الحرارة الطبيعية للنيسان

[m666]

مساكم الله بالخير

تعرفون الواحد مع الحر هذا وده يراقب حرارة السيارة زين عشان لا تروح عليه المكينه

عندي باترول م 91 مع المكيف توصل الحرارة للنصف وقد تزيد شوي أما اذا مشت السيارة توصل للربع علما ان الاديتر مسيخ والماء موية صحة ولا ينقص الماء فما ادري هل الحراة طبيعية ولا فيها مشكله ولا يبيله تغيير بلف ولا تغيير الاديتر

تكفون ردو علي يا اعظاء مكشات دعونا نستفيد من خبراتكم

[خيام الندم]

حياك الله . انا معي مثلك ونفس المشكله لكن توصل الثلث .
وغيرت الاديتر وركبت اديتر سفاري 97 المنيوووم افضل من النحاس اللي جاي شد بلد لانه اقصد الالمنيوم افضل ياخذ الحراره واذا جاه الهواء برد ويترك الحراره بسرعه وشريته اصلي اصلي ب750 من دوار الخرج
والحمدلله طاحت الحراره

[الاتصال السريع]

وانا بعد مثلكم الحراره توصل اعلى من النصف والرديتر المنيوم , سألت عنها قالوا لي غير طبيعي النيسان حرارته ماترتفع ، وشلت البلف ولا نفع بشئ بل العكس صارت ترتفع الحراره اكثر واسرع ورديته وارجعت على طبيعتها يعني اعلى من النصف ، اكثر ما اخشاه ان يكون البلى من الراس .

[m666]

طيب والحل يا اهل الخبرة هل نغير الاديتر ولا نستبدل البلف باخر مثل بلف الكابرس ولا هناك مشكله اخرى بالسيارة ولا كل شي طبيعي مع الحر هذا

تكفوووون ردو علي ترى تكفى تهز الرجاجيل

[(سوبر بانلي)]

السلام عليكم ورحمه الله وبركاته

ركب مروحه تبريد الحراره تصير تحت النص ربع ويمكن اقل
اسئل مجرب ولا تسئل دكتور.........

[m666]

يا خوي اشكرك على سرعة الرد
ركبت مروحة كهرب صغيرة وحدة بس ما فادتني بالشكل المطلوب علما ان المروحه غير خاصة بسيارة معينه وهي صينية

[shaheenshah]

الباترول حسب علمي ان حرارته الطبيعية الربع
معي باترول 95 الحرارة اذا مشيت على الربع واذا وقفت تتعدى النص
شيكت على مروحة المكيف لقيتها ما تشتغل وصلحتها وبرضه نفس المشكلة الحرارة ترتفع اذا وقفت السيارة
فكيت البلف ولقيته قافل وغيرته بواحد جديد وضبطت عندي الحرارة.
ان كان مروحة المكيف والبلف عندك مضبوط
شيك على الاوتوماتيك حق مروحة المكينة

[m666]

يا اخوان وديت السيارة لواحد تركي فاهم بالسيارات زين وقلتله على المشكله وقلتله يمكن من البلف خربان ولا شي قال لو خربان تاصل الحرارة h قلتله والحل طيب قالي مالك الا تركب الاديتر وكاله ولا خله على حالته

فابي رايكم باللي صار معي

[مـدحـدر]

غريبه نيسان وترتفع حرارته

اخي الكريم ان معي نيسان موديل 92 حرارته ربع

وبالزحمه والمكيف شغال تصل تحت الثلث


بس بسألك كم فتره وقوفك بالسياره والمكيف شغال وبعز القايله

اتوقع انها فتره طويله والا لا

[بدوي جنوبي]

طيب والحل يا اهل الخبرة هل نغير الاديتر ولا نستبدل البلف باخر مثل بلف الكابرس ولا هناك مشكله اخرى بالسيارة ولا كل شي طبيعي مع الحر هذا






تكفوووون ردو علي ترى تكفى تهز الرجاجيل



تبي العلم الصحيح والله موترك مافيه الا العافيه

اولا اخي الكريم السياره قديمة موديل 91 وطبيعي توصل حرارتها الي النصف

والحراره الي النصف طبيعي مع المكيف وانت واقف واذا مشيت تنزل الحراره

يعني بعض الناس يكون استخدامه خاطئ او سيئ للسيارة ،، قلي كيف

البعض يوقف لمدة طويله والمكيف شغال في عز الظهر ويقول ليه الحراره عندي تاصل النص

لازم توصل الي النص لانك انت واقف ودورة تبريد الماء دورة ضعيفه اثناء الوقوف

والمروحه ما تجمل لما تكون واقف ،،،،

طيب ليه يبرد المحرك اذا مشيت بالرغم ان دورة الاحتراق زادات داخل المحرك والاجزاء صارت

تتحرك اكثر وتولد عندنا حرارة بكثير ،،،

اولا لان دورة الماء تكون اسرع اثناء الممشي وتخف الحراره

والهواء الخارجي اللي يلفح وجه السياره يساعد في تبريد الاديتر مع المراوح

اخي الكريم انصحك الابتعاد عن الورش لا يلعبوا في سيارتك

ولا تنسي ان حرارة الجو عندنا شديدة مره يعني تخيل درجة حرارة الجو تصل الي 50 درجة

وعند تشغيل المحرك يولد حرارة وسرعة زائدة تزداد الحرارة

يعني بالبلدي ماء الاديتر يصل الي درجة الغليان زي سلام عليكم

والسلام عليكم ومبروك عليكم رمضان

تحياتي للجميع

[قناص*07]

يا اخوان حسب خبرتي وتجاربي ماعمر حرارة النيسان تعدت الربع والموتر واقف وبدون بلف.
كلام اخونا شاه شاه صحيح 100% واهمها تماتيك المروحه والمروحه وانا مجرب بسيارتي موديل 94 وايضا وزنة البلوف والديلكو لها دور كبير بالحراره.
وسلامتكم

[فهد325]

تبي العلم الصحيح والله موترك مافيه الا العافيه

اولا اخي الكريم السياره قديمة موديل 91 وطبيعي توصل حرارتها الي النصف

والحراره الي النصف طبيعي مع المكيف وانت واقف واذا مشيت تنزل الحراره

يعني بعض الناس يكون استخدامه خاطئ او سيئ للسيارة ،، قلي كيف

البعض يوقف لمدة طويله والمكيف شغال في عز الظهر ويقول ليه الحراره عندي تاصل النص

لازم توصل الي النص لانك انت واقف ودورة تبريد الماء دورة ضعيفه اثناء الوقوف

والمروحه ما تجمل لما تكون واقف ،،،،

طيب ليه يبرد المحرك اذا مشيت بالرغم ان دورة الاحتراق زادات داخل المحرك والاجزاء صارت

تتحرك اكثر وتولد عندنا حرارة بكثير ،،،

اولا لان دورة الماء تكون اسرع اثناء الممشي وتخف الحراره

والهواء الخارجي اللي يلفح وجه السياره يساعد في تبريد الاديتر مع المراوح

اخي الكريم انصحك الابتعاد عن الورش لا يلعبوا في سيارتك

ولا تنسي ان حرارة الجو عندنا شديدة مره يعني تخيل درجة حرارة الجو تصل الي 50 درجة

وعند تشغيل المحرك يولد حرارة وسرعة زائدة تزداد الحرارة

يعني بالبلدي ماء الاديتر يصل الي درجة الغليان زي سلام عليكم

والسلام عليكم ومبروك عليكم رمضان

تحياتي للجميع
السلام عليكم ورحمة الله وبركاته
موضوع مهم وعام لكل السيارات حتى سيارتي نفس الحالة وهي تويوتا هايلكس 2005
وانا كلامي مع بدوي جنوبي :good: كلام سليم ميه في الميه
بس فيه سئوال اذا انت تمشي فجأة طقت حرارة السارة H وش نسوي هل أطفيها بسرعة والسيارة تمشي الين تقف من نفسها والا اوقف وخلي السيارة شغالة علشان تنزل الحرارة !!!!

[قناص*07]

الاففضل يا اخ فهد325 انك ترش ماء على الرديتر والسياره شغاله لين تنزل الحراره ثمين تطفيها وتفحصها

[فهد325]

يعطيك العافية يا ابوفيصل طيب اذا مانزلت الحرارة وش نسوي (ممكن مافيه مويه في الرديتر)

[راعي المستوي]

السلام عليكم جميعا
عندي باترول 2005 المحرك 4800 فتك
يحصل شي غريب
اذا السيارة تمشي مع تشغيل المكيف تكون الحرارة فوق الربع بشوي يعني شرطة واحدة فوق الربع
هل هذا طبيعي؟؟ مع العلم اول ما شريتها دائما على الربع في جميع الظروف
واذا السيارة واقفه لوقت طويل اكثر من ربع ساعة مع تشغيل المكيف تكون الحرارة فوق الربع بشرطتين تقريبا واذا خليت الكبوت مفتوح طول الوةقفة تكون الحرارة فوق الربع بشرطة يعني طبيعية؟؟
لم الحظ الفروقات في الحرارة الا بعد تغيير سائل التبريد في الوكلة حسبي الله عليهم

وايضا عندي مشكلة ثانية
دخول رائحة البنزين داخل السيارة وعند فتح غطاء التانكي يندفع وبقوة بخار البنزين طبعا اذا كان الجو حار ؟؟
ما ادري هل احد صارت له مثل هالمشكلة ؟؟