ما هو اللحم المفضل على مائدتك؟

[عاشق الصحراء]

. تختلف أنواع اللحوم في الوجبات حسب رغبة
و ذوق الشخص فكلها من نعم الله و فضله
1- ما هو نوع اللحم الذي تسعى للحصول عليه.
2- في أي سوق أستطيع شراء لحم حيوانات بريه مثلجة:

أرانب , سمعت أن الفرنسية لذيذة.
---------
ظباء
---------
نعام
---------
أي نوع من الطيور البرية.
----------------------------------------------------
لأنني سمعت أن فيه لحم صيد مثلج من الخارج , و لذيذ.

بالنسبة لي افضل الوبر (مسلوقا) .
القمري( شويا) لان فيه دهنيات كثيرة,

ارجو افادتي بما تعرفون .
تحياتي

[ابو عايد]

السلام عليكم ورحمة الله وبركاته

أخي العزيز .. عاشق الصحراء

أفضل الأرانب البلدي

والمثلج لايصلح وخاصة الفرنسي

القمري صحيح دهنه واجد ومايصلح إلا شوي عند بعض الناس وبعض الناس لا

أنا عندي أفضل شئ الأرانب البلدي طازه

ومشكو على طرح مثل هذه الموضوع

وتقبل تحياتي // العاشق الولهان

[عاشق الصحراء]

و عليكم السلام و رحمة الله و بركاته.

حاولت اكل الارنب البلدي و لكن فيه زخمة و ليس
مثل الارنب البري , و اعتقد انك تصلح له حركة مثل
وضعه في الملح حتى تختفي زخمته و انا سمعت ناس
طايحين في هالطريقة.

اما القميري هالسنة فسمين بالحيل ,و انا طحت مريض
عقب الموسم في شهر خمسة افرنجي و السبب اني
اصلحه قصديرة مع بصل و نغطط في هكالمريقة الي
كله دهن ...بس لذيذه مرررره ..و جلسنا على هالحال
اسبوعين الى ان ضرب عندي الكلسترول فوق!!
بس اقول يا زين هالقمري الي يدهن القلب .

[غلا الرياض]

اهليـــــــــن

انا احب الضباااان المشويه

ويا زينها مع الكبســـــــــــــــــة :D

<<<<<نصااااااااااااابه بزيادة

دجاج الوطنيه المشوي ويخب بعدددد ;)




اخيتكم::::::غــــــــــــــــــــــــــــلا :good:

[عاشق الصحراء]

شكرا على اضافة الرد.

الضبان المشوية بالملة يا صارت صغيرة كذا:good:

ولكن طبخها كبسة يبي له تعب:(

اما الدجيجات عاد هذا شي لا بد منه...لولا الله
ثم هن.. تسان علوم...من ينطح هالبشر.

و انا اعتقد ان اغلبية اعضاء مكشات ما يذوقون
هاليومين الا بنات الديك:D

الا واحدن ذهين مخزن من الموسم كم حبة:what:

شكرا يا غلا.

[عاشق الصحراء]

ولا واحد يعرف وين احصل لحم نعام او غزال مثلج
خاصة في الشرقية و ادعي لة بالاجر و التوفيق؟؟؟؟

[najeme]

بالنسبه احسن لحم من الطيور بالنسبه عندي ؟

1 الشنير (( دجاج )) البر ياصار مشوي او مرقه مع براد شاهي موزون

2 الحجل لا صار مشوي ومبهر

3 كبسه فري (( السمان )) ماتبي بعدها شي او مرقه

4 عند عدم توفر الطيور البريه عليكم وانا اخوكم ببنات المذن(( دجاج ساديا )) تراهن مايقصرن
00000000000000000000000000000000000000000000000000 00000000000
وبالنسبه للحيونات 00

1 الارنب البري يا صارت الديره ربع وكابسها مع رز شعلان ياسلام عن وجع العظام

2 الوبر يا صار مرقه عن الزكمه يا صرت بشتاء ما تبي بعد ه شي وحد بوحده

3 الغزال الريم يا صار مسويه مفطح انت واخوياك ((( بس مو حاصل يعني مو على الكيف )))

وسلامتكم 0000000:good: :good: :good: :good: :D :row:

[الشمالي]

والله أنواع الحوم الذيذه كثيره:

منها :
1-لحم القميري أذا كان مكبوس في كاتم يا سلام يدوخ
2-ولا مرقه أرنب بريه بدمها تجيب العافيه
3-ولحمه الوبر وعصبه يجنن
4-والشيوخ والدخل مع معكرونه ولا حميس الصبح
5-ولا كبسه صفاري وصايره الكبسه صفراء من الشحوم
6-ولا أرانب بلديه تسويها مندي أسأل مجرب والله ما تمل منها
7-ولا ظبي صغير بالمره تحطه في المله يوقع في الراس من الطعه الحلو
وتكون لحمته بعد ما تطلعه بيضاء مره والطعم حدث ولا حرج

8-ولا تنسون فقاره الحاشي ترا لها خنه بعد لحم الصيد بمده


والحوم الجيده كثيره وهذي نبذه منها


تحياتي لكم

[al-nashmi]

[QUOTE]الرسالة الأصلية كتبت بواسطة الشمالي
[B]والله أنواع الحوم الذيذه كثيره:

منها :
1-لحم القميري أذا كان مكبوس في كاتم يا سلام يدوخ
2-ولا مرقه أرنب بريه بدمها تجيب العافيه
3-ولحمه الوبر وعصبه يجنن
4-والشيوخ والدخل مع معكرونه ولا حميس الصبح
5-ولا كبسه صفاري وصايره الكبسه صفراء من الشحوم
6-ولا أرانب بلديه تسويها مندي أسأل مجرب والله ما تمل منها
7-ولا ظبي صغير بالمره تحطه في المله يوقع في الراس من الطعه الحلو
وتكون لحمته بعد ما تطلعه بيضاء مره والطعم حدث ولا حرج

8-ولا تنسون فقاره الحاشي ترا لها خنه بعد لحم الصيد بمده :good: :good:



ونا اظم صوتي للشمالي.............. شكرا يالشمالي


وتقبلوا تحيات/ النشمي

[الشمالي]

بذمتك ما تمنيت
شي من أنوع اللحوم الي فوق أنها تكون على غداكم اليوم

شكلك رايح فيها من شهوه هذي الاكلات من اللحوم

تحياتي لك
أخوي النشمي

[al-nashmi]

هلا بك يالشمالي

تبي الصدق والله ودي بخمس قمريات مطبوخه بكاتم على رز ابو كاس، وفي غرفه لحالي واقفلها علي ولا احد يجيني :D :D :D

ياخوك ملينا من اللحم الحمد لله والشكر، واللى الثلاجه مليانه من نص حويشي لباني تقل زبده جايبه بنفسي من الصمان.......

ولك تحياتي

[الشمالي]

كلها أيام معدوده ويجي القميري

وتدسم شاربك يا النشمي

لا تستعجل على رزقك

[al-nashmi]

قل امين ان الله يرزقنا هالسنه واصيد ماهو بكثرته ولكن بتوفيق الله ، احيانا نقنص بعيد وقريب ونقعد بالايام
ولا نصيد الا قليل واحيانا نقنص يوم واحد ويرزقنا الله بصيد كثير وهي توافيق من رب العالمين.
الله يرزقنا هالموسم واخوانا القوانيص.


تحياتي

[الشمالي]

والله يوفقك الجميع
إن شاء الله

[الصيـــــــاد]

السلام عليكم ..
أخوي الغالي عاشق الصحراء تسلم على هالموضوع الرائع .
أنا بالنسبة لي أفضل لحم القمري خاصة ( الخرشي ) ، طبعاً مع الكبسة ، يسلاااااام شيء ثاني .
وكمان أحب لحم الأرانب البرية طبعاً ، خاصة أذا سويتها بالقصدير وقطعت معها البندورة والبصل وحطيت ذيك البهارات السنعة ، وحطيتها بالجمر . تعال شوف الطعم اللذيذ ..

مشكووووور مرة ثانية .


أخوك : الصيــــــــــــــــــــاد .

[عاشق الصحراء]

الاخ najeme اهلا بك.
عليكم السلام و رحمة الله و بركاته.
شكرا على الرد الوافي و ما قصرت .
صراحة كل الطيور الي ذكرت لذيذة و ما ناقصة شي.
تحياتي لك .

الاخ الشمالي اهلا بك.
و الله انك خليت كبودنا تفرك بردك الي تنبعث منه
ريحة مشويات طازه من انواع الصيد .
شكرا لك يالغالي.

الاخ النشمي اهلا بك.
الله يجيب القميريات اللي ترد الروح . بس انتبهو
لا تكثرون من الشحم.
تحياتي لك

الاخ الصياد اهلا بك.
يا سلام على الخرشي الي يخرش القلب بصوته اذا طار
من الطلح الي بالساحل و ايضا اذا قام ينبل بالقدر.
تحياتي لك.

:good: :good: :good: :good: :good:

[نفل]

:D :D :D

الاخ عاشق الصحراء


بصراحة الذ لحم اكلته كان كبسة الحاشي بالاستكوزا :confused: ايه كبسة الحاشي بالاستكوزا وليه

مستغرب جرب وتشوف وصدقوني سويتها العام مع احد الشباب وحنا فوق طعوس التنهات :D

والسلام عليكم

[المسفهل]

بالنسبة لي اللحم المفضل لحم سمك ناجل بالفرن ...:good:

قميري ودخل تطزز عليهن :eek: :good:

[عاشق الصحراء]

الاخ نفل
و عليكم السلام و رحمة الله و بركاته.
لحم الحاشي الصغير مررره و مهو مربوط بحوش يجيب العافية
بس الاستكوزا هذا اللي ما اعرفه.. بس ابي اسأل عنه خوين لنا
لبناني.:D
و يا سلام كبدة حاشي طازة مقلقل الصبيحه .

الاخ المسفهل

هلا بك و مرحبا اشوفك مارن المطبخ اليوم تدور لك شي يوقي
الضرس:D . اشوا الي غيرت نوع اللحم لاني اشوف الشباب
يبون يخلصون الحشو هاليومين .
سمك ناجل بالفرن على طول عافية بالكالسيوم يا سلام .
كشفناك مخزن بالثلاجة قميري و دخل :row: لاني اشوف
تفنن تطزز .ما خليت شي الا طبخت فيه:D مداخيل العافية .

تحياتي لكم يا نفل و المسفهل.

[Bader-M]

بنسه
للحم الاحمر
افضل الحاشي
اما البيض
ما فيه زي القمري خاصه اذا طبخ مع المرقوق
تقبل تحياتي

[فرسان]

افضل اللحم لحم السمك
وخاصه القروش ماروعها ولا الف حبه فياجرى



جرب


____________

فرسان

[amal]

السلام عليكم

للاخ اللي يسأل عن لحم النعام بالشرقيه .. امس اشتريته من بنده .. ابن خلدون

عوافي مقدما

سلام

[الضاري]

أنا عن نفسي أفضل أكل اللحوم الطبيعية يعني اللي سالمه من الكيماويات مثل لحوم الصيد

أو من دواجن المزرعه

لا مرت على مصنع نفخ وتسمين ولا مرت على الشعير على الأقل وغيرة من المسمنات

هذا بوجه عام

أما بوجهة خاص

كبسه قميري
وبعده الصفار
وبعده الدخل

[خالد123]

(لحم التيس الصغير7اشهر من البر) ياسلام

[جلمود 83]

سلام

انا عن نفسي افضل الحري الصغير ( ابو 6-8 شهور ) وارد مزرعة واحد اعرفه محرم العلف عليها و الادويه وما تعرف غير البر و الماء

بعدها الستيك البقري ( مسوي حق استيك ) قطع اللحم البقري من الظهر يعني من طقة الريش بس بعد من الحسيله