المساعد الشخصي الرقمي

مشاهدة النسخة كاملة : دبل الجيب لا يعمل لحقوا عليه


الحرفي
02/09/2007, 10:58 PM
شريت جيب مستعمل صالون تايوتا موديل 85 ، بحمدالله نظيف لأنه أستخدام شايب.
المشكلة أني جيت أجرب الدبل وقت الشراء وضح ان السيارة سارة ثقيلة حتى أني قومت السيارة بالرابع...! قلت معناها الدبل 100% لاكن لما جربته على الطعوس تقول انه سيارة عاديه دفع خلفي ...ما تشوف الكفرات الأمامية تعمل مثل الخلفية!!! تبغون الصدق هذي المشكلة غيرت لي مزاجي..
أنا أشك في زر الدبل الكهربه الي في الطبلون يكون المشكلة منه...ما أدري.

تكفون يا شباب ودي الفزعه لا عدمناكم
turkiq
03/09/2007, 12:31 AM
ما اعلم بدبل كهرباء للتويوتا وخصوصا القديم :confused:

اذا الموتر يصير ثقيل معناه ان الدبل شغال ... جرب الدبل الثقيل عشان تقطع الشك باليقين
لان ناس كثير يختلط عليها الامر في الدبل الخفيف لدرجة ان في ناس تمشي بالدبل الخفيف
لمسافات طويلة وهم مايحسون.

ايضا بامكانك تروح لبنشري يرفع السيارة وعشق الدبل وخلة يشوف اذا الكفرات الاربع تمشي او لا

فيه نقطة اخيرة واللي هي ضرورة تجربة الثقيل والخفيف لان بعض الجيوب يكون واحد منها عطلان والاخر شغال.



تركي
sameer_1798
03/09/2007, 12:32 AM
و أنا أخوك تأكد من عامود الدبل يمكن شايلة الرجال , وبعدين الموتر حتى لو مافيه عامود يصير ثقيل إذا عشقت الدبل الثقيل , و إذا أنه موجود شيك عليه عند المهندسين.
الحرفي
03/09/2007, 12:53 AM
الأخ تركي و الأخ سمير الله يعطيكم العافيه ...
فعلاً جربت الدبل الثقيل و الخفيف مافيه فايده... لاكن من الصبح بكرة أبا أشيك على العمود لا يكون الرجال فاصله..
مشكورين مرة ثانيه و الله لا يحرمنا من فزعتكم.
عاشق السيل
03/09/2007, 06:31 AM
المشكلة الأولى إن الجيب كان مع شايب !!

أكيد إنه ماقد شغل الدبل ،، والدبل إذا ماشغلته أبد يخرب ويجييم ،،

وأنت مشكلتك تكون في احد هالأمور :
1 ـ إما يكون العمود مفصول مثل ماقالوا الشباب <<<< جايب جديد !
2 ـ أو يكون فيه فرارات وتكون مفصولة ،،
3 ـ أو الترس اللي داخل الدبل مجيم ومايشبك على الدفرنس الأمامي ،،

وبرضو مثل ماقالوا الشباب ارفع السيارة وجرب الدبل وتبان المشكلة على طول ،،

تقبل مروري يالغالي ....




.
بريد5
03/09/2007, 10:00 AM
2 ـ أو يكون فيه فرارات وتكون مفصولة ،،


تاكد من الفرارات يمكن الشيياب حاط فرارات لموتره
الحرفي
03/09/2007, 10:43 PM
أشكر الجميع على المرور...عز الله أنكم كفيتم ووفيتم..اليوم وديت الجيب لورشة فرج الجهني في جدة ...رجال قديم في الصنعه..وعلى الله التساهيل.
بالمناسبة ترى ما عرفت و شهي الفرارات؟.
تلسكوب 1
04/09/2007, 02:23 AM
استلم يالحرفي هذا موضوع عن الفرارات (التحضيره)

http://www.mekshat.com/vb/showthread.php?s=&threadid=8291
عاشق السيل
04/09/2007, 05:25 AM
إذا كنت ماتعرف الفرارات ،، أجل 99&#37; المشكلة من الفرارات !!




.
الحرفي
04/09/2007, 10:18 PM
و الله العظيم أن فرحتي بمعرفتكم ما يعادلها شي...حفظكم الله جميع و كثر من أمثالكم.
نرجع لمحور حديثنا ...أبشركم الدبل أشتغل ومن أعز ما يكون.
أما المشكلة سلمكم الله.. عم فرج الجهني( ميكانيكي قديم متخصص سيارات يباني)من النوع العصبي و كتوم جدا في عمله..و لاكن بعد محاولات ..قدرت أفهم أن المشكلة تدور حول نظام الهواء.
عاشق السيل
05/09/2007, 06:10 AM
الشرف لنا يالغالي والحمد لله إن المشكلة انتهت على خير وسلامة والله الله بتقطيع الطعوس ترى الموتر يذكرونه بالقوة !!!


دمت بخير ..........



.
الحرفي
06/09/2007, 12:59 AM
الشرف لنا يالغالي والحمد لله إن المشكلة انتهت على خير وسلامة والله الله بتقطيع الطعوس ترى الموتر يذكرونه بالقوة !!!


دمت بخير ..........



.

لا توصي حريص يا الحبيب خل الجو يبرد شوي وعز الله أني في شوق للطعوس و الأوديه ما يعلم فيه الا الله.
تحياتي لك يا الحبيب وحفظك الله و رعاك.