السلام عليكم ياشباب ابي طريقه مقلقل الدخال

[الشمالي0]

ابي طريقه مقلقل الدخل

وطريقه طبخه


وارجو الردسريعن

ولكم خا لص تحياتي

[سهيل واحد]

========


الأخ .... سردا

السلام عليكم

الأعداد:

1) انتف الدخل مضبووووووووووووووط
2) قصص رجلينهن
3) نظفهن من حويصلاتهن
4)اذا ما تاكل روس الدخل قصهن و اجدعهن
5)قلاية

القلقلة:
1) اجدع بالقلاية اشحم دخلتين لين يموع شحمهن
2) كب باقي الدخل عليهن
3) ذر عليهن شوي فلفل أسود و شوي ملح
4) استمر في تقليبهن و اذا شفت انهن ناشفات شوي كب نص بياله ماء فاتر عليهن
5) استمر بالتقليب و كل شوي ذق منهن وحدة لين تشوف انهن قضن قصدي نجضن.. (حاول ما يزود طبخهن اكثر من 10 دقيايق و خاصة النزل اللي يجيك بشهر 9 ميلادي ..)

و بالعافية يا عــم



أخوك

سهيل واحد


"""""""""""""

[الشمالي0]

مشكور وماقصررت الله يعطيك الف عافيه يا سهيل ..

[صقر البحيرات]

خذ طريقتي يا الحبيب:D
1ـ بعد التنتيف وتنظيف الحويصلات وبطونهن و تقطيع رجلينهن وتغسلهن بالماء مشان الدم
2ـ تضع الدخل بطويسه ( قدر ) مناسب وتولع الغاز بنار بسيطه وتحمسهن مع التقليب وتشوف الزيت وشلون يطلع
3ـ تضع البصل ويكون واجد بعض الشيء وتحمس لين يتغير لونه بعض الشيء شويت حوار وثوم مطحون إنت طاحنه
4ـ تملحها وتضع الطماطم يعني 4ـ5 حبات إذا كنتم 4ـ7كذا وخلها تحمس لين ماء الطماطم يقرض ( ينشف) بس مو مره عاد
5ـ تقلط البرقى ( حمست الدخل المقلقله ) وخبز عراقي توك جايبه مع قرن فليفله حاره
هذه هي اللي اعرفها وماعندي غيرها بالنسبه للدخل
تكفى سوها وردي الخبر بساع لا تتأخر :no2: