تكفون تكفون تكفون تراني تعبت بالحيل ؟؟ [الأرشيف]

مشاهدة النسخة كاملة : تكفون تكفون تكفون تراني تعبت بالحيل ؟؟

شفر 10

30/08/2007, 07:47 PM

يا إخوان اعطيكم مشكلتي عسى ألقى عندكم الحل ؟

المشكلة عندي سيارة ما يخرب فيها إلا السلف لدرجة إني غيرت السلف أكثر من خمس مرات هذا غير تصليح السلف بعض الأحيان وآخر مرة من كثر الفك والتركيب انكسر السلندر اللي يركب فيه السلف واضطرينا ننزل المكينة ونسويها بالمخرطة واشتريت سلف أصلي وكلفنتني الشغلة حول 1200 ريال

واللحين بعد 4 شهور رجعت المشكلة

المشكلة إن السلف ما يدق ولا يطلع صوت بالمرة والبطارية تمام وقمت بتنظيف الأصابع وصبيت عليها مويه دافية لكن ما فيه فايدة علماً إن السيارة جمس موديل 81
ومابه إلا هالخراب

فاللي عنده الحل أو مرت عليه نفس المشكلة لا يبخل علينا

ودمتم

الدحبول

31/08/2007, 12:41 AM

يمكن تركبها عند ميكانيكي مهوب مضبوط غير الورشة
إذا انت في الاحساء ابشر
ورشة طاهر الموسى جميع الميكانيكين كويسين بس الافضل هو الويلس
غالين في بعض المور لكن الشغل مضبوط

شفر 10

31/08/2007, 06:31 PM

طحنون

31/08/2007, 06:35 PM

اقراء عليه يمكن جايته عين
الله يكفينا الشر
وبعدين تأكد من الحذاف يمكن فيه خلل او يبيله خرط لان الحذاف متصل مع السلف وهو اللي يسويلك المشاكل
احتمال

الدحبول

31/08/2007, 09:54 PM

مشكور يالدحبول على مرورك

المشكلة إني بتبوك وكلها بنقالية

لكن أبغى أسأل صندوق الفيوزات هل له علاقة بتشغيل اليسيارة ؟؟ وينها بالضبط

لأني أمس قاعد المس بالفيوزات و اشتغلت السيارة

ردودكم يالطيبين

نعم
في اثنينا واحد عند باب السواق في ديكور الطبلون
وثاني تحت الكبوت
فك كل الفيوزات وركبها
ونشاء الله يضبط

zafr7432

31/08/2007, 11:55 PM

اقراء عليه يمكن جايته عين
الله يكفينا الشر
وبعدين تأكد من الحذاف يمكن فيه خلل او يبيله خرط لان الحذاف متصل مع السلف وهو اللي يسويلك المشاكل
احتمال

انا مع راي طحنون

السيارات الامريكيه بالاخص الجمس والكابرس مشكلة السلف من الحذاف
هذا اللي اقدر افيدك فيه وان شاء الله تنحل المشكله

شفر 10

01/09/2007, 08:00 PM

تشكراااات لكم جميعاً

لكن مثل ما قلتم الظاهر إن الحذاف هو اللي يخرب السلف
وراح أشيك على الفيوزات

ا بو بندر

01/09/2007, 08:50 PM

شيك على الحذف هذا اذ المشكله تتعلق بترس السلف

بدوي جنوبي

01/09/2007, 10:15 PM

الاخ شفر

الاخوان ما قصرو معاك

طبعا انا سئلت زميل كان يشتكي دائما من خراب السلف

والسيارة جمس صالون م 81 454 لونه بيج ههههههههه

عاد كلمته ويقول الحل هو يركب سلف اصلي اصلي اصلي

عموما قبل هذا مثل ما قالوا الاخوان تأكد من الحذاف

بالتوفيق

شفر 10

02/09/2007, 10:54 PM

معقولة بدوي جنوبي يرد علي أنا (خلاص هذه تكفيني)

أنا دورت على سلف في وكالة الجميح وما حصلت فأخذت سلف أمريكي أصلي من بن جحلان

( أحد الميكانيكين قال إنت غيرت المكينة بمكينة أكبر ؟؟)

أنا غيرت الكينة من 305 إلى 350 ويقول إنها ثقيلة على السلف

وأشكركم جميعا على ردودكم الأكثر من رائعة