عــــــــــــاجل :معك باثفندر وينقص اجل تعال الله لا يهينك

[ق ب م 632]

بسم الله الرحمن الرحيم



بعد ماقريت موضوع اخوي باترول اللي عن اشاعه الباث ومشكله نقص الزيت حبيت اكتب هالتجربه




اول ماشريت موتري الباث قبل سنتين تقريبا كنت غشيم بالباث بقوه وكنت اذا عايرت الزيت ولقيته ناقص تضايقت وقلت اني مغشوش بالموتر مع ان موتري كان نظيف جدا



المهم سألت كذا واحد وقالوا نفس المشكله عنده والموتر ينقص معاهم بصراحه بديت ارتاح شوي وقلت كل جيوب الباثفندر تنقص





ومن بعدها قررت كل شهر احط نوع جديد من الزيت واعاير الموتر اذا مشى 1500 كيلو




حطيت



سوبر شل وزيت نيسان ومويل وصار ينقص معي فتأكدت انه مايصلح للموتر والسبب خفته وقله لزوجته






ومابقى لي الا زيت واحد قلت ابي اجربه وهو ((زيت سوبر جيتي))وحطيت منه مشى معي الموتر 1500 ومانقص فرحت بالاول وقلت ابي اخليه على 2000 وبرضوا مانقص ولا حتى تغير لونه وخليته على 3000 وايضا مانقص لكن تغير شى بسيط لونه الى السواد المهم وصل معي 4000 ومانقص لكن تغير لونه وهذا طبيعي في السيارات كلها




فأعتمدت الزيت هذا وانا مستمر عليه الان وابشركم نسيت سالفه النقص كلها



نصيحه:

كل مكينه ولها زيت يناسبها ومالقيت اي زيت يناسب مكينه الباث ((غير سوبر جيتي اللي يجي بعلبه سوداء))





وانتم جربوا والتجربه خير برهان





ولاتنسوننا من دعواتكم يالغالين ترا مانستغني عنكم

[روثان]

جزاك الله خير أخي الكريم وبارك الله فيك

لك التحية والتقدير..

[ق ب م 632]

الصلعي


مشكور على مرورك

[Bader-M]

كل مكينه ولها زيت يناسبها ومالقيت اي زيت يناسب مكينه الباث ((غير سوبر جيتي اللي يجي بعلبه سوداء))



صدقت
للذالك ارجع دائما الى كتالوج السياره حتى تعرف ماهو الزيت المناسب لسيارة

تحياتي اليك

[بدوي جنوبي]

زيت سوبر جي تي من افضل الزيوت

يتحمل درجات حرارة عاليه جدااا

بعد تجربة كذا نوع من الانواع المعروفه

هذي شلة فوكس
http://www.fuchs.com.sa/media/images/arabic/pagepics/products.jpg
هذا موقع الشركة تابع للحمراني
http://www.fuchs.com.sa/english/index.htm

تحياتي

[ق ب م 632]

طاير بالعجه>>مشكور على مرورك ولا هنت



بدوي جنوبي>>لاهنت يامشرفنا وماقصرت

[sultan8861]

انا اتوقع ان النقص اللي يصير مهو من الزيت 100% ترا السيفون التقليد هو يسبب النقص

[رعد النجدي]

انصحك تشتري كرتون زيت وكرتون فلاتر
معليش تحمل التكلفه
ولكن سجد انك توفر 40% ويمكن اكثر
سوبر جيتي على علبته السعر13 ريال
بالكرتون يوقف عليك ب 8
انا اشتري بالكرتون
اوووووووووووووووووووووووفر لي

[روافد]

مرحبا
اخوي حنا عندنا باث ونغير سوبر جي تي اسود و ينقص

[خلفهم]

اخوي جربت إنتر سفن ..!!

[الاشعل 316]

مشكور اخوي وبيض الله وجهك

[ق ب م 632]

انا اتوقع ان النقص اللي يصير مهو من الزيت 100% ترا السيفون التقليد هو يسبب النقص

كلامك صحيح وهالنقطه تضاف للموضوع

لاهنت



انصحك تشتري كرتون زيت وكرتون فلاتر
معليش تحمل التكلفه
ولكن سجد انك توفر 40% ويمكن اكثر
سوبر جيتي على علبته السعر13 ريال
بالكرتون يوقف عليك ب 8
انا اشتري بالكرتون
اوووووووووووووووووووووووفر لي

والله اذا الفرق على كلامك فالكرتون ارحم بواجد


الله يعطيك العافيه

مرحبا
اخوي حنا عندنا باث ونغير سوبر جي تي اسود و ينقص

ليتك توضح اكثر والظاهر المشكله عندك ماهي من الزيت المشكله من المكينه نفسها


اخوي جربت إنتر سفن ..!!

بصراحه انا جربت الكثير لكن أنتر سفن ماجربته ((مع اني مخطط عليه بعد الجي تي ))لكن الحمد لله الجي تي اتضح لي هو الافضل اما اذا صرت مجربه فأتمنى تكتب تجربتك هنا


مشكور اخوي وبيض الله وجهك
ووجهك ومشكور على مرورك

[المعمري]

صحيح كلامك اخوي قد جربت كاسترول البلاستيك 10-30 وكان ينقص حوالي علبه بعد5000كم
وجربت زيت بيتومين 4x4 الي يمشي السيارة 15000 وبرضه نفس الشئ
والحين جربت فوكس الاسود20-50 من حوالي سنه من نصيحة احد الاخوان من عشاق التطعيس حقين المزاحميه ولله الحمد ماينقص بس بعد4000كم يتغير لونه لللأسود....

[عاشق سدير]

الله يجزاك خير ويبيض وجهك على حرصك على نفع اخوانك يا ق ب م 632


انصحك تشتري كرتون زيت وكرتون فلاتر
معليش تحمل التكلفه
ولكن سجد انك توفر 40% ويمكن اكثر
سوبر جيتي على علبته السعر13 ريال
بالكرتون يوقف عليك ب 8
انا اشتري بالكرتون
اوووووووووووووووووووووووفر لي

من وين تشتري الزيت ؟؟ والسيفون من وين ايضاً لا هنت

[غضنفر]

جزاك الله خير على حرصك على مصلحة اخوانك
لكن اخوي اسمحلي
اذا كانت لزوجة الزيت متساوية (20-50 او 10-30 او غيره)
ما اعتقد انه بتفرق الشركة المصنعة للزيت
اتوقع مشكلة الباث الرئيسية ان المكينة قوية
وتستهلك اوتحرق زيت والكرتير صغير ما يشيل الا 5 علب بالسيفون
تخيل ان الهلكس الجديد ياخذ اكثر من 5 علب بالسيفون مع ان مكينته 2700 والباث 3500
الشاص والربع ياخذون 8 علب بالسيفون
الغريب اني كنت عند ورشة ولقيت باثين كلهم 2002
وكلهم يبيلهم تغيير شنبر بسبب مشكلة نقص الزيت
يبدو ان المشكلة موجودة حتى في المكينة القديمة
اهم حاجة
ان الواحد بين فترة و فترة يشيك على الزيت اذا هو ناقص يزيده ولا يخليه ناقص
وباذن الله لن يكون هنالك من مشاكل

[فلان بن عفتان]

أنا أقترح للي معه باثفيندر يبيعة ويشتري هايلكس دفرنسين 2007 وينام

[الكونترولCONTROL]

بمناسبة ان الموضوع عن الزيت
كرتون الزيت ( سوبر شل ) = 210 ريال
التوفير = 360 - 210 = 150 - ( 5*4) = 130 ريال
==============================
اللي يغير زيت كثير أحسن له يشتري بالكرتون .... و عامل الورشة ياخذ 5 ريال فقط شغل يد
==============================================

[الوسيطاء]

التراء .ltra7 بعد كويس مشيت عليه 6000 والا نقص والالون

ما اسود مره وجرب من 6شهور وهو يستخدم ما يحتاج جيد مره

[VTC]

السلام عليكم
كان معي سابقا باثفندر 2005م وكنت اغير زيت فوكس سوبر جي تي 30/50 الاسود وكان ماشاء الله مع الاستخدام العادي ماينقص ابد ومع الجور والتطعيس ينقص شوي يعني ربع الى نص


ملاحظة زيت فوكس سوبر جي تي هو الزيت المعتمد في وكالة نيسان وتجمعية وتعليبه هنا في المملكة من شركة نيسان

علما انا سعر الكرتون 190 فيه 24 علبه يعني تطلع العلبة بـــــ 7.91ريال وتغيير الزيت يكون عند اقرب بنشري بــ 5 ريال
واحذر شراء فلتر الزيت او فلتر الهواء من البنشر او من اي محل ترى النيسان قطع الغيار المقلده بالهبل وزي الاصلي فلا تشتري الى من الوكالة

[عبدالرحمن السالم]

فعلاً انا من شريت الباث ما احط الا زيت
سوبر جي تي .. مره حطيت سوبر شل وتندمت اني حطيته

غير سوبر جي تي للنيسان لا تدور ..

وألف شكر لك اخي الكريم

[أبوناصر]

أنا معي باث 2003 وعندي مشكلة النقص واضحه من نصف عليه إلى عليه في الخمسة آلاف

آخر مره جربت زيت جي تي الأسود وشكله مهوب شين النقص أقل


لكن أنتظر وأعطيكم التجربة بالتفصيل

[برنس777]

أشكر الاخوة على هذه القتراحات من ةناحية نعوعية الزيت ووددت أن أضيف معلومه وهو أنه مستحيل الشركات المصنعه لسيارات أن تقول لك أستخدم الزيت الفلاني ( يعني بسمه مثل قولت شل سوبر أو سوبر جتي ) وكلن كلماتقوله أنه مقاس الزيت مثل 25-50 أو غيره من المقاسات الثانيه ولكم مني جزيل الشكر

[نمر بن حثلين]

انا استخدمه من يوم شريت الموتر
ولكنه لا يمنع النقص نهائيا
لازم تلقاه نقص شوي

واما بالنسبه لان جي تي هو المعتمد عند الوكاله
هذا سلمكم الله لان وكيل نيسان هو نفسه وكيل جي تي فوكس

[ق ب م 632]

مشكورين يالاخوان


ومادريت انه معتمد من وكيل نيسان الا منكم




جزاكم الله خير




ولاهنتوا

[حلم اليقظة]

أنا مااستخدم الا هو ومع ذلك كل 1800 كيلو اغلق علبة كاملة ..

شي خرافي الحقيقة وماينطاق ..

[ق ب م 632]

أنا مااستخدم الا هو ومع ذلك كل 1800 كيلو اغلق علبة كاملة ..

شي خرافي الحقيقة وماينطاق ..


اجل اسمحلي اقولك موترك فيه بلاء مهوب بسيط



والا المشكله كنت اعاني منها فتره بسيطه وحليتها بعد تغيير الزيت وهالحين يمشى 3000 او حتى 4000 او يمكن اكثر بعد وماينقص ولا تتغير لزوجه الزيت



على العموم مشكوووووور يابعدي على المرور

[بن محفوظ]

الترا 7 ممتاز .. خصوص الابيض لانه ثقيل والمكينة قوية على الزيت الخفيف

[ق ب م 632]

الترا 7 ممتاز .. خصوص الابيض لانه ثقيل والمكينة قوية على الزيت الخفيف


الترا سفن الكثير يمدحه واتوقع انه مناسب للباث خصوصا من اللي يعانون من نقص بالزيت



اذا جربته راح انقل تجربتي هنا في مكشات



مشكور ياابن محفوظ

[M.A.N]

انا ماعمره نقص عندي الزيت
وانا احط سوبر جي تي

بس عندي سؤال
وش الفرق بين العلبه البيضاء والعلبه السوداء ؟

[قرم العيال]

::

ليتي داري بسالفتك من قبل كان معطيك الحل على طول ..


غير زيت سوبر جيتي للنيسان ما ينفع ..


واسأل مجرب ..


مجربه على موتر الوالد ددسن وموتري الفتك .. وموتر اخوي باث ..


ما فيه افضل منه ..


::

[winchester]

معظم السيارات من موديل 1998م وفوق مكائنها رديه جداً جداً

لان معدن البساتم غيروه

الموديل القديم المكائن أقوى صلابه وتحمل

الجديد خرطي

دمـتم بود

[بورهف]

ف ب م 632
يعطيك العافيه على المعلومه وجزاك الله خير
انشالله بغير الزيت وبجرب يوبر جي تي

[ق ب م 632]

مشكورين يااخوان والله يجزاكم خير

[أبن شقراء]

اخوي ق ب م 632

يعطيك العافيه على الموضوع بس انا اغير زيت فوكس سوبر جتي وكل 1500 الى 2000 ينقص نص علبه الى علبه تتوقع ازين زي طريقتك واجرب كل مره زيت لعلي اطيح بزيت ما ينقص على موتري ولا تخبرلي ورشه اوديه لها له خبره بذا الاشياء لان الموتر الحين طالع من الضمان

احتري ردك او رد اي واحد يقدر يفيدني والله يعطيكم العافيه