سؤال عن الديمكس ال أي سوزو

[أبـــ سعود ــــو]

انا ياجماعه عندي نيه أشتري ديمكس وما أعلم عنها شيء إلا انها دفرنسين وديزلفأرجوا من الذين عندهم معلومات ان يفيدونا مشكورين

[rpk]

اشتر هايلوكس او ددسن افضل من السوزو ودبله الى يخرب دايم واسأل مجرب والله يدبر لك الى فيه الخيره

[أبـــ سعود ــــو]

شكرا أخي وأرجوا الافاده من الجميع من من جرب الديمكس أما الددسن إنحشواما الهايلكس ونعم بس كيف الدفرنسين وايهم أفضل الديزل أم البنزين

[ع العمرو]

اخي بزبوز مصدي انا عندي ايسوزو 2004 ماشفت عليها اي عيب والعزم في التطعيس ممتاز ارجولك التوفيق والسداد ودمتم:good:

[rpk]

البنزين اكيد ويمشيك فوق 500 كيلو هذا غير العزم الى يوسع الصدر

[أبـــ سعود ــــو]

شكرا أخي ع العمرو كيفها معك في البر أنت راعي بر وإلا لا انا اليوم سجلت في المنتدى وإعذرني على السؤال وعلى قولتهم اللي مايعرفك مايثمنك وكم لها معك

[مـدحـدر]

اذا سعره قريب لسعر الددسن والهايلوكس اتركهااااا

[أبو مها]

اخوي عزمها ممتاز وصوت المحرك منخفض بالمقارنة بالسيارات الاخرى
يكفي انها تيربو وسعة المحرك 3000 اكبر من الهيلي وتمشيك بالشتا بدون المكيف 900ك بالراحة وصدقني انك اذا سقتها ما تحس انها
ديزل انا اتكلم عن موديل 2007 الدفعة الاخيرة وتراها مع واحد من الاصدقاء جربتها معه كما ان الشركة متخصصه في محركات الديزل وابي اعطيك معلومة باذنك لايسمع احد
شركة تويوتا قبل سنتين اشترت جزء من اسهم اسوزو والسبب لتطوير محركات الديزل في تويوتا يعني شراكة استراتيجية المعلومه متأكد منها
اما عن اعطالها فلا علم لدي، بس خذ ولد بالرمل مقارنه بفأتها من السيارات الاخرى
والاخوان ما يقصرون الي جربوها يفيدونا
والله اعلم

[أبـــ سعود ــــو]

اللهيعطيكم العافيه ياشباب أبخص الددسن ما أحبها اكرها والهايلوكس والله والنعم وأنا متحير بين الديماكس والهايلوكس

أخي أبو الهوى شكرا وانا ما أخفيك ناوي الديماكس بس مابي أغامر لاني ناوي الفل كامل

[عمار السفينه]

السلام عليكم

نصيحة مجرب خذه ولن تندم عليه

انا مجرب لموديلات كثيره آخرها 2007 الدفعه الثانيه

ولله انه يبيض الوجه وقوي وعزم وخاااصه في الجبال والنفود

خذ لك دفرنسين ديزل وترى سعره جديد في المعارض ب 65 الف بس

بس لاتنسى تقرأ عليه ترى عيووون الحساد واااجد :(

تحياتي

[العطة]

السلام عليكم ورحمة الله وبركاته

الشكل الجديد (الدفعة الثانية من 2007) افضل من سابقة في الصوت اقل واقوي واقل صرفية الشكل الخارجي اجمل من الداخل افضل بكثير
ملاحظة تغير نظام الطرمبة في الشكل الجديد ,طرمبة ضخ في التانكي و خلاط عند المكينة يعني ماعندك خوف من طرمبة الديزل كما في السابق

افضل من الهايلوكس
اقل ارتفاع اقوي اريح وارسى

[أبـــ سعود ــــو]

شكرا لجميع من أدلى بدلوه وكل من قدم لي نصيح بس فيه مشكله عندي وهي حب السرعه فما أدري على كم توقف ماعليكم من اللي في الطبلون ارجوا من الذين إستخدموا الديماكس ان يفيدونا مشكورين

[ابو خطاب]

فيه واحد من الاعضاء جزاه الله كل خير سبق وحط تقرير فيه مقارنة دقيقة وعلمية بين الديماكس والهايلكس والتستن .. مالها وما عليها ..
لعلك تسوي بحث وتجد هذا التقرير الجميل.


....... حب السرعه فما أدري على كم توقف ماعليكم من اللي في الطبلون ....
يبيلك جيب BMW مايردك الا 250 .. وش معجلك ..خايف تكشت وماتوصل للربيع الا لا طلعت الصمعاء :) :) ههههههههه

[عمار السفينه]

اخوي يجيب 190

واذا حملت عفش ووزن يجيب 170 الى 180

ماشاء الله تبارك الله

[rpk]

بلنسبه للسرعه اذا كان تماتيك يجيب 180 عايدي 170 السياره ماعليها لاكن العيب يكمن في 1ضيق المرتبه الخلفيه وقربها للمرتبه الاماميه 2ضعف القير بلنسبه للمكينه حيث تتفقع الصوف بشكل دائم 3قصر الجلوس في المرتبه الاماميه توصل لحد الفخذ بس 4 وهو الاهم الدبل حيث انه وبدون مقدمات يخرب وهذا هو الي خلاني ابيعه خرب علي وصط النفود وياللله طلعت هذا خلاصه تجربتي للزوزو عندك الان خيارين الاول ددسن حلو ومكينه بنت كلب ويجيب سرعه تصل لحد ابرت الزيت اى187 اما الهايلوكس وسع قدام ورا وحلو في النفود ويجب سرعه 160 فقط امل اني وضحت

[بدون لوحات]

اللى يخرب دبله بسرعه لايقربك

[أبـــ سعود ــــو]

بارك الله في الجميع وحيرني أخي rpk http://www.mekshat.com/vb/images/statusicon/user_offline.gif كثيرا والله أني لاأدي والمشكله انه فيه أحد الاصحاب كذالك يشير علي بالهايلوكس ويقول إنحش عن الديماكس بس اللي يخليني مأخذ بكلامه انه ماجربها ووالله اني الى الان متحير

[rpk]

انا اقولك من واقع تجربه واشير عليك ياددسن او هايلوكس

[عمار السفينه]

انا اقولك من واقع تجربه واشير عليك ياددسن او هايلوكس



طيب ممكن نعرف وش مشكلتك مع الديماكس بالضبط


رايك يهمنا

[العطة]

اخوي بامكانك تجرب السيارة في الوكالة اوتستاجرها

اما اخوي rpk فاخالفة الراي تمام

المراتب ووسعها تقدر تجربها في الصالة والسيارة واقفه

ضعف القير والصوفة اول مرة اسمعها تجربتي الشخصية سوزو 2005 مشي 112000 ماشكى شي اما الدبل خرب على ثلاث مرات بسب سؤء الاستخدام

معى الان سوزو 2007 وقبله 2005

واي شي انا حاضر

ابوعبدالاله

[أبـــ سعود ــــو]

اخوي بامكانك تجرب السيارة في الوكالة اوتستاجرها

اما اخوي rpk فاخالفة الراي تمام

المراتب ووسعها تقدر تجربها في الصالة والسيارة واقفه

ضعف القير والصوفة اول مرة اسمعها تجربتي الشخصية سوزو 2005 مشي 112000 ماشكى شي اما الدبل خرب على ثلاث مرات بسب سؤء الاستخدام

معى الان سوزو 2007 وقبله 2005

واي شي انا حاضر

ابوعبدالاله


شكرا لك أخي العطه على هذه المعلومات

[أبـــ سعود ــــو]

طيب ممكن نعرف وش مشكلتك مع الديماكس بالضبط




رايك يهمنا






بارك الله فيك

[المساعدي]

فيه ارااااء جديدة ياشباب .. ولاتجارب جديدة افيدونااااااااا


موضوع للرفع .. ولمزيد من المعلومات ..

[قف وناظر]

السلام عليكم اخوي بزبوز
باختصر لك الكلام انا عندي ديمكس 2007 الدفعة الاخير اخذته 65 الف من اليمني الموتر الحين له معي 11 شهر وماشفت عليه اخلاف (قولوا ماشاء الله) ورحت عليه للدهناء والطايف وابها ماشاء الله حلو وفي الخط يجيب 180 طبعا عايدي والصرف ولا احلى مايصرف في المدينة تقريبا 600 مع المكيف والخط تقريبا 450 وراسي ماشاء الله لكن خوفوني ناس واجد منه وانا ودي ابدله بهايلكس دفرنسين بس غالي هذا اللي مخليني اتردد طبعا قطع الغيار شوي غالية السيفون 70 ريال ويشيل 8 علب زيت مع السيفون في النفود والخط ولا احلى والراحة ولا احلى اريح من الهايلكس بس مشكلة ديزل خياس وبعطيك نصيحة :
1ـ استخر ماخاب من استشار ولا ندم من استخار
2ـ استاجر ديمكس من احد محلات الاجار وجربه في الخط والنفود وشف وش اللي يدبرك الله عليه
ارجو اني افدتك والقراء وآآآآآآآآآآسف على الاطالة .

[Magellan]

أخوي قف وناظر ، هل لازالت الوكالة عند اليمني
أنا حسب ماسمعت أنها إنتقلت للعيسى في الموديلات الأخيرة
والدليل إني أشوف أغلبهن عليها شعار وكالة العيسى

[قف وناظر]

السلام عليكم اخوي Magellan
آسف على الرد المتأخر اي سوزو له وكالتان الان اليمني الاصل ونزلت في السنوات الاخيرة عند العيسى طبعا اليمني اقدم واقل في الاسعار بفارق الف تقريبا واما الصيانة فأظن العيسى افضل
لكن هناك ملاحظتان لم ابينها ان الديمكس في المرتفعات جميل وقوي جربته في مرتفات ابها وجنوب المملكة وايضا اذا حملت عليه اغراض فلا يزال عزمه قوي بخلاف الهايلكس 2005 فانه يضعف وتقل السرعة في الخط ومدح لي شخص مديلات 2008 بانه قليل الاعطال المشكلة التي يكثر فيها كلام الناس ان القير ضعيف بمقابل المكينة القوي جدا ماشاء الله لذلك قد تسمع حنة قليل بعدما تنتقل بالنمرة من الثالث الى الرابع ايضا من مميزاته انك اذا ركبت داخل الموتر ماتسمع صوت المكينة يعني ماكنك راكب ديزل .
وبالله التوفيق.

[راعي بيشة]

بس ما هيب مريحه

النيسان مريحه

[Magellan]

أخوي قف وناظر
مشكور على التوضيح والإيسوزو موتر ماعليه كلام
أكيد إنه شيخ والناس ماتاخذ عبث ، أكيد إنه من أفضل فئاته في الديزل عزم ومكينة جبارة
ويكفي إنه تيربو بحد ذاته راح يعطيك فرق مو سهل ،ولا راح تفرقه كثير عن البنزين لا بالممشى ولا بالصوت
أما الوكالات فحسب ماسمعت أن الإيسوزو إشترتها شركة أمريكية ولذلك توفرت السيارة لدى العيسى
والعيسى من دون ما أشاور يعتبر من الوكلاء المحببين عندي ،لكن ينقصه الإنتشار في المملكة ،،
ومؤخرا فتح وكالة جديدة بطريق خريص تقاطع شارع الأحساء

أخوك أبوعلي :)

[مخاوي الكشات]

بلنسبه للسرعه اذا كان تماتيك يجيب 180 عايدي 170 السياره ماعليها لاكن العيب يكمن في 1ضيق المرتبه الخلفيه وقربها للمرتبه الاماميه 2ضعف القير بلنسبه للمكينه حيث تتفقع الصوف بشكل دائم 3قصر الجلوس في المرتبه الاماميه توصل لحد الفخذ بس 4 وهو الاهم الدبل حيث انه وبدون مقدمات يخرب وهذا هو الي خلاني ابيعه خرب علي وصط النفود وياللله طلعت هذا خلاصه تجربتي للزوزو عندك الان خيارين الاول ددسن حلو ومكينه بنت كلب ويجيب سرعه تصل لحد ابرت الزيت اى187 اما الهايلوكس وسع قدام ورا وحلو في النفود ويجب سرعه 160 فقط امل اني وضحت

مالك لو أبد يا أخوي يوم تقول الهايلكس ما يجب إلا 160 بل يجيب 180 بالرابع .. هذه صارت مع أحد الأخوة راجعين من الدهناء ومركب شد وتانكيين فل والأغراض من كثرة ياللله شالها الشد وكفرات بلد وجنوط بلد وجايب 180 وعيا يتفتف .. وأنا أعرف واحد مع هلي دبل ماتجيب إلا 160 وأتوقع لأنه رافع وجه المووتر ومركب كفرات عراض وجنوط لاند لمتد ..

[مخاوي الكشات]

بس ما هيب مريحه

النيسان مريحه

ههههههههههههههههههااي الله يهديك ما يكسر الظهر إلا الددسن مقارنة بالهلي .. والديماكس

[مخاوي الكشات]

شف يا أخوي جدي معه سوزو الشكل القديم مرة ماخلى مكان ماطب فيه عاد ماشاء الله عليه مهوب متهور خخخخخخ >>>> ياهو وأعذرني لاعن والدين الموتر ومع ذلك ممتاز جداً ماطب الوكالة .. ماشاء الله تبارك الله وجدي مايواطن الوكالة إن كثرت مع أني ما أتوقع أنه راح لصيانة الألف كيلو خخخخخخخ ما أتوقع ومع ذلك يمدحه رغم أن عنده سيارة غيرها .. على فكرة السوزو حق جدي الموديل القديم اللي تجي مكينته 2800 تيربو ..فل

[صقار سدير]

اخوي ...
اسمع انا معي هايلكس 2007 دفرنسين الموتر جربته سنة كاملة ماشفت فيه ولا عيب
في النفود يطرب ...
وفي الخط راحة ماتتصورها
والسرعة يجيب 180
اما بالنسبة للدماكس فانه جيد ولا باس به
وحتى اكون معك صريح انا احترت واجد بين الدماكس والهايلكس قبل لا اشتري الهايلكس
لكن استخرت والحمد لله على التيسر
وبالنسبة للسعر ترى الهايلكس غالي شوي على خبري 87 هو 88
وعلى كل 2008 الفل يجي فيه سي دي
وعسى الله يختارك الخيرة

[سفاري 2008]

الددسن الديزل ممتاز وعزمه قوي وفيه ميزه الدفرنس الخلفي مشبوك فيه كلتشات مثل الشروكي وهذه الميزه غير موجوده في ا لبنزين
لاكن الله يعينك اذا خرب التربو ب4500 ريال غير التركيب ومافيه حل الاجديد من واقع تجربه ددسن عمارتين 2007