاصل من الماكينة هذا توقعي الأول والأقرب وان لم يكن هو فلك علي ان افيدك بعد ان تفحص سيارتك وتخبرني ... لك تحياتي وآمل اني افدتك .

[لبرتي]

^
^
^
فعلاً احتمال كبير تكون من الخراطيش في حالة دعس الابنص تنثني على بعض وتمنع مرور الماء للمكينة وللإديتر


وبنفس الوقت سيخ الاديتر وحط ماء أصلي أسي ديلكو مع ماء مقطر

ننتظرك

[صليب الرأس]

سيخ الراديتر زي ماحصل عندي بعدها تمام

[أطلال]

هلا بك أخوي أطلال
قد مرت علي هذي المشكله غير الرقبه حقت الأديتر اللي يركبها الغطا وإن شاء الله انها تنحل المشكله
اتمنى لك التوفيق

مشكور أخوي ماقصرت الله يعطيك العافية إحتمال يكون منه .

[أطلال]

وعليكم السلام ورحمة الله ..

أخوي أطلال بالنسبة لتغيير غطاء الرادتير مع الأسف الشديد كل ميكانكي التبس عليه الامر يعلل العله بغطاء الرداتيتر وتلقاه قبل يفحص الموتر يقول غير الغطاء وشف ..
صحيح أن الغطاء إذا صار به تنسيم ماله فايده , لكن خرابه قليل ..

عموماً والله العالم أن مشكلتك في الليات الموصله من الراديتر للقربه قد تكون منسده , شيك على الليات بشكل عام وإن شاء الله مشكلتك بسيطه ..

وأتمنى يفيدك أخوي بدوي جنوبي , فهو الأجدر بالإجابه مني ..

مشكور أخوي ماقصرت الله يعطيك العافية .

الليات مافيها شيئ . شكرا .

[أطلال]

السلام عليكم
أخوي: أطلال... تحية طيبة
أول شيء شف ، شوف الرقبه حقة المروحه ،إذا تنقط،غيرها، وشيك على الليات اللى تحت ...
وهذا أهم شيء الليات اللى تحت....


أخوي الساري مافهمت الرقبة حقت المروحة .


ماقصرت الله يعطيك العافية .

[أطلال]

اللي أعرف ان ماء الاديتر ينقص في أحد هذه الحالات :
الاديتر نفسه فيه شق يهرب الماء
أو غطاء الاديتر
أو أحد الخراطيش فيها شق يهرب الماء
أو تعطل طرمبة الماء أو ضعقها يسبب تهريب للماء .
أو شعر براس الماكينة يسبب تهريب الماء .
أو شق في ليات المكيف الحار يهرب الماء .
تأكد من هذه الأمور عند ميكانيكي مضبوط وإن شاء الله تجد العلة .
لكن ما قلت لنا كيف حرارة الموتر ترتفع ولا لا ؟

أخوي ما قصرت وفيت وكفيت الله يعطيك العافية .


شيكنا على الرديتر والخراطيش وغيرت غطاء الرديتر
وغيرت بلف الحرارة


بقي الطرمبة والرأس يمكن الرأس فيه شعر
أما عن الحرارة فهي على الثلث ماترتفع .

[أطلال]

السلام عليكم ورحمة الله وبركاته : شف وانا اخوك ابيك تفتح الكبوت لما توقف السيارة بعد مشوار وتكون المكينة حارة مو باردة وتجي عند االليات اللي تطلع من الأديتر واللي تدخل للأديتر وتناظرها وتقوم بشحط المكينه إما احد يقوم بالدعس عليها او انك تقوم بسحب الأبنص بيدك وتناضر الليات هل تنثني ويتغير شكلها ويصعب حركة الماء معها فإذا كان ذلك فهو المشكله قم بتغيير اللي اللذي يتغير شكله فإن عملية ضعف مرور الماء مع هذا اللي الخرب يضطر الماء الى ان يبحث عن مكان ليخرج من قو ضغط الماكينة وهذا يدل على ان راس الماكينه والوجية بسيارتك سليمة مما يظطر بالماء للذهاب الى القربة للخروج من هناك والتنفيس من الضغط الحاصل من الماكينة هذا توقعي الأول والأقرب وان لم يكن هو فلك علي ان افيدك بعد ان تفحص سيارتك وتخبرني ... لك تحياتي وآمل اني افدتك .


أخوي الله يعطيك العافية ماقصرت .
سويت الطريقة اللي قلت الليات كويسة ماتنثني

شكرا لك .

[أطلال]

^
^
^
فعلاً احتمال كبير تكون من الخراطيش في حالة دعس الابنص تنثني على بعض وتمنع مرور الماء للمكينة وللإديتر


وبنفس الوقت سيخ الاديتر وحط ماء أصلي أسي ديلكو مع ماء مقطر

ننتظرك

الخراطيش كويسة ماتنثني في حالة دعس الأبنص .


أما الرديتر منين يكون فيه سدد والماء أصلي
إحتمال يكون منه.
شكرا لك أخوي ماقصرت الله يعطيك العافية.

[أطلال]

سيخ الراديتر زي ماحصل عندي بعدها تمام


شكرا لك ماقصرت الله يعطيك العافية.

ممكن يكون منه .

[أطلال]

أخواني كلكم ماقصرتوا أشكركم .


الحقيقة فيه أشياء تغير والخلل ماهو منهايعني تشتري قطعة وتركبها
وتدفع شغل اليد وهو ماهومنها .
وش رأيكم أوديها الوكالة والا لا .