المساعد الشخصي الرقمي

مشاهدة النسخة كاملة : نبي شوركم.............لاند والا فتك


قنوع
04/09/2007, 05:42 PM
السلام عليكم ورحمة الله وبركاته

كيف حالكم ياشباب

بصراحه انا جاي استشيركم بين موترين

اللي هم لاند او نيسان فتك

مليت ادور واقرا عن الموترين في المنتديات

طبعا اميل للاند أكثر

بس اشوف مدح النيسان بقوه وخاصة 4800ولا فيه احد يشتكي منه

خاصة الربع

طبعاً الاستشارة على الصالون

بالنسبة لحاجتي للسياره والمواصفات اللي ابيها مبنيه على عدة عوامل (علماً بان عندي موتر صغيره وونيت دبل وناوي ابيعهم واجمع بين راسين بالحلال )مليت من كثر المطامر والمرمطه خاصة بالشتاء

على كل حال

عند الترشيح ابيكم يا شباب تراعون مايلي

1_ رجل حاره واحس اني قوي اذا شخفت الموتر ( طبعاً في البر )

وشكل هذي عقده عندي بسبب الزحمه في الرياض هههههه

2_ راعي دوجان في البر بشكل متواصل في الشتاء خاصه

3_ سبق وان جربت سفاري 98 ولاكن ما يطرب بسبب اصواته

وانا رجال ما احب الطقطقه

4_ اميل لتويوتا لان مجرب الهايلكس دبل خمس سنوات وما شاء الله تبارك الله يطرب

بس نبي نريح ظهري راح فيها وكبرنا (( كانت نظرتي سيارة البر كرف والديره دلع ))

بس ابي اجمع بين الثنتين كرف ودلع ((( وما اخفيكم جايز لي الهدد بس من تالي ماش كثر صار مثل الكامري )))

5_بالنسبة للقنص لست راعي قنص وملاحق واجد

يهمني في الموتر المنظر مسكة السعر قلة الصيانه التماااااااااااااااااااااااسك الصرفيه

يعني بصراحه اللي جرب سياره وماجازت له يقول ليش ممكن السبب اللي ما جاز له يكون عندي عادي

((((( مثلاً انا ماتجوز لي الاكورد بسبب قسوة مطبها .... كنها مطيحه ومراتبها قاسيه مدري ليش )))


6-بالنسبة للسعر حدود140

والرغبة 2008

وأسف على الاطاله

وتقبلوا تحياتي

قنوع
عاشق السيل
05/09/2007, 06:33 AM
وعليكم السلام ورحمة الله وبركاته ،،

بصراحة حيرتنا أخوي قنوع وياليت لك من اسمك نصيب !!

أما 140 ألف وتبي 2008 ،،،، مااظن !!

ومع ذلك انصحك تشتري فتك إذا كنت تبي خفة ونشاط وراحة ومواصفات أفضل بالنسبة للسعر ،،

أما إذا كنت من اللي يبيع السيارة بسرعة أنصحك تشتري لاند لأنها تمسك السعر أفضل لكن المشكلة فيها الغلا مع قلة مواصفات ،، عندك مثلا الفي إكس آر فيه كل المواصفات بس كم سعره ؟؟؟!!!!

وكل السيارتين تراهن قويات ومتماسكات جدا ومافيهن أي مشاكل لو تقطع بران السعودية كلها ،،

وبهذي المقارنة أنصحك ( كوجهة نظر خاصة ) إنك تشتري سوبر سفاري 2006 يكون نظيف ومناسب لدراهمك وكامل المواصفات ومريح المركب وخفيف النفس وقيرين ولك وللزمن ،،

والله يوفقك وتقبل مروري يالغالي ....



.
abu hlal
05/09/2007, 07:41 AM
يا أخي قنوع

نصيحه واحد مجرب السيارتين :إذا تبي تحفظ ارقام السطحات !!!!!! أشتر نيسان

اخذ لك Gxاؤ Gxr وريح عمرك والمبلغ اللي ذكرت يكفي وزياده



اخوك:ابوهلال
الوافي99
05/09/2007, 10:37 AM
يا أخي قنوع

نصيحه واحد مجرب السيارتين :إذا تبي تحفظ ارقام السطحات !!!!!! أشتر نيسان

اخذ لك Gxاؤ Gxr وريح عمرك والمبلغ اللي ذكرت يكفي وزياده



اخوك:ابوهلال

الله يسامحك متى السفاري ركب سطحه (هذا مطلع القصيده والباقي عليكم):D

وينك يالجربا عنه .
باترول للأبد
05/09/2007, 10:49 AM
وعليكم السلام ورحمة الله وبركاتة

تبي رايي مالك الا الفتك وهذا اللي يصلح لك

يعني الفتك قوي ومريح وشكلة حلو ومتماسك ومواصفاتة حلوة وفخم وسعرة حلو

والله يكتب لك مافيه الخير والصالح
w5070
05/09/2007, 10:58 AM
السلام عليكم ورحمة الله
يالغالي بكل أختصار مالك إلا الاند كروزر


خذها مني نصيحة وبتعد عن التيسان..
ومشاكله..ونت رجال تبي موتر طيب ووسعره فيه ...:good:
أهديلك الصوره من أخوك أبو محمد


قولو ماشاءالله يهل النيسااااان :D


ماشاء الله
http://www.mekshat.com/pix/upload/images47/mk34832_sdsd.jpg
رجـ الصدى ـع
05/09/2007, 11:09 AM
وبهذي المقارنة أنصحك ( كوجهة نظر خاصة ) إنك تشتري سوبر سفاري 2006 يكون نظيف ومناسب لدراهمك وكامل المواصفات ومريح المركب وخفيف النفس وقيرين ولك وللزمن ،،
.

عندي سؤال بخصوص القيرين .. وش ميزتها وهل لها مشاكل
يعني إذا حولته على اليسار يطلع زي العادي .. وهل له كلتش ...
يعني يفيد في النفود وإلا نفس التماتيك بس أنك تقدر تزيد وتنقص نمر ؟؟؟

تكفون ياشباب نبي العلم وإذا كان مثل العادي أنصحك أخوي A.K.H بالفتك إذا كان الوسع ما يهمك مرة ..
abu hlal
05/09/2007, 11:24 AM
عندي سؤال بخصوص القيرين .. وش ميزتها وهل لها مشاكل
يعني إذا حولته على اليسار يطلع زي العادي .. وهل له كلتش ...
يعني يفيد في النفود وإلا نفس التماتيك بس أنك تقدر تزيد وتنقص نمر ؟؟؟

تكفون ياشباب نبي العلم وإذا كان مثل العادي أنصحك أخوي A.K.H بالفتك إذا كان الوسع ما يهمك مرة ..

لا ماهو مثل العادي .......بس تتحكم في التبديل ( نفس التماتيك بس أنك تقدر تزيد وتنقص نمر ؟؟؟)وهذا موجود اكثر السيارات التماتيك
بواسامه
05/09/2007, 11:34 AM
يومك ميال لتويوتا وقنوع على اسمك لا تشاور احد
توكل على الله
اذا كنت ذا رأيا فكن ذا عزيمتة 000فان فساد الرأي ان تترددا
طير شـ م ـالي
05/09/2007, 03:22 PM
السلام عليكم ,,
أخوي الغالي
لا تاخذ غير
الــلانــد
هــ GX ــدد
. ـــــــــــــــــــــــــ .
:no: :no2: الـفــتـك :no2: :no:
:no2: :no: :no2:
. ــــــــــــــــــــــــــــــــــــــــــــــــــ ــــــــــــــــــ .
. ــــــــــــــــــــــــــــــ .
. ـــــــــــــ .
. ـــ .
ـ
.
كياف
05/09/2007, 07:00 PM
تفضل :

http://www.mekshat.com/vb/showthread.php?t=102189
حر الشمال
05/09/2007, 08:04 PM
نصيحه ياخوي ابعد عن النيسان ومشاكله ومثل ماقال اخوي اذا تبي تحفظ ارقام السطحات خذ نيسان وانا عند نيسان وكل مشاكل مهما تصلح فيه بعد تطلع مشكله خذ لك لاند كروزر جي اكس او جس اكس ار والله يبارك لك ان شاء الله
عاشق السيل
05/09/2007, 10:51 PM
أبوهلال ،،،،،، A.k.h ،،،،،، طير شمالي ،،،،،، حر الشمال


اللي مايعرف للصقر يشويه !!!!!


.
مخاوي الذيابه
05/09/2007, 11:23 PM
أبوهلال ،،،،،، A.k.h ،،،،،، طير شمالي ،،،،،، حر الشمال




اللي مايعرف للصقر يشويه !!!!!




.




صدقت والله يا عاشق السيل ...
.أبوعبدالرحمن
06/09/2007, 02:45 PM
اخي القنوع

نصيحة لوجه الله

لاتنسى الاستخارة


وشوري عليك لا تبعد عن اللاند ابدا

تراه ما يطرب الا هو واسأل مجرب الاثنين

اما الباترول تبي تحفظ ارقام الورش للتربيط والخرابات والعزم يطيح سلان سلام

ونفسه قصير ماهو مثل الذيب اللاند

شوري عليك اللاند اللاند اللاند اللاند
كوبوليفا
06/09/2007, 04:51 PM
اخوي شف

النيسان مشكلته قطع الغيار مره شركه تعابنه وسيئه

ولا من ناحيه موتر فهو موتر

الا قطع الغيار
أسد الهيجا
06/09/2007, 06:18 PM
السلام عليكم
اصبر بينزل الانكروزر 2008 يقولون مكينته جبارة وبيجي اقوى من الباترول
بـتّاع
06/09/2007, 06:24 PM
الله يدلك على الصالح ..

آمــين
سفاري نجد
06/09/2007, 07:30 PM
نصيحه وأنا اخوك جرب السيارتين واحكم بنفسك ،،،

جربها بالطرق العامه وبالنفود تبي تشوف الفرق ،،،
الكتبي66
08/09/2007, 09:33 AM
السلام عليكم
حبيت اقولك وانصحك بالموتر العدل
الفتك ماله منازع بس فيه مشكله وحده وهيه انه يشرب بترول بس مب وايد
بس هاذذ شي عادي لانه الساعده تنشرى بثماني
والفتك سعره اخفض عن اللاند وفيه مواصفات اكثر
واللاند من تستعملها سنه كثرت عليك الخساير وكل فلوسك بيسيرن عليها
واول عطل يستوي فيها انها تصرف ااااايل وبتظطر انته تبدل المكينه
واذا رحت بها البر بترد وهيه متكسره وفي داخلها صوت مثل صوت الصراصير
وانا اتحدى راعي لاند سيارته مقاوه من دون صوت ولا خراب
وارد واقولك عليك بالفتك واذا الحاله عندك كسيفه خذ لك نيسان موديل 97 وما تحت وركب له مكينه
وسلامه تسلم عمرك
قنوع
11/09/2007, 09:15 PM
شكراً لجميع الاًخوة لردودهم على الموضوع

واعتذر على التأخر على التعقيب الايام الماضية بسبب وفاة الوالد رحمه الله

وجزاكم الله خير
ولي عوده عن قريب والله لا يوريكم مكروه في غالي
والسلام عليكم ورحمة الله وبركاته

قنوع
o ياسر الحربي o
11/09/2007, 09:32 PM
شكراً لجميع الاًخوة لردودهم على الموضوع

واعتذر على التأخر على التعقيب الايام الماضية بسبب وفاة الوالد رحمه الله

وجزاكم الله خير
ولي عوده عن قريب والله لا يوريكم مكروه في غالي
والسلام عليكم ورحمة الله وبركاته

قنوع


عظم الله اجرك اخي / قنوع
في الوالد واسكنه الله فسيح جناته وغفر له
وجمعكم الله في عليين
ارجوا ان تتقبل معازاتي ومواساتي
وإنا لله وإنا إليه راجعون
المزروعي
11/09/2007, 09:32 PM
قنوع .

عظم الله أجرك و اسكن الوالد فسيح جناته .
أخوك المزروعي
كياف
11/09/2007, 09:42 PM
غفر الله له , ورفع درجته في عليين , وجمعنا به وإياكم وجميع المسلمين في الفردوس الأعلى ... آمين ..
سوبربنليclass
11/09/2007, 10:10 PM
السلام وعليكم
اخوي ما لك الا
لا ند كروزر خليجي
http://www.mekshat.com/pix/upload/images47/mk62086_ghjgty.jpg
تيمون2
12/09/2007, 04:38 AM
أخوي النيسان حلو بس إنكانك راعي بيع لا نصيحه لانه يطيح واجد
ون كانك بتستخدم والله إنه موتر وشيخ من ناحيه عزم أقوي من الجكس
من ناحيه فخامه فخم جدآ جدآ وأقول الشهر عليكم مبارك
khalid 6
12/09/2007, 06:32 AM
عظم الله أجرك

الله يرحم الوالد ويسكنه الفردوس الأعلى

أنا مجرب الإثنين

الفتيك أقوى وأفضل وكأنك اتوسق صالون من قوته وما ينخاف منه في البر بس يصرف شوي ومايهم اذا

الجير اتوماتيك اما الجير العادي فهو أقوى وأقوى

أما اللاند لا تاخذ إلا في اكس ار يعني 8 سلندر ترى سواقته عجيبة وقوي في البر بس حاسب لا تغرز

ترى صعب يطلع لأنه وزنه ثقيل... وبالنسبة لل 6 سلندر لا تفكر فيه نهائيا نصيحه من اخوك وخاصه جير

اتوماتيك تعبان وبكل سهوله يغرز عندنا في الامارات صارت سيارة السائق او السواق حق العائلة يعني

الهندي للتوصيل فقط وصاروا البنات يسوقونها أما الشباب هابين في النيسان فتيك ولا اللاند 8 سلندر واللي

صارت عنده عائله وعدى الثلاثين ووصل مرحلة الركادة يشتري التاهو أو اليوكن..

أنت استخير والله يوفقك ويباركلك

والسموحه على الاطالة
مخاوي قناص
12/09/2007, 12:54 PM
تفضل :

http://www.mekshat.com/vb/showthread.php?t=102189يتفضل (http://www.mekshat.com/vb/showthread.php?t=102189[/quote]يتفضل) فيييييين:confused: :confused: :confused: :confused: :confused: :confused: :confused: :confused: :confused:
مخاوي قناص
12/09/2007, 12:57 PM
شكراً لجميع الاًخوة لردودهم على الموضوع

واعتذر على التأخر على التعقيب الايام الماضية بسبب وفاة الوالد رحمه الله

وجزاكم الله خير
ولي عوده عن قريب والله لا يوريكم مكروه في غالي
والسلام عليكم ورحمة الله وبركاته

قنوع
عضم الله اجرك الله يرحمه ويغفر له ولجميع المسلمين
الكابتن
12/09/2007, 01:56 PM
عظم الله أجرك و اسكن الوالد فسيح جناته .
مخاوي قناص
12/09/2007, 02:02 PM
الاند نازل والباترول طالع انصحك جي اكس خليجي استبنه علاقي انت رجال تحب تشكل في السيارات وماتطول السياره معك منقول http://www.mekshat.com/pix/upload/sign/images/mk50156.gifhttp://www.l22l.com/l22l-up-1/a2d7e91785.jpg
عرق دقله
12/09/2007, 02:06 PM
تبي الزين خذ نيسان باترول