المساعد الشخصي الرقمي

مشاهدة النسخة كاملة : مشــكلة بين الباثفندر والبترول


ناصر الدهمشي
01/09/2007, 11:58 AM
السلام عليكم ورحمة الله وبركاتة ،،

كيف حالكم يا أخوان عساكم بخير
نبارك لك قدوم الشهر الفضيل المبارك عليكم
جعله شهر خير ومغفرة على الجميــع

نصيحة منكم يا أخوان
انا ابشتريلي موتر
ومحتار بين الباثفندر والبترول
والمبلغ الللي معي 45 الف ريال

وش تنصحوني فيه بين الباثفندر والبترول
وش مميزاتهن للي له خبره يفيدنا
الله يجزاكم الجنة ان شاء الله

واللي يذكر لي موتر طيب لايقصر معي
اكون لكم من الشاكرين

شاكراً ومقدراً تعاونكم
عاشق السيل
02/09/2007, 06:56 AM
وعليكم السلام ورحمة الله وبركاته ،،

أخوي الـ 45 ألف ممكن تجيب لك باث 2000 أو 2001 وممكن تجيب لك سفاري من 95 إلى 98 حسب النظافة والمواصفات ،،

لكن أنصحك تاخذ السفاري بدون أي تردد لأنه الأفضل والأوسع والأريح والأقل خرابات والأوفر قطع غيار من الباث فايندر ،، هذي نصيحتي لك وانتظر غيري أكيد بيفيدك أكثر ،،

تقبل مروري يالغالي ...



.
بو بندر
02/09/2007, 07:36 AM
خذ بترول افضل ...... بعدين عندي باف فندر 2002 فول كامل الون ذهبي معروض في شركة النيسان عندنا في قطر ممكن اليوم ينباع 45000 ريال قطري اذا تيغي الموتر اكنسل البيعه ونتظرك
صراحه الموتر ورده .. مبدله اشيا جديده 1- ادتر جديد من اسبوع 3500 ....2- اكويل جديد 2500.....3- طرمبة بترول... 2000....4- تشيك كامل في الوكاله مع تغير كل الفلتر
بس في عذروب واحد المكيف يشتغل ويطفي ظاهر الكمبرسل بغي تغير
هدد ؟؟؟
02/09/2007, 09:58 AM
تلقى سوبر سفاري 98 ماشي أقل من200000 بحول الخمسين
سعد الليالي
02/09/2007, 11:33 AM
كلام اخوي عاشق السيل صحيح 1000000% ونا كنت باقو نفس الكلام
الباثفايندر 2001-2002 كاربوريتر والباترول 98 كذلك وانا انصحك بـ98-99 باترول ولا تدور غيرة
وتقبل مروري.....
الدحبول
02/09/2007, 11:59 AM
من وين تجيبون هذي الاسعار
في باثفيندر 2004 قير أوتومتيك أسود إنسام ب48 الاف عندنا في الاحساء شفته قبل أسبوع في
معرض بن سماعيل الاحساء المنطقة الصناعية بجوار ورشة الملحم أشهر من نار على علم

نيسان مايمسك سعرها إلا الباترول والدتسن فقط
الدحبول
02/09/2007, 12:00 PM
تجيب باثفيندر موديل 2003 إلى 2004
باترول من 1998 إلى 2000
باثفيندر
إذا كان عدد عائلتك 5 أشخاص تصلح
إقتصادية
عملية
قطع الغيار الله و أعلم
الصيانة سهلة جميع الورش تقوم بصيانة النيسان
ابوشذى
02/09/2007, 12:10 PM
اهلين اخواني انا ادور على باثفندر بس والله عجزت القى شي نظيف وإن لقيت شي غالي قبل يومين لقيت 2003 لؤلؤي فل كامل والموتر بصراحة جديد انباع 63000ريال طبعا انا من بريدة معقوله الاسعار هذي وخوي الدحبول يقول 45000 تجيب 2003 و 2004.

اخوكم
ابوشذى
ابوجعفر
02/09/2007, 01:35 PM
باتررررررررررررول احسن لك واقل خرابات .
أبو ذولا
02/09/2007, 02:34 PM
الله يجزاك خير أنت بأي ديرة أولاً...
ثانياً الباث فاندر سعره غالي مررة خصوصاٍ من موديل 2003إلى 2005الصراحة سعرها بالرياض غالي ..
أنا مثلا شريت واحد لؤلؤي أول العطلة هذي بــ 74000ريال:eek: ولا مستعمل بعد لكن نظيييف مرررررة ولقيته مع واحد يعرفه الوالد ولا قد درسن بعد ومع ذلك كنت أدوره لي ثلاث أشهر والشريطية اللي موصيهم الله يجزاهم خير دوروا بميناء جدة والدمام ولا بعد دوروا بالامارات جديد سواء موديل 2003أو2004أو2005ولاكن للأسف ما لقوا شئ يعني بين قوسين ( انسا تلقى جديد ... وإذا بغيت مستعمل نظيف يبيلك تصبر وتدور من واحد تعرفه أو تظمنه ... لأن هذا جيب وأنا خوك ما تدري اللي أنت شاري منه فاجره بالبر والا لا؟؟) أما الباترول ما عليه كلام أبد لكن بنفس الشروط اللي قلته قبل شوي وهي مهب شروط جديدة عليك أصلا لكن للتذكرة:) نسيت أقولك أنه جيبي فل كامل وقير توماتيك
سهيل 2002
02/09/2007, 11:26 PM
السلام عليكم : نصيحة محب لك في الله أبعد عن النيسان
الدحبول
02/09/2007, 11:37 PM
اهلين اخواني انا ادور على باثفندر بس والله عجزت القى شي نظيف وإن لقيت شي غالي قبل يومين لقيت 2003 لؤلؤي فل كامل والموتر بصراحة جديد انباع 63000ريال طبعا انا من بريدة معقوله الاسعار هذي وخوي الدحبول يقول 45000 تجيب 2003 و 2004.

اخوكم
ابوشذى

أخوي الباثفيندر عندنا قليل وتعرف أهال الشرقية أغلب سياراتهم سيدان
وهذي الاسعار في الاحساء إنصحك تجي عندنا كل جمعة من الرياض إلى الاحساء 300 كيلو مشوار
وشور لك من يوم مدخلت مكشات تشوف الاسعار مبالغ فيه
الباترول 2000 يقولون ب 65 والاخر 60
2000 السوبر سفاري ب 50 حده 53
عاشق السيل
03/09/2007, 06:37 AM
السلام عليكم : نصيحة محب لك في الله أبعد عن النيسان


اللي مايعرف الصقر يشويه !!!


.
سهيل 2002
03/09/2007, 01:11 PM
اللي مايعرف الصقر يشويه !!!

( ولّي ما يعرف للغراب يربيه );)
بو بندر
03/09/2007, 01:15 PM
خذ كلوزر وريح بالك وخل عن النيسان الغرغاشه كل سنه يبغي تشيك
شبح الصحراء
03/09/2007, 01:29 PM
باتروووووول
ناصر الدهمشي
04/09/2007, 07:23 PM
الله لايهينكم
ويعطيك الله الف عافيه كفيتي ووفيتي جميعاً
ولو انكم روعتونا بالاسعار
ناسن تقول غالي وناسن تقول رخيص
وبالنسبة للاخ القطري بع موترك والله يرزقك

ولو اني سآل زملاء لي بالكويت مواتر رخيصة ونظيفة
منها لقيت سوبر سفاري 2002 بـ 4000 دينار نظيف الموتر على ايد راعيه من الوكالة
ولقيت واحد ثاني 2002 سوبر سفاري بـ 6000
ولقيت الباثفندر من 2000 الى 2003 من 3000 الى 3500
ورحت لمعارض الرياض لقيت سفاري نظيف 2002 بـ 45 الف
واحد ثاني 2002 بـ 72 ألف

ليتني قاعد على الباترول الربع 93 على ايدي وبعته متحسف عليه
ولو اني كنت مشتهي اخذ باثفندر ودي اجربه
بس شكلي اباخذ بنصيحة اخوي عاشق السيل ولا يهونون الاخوان الباقين
سفاري ماغيره ولو انه بانزينه اقشر بس يقولون الجديد طيب اللي هو من 98

كل الشكر والتقدير لكم اخواني على ردودكم الطيبة
وربي يكتب اللي فيه الخيــر

وللجميع خالص التحية ،،
الكتبي66
08/09/2007, 09:53 AM
السلام عليكم
حبيت اقولك انه المبلغ عندك ما يكفي حق باترول وبعدين الباترول يشرب بترول وايد يعني بيخسرك ويمكن انته ما تقدر على المخاسير
فخذ لك باتفندر على قد حالك ولا تطالع فوق تراك بتتعب
escape_man
08/09/2007, 12:50 PM
انا استغرب تعمد البعض للوقوع بجدال لا طائلة منه

ابعد عن النيسان وفقط بدون مايبين الاسباب ... يعني هذا الي اسميه دكاتورية الرأي

بعدين الرجال يقوووول معي 45 الف + يبي جييييب = مالك الا نيسان ... لماذا ؟ لان التايوتا ماتطوله

والله معادلة سهله زي 1 + 1 = 2

الله يجنبنا الجدال وكل مسلم

شف وانا اخوك مالي بالاسعار وللامانة عندي باث 2005 شاريه جديد وقبله عندي باترول

صراحة انا اقول عض النظر عن بحثك للباترول رغم انه افضل لانك بتلاقي موديل قديم واحيانا البحث عن موديل اجد ونوع آخر يكون افضل بمثل حالتك.

الباترول صراحة مايطربك الا 2002 وطالع وهذا اكيد بالستينات وفوق.

اما الباث فمن 2003 بخاخ .. موتر خفيف بالبر وبالديرة وبلنفود يكسر خشم الفتك ويروح ويخليه وسياقته كنك تسوق مكسيما... يعني سيارة صغيرة بمواصفات جيب

وسلام
ناصر الدهمشي
16/09/2007, 01:45 PM
يالربع تراكم زعلتونا
ياخوي تقول اني قاعد اطر
اللي يقولي خلك على قدك
واللي مادري ايش

ترى الدعوه ماهي طراره
انا طلبت مشوره ماله داعي التجريح والكلام اللي ماله داعي
اظن اني اتكلم مع رجال .. والمسألة كانها مسألة فلوس
عندي اللي مكفيني وزيادة وياربي لك الحمــد
اما بالنسبة الناس اللي مسوي فيها شبعانين الله يغنيهم
يخلون عنهم المهــايط تراه يضر بالصحة .. ويقلل من شهامة الرجال
ومن هيبته ... و اللي امس ركبوا السيارة وكاشخين اول ماركبنا
على السيارات انتم على سياكل
نخاريركم تنوطل

على العموم ماقصرتوا والله لايهينكم كفيتوا ووفيتوا وبيض الله وجيهم جميعاً
اشهد اني عفت البترول والباثفندر ... من حقين وايد
ق ب م 632
17/09/2007, 12:15 AM
يارجال احلم ترا حتى الزعل يضر بالصحه بعد


وبعدين وراك ضوء شابه اعوذ بالله




الله يهديك بس ويصلحك ويزوجك غديك تعقل >>>امزح لاتزعل علينا حنا بعد




المهم الموتر اللي يصلح لك ((ابو بندر)) ترا ممتاز بالحيل وخيف وقوي ومايصرف مثل ابوه >>اقصد الباترول




وانت براحتك وانا اخوك




سلااااااااااااااااااااااااااااااااام
بواردي الدلم
17/09/2007, 06:48 PM
تبي العلم ترى النيسان اخف لك من التايوتا الثقيل الغثيث ولو ان التايوتا اقوى الا ان النيسان اريح واخف


بس كانك حضرمي خذ تايوتا يمسك قيمته ويالله يتفكك او يخرب اما النيسان حق المطانيخ لين خرب باعه لو بنص قيمته عادي



بس ترى الباث حلو ومريح وعزمه نشيط ولا عليه خلاف ووذف لاهوب كبير ولا صغير ولا ضيق زي ماقال واحد عملاق في المنتدى