الخبراء في الباااث فقط .. أرجو الدخول

[Y A S S E R]

ممكن أحد يشرح لي الدبل حق الباااث

عن كيفيه استعماله ؟ وكيف اسوي التعشيقه ؟ وكيف اطفيه ؟؟

أبغى واحد فااهم .. يعني لا يتفلسف





..

[خلفهم]

التماتيك ..

تتحط القير على N وتظغط قير الدبل على تحت وتنزله طقه .. هذا الخفيف الثقيل تنزله لأخر شئ ..

تطفيه .. تحط القير على N وكذلك تظغط على قير الدبل للأسفل وترجعه إلى أول شئ ..

هذا المطلوب دعواتك أنا مسافر ..

[ملك الباثفندر]

كلام سليم يا خوي خلفهم ومشكور على الايضاح :)
بس عندي ملاحظات من واقع الخبره

* عند استخدام الدبل راقب الحراره من وقت إلى اخر
* عند استخدام الثقيل 4l فأنك تقوم بضغط القير إلى الداخل وتحريكه إلى الاسفل بسرعه دون المرور بالوضع N كذلك نفس الشي عند إطفاءه تقوم بضغط ودفعه إلى الاعلى دون المرور على N
لأنك لو حطيته على N ثم وديته على 4l راح تسمع صوت تقشعر له الابدان ( انتبه تسوها ترا اكلناها ):no:
* لكل وضعية في الدبل لها سرعه مخصصة لا تزيد عنها وتعرفها من حنة المكينة
* الحذر من استخدام الدبل والسيارة باردة :no2:
* بعض الاحيان ستلاحظ عند الانتهاء من استخدام الدبل ان إشارة الدبل الخضراء لا زالت تعمل , لا تقلق تاخذ كم وقت إلين تطفي ( طبيعي ) :confused:


وعندي لكم سر عن الدبل بس لا تعلمون احد :no2:

إذا كنت مسافر وبتترك سيارتك في مكان وخايف عليها من السرقه حط قير الجربوكس على الوضع N
ثم حرك قير الدبل إلى الوضع N ورجع قير الجروكس إلى الوضع P من دون تشغيل السياره بس شغل الشوتش بعد ذالك لن تتحرك السيارة متر واحد ويستغرب السارق الغبي وشب السيارة ما تمشي يحسب السيارة خربانة والدعوه ان القير على الفاضي ههههههههههههههه :D

إلى اللقاء :p

[خلفهم]

ملك الباث

والله ونعم .. تسلم على هالسر ..

[Y A S S E R]

كلام سليم يا خوي خلفهم ومشكور على الايضاح :)
بس عندي ملاحظات من واقع الخبره

* عند استخدام الدبل راقب الحراره من وقت إلى اخر
* عند استخدام الثقيل 4l فأنك تقوم بضغط القير إلى الداخل وتحريكه إلى الاسفل بسرعه دون المرور بالوضع N كذلك نفس الشي عند إطفاءه تقوم بضغط ودفعه إلى الاعلى دون المرور على N
لأنك لو حطيته على N ثم وديته على 4l راح تسمع صوت تقشعر له الابدان ( انتبه تسوها ترا اكلناها ):no:
* لكل وضعية في الدبل لها سرعه مخصصة لا تزيد عنها وتعرفها من حنة المكينة
* الحذر من استخدام الدبل والسيارة باردة :no2:
* بعض الاحيان ستلاحظ عند الانتهاء من استخدام الدبل ان إشارة الدبل الخضراء لا زالت تعمل , لا تقلق تاخذ كم وقت إلين تطفي ( طبيعي ) :confused:


وعندي لكم سر عن الدبل بس لا تعلمون احد :no2:

إذا كنت مسافر وبتترك سيارتك في مكان وخايف عليها من السرقه حط قير الجربوكس على الوضع N
ثم حرك قير الدبل إلى الوضع N ورجع قير الجروكس إلى الوضع P من دون تشغيل السياره بس شغل الشوتش بعد ذالك لن تتحرك السيارة متر واحد ويستغرب السارق الغبي وشب السيارة ما تمشي يحسب السيارة خربانة والدعوه ان القير على الفاضي ههههههههههههههه :D

إلى اللقاء :p





مشكوور على التوضيح الجميل ..

وش سبب الصوت القوي ؟! :eek:

طيب اذا طبيت النفود وش أزين شي له ؟ الخفيف ؟

معي قير اوتو ؟

وممكن تشرح اكثر عن طريقه التغيير ؟ وطيف اني ارجعه من الثقيل الى طبيعته دون حدوث الصوت ؟

[ملك الباثفندر]

بسم الله الرحمن الرحيم


الدرس الاول


شرح طريقه الدبل الخفيف


عن الرغبة في استخدام الدبل الخفيف 4H تقوم بوضع قير الجربوكس على الوضع N ثم تحريك قير الدبل إلى الورى طقه واحده خفيفه ستلاحظ إضاءة باللون الاخضر على الطبلون
عند الانتهاء من استخدام الدبل تقوم بوضع قير الجربوكس على N ثم تحريك قير الدبل إلى الامام طقه واحده خفيفه وبالتالي تكون قد استخدمت الوضع 4H إذا ما نفع معك لا تروح تحطه على طول على الوضع 4L
استخدم الحالات التالية :


استخدم ( 4H و D ) إذا ما نفع
استخدم ( 4H و D2 ) إذا ما نفع
استخدم ( 4H و D1 ) إذا ما نفع
لا عاد عمرك تطب البر هههههههههههههه :D


تمرين 1 /
اختر الاجابه الصحيحه :
مكشاتي كان يستخدم الوضع ( 4H و D ) وتفشل قدام الربع واراد ان يثبت لهم ان المكشاتي المتخرج من منتديات مكشات على درجه عاليه من الفهم والادراك فماذا يفعل للتحول إلى الوضع الافضل للخروج من المأزق


* ينزل من السياره وينزل الواير وينتظر احد يشفق عليه ويطلعه :(


* يدعس بنزين بقوه إلى ان ينزل هو و السياره اسفل التغاريز وبالتالي يكون قد حفر قبره بسيارته :eek:


* يذكر الله ويحرك قير الجربوكس إلى الوضع D1 او D2 دون تحريك قير الدبل :)


نهايته الدرس


المطلوب تحضير الدرس القادم في البيت حول ( استخدام الدبل الثقيل ) :eek:



إلا على فكره إجازة رمضان تبداء متى :confused:


تحياتي إلى اللقاء


مدرس الماده


أ . د . م .ب / ملك الباثفندر :cool:


أ/استاذ
د/دكتور
م/مهندس
;) ب/باثفندري

[ghareeb]

ممكن أحد يشرح لي الدبل حق الباااث

عن كيفيه استعماله ؟ وكيف اسوي التعشيقه ؟ وكيف اطفيه ؟؟

أبغى واحد فااهم .. يعني لا يتفلسف
..
حبيبنا يختلف القير العادي عن التماتيك

[بدوي جنوبي]

ممكن أحد يشرح لي الدبل حق الباااث

عن كيفيه استعماله ؟ وكيف اسوي التعشيقه ؟ وكيف اطفيه ؟؟

أبغى واحد فااهم .. يعني لا يتفلسف





..

ما يضبط الشرح الا الفلسفه :confused:

تحياتي

[باثفاندر 2005]

الدبل الخفيف ما يحتاج تحط القير على N وانت ماشي عادي عشقه بس تكون سرعتك تحت 60 ..
ما أذكر اني حطيت القير على N علشان اشبك الدب أو أفصله ..
ولتكون معلوماتي موثقه راجعت كتيب المستخدم الخاص بالسياره وطلع مطابق لكلامي ..
فقط الثقيل اللي يحتاج توقف وتحط القير على N وتشبكه بسررعه مع الضغط لأسفل ..

:)

[ملك الباثفندر]

بسم الله الرحمن الرحيم

الدرس الثاني

شرح طريقة ( الدبل الثقيل )

عند الرغبه في استخدام الدبل الثقيل نظراً لصعوبة التضاريس الجغرافيه فأنك تقوم بوضع القير في الوضع N كالمعتاد وتقوم بتحريك قير الدبل إلى 4H ثم بعد ذالك تضغط قير الدبل إلى الداخل وتحركه إلى الورى دفعه واحده دون المرور على الوضع N في قير الدبل وخل يدك شديده شوي
كذالك عند الانتهاء منه تضغطه إلى الداخل وتحركه إلى الامام دون المرور بالوضع N و إلا راح تسمع صوت
اظنك جربته وسلامتك ما يحتاج لها شي هذي لعبتنا ولا بلاش :o

نصيحه مني لا تسمع للمدرسين الخصوصيين :D

موعد الاختبار في النفود إذ جاء الشتاء إن شاء الله ذاكر وشد حيلك الله يوفقك

تحياتي للجميع :)

إلى اللقاء :cool:

[راعي الهـــدد]

ماقصرو الأخوان ... الله يغفر لهم ويجزآهم الجنة ....

محبكم والداعي لكم بظهر الغيب ...

أبو حمد ....

[مستكشف الدروب]

اخوي ياسر

انا معي باث اوتوماتيك



اذا اردت ان تشبك الدبل الخفيف لايجب ان تتوقف ولا ان تضع القير في وضع الفاضي وانما يجب ان ترفع رجلك عن دواسة البنزين وتشبك الدبل وتكمل طريقك ولكن لاتشبكه وانت مسرع

يعني اقل من الستين ما فيه مشكلة


الدبل الخفيف اذا اردت ان تشبكه يجب ان توقف السيارة وتضع القير في وضع الفاضي ثم تشبك الثقيل





تحياتي لك

[ملك الباثفندر]

الاحتياط واجب

والشرح نموذجي

كل واحد ابخص بسيارته

مع جزيل الشكر والامتنان

[باترول 585]

هلا اخوي

انا كان معي باثفندر 2004 اجيك امشي 40 او حوله واذا شفت ان حولي غراز ضغطت الكلتش وطقيت الدبل والموتر عادي للمعلوميه ...

وشكرا