المساعد الشخصي الرقمي

مشاهدة النسخة كاملة : تقفلت بوجهي (( كل ماروح لوكاله قالو لي لازم تكون موضف من الرياض )) ..ياليت تساعدوني


ابـ معزي ـو
02/09/2007, 10:24 PM
السلام عليكم ورحمة الله وبركاته

اخواني انا ابي العون من اهل العون
ابيكم بس تفيدوني بشركة او معرض يبيع الجيوب الباترول الربع ... بس بدون مايقول لي انت موضف من الرياض والا لا :(
لاني انا بعفيف وكل مارحت لشركة ابي اشتري سياره جديده قالو لي لازم تكون موضف من الرياض او من القصيم ... وش هالحاله :confused:
ياليت تفيدونني
ق ب م 632
03/09/2007, 02:43 AM
والله يااخوي ان قبل كم شهر صار لي مثل اللي صارلك




وبما انهم رفضوا الوكاله رح لم ((تمويل الراجحي)) يعطيك الموتر اللي تبيه ويأخذون استقطاع من راتبك وماعليهم منك حتى لو كنت ساكن بالمريخ





وعندك بعد قرض من البنك وتأخذه من عندكم من عفيف وتطلع الموتر من الوكاله كاش





واتمنى اني افدتك







مــاجد العبدلي
*الـزيـن*
03/09/2007, 02:55 AM
اذا من نيسان عندهم مندوب في الوكاله من بنك الاهلي يعطيك الي تبيه بس لازم راتبك في الاهلي اتوقع بس اذكر ان عندهم مندوب من الاهلي ياخذ الي تبيه ويقصدها لك




اخوك الزين
ابـ معزي ـو
04/09/2007, 12:11 AM
الله يعطيكم العافيه ... انا سمعت ان البنك الاهلي والبنوك الثانيه تمول او تجيب لك السياره اللي تبيها .. بس على حسب ما سمعت انهم ياخذون فايده عليك اكثر من الوكاله

طيب ماتخبرون لي معرض بالرياض يقصد السيارات .. < اذا عنده جيوب نيسان
الله يعطيكم العافيه .. تعبتكم معي بس والله انا تعبت ووصلت الرياض عشان اشري سياره من المعارض
ياليت تفيدوني .. تحياتي
تيتشر
04/09/2007, 12:27 AM
شوف يا حبيبي

احسن لك تاخذ لك قرض من بنك وتشتري فيه السياره لان فائدة القرض اقل من فائدة اقساط الوكالات .
ابـ معزي ـو
04/09/2007, 09:53 PM
عز الله إنك جبته .. ( ولاهانو الربع ) .. الله يعطيك العافيه.. تصدق مافكرت فيها
يازين فزعة الرجال :D
* تيتشر *
ماقصرت يالغالي . وشاكر لك مرورك . تقبل تحياتي
اخوك
ابـ معزي ـو