المساعد الشخصي الرقمي

مشاهدة النسخة كاملة : تعال شف وش قال الشايب لشباب اللي اضحكو عليه؟؟؟


ابو مشعل 1
08/09/2007, 02:56 PM
السلام عليكم ورحمة الله وبركاته
قرأت هذه القصيده واعجبتني وحبيت اني انقله لكم 000
يقال اناالقصيدة لعبدالعزيز بن عيبان ويقال ايضا انها لابن فهيد
وسبب انشائها انه مر على شلة في حديقة من حدائق الرياض وفيه شباب جالسين وضحكوا وقالوا وهو يسمعهم شوفوا الشاكوش 000


لقيت في البخشه طيور بلا ريش ****** جنحانها واذنابها دقم وقصار
طيور مرابيها من السوق للحيش ****** والى اونست لفح الهوى تزبن الدار
فيهم طبائع من طوال العكاريش ****** وفيهم من الطليان تدويج وخوار
قضوا على اللحية وحطو دناديش ****** قاموا يحنون البراطم والاظفار
جيل يسمون النشامى شواكيش ****** اهل اللحى بافكارهم مالهم كار
أهل اللحى صبيان نجد مداغيش ****** اللي لهم فضل على الضيف والجار
يوم السنين شداد والرزق تنويش ****** وهم يبوجون الفيافي والاقفار
دور جماميل ودور قراريش ****** ودور لهم دور على فحص الانهار
تلقى الولد مثل الفهد بالمطاريش ****** على الشدايد اودع الكل صبار
واليوم كثر الخير والأمن والعيش ****** وقت تساوت فيه الاذرع والاشبار
يظهر شباب ناعم مابعد هيش ****** تلقى الولد يظهر مثل عشبة الغار
يمشون بالاسواق مثل الدراويش ****** والى اذن المذن يهجون عبار
عسى شباب ما يجي به نفاميش ****** يحي حياة الذل وان مات للنار
000000000000000000
ومما قاله على نفس الوزن والقافيه ولكني وجدتها مفصوله عنها واعتقد انها قصيدة واحده


يابو عزيز خبط العقل تشويش****** ممن نشا مثل الدبا صار ورار
عقوا كبار يوم سمو شواكيش ****** وهي بلاتين وتلذعهم النار
حنا عليهم ياسعد نلحق العيش ****** وهم حمير بالمداوس بدوار
من بر منهم والده والمداغيش ****** يستاهل الطولات والنعم والكار
ومن لايعرف الحق مثل الدراويش ****** عطه جزاه وربطه كنه حمار
تكفى يابن شيحان لاتدخل الحيش ****** وأطل جربهم قبل يسري بالاخيار


وتقبلو تحيات اخوكم
ابو مشعل
المشترك
08/09/2007, 03:05 PM
الله يبيض وجهك علا المقتطفات الراءعه وعزالله انها قصيده في محلها





تقبل مرور اخوك المشترك
وكري2007
08/09/2007, 03:15 PM
مشكور على القصيده والله يعطيك العافيه وصح لسانك يابو مشعل

تقبل تحياتي / أخوك وكري 2007 .............
winchester
08/09/2007, 03:42 PM
تسلم ولاعدمناك

دمـت بود
ابو مشعل 1
08/09/2007, 04:44 PM
الله يبيض وجهك علا المقتطفات الراءعه وعزالله انها قصيده في محلها





تقبل مرور اخوك المشترك


اخوي المشترك سلمه الله


ووجه من قال


شاكر لك مرورك اخي الكريم
ابو مشعل 1
08/09/2007, 05:09 PM
مشكور على القصيده والله يعطيك العافيه وصح لسانك يابو مشعل

تقبل تحياتي / أخوك وكري 2007 .............

اخوي وكري2007 سلمه الله


الله يعافيك وصح بدنك يالغالي


شاكر لك مرورك اخي الكريم
ابو مشعل 1
08/09/2007, 05:12 PM
تسلم ولاعدمناك

دمـت بود


اخوي مشعل أبوتركي سلمه الله


ومن قال يسلم


وشاكر لك مرورك اخي الكريم
دغيم1
08/09/2007, 05:46 PM
السلام عليكم ورحمة الله وبركاته

حياك الله أخي الكريم

أبو مشعل

قصيدة رائعة ووافية تصف الرجال في زمن الرجال

لاشك أن الاستهزاء بالرجل صفة ذميمة

صح لسان الشاعر . وسلمت يمينك

تقبل تحياتي وشكري

دمت بود
كروكي
08/09/2007, 06:00 PM
مشكور على القصيده .

اخوك / كروكي
ابو مشعل 1
08/09/2007, 06:49 PM
السلام عليكم ورحمة الله وبركاته









حياك الله أخي الكريم





أبو مشعل





قصيدة رائعة ووافية تصف الرجال في زمن الرجال





لاشك أن الاستهزاء بالرجل صفة ذميمة





صح لسان الشاعر . وسلمت يمينك





تقبل تحياتي وشكري




دمت بود








وعليكم السلام ورحمة الله وبركاته


اخوي الغالي دغيم1 سلمه الله


ومن قال سالم وغانم


وبارك الله فيك وشاكر لك مرورك اخي الكريم
ابو مشعل 1
08/09/2007, 07:19 PM
مشكور على القصيده .

اخوك / كروكي


اخوي كروكي سلمه الله


الشكر لله يالغالي


واشكر لك مرورك اخي الكريم
المداء
10/09/2007, 12:02 AM
مشكور اخي ابومشعل والله يعطيك العافية .

تقبل مروري وتحيتي
عبدالرحمن 1
10/09/2007, 12:23 AM
السلام عليكم ورحمة الله وبركاته الله يعطيك العافيه اخي ابو مشعل على ماجبته//بس عندي تعقيب با النسبه لقائل القصيده فهو الشاعر عبدالله بن رمضان
بن حميٍٍيد التميمي رحمه الله وهو من اهل الشعرا
وقد قابله ابوي في سوق التمر في ام سليم با الرياض
وكتبها منه شخصيا قبل اكثر من 30 سنه وهي 14بيت والزياده ليست له
وتقبلو تحياتي
ابو مشعل 1
10/09/2007, 12:32 AM
السلام عليكم ورحمة الله وبركاته الله يعطيك العافيه اخي ابو مشعل على ماجبته//بس عندي تعقيب با النسبه لقائل القصيده فهو الشاعر عبدالله بن رمضان


بن حميٍٍيد التميمي رحمه الله وهو من اهل الشعرا
وقد قابله ابوي في سوق التمر في ام سليم با الرياض
وكتبها منه شخصيا قبل اكثر من 30 سنه وهي 14بيت والزياده ليست له
وتقبلو تحياتي



اخي عبدالرحمن 1


القصيده حفظك الله ذكرت في البدايه انني قراتها في كتاب واعجبتني والمذكور سلمك الله في الكتاب على عهدت المؤلف انها لعبدالعزيز بن عيبان او لابن فهيد هذا ماورد في الكتاب والله يعلم اني ما جبت شي من راسي
الان معي الكتاب
اسمه المجموعه البهية من الاشعار النبطية
جمع وترتيب عبدالمحسن عثمان ابا بطين
تاريخ الطباعه 1418
واعنقد اخوي عبدالرحمن ان تاريخ الطباعه له حوالي 10 سنوات وين صاحب القصيدة لم يعترض على نشرها باسم غيره او اولاده

والله اعلم




وتسلم يالغالي
عبدالرحمن 1
11/09/2007, 01:43 AM
الله يعطيك العافيه اخوي وانا والله ما اقول انك جايب شي من راسك
لاكن القصيده المذكوره ما فيها شك انها لا بن رمضان وعارفينها
حتى لو نسبها ابو بطين ولا غيره ويدلك انه ليس ثقه قوله اما لفلان
ولا لفلان؟؟والقصيده عارضها اكثر من شاعر منهم بن عيبان اللي
ذكرت ومنديل الفهيد وبن جاسر من اهل الزلفي واما اول من بدا
فهو بن رمضان عند ما دخل في حديقة الفوطه وجلس وكان حوله
شباب قال واحد منهم يا الله قومو عن ذا الشاكوش..ورد على بن رمضان واحد من الشباب اسمه عايش/واعرف قصيدته بس ما احب اذكرها لا نه سب الشيبان الله يعفو عنا وعنه/وابن رمضان الله يرحمه شاعر يشار اليه
با البنان..وانتقل الى رحمة الله عام 1407هـ/وانت ان صدقت كلامي
ولا انت حر وارجو منك عدم الرد لاني ما احب ان اكتب ولك تحياتي
ابو مشعل 1
11/09/2007, 01:53 AM
اخوي عبد الرحمن1 سلمه الله


الله يجزاك خير على هالمعلومه وانا والله مصدقك والله يرحم ويغفر لقائله



وتقبل تحيات اخوك ابو مشعل
فورد
13/09/2007, 09:15 AM
قصيده رائعه

اي من كان قائلها
نسناس الهواء
10/10/2007, 01:35 AM
يعطيك العافية
ابوفهد36
11/10/2007, 02:29 PM
تسلم وصح لسان الشاعر
الهجاني
11/10/2007, 03:53 PM
الله يبارك فيك على الموضوع
ابو مشعل 1
24/10/2007, 09:33 AM
اخواني الكرام

فورد

نسناس الهواء

ابو فهد36

ساحل الشرق

بارك الله فيكم جميعا
barq
24/10/2007, 11:18 AM
لا حول ولا قوة الا بالله

الله يصلحنا ويصلح حال الامه شبابها وشيبها