نويت ابيع سيارتي القرنبع وقطعة الارض واجمع عليها واشتري gxr أو vxr .. شوركم يالربع

[الوهم]

مساكم الله بالخير :)

عندي ددسن غمارتين جي ال موديل 99 تسوى حوالي 25 الف
وعندي قطعة ارض تسوى حوالي 30 الف
وابي اجمع عليها حوالي 25 الف

يصير المجموع حوالي 80 الف
لكن ابي استشيركم يالربع لثقتي باهل مكشات ولأنهم من الناصحين

ابي اشتري بالـ 80 الف جيب gxr أو vxr
لكن عندي بعض الاسئلة واظن ان اهل مكشات سوف يجيبون عليها

1- اي موديل جيب gxr أو vxr اقدر اشتريه بالثمانين الف ؟
2- وين توجد الجيوب النظيفة واذا امكن تكون مخزنة ومحترمة في اي منطقة اجدها ؟
3- وش المواصفات الزينة اللي تنصحوني ابحث عنها لان خويكم غشيم بالجيوب ومايعرف الا للددسن :)
4- وشلون اعرف الجيب هل هو مرهم او لا ؟
5- كيف يكون الفحص ؟ وماهي الحاجات المهمة اللي اركز عليها عند الشراء ووشلون افحصه لان كثير من الناس غشاشين :(

ياجماعة الخير انا اشتريت سيارة فورد قبل فترة من الزمن وانضحك علي فيها وبعتها بعد اسبوع واحد من الشراء بخسارة ولا ابي تتكرر المأساة السابقة :mad:
لان ابي اشتري سيارة تريحني وارتاح من الشماتة لان اذا صار فيها شي ضحكوا وقالوا غشيم مضحوك عليه :confused:
ولا عندي استعداد للغبـينة كما في المرة السابقة :no2:

اي معلومات مهمة لم اذكرها او نصائح سوف اشكر من يبادرني بها

لاني سوف اعتمد بعد الله على آرائكم في البحث عن السيارة المناسبة

طولت عليكم معليش اعذروني لاني اعرف ان صدوركم وسيعة :p

شكرا لكم مقدما وانا بانتظاركم :)

[الأسمري 2009]

الاخوان ماراح يقصرو وراح يجاوبك على كل ماذكرت

[الدحبول]

مساكم الله بالخير :)

عندي ددسن غمارتين جي ال موديل 99 تسوى حوالي 25 الف
وعندي قطعة ارض تسوى حوالي 30 الف
وابي اجمع عليها حوالي 25 الف

يصير المجموع حوالي 80 الف
لكن ابي استشيركم يالربع لثقتي باهل مكشات ولأنهم من الناصحين

ابي اشتري بالـ 80 الف جيب gxr أو vxr
لكن عندي بعض الاسئلة واظن ان اهل مكشات سوف يجيبون عليها

1- اي موديل جيب gxr أو vxr اقدر اشتريه بالثمانين الف ؟
2- وين توجد الجيوب النظيفة واذا امكن تكون مخزنة ومحترمة في اي منطقة اجدها ؟
3- وش المواصفات الزينة اللي تنصحوني ابحث عنها لان خويكم غشيم بالجيوب ومايعرف الا للددسن :)
4- وشلون اعرف الجيب هل هو مرهم او لا ؟
5- كيف يكون الفحص ؟ وماهي الحاجات المهمة اللي اركز عليها عند الشراء ووشلون افحصه لان كثير من الناس غشاشين :(

ياجماعة الخير انا اشتريت سيارة فورد قبل فترة من الزمن وانضحك علي فيها وبعتها بعد اسبوع واحد من الشراء بخسارة ولا ابي تتكرر المأساة السابقة :mad:
لان ابي اشتري سيارة تريحني وارتاح من الشماتة لان اذا صار فيها شي ضحكوا وقالوا غشيم مضحوك عليه :confused:
ولا عندي استعداد للغبـينة كما في المرة السابقة :no2:

اي معلومات مهمة لم اذكرها او نصائح سوف اشكر من يبادرني بها

لاني سوف اعتمد بعد الله على آرائكم في البحث عن السيارة المناسبة

طولت عليكم معليش اعذروني لاني اعرف ان صدوركم وسيعة :p

شكرا لكم مقدما وانا بانتظاركم :)

إنشاء الله تجيب أكثر
@@@@@@@@@@@@@@

1) تقدر تشتري GXR 2002 أو VXR 2001
@@@@@@@@@@@@@@@@@@@@@@
2) هذا على حسب الاستخدام ورزق على الله
أتوقع في الشرقة إهل الشرقية ناس تحافض على سياراتها
@@@@@@@@@@@@@@@@@@@@@@
3) تختلف من منطقة إلى آخر وعلى حسب الاستخدام
مثل عندنا في الشرقية خلفية لكزس يعني إسطب عريض والكفر تحت في الشاصي
والقير أوتومتيك
إما في الجنوب واليمن
يرغبون الابواب والكفر معلق والقير عادي
إما على حسب الاستخدام
يعني رجال دايم في البر يحب الكفر معلق سوء كانت الخلفية شنطة أو أبواب
والقير عادي
بس الدارج هذي الايام
خلفية لكزس وقير أوتومتيك
@@@@@@@@@@@@@@@@@@
4) يعني كيف ممكن توضح
@@@@@@@@@@@@@@@@@@
5) أهم شي القير والمكينة والدفرنش و البدي في جيوب مهم جدا والدبل أيضا
إنصحك تشتري سيارة واقفة في معرض لأنك غشيم وده عند ميكانيكي و سمكري
بس ابعد عن الورش التي جنب المعارض لانه تون متعاونة معه
@@@@@@@@@@@@@@@@@@@@@@
إتمنى بن أكون قد أفتك ولو بقليل
أي ستفسار حاضر
أخوك عبدالله
ودمت بود

[كحيلان البدراني]

حياك أخوي


80 ألف ماتسوي شي هالأيام الله يخلف لكن تشتري لك جي اكس ار 99 أو بالكثير 2000 والفكس 98 أو 99 الأسعار نار وبتلقاهن ماشيات فوق 150 ألف في الغالب

[ابوريناد1979]

نصيحه اخويه
ان كان موترك ممشيك , خله معك ولاتبيعه :no2:
الددسن موتر بر ومدينه , كد ومد وقطع غياره بلاش وفي كل مكان , صحيح انه مهوب مثل الجيب في البر وفي السعه لكن مد لحافك على قد رجليك .
بتضغط على عمرك وتضيقها وآخرتها تاخذ لك موتر 2000 ولاحتى 2001 ثمن تحط فيه ضربة دراهم وآخرتها تقعد ترقع فيه ولاتضمنه في بر ولاسفر
رأي الشخصي وبالله التوفيق

[الفين6]

الحياه حياه وحده دُور لك جيب نضيف على قد قريشاتك وانت قناي منت شريطي وترى رديهن (اقصد الجيوب)ردي ذيب
واجتهد
الله يوفقك ويكتب لك الاصلح
(مجرد راي)

[ق ب م 632]

والله اذا تبي مواتر نظيفه صح روح للكويت انا قبل فتره في الكويت وكنت احصل الجيوب مودلات 98 و99 ماشيات على 150 ويقولون ماشايه واجد بعد



ولو تقدر تروح للكويت والله ازين لك من عندنا من ناحيه النظافه الصح ومن ناحيه قل الممشى ومن ناحيه ات اهل الكويت مايطبون البر ابد وعلشان كذا بتحصل مواتر مااقول نظيفه بالعكس اعتبرها مخزنه الصراحه




وفي الاخير الله يرزقنا وياك الجنه وتوفق بشراء الموتر اللي يعجك ويعجب عل من شافه






تقبل تحيات اخوك
ماجد العبدلي

[المهنـدس]

عزيزي ... اذا بتاخذ نصيحه اخوك اللي يبي لك الخير ... اسمع هالكلمتين ..
طالما انك على قد حالك ... وتبي موتر بر وديره ... وفلوسك بحدود 80 .. ليه تشتري مستعمل ماخوذ خيره!!
خذ لك جديد احسن .. وتنسى صيانته 3 سنوات قدام باذن الله على اقل تقدير .. والخيارات عندك كثير ... مثلا انا اشوف الفورتشنر ... جيب التويوتا الجديد روعه وما فيه كلام ويكفيه انه تويوتا ... او هايلكس دفرنسين مثلا ... انا عارف ان اللاندكروزر حلو ويصبر وكل شي ... بس باقي سيارات تويوتا ما تقل عنه جوده وكفائه .. لذلك خذ لك جديد طالما انك قادر على سعر جيب جديد غير اللاند كروزر ... هذي نصيحتي لك وانا اخوك وانت عقلك براسك وتعرف خلاصك!

تحياتي/ اخــوك المهنـــــــــدس

[rooco]

نصيحه اخويه

ان كان موترك ممشيك , خله معك ولاتبيعه :no2:
الددسن موتر بر ومدينه , كد ومد وقطع غياره بلاش وفي كل مكان , صحيح انه مهوب مثل الجيب في البر وفي السعه لكن مد لحافك على قد رجليك .
بتضغط على عمرك وتضيقها وآخرتها تاخذ لك موتر 2000 ولاحتى 2001 ثمن تحط فيه ضربة دراهم وآخرتها تقعد ترقع فيه ولاتضمنه في بر ولاسفر

رأي الشخصي وبالله التوفيق


أنا مع أخوي أبو ريناد

ودامك طلبت النصيحة بقولك اللي أشور فيه عليك

دامك على قد حالك وأنا أخوك وموترك ممشيك ورافعك عن الناس
هذي نعمة إيو الله نعمة (وانت مد رجليك على قد لحافك)

الارض باكر يجي اليوم اللي تنفعك فيه يمكن تحتاجها ولا شي

أما إذا كنت ناوي تشري موتر وجازم بالحيل

فلا تشري الا موتر يمسك قيمته جيب نيسان والا تويوتا

والباقي لايهمك (لان اغلب المواتر تطيح قيمتها الا النيسان والتويوتا)


والله يوفقنا وإياك لما فيه النفع والفايدة

[راس الرعيلة]

السلام عليكم ورحمة الله وبركاته

يا أخي الكريم أنا بأقول لك حاجة :

أولا/ الجيوب هذي (جي إكس آر ) بالقيمه هذي لن تستطيع الحصول على شي نظيف بقيمتك اللي معك إلا بحالات نادرة..
وحتى لو حصلت شي نظيف بيكون ماشي كثير...

((وكلامي على الموديلات الجديدة من 2003 وفوق))

أما إذا كنت تقول لا والله بآخذ شي من القديمات 2001 ,2000 فأنت بتلقى (على خبري) لكن حط في بالك أنك تاخذ الموتر وتبدا تستقبل خراباته والأشياء الأستهلاكيه فيه وتصلح الأشياء اللي فقعت مرارة راعيه الأول

وبيجيك ناس تقول الجيب ما يضره ممشاه ومن هالكلام... ما عليك الجيب زيه زي أي سياره ....

لذلك أنا أنصحك ونصيحة محب والله

أنك تفكر بالجيوب الرخيصه واللي بتلقاها جديده وبحدود قيمتك

مثلا البرادو
أو الباثفندر وبتلقى أنظف النظيف والباقي بجيبك
أو الربع نيسان
أو الونيتات الدفرنسين

هذي وجهة نظري اللي حبيت أطرحها وأفيدك فيها وأي شي أنا حاضر به يالغالي

[مخاوي قناص]

السلام عليكم اخونا الحبيب الحذر الحذر من المستخدم الغش فيه قوي اقترح عليك تاخذ فورتشنر الجديد لذيذ وان هواك الاند كروزر عليك بالجي ال لاتتقحم سياره اصل سعرها غالي وتدفع بها ثمنييييييين الف :confused: وهي كاده خطوط وبرور:no2: وبعدين لاتشتري من تحت المقرفون خلك مثلي اشتري من المعرض بزياده 5000الاف ريال لاكن افحصها فحص جبار اعرف كل بلا فيها ونا ماشريت واخر ماانصحك به الجديد الجديد الجديد الجديد لذييييييييذ:good: :good: :good: :good: اخوك مخاوي قناص

[مخاوي قناص]

ابذكر لك قصة واحد من الشباب العزيزين علي الله يحفضه ماشاء الله تبارك الله كانت معاه هاي لوكس 96 طلعها كرت خدمت عشر سنوات عنده ومنها على جيب جي ال2006 ريح راسه من الدوخ يعلم الله اني انصحك ومتمني لك السياره الي تسرك وماودي انك تحط ثمنين الف في سياره قديمه كل ماجيت تروح هنا ولاهنا جلست تدعبس فيها رجيتك سامحنا اخوك مخاوي قناص

[الرسام]

اعضم نصيحة اقدر افيدك فيها
انك لا تبيع سيارتك الا اذا عربنت على السيارة الجديد حتى لو خسرت في سيارتك القديمة

[بهار]

السلام عليكم و رحمة الله و بركاته

إذا كان كل ما تملك هو ما ذكرت ، فلا أنصحك ببيع الأرض بتاتا ، و خلك على سيارتك ، فأحوالك أفضل من أحوال كثير من الناس ، و علينا شكر الله على ذلك.

[بومعطش]

أخوي عليك بكلام أخونا بو ريناد أنا أشهد أن كلامه عين الصواب

[شمالات نجد]

السلام عليكم

ان كانك شاري الارض عشان تعمرها مستقبلاً لك ولعيالك فلا تفرط فيها عشان جيب

اما اذا هي منحه او شاريها للاستثمار ما عليه :)

وعلى قولة الاخوان الجديد لذيذ

80 الف = ربع نيسان = فورتنر = سزوكي فيتارا

أما اذا بغيت مستعمل فأنصحك ما تشتري سيارة إلا من شخص تعرفه وتعرف انه محافظ على السيارة وفاكها وكاله

او اقول لك ضبط موترك الددسن بخمس آلاف من إلى ولا تقصر عليه بشي ولاهو مقصر عليك

بالتوفيق

[فهد 1426]

اخي الحبيب ولا يهونون بقية الاخوان
اسمع مني بارك الله فيك ــ واعلم ان الارض مثل العرض ــ لا تفرط فيها حتى ولو كنت في ملك ــ (( يقال بأن العقار هو الابن البار )) هذه نقطه 0
النقطه الثانية ــ من حيث السيارة يعني ما فيه هالبلد الا هالولد ــ لازم لاندكروزر ــ غير من قناعاتك شوي ــ وواكب الظروف وتكيف معها ــ زبدة الكلام يوجد بدائل اخرى غير الاند ويؤدي غرض الاند بإذن الله ــ وانا اتوقع انك سوف تجد بحدود 50.000 ريال جيب مضبوط عليه الكلام ـ 2002-2004 طبعا غير الاندر والباترول ــ
ولن تظطر الى بيع ارضك
(( نصيحه حاول تنسى بأنك تملك ارض ))
وفقني الله وإياك لكل خير

[أبو مرضي]

شف ترا الجيب يبيلة جيب
يعني الجيب لازم تحط فية وترقع كل شوي
وخلك على موترك
أنا عندي مثل موترك 99 بس كل شي عادي
صدقني أول ما شريته البر على طووول
وهذا حليله خادمني خدمة الله أعلم بها
وبعدين مبروووك الددسن والبكب بشكل عام
قبل هالددسن كان معي جيب شيروكي والله انه عقده من العقد
مبهذلني بهذله وأنا حالي مستور والحمد لله
الجيب يبيله واحد راتبة فووووق 10الاف
ويالله يكفي كان انه راعي بر

خلاصة الموضوع لا تتهور وتاخذ جيب وانت على قد حالك وفكر بالمستقبل زين

أخوك ابو مرضي

[غضنفر]

اشتر يا رجال
ومتع نفسك في هالدنيا
لكن لا تشري مستعمل
خاصة الاند
المستعمل منه غالي بالحيل
حرام تدفع 80 الف في موتر ماشي 200 الف
الا اذا انت تعرف راعي الجيب و واثق منه
ولا شف لك من هالجيوب الرخيصة
باثفندر 2004 او 2005 ماشي له حول الخمسين بــ الستينات وحولها
او ربع باترول جديد 2006 بــ 70 الف
او سوبر سفاري موديل 2000 نظيف بالخمسين
والخيار لك

[anas]

إن كنت ملزم على اللاندكروزر انا انصحك تشريه من الباحة او الجنوب ترى الناس هناك تحافظ على السيارة بشكل غير طبيعي مع العلم انهم ساكنين في جبال ، ولا يبيعون الجيب في الغالب إلا اذا حدته الظروف او غني يبغى يغير ، والدبل من النادر جدا يشغله . اما في الرياض كل اسبوع وهو يطعس .

[الدحبول]

اشتر يا رجال
ومتع نفسك في هالدنيا
لكن لا تشري مستعمل
خاصة الاند
المستعمل منه غالي بالحيل
حرام تدفع 80 الف في موتر ماشي 200 الف
الا اذا انت تعرف راعي الجيب و واثق منه
ولا شف لك من هالجيوب الرخيصة
باثفندر 2004 او 2005 ماشي له حول الخمسين بــ الستينات وحولها
او ربع باترول جديد 2006 بــ 70 الف
او سوبر سفاري موديل 2000 نظيف بالخمسين
والخيار لك

الممشى ما ياثر على كروزر و GMC و باترول عن طريق تجربه
عندي كروزر 1997 ماشي 315
واحد من الربع عنده باترول 1993 ماشي 670 الاف
والجمس عند ولد عمي موديل 1992 ماشي 580 الاف

صدق نادر ما تحصل كروزر نظيف ان شتريت حقي خسرت عليه 3 الاف

[هدد ؟؟؟]

أخي الغالي ..
بالنسبة للاندكروزر فالنظيف غاااااالي (من الميه وفوق) إلا إذا كان مسمكر.طبعا من2003 وفوق.
لو تاخذ باترول (فتك 4800) رفارف وصدامات سود ومكيفين وتانكيين .تراه رخيص.
أنا لاقي باترول فتك قير عادي رفارف سود ماشي 69000وسعره بالسبعينات(ماأذكر الرقم الضبط) فيه تعديل خفييييييييييييف بالكبوت.
و فيه مثله أبيض قير تماتيك عادي(تبترونيك) ماشي 38000فقط بالثمانينات (ان قدرت تزيد على قروشك).
أما بالنسبة للاند فأذكر انه عرض علي في إكس آر 99ماشي170000فل الفل قير عادي.وسعره بالسبعينات.
لكن وش المشكلة؟
إذا صار الموتر قديم حتى لو ماشى واجد تراه يبهذلك بالقطع (اقصد تغيير القطع الإستهلاكية الكبيرة مثل جنزير المكينة - كراسي المكينة - الربلات والجلب-......) وهذي القطع بتاكل عليك .
أو مثل ما قالو الاخوان خذ باثفيندر مستعمل .(تلقاه ماشي من 60إلى80 ألف) بخمس وسبعين إذا طق.طبعا موديل 2005
والربع الباترول جيد إذا عندك موتر رديف.
والفورنتشر كذلك . أنا لاقي فل الفل قير عادي ماشي 68ألف بسبعبين وخمس ميه.
ولو لقيت موتر زين وقيمته فوق الثمانين ، ادفع 80ألف كاش والباقي أقساط.(اقتراح).

ولااااااااتنسى الاستخارة والاستشارة..
وفقك الله ....

[هدد ؟؟؟]

نسيت أقول أي خدمة حنا حاضرين .
الله يكتب لك اللي فيه الخير

[سندباد الخليج]

بارك الله فيك اخي الكريم

التوفيق من رب العالمين والسيارات الله يرحمنا برحمته غاليه.. وتقريباً 80 الف بالتايوتا ماتجيب لك موتر

نظيف مره .. ولكن انصحك بالنيسان تراه جيد ومايفرق عن التايوتا واجد بس يبي لك كل سته شهور

تربيط هذا اذا كنت راعي بران يعني دوجان اما اذا كنت بالديره كل سنه تربيط ممتازه وبكذا تكون حققت

مرادك بأقل التكلفة صحيح اغلبية الناس تفضل التايوتا على النيسان بس ترى النيسان مهوب سيئ لدرحة انه

مايصلح بس تايوتا افضل ويمسك سعره لو حدتك الدنيا ولا معك شيك ..
يعني الي عنده قل حيله النيسان اوفر .

اتمنى ان اكون اقنعتك .... واتمنى لك التوفيق

[ابوعبدالله 2]

ابي اخش عرض ياشباب اشوف التايوتا كثير الكلام عنة ترا فية بدائل كثيرة ودي اسوي دعاية لموتري هههههههههه ماتشوفون الفورد اكس بلورر واللة ممتاز بس اهم شي تاخذة جديد وسعرة ممتاز وانصحك لالالالالالالالالالالالالالا تبيع الارض ابداابدا ابدا ابدا

[الوهم]

الجراح555
يعطيك العافية على المرور وفعلا الاخوان بعيد عنهم القصور

الدحبول
ماقصرت بالاجابة الله يوفقك
السؤال الرابع الغير واضح
هو اني اقصد كيف اعرف الجيب الذي فيه ترهيم من الجيب الذي على طبيعته
لان فيه ناس يغيرون بالسيارات مثل موديل 99 يقومون بتحويله الى مويل 2004 بتغيير الخط والجناح وغيرها
تحياتي لك

كحيلان البدراني
شكرا لك على الاضافة
لك الشكر

ابو ريناد1979
اشكرك على النصيحة الطيبة
لاننا نبي سيارة تريحنا من الورشات ومادام موديلات 2001 و 2002 فيها مكدة ولابد من زيارة الورشات لازم نزود حتى لو الباقي اقساط
لاني اكره الورشات بعيشة الله

الفين6
اي والله ياخوي الحياة وحدة والعمر واحد وندور الراحة
الدداسن قطعت ظهورنا ياخوي
الف تحية لك

ق ب م623
نصيحتك طيبة واسمع ناس كثير يروحون للامارات والكويت وقطر
لكن انا ماادري كم الفرق بالسعر بين دول الخليج والسعودية
الحاجة الثانية يقولون ان الفرق بالسعر راح تدفعه جمارك وغيرها
الله يعطيك العافية

المهندس
نصيحتك جيدة
لكن ياخي انا افضل الجكس ار والفكس ار
اما بالنسبة لـ الفورتشنر مااعرفه واول مره اسمع به ولم اشاهده من قبل ولاادري كم سعره
لك التحية

rooco
الارض توجد في مدينة غير مدينتي وهي منحة ولن اعمرها لانها بعيدة عن جماعتي وحتى لو كنت استطيع فهي في ارض لايوجد بها بناء
واكيد لو صبرت عليها 5 او 6 سنوات تبي ترتفع لكن انا محتاجها هالوقت
وفعلا التايوتا والنيسان قيمتها فيها
لك الشكر الجزيل

راس الرعيله
اشكرك على النصيحة
لكن ياخوي الصراحة انا ماعجبني الا منظر التايوتا والا لو ابي غيرها اشتريت ددسن وكالة بالثمانين
لك التحية

مخاوي قناص
فعلا الجديد ماغيره
بس ياخي فحص المستعمل مشكلة
وين تلقى الفاحص الخبير الامين ؟

والجديد لو سعره مرتفع ماهو خسارة وحتى لو هو دين واقساط احسن من مستعمل كاش تدفع اقساطه للورشات
الله يوفقك

الرسام
كلامك صحيح وانا جربته
لان البحث عن سيارة ليس بالسهولة
لانه يمكن تبيع سيارتك ولاتجد السيارة المناسبة وبعدين تتورط

الف تحية

بهار
الارض بايعها بايعها لانها بعيدة عني وتبي صبر طويل لسنوات حتى تؤتي ثمارها

تحياتي وتقديري لك

بو معطش
يعطيك العافية على المرور
وفعلا ابو ريناد رايه صحيح

سوف اعود للرد على بقية الاخوة الكرام ان شاء الله

[مخاوي قناص]

الجراح555
يعطيك العافية على المرور وفعلا الاخوان بعيد عنهم القصور

الدحبول
ماقصرت بالاجابة الله يوفقك
السؤال الرابع الغير واضح
هو اني اقصد كيف اعرف الجيب الذي فيه ترهيم من الجيب الذي على طبيعته
لان فيه ناس يغيرون بالسيارات مثل موديل 99 يقومون بتحويله الى مويل 2004 بتغيير الخط والجناح وغيرها
تحياتي لك

كحيلان البدراني
شكرا لك على الاضافة
لك الشكر

ابو ريناد1979
اشكرك على النصيحة الطيبة
لاننا نبي سيارة تريحنا من الورشات ومادام موديلات 2001 و 2002 فيها مكدة ولابد من زيارة الورشات لازم نزود حتى لو الباقي اقساط
لاني اكره الورشات بعيشة الله

الفين6
اي والله ياخوي الحياة وحدة والعمر واحد وندور الراحة
الدداسن قطعت ظهورنا ياخوي
الف تحية لك

ق ب م623
نصيحتك طيبة واسمع ناس كثير يروحون للامارات والكويت وقطر
لكن انا ماادري كم الفرق بالسعر بين دول الخليج والسعودية
الحاجة الثانية يقولون ان الفرق بالسعر راح تدفعه جمارك وغيرها
الله يعطيك العافية

المهندس
نصيحتك جيدة
لكن ياخي انا افضل الجكس ار والفكس ار
اما بالنسبة لـ الفورتشنر مااعرفه واول مره اسمع به ولم اشاهده من قبل ولاادري كم سعره
لك التحية

rooco
الارض توجد في مدينة غير مدينتي وهي منحة ولن اعمرها لانها بعيدة عن جماعتي وحتى لو كنت استطيع فهي في ارض لايوجد بها بناء
واكيد لو صبرت عليها 5 او 6 سنوات تبي ترتفع لكن انا محتاجها هالوقت
وفعلا التايوتا والنيسان قيمتها فيها
لك الشكر الجزيل

راس الرعيله
اشكرك على النصيحة
لكن ياخوي الصراحة انا ماعجبني الا منظر التايوتا والا لو ابي غيرها اشتريت ددسن وكالة بالثمانين
لك التحية

مخاوي قناص
فعلا الجديد ماغيره
بس ياخي فحص المستعمل مشكلة
وين تلقى الفاحص الخبير الامين ؟

والجديد لو سعره مرتفع ماهو خسارة وحتى لو هو دين واقساط احسن من مستعمل كاش تدفع اقساطه للورشات
الله يوفقك

الرسام
كلامك صحيح وانا جربته
لان البحث عن سيارة ليس بالسهولة
لانه يمكن تبيع سيارتك ولاتجد السيارة المناسبة وبعدين تتورط

الف تحية

بهار
الارض بايعها بايعها لانها بعيدة عني وتبي صبر طويل لسنوات حتى تؤتي ثمارها

تحياتي وتقديري لك

بو معطش
يعطيك العافية على المرور
وفعلا ابو ريناد رايه صحيح

سوف اعود للرد على بقية الاخوة الكرام ان شاء اللهياخوي ماشاء الله عليك افحمتنا مابها كلام نبي نعينك مستشار مكشات ماشاء الله عليك

[ضغط سحاب]

مرحبا....
لا زيادة على كلام الرجال....

اذا على قد حالك فخلك على ام عزيز
اذا ملزم فأقول توتويا جي اكس ار موديل2000 (بتغيرة خط يصير موديله.....؟؟)
طبعا من ناحية الشراء فأنصحك تبحث عن واحد من اخوياك خبير- بس لا تقرب الشريطي- وان شاء الله يساعد في الشراء
ملاحظة( السيارة مستعملة = صيانة بعد الشراء تصل الى3000 تقريبا)

والله اعلم

اخيرا((((( اذا تبي نفزع ....؟؟؟؟))))

[رحال7]

عزيزي ... اذا بتاخذ نصيحه اخوك اللي يبي لك الخير ... اسمع هالكلمتين ..
طالما انك على قد حالك ... وتبي موتر بر وديره ... وفلوسك بحدود 80 .. ليه تشتري مستعمل ماخوذ خيره!!
خذ لك جديد احسن .. وتنسى صيانته 3 سنوات قدام باذن الله على اقل تقدير .. والخيارات عندك كثير ... مثلا انا اشوف الفورتشنر ... جيب التويوتا الجديد روعه وما فيه كلام ويكفيه انه تويوتا ... او هايلكس دفرنسين مثلا ... انا عارف ان اللاندكروزر حلو ويصبر وكل شي ... بس باقي سيارات تويوتا ما تقل عنه جوده وكفائه .. لذلك خذ لك جديد طالما انك قادر على سعر جيب جديد غير اللاند كروزر ... هذي نصيحتي لك وانا اخوك وانت عقلك براسك وتعرف خلاصك!

تحياتي/ اخــوك المهنـــــــــدس
ونعم النصيحه..جديد جديد..واهرب من المستخدم مهما كان مغرى

[مغلي]

اذا دخلك الشهري حول ال 10000 ريال خذ اللاند كروزر
اذا دخلك 5000 أو اقل ابعد عنه

وهذا لاندكروزر 2005 يمكن يناسبك http://www.mekshat.com/vb/showthread.php?threadid=101386&goto=newpost

[ق ب م 632]

نصيحتك طيبة واسمع ناس كثير يروحون للامارات والكويت وقطر
لكن انا ماادري كم الفرق بالسعر بين دول الخليج والسعودية
الحاجة الثانية يقولون ان الفرق بالسعر راح تدفعه جمارك وغيرها
الله يعطيك العافية

ــــــــــــــــــــــــــــــــــــــــــــــــــ ــــــ


حق وواجب ياطويل العمر وبعدين لاتخاف الجمارك ماتاخذ عليك اذا صار موديل موترك 2003 وفوق وحتى لو صار تبي تاخذ لك كروزر مودل 2000 او 2001 على قد فلوسك فالجمارك تبي تكلفك 2000 ريال مو اكثر وعلى فكره انا قبل فتره بالكويت لاقي جيوب الشاص موديلات 2000 على 48 الى 52 الف النظيف ولاقي جيب لاندركروزر 1999 نظيف وارد الساير مامشى واجد مع ان موديله قديم شوي يقول عليه اليوم 61 الف يعنى بيني وبينك الاسعار مغريه جدا وزود على كذا النظافه تفرق عن مواتر السعوديه


ومع اني كنت مقرر اني اروح الاسبوع هذا لكن اجلتها بسبب ظروف طائه لكن اذا بغيت اشوفك الموتر اللي تبيه عطني خبر هاليومين وابشر بسعدك

[هوي المكشات]

الاسعار نار في المعارض و80 تجيب مديل قديم نضيف مثل 98 99 2000 اومديل حديث بس بس مو نضيف والفحص عند مركز الغروب في معرض النسيم افضل فحص والله اعلم 0وبتوفيق0

[هوي المكشات]

الاسعار نار في المعارض و80 تجيب مديل قديم نضيف مثل 98 99 2000 اومديل حديث بس بس مو نضيف والفحص عند مركز الغروب في معرض النسيم افضل فحص والله اعلم 0وبتوفيق0
سعر 2002النضيف فوق 100 GXRقبل اسبوع شاريه واحد اعرفه

[بركان الوله]

من وجهة نظري أنا
لو تشتري إف جي كروزر fj
جديد 2008 وقيمته حوالي 101000 مئة ألف وفوقها ألف لرقم 1 منها جديد وقوي
وما فيه مثل الجديد يعني يبقى عليك مبلغ 20000 دبرها و شوف كيف الموتر الجديد
أفضل من مستخدم ما تدري إش فيه
وسلامتك ،،،،،،،،،،،،،،،،،،،،،،،،،،،،،،،،،،،،،،،،،،،

[كهلان]

أنا مع أخوي أبو ريناد

ودامك طلبت النصيحة بقولك اللي أشور فيه عليك

دامك على قد حالك وأنا أخوك وموترك ممشيك ورافعك عن الناس
هذي نعمة إيو الله نعمة (وانت مد رجليك على قد لحافك)

الارض باكر يجي اليوم اللي تنفعك فيه يمكن تحتاجها ولا شي
انا رآيى من رآى ابورينا وروكو
وفر دراهمك وارضك وعبر ها بسيارتك لان الارض تزود ولاتنقص
والله يوفقك ويرزقك

[خيال الغلبا]

هج عن المستعمل
كانك تبي راحة البال
لاتقرب المستعمل
اصبر حتى تجمع قيمة الجديد والا تدين فلوس