فزاع طالب فزعتكم ياهل الخبره بلمكاين...

[fza3]

سلام ياخوان
انا عندي موتر يصرف زيت اذا مشيت عليه فوق 120 (السرعه) ومسافة 1000 كلم بس مافيه اي دخان يطلع منه علماُ بان الصرفيه علبه.
رحت للورش قالو السياره يبقالها توظيب 2700 ريال فمادري ايش الهرجه واللي عنده اي معلومه لايبخل علينا بها.
الموتر جمس 350 V8

[مكشات عنيزه]

هذي ياخوي مايبله الا توضيب لان الشمبر عندك تعبان
واحمد ربك انه تكلف2700 انا موضب شروكي بحول اربع الاف
بس نصيحتي لا توضبه لما يغثك بالحيل يعني اذا وقفت ساعة ملالك كاس زيت بالشارع
لان السالفه نفسه وضبت هالحين ولا بعدين
التوضيب واحد والتكلفة واحدة

[shaheenshah]

تسقيط شنبر واعتقد انك لو تدور تلقى من يوضبها لك بأرخص من 2700 يعني يمكن 2000 ريال
الا اذا كان السلندر عندك ضارب والعمود رايح ياكل عليك حول 4000

[شعيب المسمى]

نصيحة كانك تقول البلا من الشنبر وباقي قطع المكينة مابها شي

انك تسقط الشنابر من اسفل المكينة .. يعني يفك غطا الكرتير ثم يفك العمود وعقب ينزل البساتم
وغير على دربك السبايك الثابت والمتحرك وطرمبة الزيت
بعدين لا تحرص على رخص شغل اليد
دورلك مهندس مضبوط يشد المكينة بمفك العزم لا يشد بيديه وسسلامتك...

[لن أمل من العطاء]

حبيبي اا السيارة موديل 96 فما فوق فالقطع ستكلف كثير حوالي 5000 ريال
واذا 95 وما تحت حوالي 3500 الى 4000
لكن نصيحة لا تقرب ولاشيء الين تقول المكينه هذا مكاني بعدها وضب المكينه وغير كل الحساسات التي حول المكينه وغير البخاخات وكل شيء داحل المكينة

احد اخواني معاه شبح مقاس 500 سعودي على يده شراه والبنز معروف بتحمل المكينه وبالجودة الفائقة وجدنا مكتوب في الكاتلوج وباللغة العربية ان نقص الزيت 1 لتر اي علبه واحده كل 1000 كم يعتبر شيء طبيعي