ابغى افصل لمبة حزام الامان .. من يفيدنا لاهنتوا !!

[مدور ربيع]

السلام عليكم ..


اولا ..
لايجي احد يتفلسف ويقول اربط الحزام ومن هالحكي , الصراحة مامشى معي ولا في امل :D:p


.. الصراحة لمبة حزام الامان في الطبلون مزعجة , وخصوصا بالليل ,

لاصرت مهدي انوار الطبلون عالاخر , وطلعتك لمبة حزام الامان وقالت

لك نو مافي امل هدوء :(:D




تصدقون ياجماعة من قوتها تبين بالغماره الخلفيه :eek:



المهم اني حاولت فيها في هايلوكس 2006 ونجحت وقدرت اخفي

معالمها , وكان مجرد فيش داخل بالمرتبه وفصلته عن خلفة (بكرة) ابيه :D;)




لكن في اللاندكروز ماقدرت !!

والموتر vxr 2005 , فيه تحت مرتبة السواق 4 افياش كلها داخله بالمرتبة

وفصلتها كلها واحد ورى الثاني :cool:

وما طفت لمبة الحزام :confused:




والى الان وانا زايد على انوار الطبلون , كله على شان اضيع ملامحها :mad:
واظن عيوني هي الخسرانه بالمقام الاول


لاهنتو ..

[فهووودي 7991]

مشكلتك بسيطه يأخوي مدور الربيع

عندك طريقتين

1 - رح حقين التضليل وخذ من عندهم القطعه الصفره الي تجي مع التضليل عنده مرميه واجد وقصقصها على شكل الحديده حقت الحزام ودخلها وانتهت المشكله واذا بغيت تطلعها كأنك بتفك الحزام ارعص الزراررر

2 - او بطاقة شحن سوى او موبايلي وقصها على شكل الحديده ودخلها ورتح

هاذي طريقتين ببلاشششششششششش ولا تفصل اسلاك ولا تخرب موترك

وجرب وشوف بنفسك

[sameer_1798]

ياخوي عندي لك راي قصلك ورق مقوى على شكل مربع من سنتي متر واحد ولصقه على الطبلون فوق اللمبة .

[الحوت777]

اربط حزامك يا ابن الحلال و عوذ من ابليس
loooooooooooooooooooooool

[غضنفر]

يا ابن الحلال
بدال الخسائر
فيه عند محلات الزينة
قطعة بلاستيك حمراء مصنوعة لتوضع في مدخل الحزام
انا شريته للكامري ما ادري اذا الاند له مثل ذا القطعة
جرب سير عليهم وشف

[sameer_1798]

أنتبة و أنا أخوك ترى أن حطيت شي في مدخل الحزام يعني يعتبر الحزام شغال و بذلك ما يشتغل الأيرباق

[مدور ربيع]

هلاوووين باخوي فهودي ..






ولاهنت على الفزعه الفوريه .. وفعلا كحل فوري طريقتك ناجحه , لكن مشكلتها اني احتاج الى الحزام يوميا"
( نقطة مرور على طريق الدوام , ولازم اشبك الحزام اذا وصلتهم )




مشكلة البطاقة او لسان الحزام البديل انها شغلة وتبي فك وربط



وفي نقاط التفتيش المباغتة , عساه يمديك تعرف وين مكان الحزام من الجلنط :D:p
لاهنت وتسلم عالفزعه




اخوي سمير ..






فكرتك كحل سريع اوكي مافي خلاف , بس المشكله ان محاتسيك مايحب الاضافات وخصوصا التلصيقات


لااااهنت وملاحظتك الاخيرة صح , وهذا خوفي
تسلم لي اخوي وشكراا لتنبيهك






اخوي القثامي ..





تشوف تسذا !!



اجل نربطة ونسلم من اللمبه وطاريها



بس المشكلة اني احس بمغص اذا ربطت الحزام , مع شويه اهانة << بدوي يكرة سالفة الحبال والتربيط :D:p




اخوي غضنفر ..




تسلم لي ولاهنت على الشور , وكلامك في متمة , والهدف عندي يكون مشبك الحزام جاهز لآي شبكة مفاجئة :confused::D



تسلم ولاهنت







بختصار يا جماعة الربع , ابغى رقبة اللمبة مباشرة :D:p
(( يعني كهربائيا ))





وبدون اغلاق فتحة الحزام , استعداد لآي نكبة مروريه:(



وشكرااا للجميع على الفزعة :cool:

[لن أمل من العطاء]

حبيبي اذا مره هي مضايقتك فعلا
فك الطبلون وفك اللمبه يعني يصير بدون لمبه
بكذا تضمن عدم ظهور الضوء المزعج والثاني تكون جاهز لاي نكبه مرورية

[فهووودي 7991]

اخوي مدور الربيع

في طريقة كنت مسويها في الكامري سلك واحد موجود تحت المرتبة تجرحه وتشبك السلك مع بعض وتطفي اللمبه على انك رابط الحزام
وترى الفصل الفيش مايفيد لازم تجرحه وتشبك مع بعض

بس مشكلتك عندك تحت المرتبة 4 افياش ممكن انها دينمو المرتبة + ارباق اذا كان موجود في المرتبة + لمبه حزام

لاتجرح سلك ونت ماتدري وشو هاذا السلك يمكن يكون حق ارباق او دينمو المرتبة

[مدور ربيع]

اخوي لن امل من العطاء ..

رايك مبروك ومناسب ومافيه مشكلة الافكة الطبلون , ماهيب سامحه نفسي احد يتعبث بالموتر

لاهنت وتسلم



اخوي فهودي ..

الموتر جديد ياخوك , ولا ودي اتعبث فيه .. خايف يجي الظفيرة شيء

لاهنت واتعبناك معانا ,, عموما انا حليت المشكلة بالبطاقة موقتاء , مثل ماوصفت بارك الله فيك ونجحت , ونبي نتصبر لين الله يجيب احد عنده حل منا سب


تسلم وخدمك المال والبنون

[سعد777]

طيب ماهو مشكله

بس لحظه

انظر لهذا المقطع وبعدين قرر

http://www.c5c6.com/upfile/download....46dfaa2261.wmv (http://www.c5c6.com/upfile/download....46dfaa2261.wmv)