طريق المجمعة الحفر رفحا طريف ؟؟؟؟

[أبوغمارة]

السلام عليكم

اخواني الكرام

اريد ان اعرف طبيعة الطريق الدولي الذي يربط المجمعة بطريف مرورا بالحفر ورفحا وعرعر ، هل هو مزدوج او مفرد ومن اين يبدأ المزدوج وأين ينتهي ؟ وهل الاسفلت يساعد على السفر حيث انني عازم على السفر الى طريف واريد ان اعرف طبيعة هذالطريق علما بأني مقيم بالقرب من المجمعة ، ولكم جزيل الشكر

[مسافر1]

أخي الكريم الطريق من المجمعة مروراً بالحفر ثم رفحا وحتى عرعر مزدوج
ربما تأتيك بعض التحويلات
مفرق البطيحانية الطريق المؤدي إلى لينه ثم رفحا غير مزدوج

[بيت طين]

الله يحييك طال عمرك انا من اهل الحفر بس اني هالايام مسافر ولا كان استقبلتك ودليتك الطريق بس ابعلمك بالطريق اللي لي 17 سنه امش معه كل نهاية اسبوع الطريق مزدوج من المجمعه الي حفر الباطن ومزدوج من حفر الباطن الي رفحه الي عرعر ثم يضيق فى بعض الاماكن لكن حلو الي طريف بس الاهم لا تلف مع طريق لينا اللي يروح لرفحا من محطة البطيحانيه اللي قبل تاصل الحفر ب90 كيلو لا استمر الين تاصل حفر الباطن الين توقفك ثاني اشارة اللي فوق نفق الدمام ثم خذها يسار فى حفظ الله الي رفحه وعلي فكره من المجمعه الي الحفر 300 كيلو ومن الحفر الي رفحه 300 كيلو ومن رفحه الي عرعر 300 كيلو بعد ثم 180 كيلو الي طريف وطرق التساهيل ولا تنسانا من دعاك فدعاء المسافر مستجاب باذن الله.

[مـدحـدر]

اخي الكريم الطريق من حفرالباطن الى المجمعه ممتاز ومزدوج

يعني سيدين ومن حفرالباطن الى رفحا مزدوج ولكن يعيبه حاجتين

كثره التحويلات والطريق مكسر وانتبه من المطبات الصناعيه اللي قبل التفتيشات

ترى قووووووويه

اما اذا كنت تبي تطلع من عند محطه البطيحان لرفحاء فالطريق سيد واحد

ويعيبه بعض المحنيات ( الفات ) وقله المحطات يعني ما يصلح اذا معك عائله

الطريق ينقصه الخدمات

بس ما فيه لا تفتيشات ولا تحويلات ولا هو مكسر زي طريق الحفر رفحاء ويطيح عنك يمكن 20 كيلو

والقرار الاخير لك

اما من عرعر الى رفحاء ما اعرفه


واي استفسار حاضرين

[صديق القذافي]

أبوغمارة الطريق من المجمعة الى البطيحان مزدوج وبعدها اذا تبي الطريق القريب طبعاً بدون مرور بالحفر اطلع من البطيحان يسار على طريق لينه الى رفحاء يكون غير مزدوج وبعدها من رفحاء الى عرعر مزدوج ومن عرعر الى طريف مزدوج 40 كيلو متر وبعدها غير مزدوج ولك تحياتي







اخووك ابوتركي

[أبو علي 444]

مشكورين وماقصرتوا

كفيتوا ووفيتوا

[ابوراشد929]

الله يعطيك العافيه على المعلومات

[صقرالشمال]

الله يبيض وجهك ياطيب والله حستها حوس من الحفرالي رفحاء280 ومن رفحاء الي عرعر290 ومن عرعرالي طريف 240 ............الله يحييك يالحبيب انشالله اخوانك قدامك