المساعد الشخصي الرقمي

مشاهدة النسخة كاملة : الباث فاندر = أقضل مكانيكي لـ ها لموتر ؟


Y A S S E R
10/09/2007, 12:39 AM
السلام عليكم ورحمه الله وبركاته ...



وش أفضل مكانيكي لباث فاندر في الرياض ؟

يعني يصير تحت الوكاله ؟!

ما يهم اذا كان غالي اهم شي يعطيك شغل طيب ؟


الله لا يهينكم .. أنتظركم




.....
..
.
ابو؟؟؟
10/09/2007, 06:14 AM
ما تقدر تحدد لان كل واحد متخصص في شي
انت اسئل عن حاجتك
ق ب م 632
10/09/2007, 09:06 AM
ياليت تعطينا مشكلتك وابشر باللي يسرك
Y A S S E R
10/09/2007, 03:04 PM
هلا والله بكم ..

شكرا لردكم ..


ماعندي مشكله بس ودي أضبط وأشيك كل فترة على الموتر ..

بس ..


يعني الوكاله غاااااليه بالحيل





...
..
.
.أبوعبدالرحمن
10/09/2007, 04:10 PM
الميكانيكي للباث


ما قال كهربائي


وش الافضل ميكانيكي بالرياض؟؟؟


سمعت واحد في هذا المنتدى يمدح واحد سوري اسمه رياض في الصناعية القديمة


لكن وين مكانه او رقم تلفونه الله اعلم


بس الشباب ان شاء يفيدونك
الساهر2003
10/09/2007, 09:45 PM
ياشيخ لا تتعب نفسك وانواع الخساير مافيه مكانيكي بيقول السيارة سليمة الا من رحم ربي خذ افضل قاعدة في السيارات والجيوب اذا بان صوت او ريحة او ثقل في الموتر
واحفظ ريالك هذا زمن اكل الحيي وهو يناظر
والسلام
Y A S S E R
10/09/2007, 11:56 PM
ياشيخ لا تتعب نفسك وانواع الخساير مافيه مكانيكي بيقول السيارة سليمة الا من رحم ربي خذ افضل قاعدة في السيارات والجيوب اذا بان صوت او ريحة او ثقل في الموتر
واحفظ ريالك هذا زمن اكل الحيي وهو يناظر
والسلام



مافهمت :confused:

وضح كلامك ..:o
الساهر2003
11/09/2007, 09:20 AM
يعني لا تتعب نفسك وتسويي صيانة على الفاضي اذا بان الخلل سوو صيانه له واترك التشييك لسوائل فقط كل الكلام عربي الى الان
والسلام
بواردي الدلم
11/09/2007, 09:31 AM
السلام عليكم ورحمه الله وبركاته

حيا الله كلن باسمه


انا اللي عندي صوت كنه صوت بلوف واحيانا اذا دعست للموتر في قومته بس يطلع صوت يذكرك بصوت اسيام جنط السيكل اذا رفعته على الجلاس ودخلت عود في الاسيام والكفر يدور

السوال هنا وش سالفه هالصوت وهل فيه احد يوزن البلوف زي الاوادم الشي الثاني


هل جنزير الماكينه ربل ولا حديد ومتى يغير اذا كان ربل




الشي الثالث والاخير ردو علينا ياهل العرف ومالكم عذر المشاكل وذكرناها


ومانبي الا سلامتكم وفزعتكم ولاتنسون صاحب الموضوع تراه حرييص شوي
الساهر2003
14/09/2007, 12:58 PM
السلام عليكم
ياخوي بواردي الدلم كنه صوت خرفشة في اعلى المكينة لا تسوي شي غير البنزين الى 95 واستمر عليه واهتم بفلتر الهواء والبنزين فقط
ولا توزن شيي واطلع على مواضيع قديمة تتكلم عن هذه المشكلة بشكل واضح
ووصف اوضح
والسلام