المساعد الشخصي الرقمي

مشاهدة النسخة كاملة : سؤال حول تركيب مراوح كهربائيه


مقطع الفيافي
29/08/2007, 10:53 PM
السلام عليكم
عندي سؤال وابغى احد من الاخوان المختصين او المجربين بخصوص المراوح الكهربائية..............
عندي لاندكروزر vxr 2004 ودي اركب مراوح كهربائيه بس ما ادري هل هي افضل من العاديه؟؟
ومن يفيدني بكهربائي ممتاز في هذي الامور اذا كانت ممتازه؟؟ وش المراوح المناسبه للاند؟؟
وشكرا
اخوكم / مقطع الفيافي
رحال نجد
30/08/2007, 12:08 AM
في أي الديار أنت يالحبيب
الدحبول
30/08/2007, 01:01 AM
خله شد بلد
ترى الفيكسار حساس والكهرباء في واجد وخصوص الموديلات 2003 ونت طالع
مقطع الفيافي
30/08/2007, 08:49 AM
في أي الديار أنت يالحبيب





انا من الرياض
M o b d a
30/08/2007, 09:18 AM
قبل فتره شفت لي عرض بالنت واحد عنده


مرواح فياقرا مركبها على هدد ويبي يبيعها

يقول 2500 دوره بالدقيقه ..


عجيب صح !
خبوبي
30/08/2007, 02:03 PM
بسراحة مامن خبره بالمراوح بس
عندي احساس انك لو تخليه شد بلد احسن لك

اما من ناحية كهربائي

فيه ياطويل العمر والسلامه هندي اسمه عبد الستار
وموقعه شرق الرياض شارع عبد الله بن عباس تقاطع الزبير بن العوام
داخل المحطه
مقطع الفيافي
01/09/2007, 07:35 AM
توقعت أحد يفيدني أكثر
ولكن ما أحد تجاوب مع استفساري
ابونايف الروقي
01/09/2007, 09:05 AM
توقعت أحد يفيدني أكثر




ولكن ما أحد تجاوب مع استفساري



السلام عليكم
اخي الكريم الرد على استفسارك ماهو اجباري الي بيعرف بيرد والي مايعرف ماهو راد وماهو شرط انك تكتب الموضوع مثلا الساعه 4 تبي الردود تطب عليك الساعه 5 اصبر والي عنده شي الاخوان ما هو مقصر ..


انا انصحك انك تخليه شد بلد لان الشباب يركبون المراوح الكهرب على الباترول لتخفيف الصوت و لان صرفيته للبنزين مرتفعه طبعا الكلام من موديل 2002 وتحت لانه 4500 مكينته اما من موديل 2002 وفوق صارت مكينته 4800 وطلعت صرفيته حلوه ... وليكن بمعلومك لو دخلت النفود في الحر حرارة موترك بطيق انبير الحراره فوق النص مع المرواح الكهرب .. انا مركبها على الباترول حقي وطبيعي انها ترتفع ...

نصيحه لا تركب مراوح كهرب اذا موترك نظيف وحرارته زينه ..

تقبل مروري اخوك p52
القانوص
02/09/2007, 01:51 AM
نصيحتي لك لا تركب مرواح كهربائيه لانه راح تدخل في مشاكل انت في غنى عنها:
اولا راح تضعف الكهرباء عنك بالسيارة ويترتب على ذلك ضغط على الدينمو والبطارية.
ثانيا التكيف راح يضعف عندك .
ثالثا الانوار تضعف ولو بنسبه قليله.
وكل هذا لانه المراوح تسحب كهرباء زائده وتحتاج الى امبيرات اضافيه ودينمو سيارتك مصمم للمروحه الميكانيكيه.
واذا مصمم تركب انصحك بتركيب دينمو اكبر وبطاريه اكبر.
(يقال انه تخف الحنه بالخط صحيح ولكن تزيد بالوقوف يعني المراوح الكهربائية لها صوت وانت واقف وبالممشى مالها صوت والعكس مع المروحه الميكانيكيه بالوقوف مالها صوت بالممشى اذا شبكت لها صوت خفيف جدا)
ومثل ما قالوا ( خلك على مجنونك لا يجيك اجن مته)
وتقبل تحياتي
راعي المسرى
04/09/2007, 01:53 PM
ألحين معك vxr اللي كل يتمناه الله يطعمك خيره ويكفيك شره وبتغير فيه خله على شغله ترى أهله أدرى به .... وأشوف كل الشباب اللي ركبوا كهرب يقولون ما تصلح إذا طحت برباضة لأنها ما يمديها تغطي أما في الخطوط والديره فيمدحونها ....