لاند 2006 ويسخن ......؟؟؟؟

[راعي المسرى]

السلام عليكم ورحمة الله وبركاته
كان معك لاند أو حولك خلفية عن الحرارة لا تبخل علينا والله لا يحرمك الأجر
.
.
.
.
.
.
واحد من الشباب معه gx2006 فاكه جديد وماشي ألحين حول الستين ألف ...

الشاهد يقول إنه مرة وقف السيارة ثلث ساعة والمكيف شغال وارتفعت حرارتها فوق النصف شوي بقي على الأتش الربع !!!

طبعا تلاحق عمره وطفى السيارة على طول ....

مع إنها إذا كانت السيارة تمشي ما ترتفع عن تحت خط النصف أبدا حتى لو مشى طبلونها وفي عز القايلة ...:good: وهالكلام أن شايفه معه وحنا رايحين لمكة في عز القايلة الأسابيع الماضية وحرارة الجو فوق الخمسين !!!!
ويقول أنها يوم أرتفعت عليه طفى الموتر ثم شغله بعد عشر دقايق ولقى الحرارة زايدة حول الأتش لكن من يوم حرك الموتر مئة متر نزلت على طول ............... رايكم يالنشامى هل الأمر طبيعي أو يحتاج للعلاج ؟؟؟ :confused:

حصل له هذا الأمر ثلاث مرات



الأديتر مليان ومروحة المكيف شغاله وكل شيء على وضعه الطبيعي الموتر ما فيه أي تعديل ....

[AL-OTAIBI]

موتره مراوح كهرب او مروحه بكلتش?
اذا موتره مروحته بكلتش خله يشيك على الكلتش لان المشاكل دايم تجي من الكلتش .

[ابوجعفر]

انا صارت معي نفس المشكلة ومعي gxr2006 كنت مسافر الى الشرقية
وقفت الجيب نصف ساعة يوم جيت الحرارة مرتفع افوق من النصف وللعلم ماشي 30000الف
الرجاء الافاده , شيكت من بكرا الزيت جديد والاديتر مليان .

[omaali]

اناعنديgxr-2/2006 رحت عليه ابها هذي السنه والرياض مرتين وماشي 50000 والحمد الله مافيه اي مشاكل ....... احتمال يكون عندك البلف مسكر تصير كثير.... بس الصراحة الجيب خيب ظني مافيه الاشكله الخارجي اما من ناحية العزم والسلامة فهو في قمة السوووووووووووء

[ابوفهوود]

شى طبيعي لا حد يتعبث بسيارة لان البيلف قفل ياخذ فتره قليله ويرجع كل شى طبيعي

[الصخري]

السلام عليكم
أخي الكريم الجيب مافيه شي وخذ الكلام الصحيح وكل سيارة لازم ترتفع الحرارة لما تكون موقفه وهي شغاله وخصوصا في هذي الأيام
الله يعطيك خيرة ويكفيك شرة ...

[*الـزيـن*]

اجل السالفه في 2006

لان عندي 2001 vxr

والحراره الربع مايتعدى ابد مهما كانت الظروف والحمد الله يارب


وعسى ان شاء الله تلاقون الحل




اخوكم الزين

[شبوب]

أبـــــد ... غير طبيعي وقلة يشيك عليه قبل لايعدم الروس

[رومل]

نوعيه الماء المستخدم للراديتر يكون احمر موجود بالوكاله والحراره غير عاديه اذ كانت السياره واقفه بالنسبه للبلف هو اتوماتيكي في حاله اشتغال السياره يعمل على ضغط الماء مع الفتحه الصغيره ومع زيادة الضغط والحراره يفتح المجرى الاكبر بالسبرنق الموجود بالبلف اول شي شيك على البلف او ركب جديد ولك مودتي

[ماجد99]

اخوي الغلي شي طبيعي ارتفاع الحراره لان الجو حار وبعدين السياره واقفه

[العقاب]

احتمال بعد ما وصلت الحراره الى الاتش يكون الراس انعاج ...>> اذا كذا رحت فيها لان سعر الراس غالي

[abu hlal]

شباب هذه الامور تحصل إذا وقفت السياره بعد خط طويل وكنت مواجه جدار مثلاً او في اتجاه الهوى!!!!!

نصيحه:1-اذا سخنت السياره لاتطفيها ...خلها شغاله ..رش ماء على الاديتر ..
2-بعد الخط الطويل لاتطفي السياره على طول.....خلها 5دقايق الاقل
3-وقفها عكس اتجاه الهوى..وافتح الكبوت..

[صلفيق]

اخوي انا معي واحد زيه 2006 جي اكس عادي اخوي الحراره علي النص وانت واقف ومشغل المكيف تحصل معي علطول ولا بعد الشباب الي اعرفهم معهم جيوب نفس الشي لاكن اذا تعدت النص عندك المروحه والتماتيك حق المروحه لازم تشيك عليها

[khaled99]

ليش ما تروح الوكالة وتشيك عندهم..؟؟

أنا عندي 2002 Gx-r ولا عمر الحرارة ارتفعت

عن الربع في جميع الأحوال ان كنت مسافر ولاواقف...

الله يعينك وييسر أمرك...

[shaheenshah]

انا معي باترول 95 نفس المشكلة اللي تقول
شيكت على المروحة حقت المكيف لقيتها ما تشتغل وصلحتها برضه ترتفع الحرارة اذا وقفت وتتعدى النصف
واذا مشيت تنزل توصل الربع وطلع البلف رايح في خرايط أمها قافل من الوصخ والتراب وغيرته وضبطت الحرارة وصارت على الربع

[راعي المسرى]

اخواني الكرام كلا باسمه ولا يهونون الجميع

أشكركم جميعا على التفاعل مع الموضوع ولعل صاحب السيارة يشوف اقتراحات الشباب ولعل في الأمر خيره
والخيرة في ما يختاره الله .... وكما قيل : ما خاب من استخار ولا ندم من استشار
وعموما الحرارة ما وصلت الأتش بس حوله ولعل في الردود الماضية الحل الشافي أو في الردود القادمة ...
وإن جد جديد أبشروا به ....


والله لايوريكم مكروه جميعا .....آمين.

[راعي المسرى]

للرفع.........................
نبي صوت جديد

[ABO-AZIZ]

انصحك تشيك على الموتر لان الي حصل عك غريب
تقبل تحياتي
ابو عفجة

[alkongrs]

شيك على المروحة

[شبح الصحراء]

طبيعي جداً واللي حصل أمر عادي وليس بسبب مشكلة في السيارة فلا توسوس موترك تمام مادام انبير الحرارة ما وصل إلى الخط الأحمر ولكن في المرات القادمة لا تترك السيارة شغالة وهي واقفة لأكثر من عشر دقائق في حرارة الصيف وإذا فعلت وارتفعت حرارة المحرك فلا تطفئ المحرك ولكن خذ لك لفة بالسيارة لين تنزل الحرارة واذا صممت تترك السيارة مدة طويلة والمكيف شغال أوقف السيارة بإتجاه الرياح وافتح الكبوت وشيك على الحرارة كل فترة .

[shababi]

الحل هو تسييخ الراديتر

[سنجااار]

اخوي ماعندك ألا بلف الحراره هو الي فيه المشكله
تقبل مروري
سنجااار

[ولد وايل]

اخوي ملاحظه يجهلها كثير من الناس وهو غطاء الاديتر حصلت معي يكون معلق وما يفتح وهذه مشكله كبيره تشتري جديد بـ 30ريال اصلي او تاخذ من اي سياره للتجربه

قبل ما تسوي شي للموتر

[ولد وايل]

الملاحظه الثانيه اذا بتوقف وتشغل المكيف طبعا لجميع السيارات لابد من فتح الكبوت للمحافظه عالمحرك

[شبح الصحراء]

يا اخوان يقولكم الموتر لاندكروزر موديل 2006 يعني للحين جديد مستحيل يحتاج تسييخ راديتر واللي حصل معاه طبيعي جداً وموتره مافيه أي مشكلة فلا توسوسون بالرجال :no2: ، موتر واقف ثلث ساعة والمحرك والمكيف شغال في عز الحر لازم ترتفع حرارته حتى لو كان الموتر جديد وهذا الشي مكتوب حتى في كاتلوج الهايلوكس مع ان محركها أصغر مكتوب "لا تترك المحرك يدور والسيارة واقفة لمدة طويلة لأن ذلك قد يسبب ارتفاع حرارة المحرك" وهذا انا لاحظته قبل اسبوعين على موتري هايلوكس 2005 خليتها ربع ساعة واقفة بعز الحر والمكيف شغال وتوني واقف من خط طوله 550 كلم ويوم ركبت حصلت انبير الحرارة فوق النص وهذا طبيعي بسبب حرارة الطقس والسموم والأفضل ترك السيارة تبرد قليلاً بعد قطع مسافات طويلة كما لا يجب ترك السيارة تشتغل وهي واقفة لأكثر من عشر دقائق في حرارة الصيف دون فتح الكبوت وإيقافها مقابل الرياح حتى لو كانت السيارة جديدة .

[راعي المسرى]

الاخوان :
ابو عفجة
ولد العمدة
شبح الصحراء :good: :good:
shababi
سنجااار
ولد وايل
مشكورين على المرور وما قصرتم والله يخليكم يالغالين ولا يوريكم مكروه ومن يقراء .....
أمس القريب رحت يم الرجال وحطيت موتري وموتره في مكان واحد ووجهة واحدة وخليناها تشتغل فترة ولا حصل شيء للموترين ... بس أنا ما أدري هل عشان الجو بارد هالايام أو رفيقنا يوسوس ... عاد هو يقول الوعد الصيف الجاي ... وأنا أقول اترك الوسوسة !!!!

[ثورة الشك]

انا متاكد بان الاجواء اللي عندنا لاتحتاج الى بلف حراره


البلف مصنوع للسيارات التي تكون بلاجواء البارده جدا واما عندنا فلانحتاجها نظرا لارتفاع درجه الحراره



اقترح عليك اخي الكريم بالاستغناء عن البلف نهائيا