ابتلشت بلجيب ولا عرفنا مشكلته افيدوووووووووووووووني

[فهووودي 7991]

عندي اخوي جيب مشكلته في الجيب القير ماعرفنا لها حل

طبعن نزلت الموضوع من قبل فتره ذكرت فيه انه جيب خرب على اخوي ومعه اهلي في الشرقية ورجعناه للرياض بسطحه وذكرت اني مغير فلتر الزيت القير وهو ماشي 165000كم والحين ماشي 170000كم وبعد ماتأكدت قالي اخوي مغير الزيت وهو ماشي 150000كم
يعني السياره مشى عليها 20000كم على الفلتر الزيت القير
مواصفاته يمكن تفيدون في علته
GXR
2000م قير توماتيك ماشي 170000كم (شكلي عارضه للبيع صح)

المهم دخلناه كم ورشه نقولهم وش المشكله يقولون كلتشات وزيته القير محروق يحن ويوقف في مكانه كنك ماسك فرامل وداعس بنزين

سألت كم واحد نصحوني في الوكاله والبازعي واتوستار افضل ناس يشتغلون في هاذي المشكله

العله اذا نوينا تصليح وديناه يتصلح تدرون ويش يقولون
0
0
0
0
0
0
0
(السياره مافيها شي) :no:

كيف السياره مافيها شي وانا جايك في الطريق انواع الحنه وياله وصلت واذا طلعت من الورشه ولاكأن شي صار

خرب على اخوي قبل لايسافر الشرقية وداه على سطحه ودخلها عند ورشتين وقالو مافيها شي وراح وسافر وجلس معاه اسبوعين وبعده رجع الخراب ورجعناه من الشرقية بسطحه وديناه للبازعي ويقول مافيها شي والله ابتلشنا في الموتر لاهو الي صلح ولا الي صلحناه

البازعي يقول اذا كان فعلن خراب الكلتشات يكلفك 13000ريال مع القطع والشغل قاله اخوي اوتوستار وشلنجر ارخص (طبعن سأله يجس نبضه) قال ايه بتحصلهم يشتغلون بـ5000ريال اجرت اليد ارخص ومع القطع مو اصلية (اقول في نفسي كيف قطع مو اصلي وهو انا الي راح اشتري القطع بنفسي) هل هاذا الكلام صحيح

ووكاله عبداللطيف يقول تقريبنا القطع 4000 ريال من غير شغل

وبكره بوديه اوتوستار

هل فيه احد مرت عليه زي المشكله هاذي ارجو انكم تفيدوني وهل توصل الأسعار القطع والشغل الى المبلغ هاذا اجل وش بقى على القير كامل وهل ممكن اغير الزيت القير وتنحل المشكله

والله ماقد جتني مشكله وتعقدت منها زي هاذي ورشه تقول كلتشات واذا نويت اصلحها يقولون مافيها شي هل ممكن انها عين ماصلت على النبي
ولا ممكن محرك قطعه وهو مايدري عنها وتزين وهو يفحص السياره

[بدوي جنوبي]

هلا فهودي

نعم انا اذكر سيارتكم لما تعطلت علي اخوك

والله امر سيارتكم عجيب

امكن عين ما ذكرت الله

انا اقولك موقف صار معي علي طريق الرياض الخرج <<<<<<<< قام يتفلسف ;)

تعطلت سيارتي في الطريق بدون اي مقدمات وقفت السيارة تدق سلف بس ما تشتغل طبعا في الليل

كل شي زين بنزيم وكهرب ما اذكر ان فيها شي ،،،، جاني راعي سطحه مصري قلت كم توديها الخرج

قال 100 قلت انا 80 قال مشينا ،،،، نزلتها قدام ورشة اعرفها،،،

طبعا من الكسل جيتها ثالث يوم وافتح الباب :o
واسمي بالله واقرأ آية الكرسي والمعوذات ،،،، واشغل السيارة اشتغلت ورحت البيت علي طول

والي يومك هذا ما تعطلت ولله الحمد :no2:

الشاهد في الموضوع واحد امتحني علي السيارة يبي يشتريها والله واعلم ان صكها بعين بس ما اصابت

جت سليمه ،،، يعني حاول تقرأ علي السيارة اذا فعلا قالو لك ان القير سليم

علي فكرة الطبلون اللي في توقيعك كنه طبلون رود ماستر صح :good:

تحياتي:D

[رجل كريم]

السلام عليكم ورحمة الله وبركاته:


الحمد لله على سلامة الاهل والاخوان وعودا حميدا ان شاء الله ..


العين حق كما قال صلى الله عليه وسلم ..


انصحك بالاذكار الشرعية وانفث في الماء ورش السيارة بها ..


اعتقد ان الجير سليم ومافيه شي .. اما عين او هناك مشكلة بعد تركيب الفلتر .. ولاتنسى اخوي ان المؤمن مبتلى في ماله او عياله .. وفي المال ولا العيال والحمدلله على كرمه وفضله ..


انصحك تروح بنفسك للوكالة وتشري منهم زيت الجير الاصلي واعتقد انه يختلف عن زيت الفي اكس آر وتشري منهم بعد الفلتر وتوديها لورشة شغلها نظيف وتوقف على راسه لين يخلص وسم الرحمن وجرب .. اخسر 300 ريال وان شاء الله انها تضبط معك ولا انك توظب بعشرة الاف واكثر ..


الله يعينكم اخوي ويخفف عنكم ..


تحياتي ..

[الدحبول]

هلا فهودي

نعم انا اذكر سيارتكم لما تعطلت علي اخوك

والله امر سيارتكم عجيب

امكن عين ما ذكرت الله

انا اقولك موقف صار معي علي طريق الرياض الخرج <<<<<<<< قام يتفلسف ;)

تعطلت سيارتي في الطريق بدون اي مقدمات وقفت السيارة تدق سلف بس ما تشتغل طبعا في الليل

كل شي زين بنزيم وكهرب ما اذكر ان فيها شي ،،،، جاني راعي سطحه مصري قلت كم توديها الخرج

قال 100 قلت انا 80 قال مشينا ،،،، نزلتها قدام ورشة اعرفها،،،

طبعا من الكسل جيتها ثالث يوم وافتح الباب :o
واسمي بالله واقرأ آية الكرسي والمعوذات ،،،، واشغل السيارة اشتغلت ورحت البيت علي طول

والي يومك هذا ما تعطلت ولله الحمد :no2:

الشاهد في الموضوع واحد امتحني علي السيارة يبي يشتريها والله واعلم ان صكها بعين بس ما اصابت

جت سليمه ،،، يعني حاول تقرأ علي السيارة اذا فعلا قالو لك ان القير سليم

علي فكرة الطبلون اللي في توقيعك كنه طبلون رود ماستر صح :good:

تحياتي:D

هذا طبلون كادلك إكساليد 2003

[بدوي جنوبي]

الله لا يعمينا اثر الكتابه اللي في وسط الصورة من كمبيوتر السيارة

الظاهر مكتوب السرعه زائدة

الله يهديك يا فهوددي ليه تسرع كذا هههههههههههههههههههههه

تحياتي

[ملك الباثفندر]

السلام عليكم ورحمت الله و بركاتة

أشكرك أخي فهووودي جزيل الشكر على طرح هذا الموضوع والشكر موصول لجميع الاعضاء على التفاعل الطيب
انا عندي باثفندر 2004 مشكلة في الجربوكس هي التأخير في تغيير النمر من 3 إلى 4 يعنى ما يغير إلى تسمع حنه السيارة بقوه :(

طبعاً رحت فحصت الجربوكس عند جيركو بالكمبيوتر بمية ريال بعد ما انتهى الفحص قلت له وش صار معكم
قال الجربوكس يبغاله توضيب مع غسيل المكينه وتنظيف البخاخات بألف و تسعمائة ريال من غير القطع , طبعاً طرطعت .:mad:

سيارتي نظيفه ماعمري طلعتبها طعس في حياتي واستخدام نظيف
المهم قلت له التالى ( مشكلتنا اننا إذا ماعرفنا نكتشف الخطاء قلنا وضب وبالتالى نحتوي المشكله بكاملها )
طبعاً سكت رحت وخليتة :o

بعدها قلت مالك إلا الوكاله واروح للحمراني على بالى زي جيركو ادخلها واخذها بعد ساعة قالو لازم تاخذ موعد
وتجي في الموعد وتقعد عندنا السيارة لمدة يوم كامل لا وبميتين وخمسين ريال
قلنا يالله و اجي في يوم الموعد وادخلها عندهم على امل ان اجد المشكلة من خلال فحصهم

جيت اليوم الثاني علشان استلم السيارة قلت للمهندس بشر وش النتيجه قالي بأبتسامه عريضة السيارة سليمه ما فيها شي قلت اكيد قال اكيد حتى الفورمالا ( رجال عندهم ياخذ السيارة ويطلع يجربها ) طلع وجربها بنفسة
طبعاً انا ماخذ رقم العداد قبل لا ادخلها عندهم هو هو ما تغير والله لا طلع ولا دخل بس لهف الفلوس على الفاضي :confused:

ولا زالت المشكله في السيارة :no: والسيارة مافيها شي غير ذا المشكلة حتى اني مسافربها قبل ثلاثة ايام من الرياض إلى المدينة
ولا فيها شيى إلا عند تغير القير من النمره 3 إلى النمره 4 بعد كذا قل على الدنيا سلام
ملاحظة القير توماتيك

تكفون يالربع إذا احد قد سمع بحل هالمشكله ولا تخبرون مركز صيانة ميكانيكي ممتار
اعطونا خبر وعساكم على القوه إن شاء الله

مع جزيل الشكر والامتنان

إلى اللقاء

[خالد777]

البلا فيما اعتقد بزيت القير أو زيت الفرامل غير مناسب والله أعلم

[فهووودي 7991]

بدوي جنوبي

الحمدالله جت على كذا وطلعت انت وموترك سالمين

بقرى عليه آية الكرسي قبل لا ودية الورشة وانشالله انها مشكلتها بسيطه

وزي ماتفضل اخوي الدحبول طبلون كادلك كنت زهقان وراجع للرياض ابي اوصل للبيت من طفش الطريق :cool: وصورة الطبلون في اليل ماتوقعت ان الصوره مو واضحه بس بصور غيرها وترى السرعه يمكن اسرع مره في الشهر اذا صرت طفشان لا تنسون السريات كثيره يصيدون المسرعين

وشرفني مرورك اخوي بدوي جنوبي واخوي الدحبول
=======

هلا فيك اخوي داكار

اتصلت على واحد من اصدقاي يشتغل في ميكانيكا وشرحتله المشكله قالي غريبه وقالي زي ماتفضلت اغيرلك فلتر القير ونجرب وقال فيه قطعتين تجي في القير هي مسؤله عن المشكله قالي ناسي اسمها قال جبها السياره بكره ونشوف المشكله قلت انا بكره مشغول برسل اخوي اوتو ستار ونشوف يمكن يلقون حل ولا بعد بكره نجرب نغير فلتر القير ونشوف

=======

هلا فيك اخوي ملك الباثفندر

والله الواحد مايعرف يصدق الوكاله ولا الورش والله البلشه انا حطيت موضوعي لأني عارف اعضاء منتدى مكشات ماراح يقصرون معانا في حل المشاكل اكيد فيه احد مره عليه نفس المشكله وعنده العلم ويريحنا من البلشه هاذي اما اذا كانت عين فالعين حق ومالنا الى الأذكار الشرعية والقراية وتصلت على اخوي وقلتله فيه احد يبي الموتر منك يعني يمكن فيه احد ناضله ولا شي قالي لا

======

هلا فيك اخوي خالد777

كل شي جايز

معني متوقع وهو يفحص السياره يمكن حرك قطعه في القير ورجعت في مكانها
والله مأدري وش البلى الي فيه اخوي متعطل وخايف لايصير تزيد المشكله

[shaheenshah]

اخوي ملك الباثفندر
اللي قالك ان الجربوكس يبغاله توضيب مع غسيل المكينه وتنظيف البخاخات بألف و تسعمائة ريال من غير القطع هذا أكبر نصاب مر علي من يوم ولدتني امي
وش دخل المكينة والبخاخات في تبديل سرعات القير
انا اتوقع ان المشكلة عندك في برمجة القير فقط لا غير

نفس المشكلة صارت لاخوي بس معه فولكس واجن جولف وصار المشكلة في برمجة القير وسوى له إعادة برمجة وضبط الموضوع.
-------------
اخوي فهودي
شيك على البرمجة يمكن يكون نفس المشكلة
تحياتي

[الدحبول]

غير زيت القير كاملا مع الفلتر
يفكون الطنجره ويفضونها ويعبونها من جديد ونشاء الله تضبط
زيت قير لابد من إن يكون إصلي الله يعينك أرتفعت الاسعار
يا إيسيديلكو ب 10 لي العلبة كان ب 7
أو موتور كرافت زيت القير فورد الاصلي ب 9 ريال لي العلبة كان ب 7
يمكن يشيل القير 12 علبة

[سعد777]

والله حاس فيك وفي معاناتك بس مابيدي حيله

العين حق انا توني مطلع فورد اكسبدشن 2007 4&#215;4 وصدمتين في خلال 24 ساعه

اخوي تراء بعض زيوت القيور يجي اسبشل خاص زي الفتك والفورد اللي معي اذا له عيار معناته وانا غير متأكد زيت عادي واذ ماله معناته 100&#37; زيت خاص وليس اي زيت

[إبن فيصل]

فهودي شغلتك بسيطة جداً والقير سليم وكل شي تمام في سيارتك بس عندي بعض الاسئلة ودي تجاوب عليها ...المشكلة هذه الي جت سيارتك جتها كذا فجأة والا جت بعد تغيير بواجي وأسلاك وتصفية للمكينة أو بعد غسيل السيارة أو أي حاجة كان فيها شغل في الكبوت وحول المكينة....إذا كان كذا فالمسالة سهلة ...أنا يا طويل العمر ومحفوظ البقا والسلامة كان معي جيب تماتيك صلحة له بعض الحاجات وتطلبت فك وتركيب عند المكينة أسلاك وشبكيات وغيرها بعد التصليح تفاجأت إن السيارة بعد فترة بسيطة أنها تحن وأدوس عليها ولا تمشي وكل من فحص عليها قال ما فيها شي وبعضهم (حقين القيرات )يقولون يبيلك توضيب قير والي يقول صفاية بنزين وطرنبة وخذ وخل كل يعطيك من راسة صوت المهم قلت الله يخلف شكله القير ويبيله قير ثاني والا توضيب ...المهم بعد ما يأست رحت لمهندس في ورشة فحص كمبيوتر وفحصوه وقالوا ما فيه شي الفلبينيين ويوم شافو التقطيع والحنة قالوا أكيد أنه قير آخر شي ركب معي المهندس الشامي مدري سوري أردني المهم أنه فحصها ووقف وفتح الكبوت صرت أقول وأضحك بالشارع سكر الكبوت وخلنا نمشي ما صلحتها الا وأنت في الشارع ..ومشى ووقف أكثر من مرة وعقبها الموتر صار أحسن من أول ودعسة سألته وش السالفة قال أن المشلكة في الابنص حق البنزين المشبوك في القير ما هوب موزون ...بس وزنه الرجال وصارت السيارة تمام....أعتقد وبل متأكد أن مشكلة سيارتك نفس المشكلة الي مرت علي فتأكد من الابنص المشبوك في القير وأوزنة وعقبها بتدعيلي إن شاء الله.

[لبرتي]

يخيي جرب تجيب لك قرايه (( عزيمة )) وتكبها في الارديتر


لان واحد من العيال صارت معه باث فندر جددددددددديد مره
حرارته تأصل الأتش

حط مويه قرايه في الاديتر (( امه معطيتهيااه )) والموتر كان بارد اول ما صب الماء (( طشرت فوووق ))

والان موتره ضبط

[مدور ربيع]

اذا كان الدبل عندك زرار , اقرب شيء يكون فيه الخلل ;)

اقصد جهاز التحكم بالدبل

[فهووودي 7991]

هلا فيك اخوي shaheenshah

كل شي جايز هو بس خله تطلع المشكله عند الورشه علشان يصلحه كم مره يدخله اذا نوى على تصليحه يقولون مافيه شيي معنه ياله وصلهم بعد الحصره والحنه ويطلع من عندهم ولا كأن شي صار اليوم ماراح اتوستار انشغل ماندري يمكن خيره ماراح للورشة لاكن راح اخليها في بالي اشيك البرمجه

========

هلا فيك اخوي الدحبول

بكره على وعد الرجال بروح له نغير زيت وفلتر القير ونجرب

=======

هلا فيك اخوي سعد777

صدقت العين حق معنه اخوي مضبطه مخليه ملفت للنظر

والحمدالله على سلامتك في الحديد والا في الأرواح اهم شي انت سالم من الحوادث وعلى قولت الناس انشالله انها فكت عينها

بكره بسأل الرجال هل له عيار ولا لا وانشالله يلقالها حل

=======

هلا فيك اخوي إبن فيصل

سألت اخوي قلتله مسوي شي في السياره وبعدها بفتره طلعت عندك المشكله قالي لا

بقول الرجال يشيك على الأبنص الي مشبوك في القير وياليت تذكرني الورشه الي صلحلك المشكله للاحتياط


=======

هلا فيك اخوي لبرتي

بخليه آخر شي اذا يأست بكلم الوالد يعرف في هاذي الأمور القرايه

=======

هلا فيك اخوي مدور الربيع

بكلم الرجال يشوف الأزرار

على فكره اكيد فيه بعضكم يسأل وشو هاذا الرجال هاذا احد اصدقائي مكانيكي ومعاه شهاده وعنده ورشه في مزرعه يصلح في المواتر وانشالله راح يلقالي حل

اذا كان تعرفون ناس لهم خبره دلوني عليهم الواحد ياخذ احتياطاته

[غضنفر]

بالانقليزي تسمى long shot
يعني تجربة مستحيلة
خطرت في بالي فكرة
جرب افصل الفيش حق كويل السرعة
تلقاه في اسفل القير
ثمن سق السيارة وهو مفصول
جرب يمكن تفيدك باكتشاف المشكلة

[إبن فيصل]

أخوي تصليح أو تشييك الابنص المشبوك بالقير عادي أي واحد يصلحه أو يشيك عليه بس الافضل تروح لأي مهندس قيرات يازنه لك بخمس دقايق وأنت واقف ...جرب وإن شاء الله تزين معك....وبالنسبة للورشة والله ناسي أسمها والصناعية القديمة تقلب الراس لكن أنا متأكد إن الموضوع سهل لأني صلحت نفس المشكلة عند ميكانيكي ثاني عادي جداً لسيارة فورد كراون فكتوريا وزان على طول.