وش صــــار على المخيمات الى فى الثمامه >>> بعد نفود خزااااام

[nawaf_nat]

الكل يعلم أماكن المخيمات فى الثمامه

من بعد نفود خزام على إمتداد عشرات الكيلومترات

لاكن بعد موسم شتاء العام الماضى تفاجئ ملاك المخيمات بإمر الإزاله

والسبب إنه بيكون هناك تنظيم جديد لهذه المخيمات

والى الآن لم يتم اى جديد بشأن هذا الموضوع

السؤال هل كلامهم صحيح ولا هالأراضى حالها حال الاراضى المشبكه على طول الثمامه ؟

[w5070]

السلام عليكم ورحمة الله


كلامهم صحيح والتنظيم هو إبعاد المخيمات التي تقرب من الشارع بحوالي 5-أو 7 متر إلى الداخل وقتم هذا النظام من العام الماظي..
وأعتقد ان النظامم هذا طبق لسببين ..توسعة الطريق..وأبعاد المخيمات عن الطريق لما لها من خطورة من درجات نارية ...وسيارات وألخ...




تقبل مروري أخوك أبومحمد


A K H

[nawaf_nat]

أشكر لك مرورك أخى الكريم

هو صحيح أزالو المخيمات بحجه التنظيم

لاكن الى الآن لم يجد جديد فى التنظيم

والشتاء على الأبواب يعنى الى يبى يصلح مخيم لازم يبدأ من الآن

أنا أتوقع انه والله العالم الأراضى بتتشبك مثلها مثل الى قبلها

أو الى عنده العلم الأكييييييد يعلمنا

[nawaf_nat]

ارجو التفاعل

[ابـ معزي ـو]

ياليتهم والله يزيلون المخيمات .. والله كم مره بغيت اضف لي دباب
والله حاشرين الطريق ومسوين زحمه على الشارع ... المفروض من زمان شايلينهن
شاكر لك اخوي هذا الموضوع اللي يحتاج نقاش
تحياتي

[nawaf_nat]

طيب يشيلون المخيماااااات والعالم ويـــــــن تكشت طيب ؟؟؟

[فتى الدهناء]

رأيي الشخص أن ازالتها أفضل ..

والله ياخوان .. ان مشاكلها كثيرة هالمخيمات .. الله يصلح الحال .. فيها الكثير من الأمور الغير طيبة .. للأسف .. هذا شي

الشيء الثاني .. انها مساحات محجوز ربما لطول السنة .. ولا يكشت لها أصحابها ربما في الموسم الا مرة أو مرات بسيطة .. لذلك الأفضل من أراد أن يكشت أن يضع مخيم على حسب الأيام اللي ناوي يمكث فيها ..ثم يشيل مخيمه بنهاية الرحلة ..

[nawaf_nat]

أشكر الجميع على التفاعل مع الموضوع

ومطلووب إبداء آراء حول القضيه أكثر و أكثر

لآن المنطقه كانت متنفس أهل الرياض

والآن منعو التخييم فيها ؟

[وسيـع البـنايد]

والله ياجماعة الخير إني أمشي من محطة الخزام ..
نبي مدخل على هالنفود مالقينا ومشينا حوالي 10 كم ودخلنا إلا هالسيم معترض طلع شبك
إلا السوداني يا زول هذا مخيم ناس قلنا نبي نطلع قال ارجعو ودورّا فتحة تطلعون معها

كلها مشاكل ومشبوهة إلا من رحم ربي وفيه طريقة طيبة وهي ترقيم المخيمات ومعرفة أصحابها
وهذي خففت من الوضع وصار فيه ضوابط ..

[Black VTC]

اخوي 3210 كلامك سليم وانا العام الماضي جلست اباري هالمخيمات ابي مدخل للنفود ما لقيت الا حول التفتيش ؟؟!!..

ولكن المشكلة تكمن ان كان هناك نية مبيته لنهب هذه الارض من قبل احدهم وعلى هذا الله يعين اقرب مكان يكشت فيه الناس نفود الدهنا على بعد 200 كيلو ؟؟!!..ومؤشرات النهب واضحة بعد النفود مباشرة تم تعقيم النفود بطول 2 كيلو تقريباً..!!؟؟

اما رأيي الافضل تقسيم الاراضي باسوار مرتفعه قليلاً (مخيم محوش رصيف) وتمد اليها الكهرباء ويتم بيع الكهرباء فقط على الناس (عداد يومي ) ولا يسمح بابقاء الخيام على طول الموسم وبالشكل العشوائي السابق ..

[عشانا]

والله كان لنا مخيم يبعد عن الطريق حوالي 7 كيلو وطلب منا ضف قشنا
والسبب واحد متوحم بالارض؟؟؟؟؟؟؟؟؟؟؟؟؟؟؟

[هبوب]

اللة يسلمكم بيشبكونها وبيدخل بعضها من ضمن نطاق مزرعه خزام والباقي شبك والتصرف فيها فيما بعد

[ابوسعدبدر]

السلام عليكم ولرحمة الله وبركاته
ابشركم ماجينا النفود الا بعد ما ازالو مخيمات السودانيين اللي حاطينها مستعمرات لهم يبيعون ويشرون ويأجرون با سم الكفيل اللي لو تسأله عندك عامل قال خابر عندي واحد وما دري وينه ؟؟؟؟؟؟؟
ويا ويلك لو تحاول المرور من احد المخيمات ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ .

[برق بريده]

والله احسن لو يشلونهن انا شفت المخيمات
عندكم فيها خطوره على الاطفال الي يلعبون با الدبابات
وعندنا نفس المشكله في الطرفيه شمال بريده
كم واحد و واحد راح فيها هناك لا عندكم ولا عندنا

انا اقول لو يصير فيه جهه مسؤوله عن المخيمات
يعني الفرق بين المخيم والشارع والمخيم والمخيم
مخيمات الشباب في جهه والعوائل في جهه اخرى
اتوقع بتكون اكثر ترتيب ونظام من الحين

مجرد وجهة نظر

[جلمود1]

الحمدلله انها ازيلت عالم حاجزه اماكن ممتازه للجلوس فيها طوال السنه وهو مايجي غير مره في الشهر والعالم محرومه من ها المكان الزين من تم ازالتهم والعالم والعوائل تروح تكشت فيها يوم وترجع واللي يبي يحط له مخيم دائم يزود المسافره 100كيلو وعندك الدهنا مالها طرف طق مخيمك ولا احد قايل وراك مخيم

[العزوم]

العلم الاكيد ان السبب امني بحت حيث تواجه حركة الطيران لا سيما القريبه من الموقع المذكور تهديد مباشر من بعض المتهورين خاصة اخر الليل اطلاق نار كثيف وكأنهم في ساحة معركه وكل واحد مايدري عن نفسه وخذ يامجاكر بالطلقات المضيئه بكل اتجاه

حسب كلام احد اصحاب المخيمات وهو صاحب سمو ملكي ولم تشفع له

[ALBDRANE]

السلام عليكم موضوع جميل ولي فيه بعض التعليق
ياليت يصير فيها تنظيم شوي أنا أذكر في صلالة طريق اتين البلدية مسوية تنظيم ممتاز التخييم محدد بمدة معينة ويكون هناك رسوم في حدود 500 ريال سعودي وتعاد الرسوم لصاحبها بعد أنتها التخييم والتاكد من نظافة المكان ويكون هناك تسجيل لاسم المخيم وصاحبه وفي تارخ معين يتم أزالة المخيمات التي يتركونها أصحابها .ويكفيك أن هذا التنظيم يعطي الفرصة للكثيرين بتبادل المكان والتخييم فيه لا كما يحصل الان ... تجد أحدهم قد نصب مخيمة ولا ياتيه الا في السنة مرتين أو حولها بس كذا ...! وبعضهم يقول علشان الخيام ما تتلف من التخزين خلها مطقوقة ويقعد المخيم سنين عديدة في مكانه وكان صاحبه قد أمتلك الارض ... نعم الوضع يختلف أذا كنت قريب من المدينة والاماكن محصورة وقليلة فهي حق للجميع .
الفكرة ممتازة من وجهة نظري طبعا لان المكان قريب من المدينة ويكثر فيه الكشاته والمخلفات بعدهم وايضاً ترتيب بحيث يكون هناك ممرات بين المخيمات ويمكن السيطرة عليها واما الاماكن البعيدة تترك كما كانت لان كل مكان له ظروف خاصة به.
تحياتي

[غالي]

يارجال والله مافيها الا الفساد هالمخيمات
وهالكلام ليس من راسي
كان لنا مخيم انا والشباب عند النقاء الكبير ونشوف الهوايل ياشباب
اقسم بالله بنات كن مالهم اهل الله لاتبلانا
تخيلوا توصل الدنائه يسوقون سيارات ودبابات ويدخلون عندنا بالمخيم ويجلسون مع الشباب
الي معي الله يصلحهم شباب اعمارهم على 25 الى 28 سنه لا تزوجوا ولا شيء
اقسم بالله يطللبون منهم منكر شراب وغيره
للاسف والكل يعرف القصص اكيد بدون مااكمل
مااقول الا الله المستعان ولو يشيلونهم ابرك والله وابركها من ساعه وياسعد عيني
ذولا مايستاهلون راحه او يعطونهم شيء الا العوائل المحترمه
الله يخلف .. السلام

[عز نجد]

السلام عليكم موضوع جميل ولي فيه بعض التعليق
ياليت يصير فيها تنظيم شوي أنا أذكر في صلالة طريق اتين البلدية مسوية تنظيم ممتاز التخييم محدد بمدة معينة ويكون هناك رسوم في حدود 500 ريال سعودي وتعاد الرسوم لصاحبها بعد أنتها التخييم والتاكد من نظافة المكان ويكون هناك تسجيل لاسم المخيم وصاحبه وفي تارخ معين يتم أزالة المخيمات التي يتركونها أصحابها .ويكفيك أن هذا التنظيم يعطي الفرصة للكثيرين بتبادل المكان والتخييم فيه لا كما يحصل الان ... تجد أحدهم قد نصب مخيمة ولا ياتيه الا في السنة مرتين أو حولها بس كذا ...! وبعضهم يقول علشان الخيام ما تتلف من التخزين خلها مطقوقة ويقعد المخيم سنين عديدة في مكانه وكان صاحبه قد أمتلك الارض ... نعم الوضع يختلف أذا كنت قريب من المدينة والاماكن محصورة وقليلة فهي حق للجميع .
الفكرة ممتازة من وجهة نظري طبعا لان المكان قريب من المدينة ويكثر فيه الكشاته والمخلفات بعدهم وايضاً ترتيب بحيث يكون هناك ممرات بين المخيمات ويمكن السيطرة عليها واما الاماكن البعيدة تترك كما كانت لان كل مكان له ظروف خاصة به.
تحياتي
لاتروح بعيد ياخوي عندنا بالسعوديه في مدينة عنيزه اهتمت البلدية وعملت تنظيم للتخييم والنظافه في المخيمات بحيث يتم دفع تامين وعند المغادره يتم التاكد من قبل البلديه من نظافة المكان ومن ثم ارجاع التامين او مصادرته

[بر الوالدين]

العلم الاكيد ان السبب امني بحت حيث تواجه حركة الطيران لا سيما القريبه من الموقع المذكور تهديد مباشر من بعض المتهورين خاصة اخر الليل اطلاق نار كثيف وكأنهم في ساحة معركه وكل واحد مايدري عن نفسه وخذ يامجاكر بالطلقات المضيئه بكل اتجاه

حسب كلام احد اصحاب المخيمات وهو صاحب سمو ملكي ولم تشفع له



صحيح السبب أمني بحت ، وليس له علاقة بالطيران أبداً

[بر الوالدين]

يارجال والله مافيها الا الفساد هالمخيمات




وهالكلام ليس من راسي

كان لنا مخيم انا والشباب عند النقاء الكبير ونشوف الهوايل ياشباب

اقسم بالله بنات كن مالهم اهل الله لاتبلانا
تخيلوا توصل الدنائه يسوقون سيارات ودبابات ويدخلون عندنا بالمخيم ويجلسون مع الشباب
الي معي الله يصلحهم شباب اعمارهم على 25 الى 28 سنه لا تزوجوا ولا شيء
اقسم بالله يطللبون منهم منكر شراب وغيره
للاسف والكل يعرف القصص اكيد بدون مااكمل
مااقول الا الله المستعان ولو يشيلونهم ابرك والله وابركها من ساعه وياسعد عيني
ذولا مايستاهلون راحه او يعطونهم شيء الا العوائل المحترمه
الله يخلف .. السلام








هذا هو السبب ، تطليع بنات و فعل بهن الفاحشة و قتلهن



( طبعاً لا يخلون من الشراب )




والعياذ بالله

[nawaf_nat]

أشكر الجميع على المشاركه

ولى عوده مفصله إن شاء الله

لاكن صباح هذا اليوم ارسلت أحد الإخوان الى التفتيش

وأفادو أن المعامله الى الآن مازالت فى الأمانه

وخلال هذه الأيام لا بد من البت فيها

لا كن انا اقول اذا كان الى الآن والمعامله لدى الأمانه

ولم يتم البت فيها

فلا اتوقع يكون فيه جديد

والله يعين

شاكر ومقدر تفاعلكم ولكم تحياتى

[ولد وايل]

اولاً .. بتكون برسووووووووووووووووووم

ثانياً .... من صالحنا افضل نلقى مكان نكشت فيه

ثالثاًً... فيه من الدعاره مالله بها عليم