تمرين السيارة ؟!

[أيمن]

السلام عليكم ورحمة الله وبركاته ..
أيها الأحبة .. كثيرا ما نسمع كلمة " تمرين السيارة" وخصوصا لمن اشترى السيارة حديثا ..
بل يقال في بعض الأحيان عن الموتر إن كان عزمه ضعيف بأنه غير ممرن، أو أن تمرينه كان بطريقة غير صحيحة ..
حيث أن التمرين يفيد الموتر كثيرا ويجعل عزم الموتر جيد ومحافظ على رشاقته :) لفترات طويلة .. وأيضا يحافظ على المكينة والأجزاء الداخلية للسيارة ويجعلها تعمل بأفضل أداء لها .. وكذلك يفيد في صرفية البنزين!!.
أما عدم التمرين فهو يجعل الموتر لا يعمل بصورته الافتراضية بل أقل منها، وكثيرا ما يواجه المشاكل في الأجزاء الداخلية للسيارة لهذا السبب ..

لكن احترنا في التمرين الصحيح المعتمد عليه والمجرب أيضا .. سواء فيما يكتب في تعليمات السيارة أو ما نسمعه من تجريب من بعض الناس لمواترهم ..
لأني سمعت وتعجبت!! أن من الناس من ينصح بأن يقود الموتر وهو جديد "يعني بقراطيسه:p" بأعلى سرعة للسيارة لمسافة طويلة حتى تكون قوية وذات عزم !!!:confused:
أم أن تمرين السيارة عبارة ليس لها أي فائدة تذكر ؟!!

أفيدونا مأجورين

تحيتي

[laith]

مشرفنا القدير " ايمن"

وعليكم السلام ورحمة الله وبركاته.................

من ناحية ان التمرين يقوي او يضعف العزم .... لااعتقد .. ولكن قد توجد عوامل بتاثير التمرين او عدمه تؤثر وبصوره غير مباشره الى اداء المحرك .. سواء بشكل سلبي او ايجابي...

ولكن ان عللنا ذلك بصوره ميكانيكيه .. فحسب علمي ان الاجزاء الديناميكيه اي المتحركه مثل التروس والجنازير وايضا اسطوانات الاحتراق والبساتم وغيرها .. يولد نواتج وبراده وغيرها ممايلزم تغيير زيت المحرك والقير والدفرنش .. كتنضيف وازالة شوائب.....

وكونها جديده يكون عامل الاحتكاك عال جدا ولابد من دورانها وحركتها بالشكل الصحيح وحسب التورك وعدد الدورات الطبيعيه .. مما يكون سبب في اطالة عمر المحرك..

وهذا رايي فقط ....... قد اصيب وقد اخطي....

اخوك ليث

[Bader-M]

كلام اليث هو الكلام الصحيح
تقبل تحياتي

[ابو عمر اللاحم]

وعليكم السلام ورحمة الله وبركاته

اولاً مبروك مشاء الله السيارة الجديدة الله يطعمك من خيرها وكفيك شرها بس ما قلتلنا نوع السيارة:D
قال ليث حفظه الله :وكونها جديده يكون عامل الاحتكاك عال جدا ولابد من دورانها وحركتها بالشكل الصحيح وحسب التورك وعدد الدورات الطبيعيه .. مما يكون سبب في اطالة عمر المحرك..
ولا مزيد على كلامه فقد افاد واجاد :

تحياتي ،،

[أيمن]

يا هلا وغلا بالجميع ..

أخوي العزيز ليث :
تأصيل وكلام خبير تشكر عليه، ووجهة نظر وجيهة ومقبولة وبالفعل قد يكون كما ذكرت ..

مستشارنا الغالي طايربالعجه :
شاكر مرورك ومشاركتك.

أخوي العزيز نهار :
الله لا يهينك وشاكر مشاركتك ..
وكما قيل يا ابو عمر : خلك على قردك لا يجي اللي أقرد منه :p ..

مازلنا بانتظار من يثري الموضوع ويفيدنا عن هذا الموضوع ..

تحيتي

[mohamad1121]

السلام عليكم ورحمه الله وبركاته

ــــــــــ منقول عن كتلوج سياره شفروليه 2001 وباختصار .

لابد من المرونه في الــ500 كيلومتر الاولى وتجنب الاندفاع بسرعه شديده في هذه الفتره .
وعند تجاوز 1500كم من القياده على السائق ان يتجنب السرعه المحدده ـ اي لايقوم بقيادة السياره بسرعه بطيئه او سريعه لفتره طويه ، ويفضل الا يستخدم مثبت السرعه خلال فترة التمرين وعدم سحب سياره في فترة التمرين قبل اكمال 1500كم وان توجب عليك سحب شخص متعطل فلا تتعدى السرعه الخفيفه وتقدر بـ 80 كم .(انتهى ).

اما من ناحية ان السياره التي يقودها سائقها بسرعه في المرحله الاولى للتمرين تكون سريعه فهذا الاسلوب خاطئ فالسياره صنعت بايدي بشر ومن المحتمل ان تتعرض لعطل مفاجئ في المرحله الاولى والسرعه الزائده تزيد من الخسائر .
ابوكاسر

[أيمن]

لاهنت يا ابو كاسر ..
كلام جميل ومفصل قليلا ومتفق مع القاعدة التي طرحها العزيز ليث ..

تحيتي

[راعــي النــفــود]

بسم الله الرحمن الرحيم

تعقيباً على اخوي محمد 1121
ايضاً في كتالوج النيسان انك في مرحلة 1000 كم ان لايكون ضغط السيارة تجاوز 3500 دورة في الدقيقة

يعني اقصى سرعة 110 او 120 كحد اعلى

وأيضاً عدم قطع مسافات كبيره فيها يعني (ماتمس فيها خط )


ولكم تحياتي



اخوكم راعي النفود

[Y&Y_4X4]

انا يأخواني ماعمري والله مرنت البته سيارة البته، يعني اسوقها بقراطيسها عادي جدا اذا مسافر 140 كم او بالديرة سرعات منخفظة ، وأغير الزيت بعد الـ 500 كم مع الفلتر واشيك على زيوت القير والدفرنسات ولله الحمد والمنه ما عمره مر علي عطل في المكينة ابدا وحتى بعد 80000 كم يبدى لون الزيت يتغير شوي شوي .

والكلام الي ذكروه الشباب صحيح في جميع كتيبات الاستخدام ، لا كن يمكن مادري هو صحيح ولا لا الوكاله مايبون المستخدم يجور على الموتر وهو جديد علشان سبحان الله يصير شي همن تفسد سمعة السيارة وسمعتهم .

يعني تخيل مثلا سيارة جديدة والمكينة مخبطة الناس يبون يتوحشون منها .:confused:

طبعا هذا مأعتقد والحكم لكم ،،،،،،،،،،،،،،، :)

[أيمن]

للرفع وزيادة النفع

[Najd^Prince]

بسم الله الرحمن الرحيم


((^ أيمن ^))
من جد هالموضوع محير بشكل غريب يعني الوكاله يقولون لك لازم تمرن الموتر
حتى 1000 كم وتحت سرعات منخفضه على شان ماينتج هناك اي مضاعفات :mad: .

أما في الحقيقه وحسب ماشوف من كثير من شباب هالأيام
أول مايطلع الموتر من بوابة الوكاله يقرص عليه لين تناظر وسم الكفرات بالشارع :(
ويمشي الموتر معه زي الحلاوه ;) .

وهذا مجرب من قبل واحد من أعز زملائي والحمد لله موتره زي العسل .
هذا ماعندي للمشاركه وآسف على الإطاله .

Najd ^ Prince

[بوسعود 180]

السلام عليكم يا شباب وعيدكم مبارك انشالله .
والله ياشباب انا اعرف ثنين من الشباب فالحسا واحد معه النترا 2003 والثاني معه لكزس es300 2003تقاومو مع بعض الا وشفنا راعي الانترا ماشي على الكزس الين سرعة 170 تقريبا بعدين جابه الكزس سألنا راعي الالنترا مشالله عليك وش مسوي فيها قال ماسويت فيها شي بس اول ماشريتها رحت فيها مكه وامشي مطبق طبلونها وطلعت السياره بهالعزم ولا كن بضيف من عندي وجهة نظر اذا كنت تسرع وتحرق في مكينة السياره فترة التمرين بيكون عندك عزم غير طبيعي ولاكن عمر مكينه غير طويل اما اذا كانت سواقتك في فترة التدريب سواقه طبيعيه بتعطيك السياره عزم ممتاز وعمر طويل وهذي وجهة نظر مني

[مسوي راعي بر]

والله انا اول ماطلعت الهلي ديزل مسكت الدائري الشرقي بميه اربعين وجبت الميه والستين
والحمد لله ماصار شئ اخاف الوكاله يقلون لا تمشي اكثر من ميه علشان ماتطلع الخربات
بس الي قاهرني :mad: في نزلت مكه قبل المزاحمية ماقدرت اجيب الطبلون :(

[الحاتمي]

سعادة المشرف القدير (ايمن) الشباب ماقصروا تطرقوا للكثير من النقاط........ بس عندي إظافه على كلامهم. إن تمرين السياره الجديده مشابه لتمرين السياره بعد توظيبها. مع الاخذ في الاعتباران السياره الجديده تحتاج تمرين اكثر من السياره الموظبه! لأن السياره الموظبه تحتاج إلى تمرين ماكينه فقط. اما الجديده فجميع الاجزاء(المحركات) تحتاج للتمرين مثل القير والدفرنس. لان القير والدفرنس فيهما تروس واعمده ورمانات وزيت للتبريد. والسرعه الزائده قد تسبب تآكل التروس. الغرض من التمرين؟ 1/ الحفاض على عدم تآكل الأجزاء المتحركه(البستم+الشمبر+السبائك+الأعمده)والثابته(ال سلندر+الوجيه)وتتآكل بسبب وجود نسبة برادة حديد زائده مختلطه مع الزيت. 2/كلما زادت السرعه زاد الأحتكاك. 3/كلما زادت السرعه زادت سرعة دوران المحركات وزادت حرارتها ومن الممكن ان تتقوس وتتأثر 4/يفظل عدم تشغيل المكيف. سحب سياره اخرى. زيادة حمولة السياره.المشي بعد التشغيل مباشره.لأن كل هذه الأسباب تسبب حمل على المحرك. وكذلك الدبل في حالة الدفع الرباعي. 5/اول تغييرة زيت بعد التمرين الافظل ان يغيرالزيت وهوحار وتترك الصره مفتوحه اطول وقت ممكن مع تغيير الفلتروذلك بعد1500 كم. كل ماسبق يطيل عمر المحرك وليس له دخل في القوه والعزم حيث ان زياده العزم له تمرين خاص يختلف عن التمرين السابق وتدخل فيه عوامل اخرى ويفظل ان يكون بعد تغيير الزيت للمره الثانيه.....ارجو ان اكون وفقت......وآسف على الإطاله......اخوكم الحاااااااااااااااااااااااااااااااتمي

[راعي كيف]

اولاً عيدكم مبارك وكل عام وانتم بخير ...
اسئلة تطرح قبل كل إجابة ؟
لماذا تمرن السيارة وماذا لو لم تمرن وهل التمرين له تأثير على المحرك عددة اسئلة سوفى اجيب عليها على حسب معرفتي .وقد يطري بعض الأسئلة حين الشرح.
لماذا تمرن السيارة أولاً السيارة لايمكن ان تخرج من المصنع إلا بعد تجربتها وفحصها من جميع العيوب وخاصة الميكانيكية .
اما لماذا تمرن لتأكيد الميكانيكية يعني كي تتعود البساتم والسبايك والقزوز والشنابر والرأس الذي هو الأهم في عملية تمرين السيارة لأن اول عطل ربما ينتج ينتج في الرأس او القزوز لعدم تحملها الحرارة المطلوبة فتنشعر ويكون هنالك العطب بمعنى انة لبد من تعويد المكينة اولاً على الحرارة العالية ولاكن بالتدريج .
اما لو لم تمرن فالله يستر الله راحم عبدة ولاكن الأغلب يستر الله عليهم لأن المكينة اخذت الشوط الرئيسي في المصنع لتمرين .
اما هل التمرين لة تأثير على المحرك الضاهر إن الصورة واضحة حين تقتنع ان التمرين للذين يشكرون النعمة ( لاحد يفهم غلط) .
اما بنسبة كيف تكون السيارة تسير بالسرعة المطلوبة او يكون العزم قوي يجب ان نعرف شيء البعض يقوم السيارة او يعود السيارة على النمرة الثانية وهذا هو الخطاء الفادح وهو الذي يجعل السيارة ذات عزم ضعيف وسرعة اقل وعمر اقل ومشاكل اكثر وخاصى في السيارات الثقيلة أو السيارات ذات الأربعة سلندر وكثيراً مانسمع ان السيارة وهي جديدة يحترق الكلتش وهذا هو السبب الرئيسي ناهيك عن الأمور الأخرى مثل التفحيط ومطاعس الغشيم وتغريزات الخ...
طولت عليكم وللحديث بقية
هذا والله اعلم


أخوكم المحب (( راعي كيف )).
ابو ناصر:row: