بديل مكينه باثفيندر .. أرجو النصح والمساعدة

[أبو آرام]

السلام عليكم ورحمة الله

السيارة عندي ارتفعت الحرارة بدون ما انتبه لها .. ووقفت علي ولما وديتها للورشة قال لي : المكينه يبي لها تغيير كامل لأن السلندر تحرك من مكانه. وراعي الورشة الحقيقة فاهم وامين وانا اعامله من فترة طويله

وحاولت اشوف مكينه في التشليح مناسبه ما حصلت شي وقالو لي انه في مكاين يابانية ( تشليح ياباني ) وسعرها ارخص من تشاليحنا ..

والحقيقة أنا أبي نصيحتكم وشوركم .. وش أركب ؟؟؟؟

السيارة : باثفيندر 2004

وسلامتكم

[خلفهم]

أخوي

أبعطيك معلومه ..

مكينة الإلتيما طبعاً 6 سرندل .. مثل الباث بالظبط .. لكن هذي طول وهذي عرض ..

[ق ب م 632]

أخوي

أبعطيك معلومه ..

مكينة الإلتيما طبعاً 6 سرندل .. مثل الباث بالظبط .. لكن هذي طول وهذي عرض ..


يالغالي المكينه اللي تقولها ماتركب والسبب هذا دفع امامي وهذا جيب



والله اني استغربت من ردك :(





المهم اخوي اذا تبي المكائن خصوصا الباث اطلع للكويت بالتشاليح تبي تحصل له مكينه شبه جديده ويعطيك عليها ضمان بعد,,,




فكر زين بالكلام اللي قلته لك ولاتنسانا من دعاءك الصالح

[الدحبول]

ركب مكينة ياباني وبع الموتر
أو دور على مكينة سعودية يوصل سعر من 4الاف إلى 7 الاف سعر تقريبي
أو وضب الميكنة

[خلفهم]

يالغالي المكينه اللي تقولها ماتركب والسبب هذا دفع امامي وهذا جيب



والله اني استغربت من ردك :(


الله يحفظك ويرعاك الدفع ما له شغل المكينه لحال ..والدفع لحال ..

لا يجيك واحد يقول هذي دبل وهذي لا ..


..

[بواسامه]

ركب مكينة ياباني وبع الموتر
أو دور على مكينة سعودية يوصل سعر من 4الاف إلى 7 الاف سعر تقريبي
أو وضب الميكنة

تنبيه اذا اخذت برأي اخوي الدحبول بتغيير المكينه لمكاين اليابان
فبين لاخوك الشاري لانها مالها قطع غالبا
وفقت للخير

[مساير الليل]

الله يعينك يالغالي

لاكن دور في القصيم والرياض ولاتنسى الشرقيه تراهم أهل نيسان إن شاء الله أنك راح تلاقي

وإذا ماحصلت بع موترك من دون مكينه

الله يرزقك

[أبو آرام]

جزاكم الله خير على ردودكم
وللمعلومية المكينه اليابانية لقيتها ب 7 آلاف مع التركيب
والسعودي من 10 الى 12 ألف في التشاليح
والله يكتب اللي فيه الخير

[باترول 585]

هلا اخوي

والله انا اقترح ان كان قدرت تبيع الموتر بعععع

لانه خلاص الي طقت المكينه وهو موديله 2004 وش ترجي منه

وشكرا......