طريقة عمل الطحينة

[اخو نورة]

السلام عليكم ورحمة الله وبركاتة


انا الحقيقة غرة من الاخ راعي الكيف وطريقة عمل القرص وعلشان تسذا باوريكم وشلون تسوى الطحينة

اول شي استخدامات الطحينة
1- ممكن انك تغمس فيها بالقرص الى سواه الاخ راعي الكيف
2- ممكن انك تغمسبها خبيزات مفروده والا صامولي الى تبي
3- ممكن تغط بها اللحم المشوي

طريقة شراء الطحينة
1- اشتر طحينة جاهزه تباع في جميع البقالات وهي عبارة عن علبة بيضاء وغطاها احمر وبها طحينة سايله
2- اشتر لكل علبة طحينة اربع علب زبادي مقاس ابو ريال ويفضل زبادي ( المراعي)
4- اشتر عدد من الليمون* ولا تبخل بالشري ترا الى بيزيد بيرجع معك لبيتكم

طريقة عمل الطحينة
1- فك علب الزبادي وحطها بسحلة *
2- فك علبة الطحينة وكبها *فوق الزبادي
3- اعصر الليمون فوقها بحد ادنى 4 ليمونات وان بغيت زود حط
ابداء بخلط المقاديروبعد الخلط الممتاز خلها ربع ساعة ثمً كل بالعافية



الليمون = اصفر مايكون ابو زهيرة
سحلة = غضارة
كبها = ادفقها

[الشيب]

السلام عليكم ورحمة الله
تسلم أخوي اخو نورة ماقصرات على مشركتك :D

[راعي عنيزة]

سحلة = غضارة
كبها = ادفقها
وفسر الماء بعد الجهد بالماء :D :D :D ما عرفنا الاولات نعرف التاليات هههههههه
ما عليك ابو نوره ماسكة معي اليوم استهبال :)

طبخه ولا اروع وعزالله ان ذا المنتدى كل يوم طالع لنا في شيف جديد يطق اصبع للشيف رمزي

مشكور يا خلفهم ولا قصرت ويا عله صحه وعافيه واكرمك الله

[اخو نورة]

وماقصرت انت بعد يالشيب

اما راعي اخوي عنيزة احمد ربك اني منيب الشيف رمزي والا الحين والله من واحد منسدح بالمستشفى قمة التسمم جربها وادعلي

[جوال^البراري]

اخووو نوره بغيت توضحلي شغلات..

1- ماهو القرص .
2-كيفيت استخدام الخلطه ما ادري اشلون اعمله بالنار بالفحم والا كيف .
3-هل اضع بعض من الماء.

ويعطيكم العافيه

[اخو نورة]

هلا وغلا اخوي جوال البراري

القرص المقصود به قرص الجمر الى سواه اخوي راعي الكيف


قرص راعي الكيف (http://www.mekshat.com/vb/showthread.php?threadid=935)

الخلطه مايحتاج لها لا فحم والا نار بس اخلط وكل من العلبه الى المعده

ولا يحتاج لها ماء




شكرا

[بدوي متحضري]

ولا خل ولا ماء ولا ملح 00 نواشف يعني :D :D :D

[اخو نورة]

ولا اي اضافة

[درب مبيحيص]

تسلم اخو نورة طريقة حلوة وسهله الله يعطيك العافيه
تحياتي

[أيمن]

الله يعطيك ألف عافية على هذا الموضوع المميز .

:good: :good: :good: :good: :good:

[ابوعبدالهادي]

يرفع بارك الله فيك الطحينية أساسية مع المشويات والسمك

[ريح الرمث]

رهيبه
لكن ما قلت لنا حجم الطحينيه لانها مقاسات متعددة