هل تمتلك سيارة دفع رباعي ؟ مانوعها؟ وماهو انطباع عنها؟ دعوة للمشاركة

[salehhd]

السلام عليكم ورحمة الله وبركاته

وكل عام وانتم بخير
في الحقيقة قمت بوضع موضوع مماثل في احد المنتديات قبل فترة

هل تمتلك سيارة دفع رباعي ؟ مانوعها؟ وماهو انطباع عنها؟ دعوة للمشاركة (http://www.assayyarat.com/forums/showthread.php?t=95965)

ولاقى نجاح واستجابة رائعة وهو

هذه دعوة لكل ملاك سيارات الدفع الرباعي او ما يسمى بالسيارات الرياضية ذات الاستخدامات المتعددة
لذكر سياراتهم التي يمتلكونها او امتلكوها سابقاً وما هو انطباعهم عنها من خلال فترة استخدامها
وعند ادائها واسعار قطع الغيار والصيانة
وذلك لكي يستفيد كل من يرغب في امتلاك سيارة مماثلة لها ويكون مرجعاً لمنتدانا الغالي

وابداء بتجربتي المتواضعة مع الباثفايندر موديل 2004 اتماتك
محرك 3.5 لتر qv يولد 240 حصان

الانطباع العام
السيارة بشكل عام ممتازة وجيدة للاستخدام داخل ا لمدينه وخارجها وتتميز بتجهيزات جيدة من ناحية وجود سي دي وتخشيب وجنوط ، بوصلة وقياس درجة الحرارة ، مكيف الكتروني ، وهي من مواد ممتازة بعكس الموديل السابق 2003

الاستخدام داخل المدينة :

سيارة عملية وخفيفة ومعقولة الحجم ( مثل قيادة المكسيما ) ولاتعاني من مشاكل في ايجاد مساحة لايقافها ولا تشعر بأنك تسوق سيارة دفع رباعي كما ان لها عشاقها عند البيع
يعاب عليها اطاراتها الخشنة (نوع برجستون )

في الطرق السريعة :

مريحة وراسية وتشعرك بأنك تسوق سيارة سيدان
عيوبها :
صوت الهواء مرتفع نوعاً ما
استهلاك بنزين عالي

في الطرق الوعرة والبر

السيارة ممتازة وعزم تدوير ولا اروع وخفيفة في الرمال
يعاب عليها الكفرات القاسية حتى بعد تخفيف الهواء الى 15
كما يعاب علية التحفير عند الانطلاق ( اعتقد ان المشكلتان بالامكان حلها عند تغيير الاطارات )

عيوب السيارة في نظري
الاستهلاك المرتفع نوعاً ما للبنزين واعتقد ان السبب هو صغر حجم خزان الوقود ( 78 ) لتر لجيب
ارتفاع اسعار قطع الغيار نوعاً ما ولاكن مالاحظت انها لاتحتاج الي تغيير الا بعد فترة طويله
عدم وجود مكيف للصف الخلفي ولاكن مروحة دفع الهواء قوية بما يكفي
اليايات الخلفية سيه جداً وتنزل عن تحميل السيارة ولو حموله بسيطة وتحتاج التي تغيير بنوع اخر وهو متوفر لدى المحلات المخصصة

--------------------------------------------------------------

هذا مالدي حالياً واتمنى من جميع الاخوة المشاركة واحتساب الاجر عند الله سبحانه وتعالي فقد تفيد شخصاً يرغب في امتلاك مثل سيارتك ولكم تحياتي

اخوكم
صالح

[راعي كيف]

السلام عليكم
موضوع جميل وابداء بحمد الله
1- ددسن ام السيارات كلها وهي اللي تعلمت عليها كل اصناف العذاب لكن تبقى لها ذكريات لاتنسى ابد الدهر .
2- جيب ربع باترول سوبر 92 مريح خفيف راسي بالبر والخط وذف وكان قمه في صرف البنزين مدري وش السبب ولكن الشباب انبهرو من صرفيته كان يمشيني بحدود 600 كيلو والسرعه 140 ومحمل اراد الله وبعته بعد ماتهربد استخدمته بحدود سنه ونصف السنه.
3- هلي وكاله 99 وهذه السيارة اقولها بكل ثقه لاتحتاج الى تعليق .
4- شيروكي 96 خفيف راسي قوي جداً واقوله انه قوي بما تعنيه الكلمه متماسك صرفينه كانت قمه بالروعه واقوله ويشهد علي الله اني رحت الصمان وجيت في تانكي واحد وكانت السرعه مابين 120 الى 150 بالرجعه قليل صرف القطع اول مأخذته اما بعد مرور ثلاث سنوان من الإجرام فية بداء بطلب القطع بعته بعد اربع سنوات من الإستخدام به علماً اني ماخليت مكان مارقيته ولا وادي إلا وطبيتبه ولا جبل إلا ورقيته واقولها وبقوة هو السيارة الجبارة بشرط حسن الصيانه واقول ( وحسايف بعته ).
5- باترول صالون 2001وعلى فكرة من عشاق الباترول سيارة جميلة راسيه بما تعنية الكلمه سافرت علية الصيفية هذي طلعت قلبة رحت الجنوب رحت القصيم الين قلت بس رحت الشرقية مرتين ورحت صلاله وماشفت منه إلا كل خير خرب على المكيف فقط صرفيت البنزين لابأس الموتر متماسك والسيارة معي لها بحدود خمس شهور والله يطعمنا من خيرها ويكفينا شرها .


اخوك المحب راعي كيف
ابو ناصر

[Avalanche]

صراحة الفكرة حلوة كثير .......
بالنسبة لي كانت لي تجربة مع تاهو 97
2 باب (سبورت)
قوة .... متانة ..... عزم جباااااااار بمعنى الكلمة (خاصة في أمور المساعده ... سحب وغيره)
قطع قيار متوفرة وبأسعااااار ممتازة
العيوب :
2 باب (صعوب ركوب الأهل للخلف)
صرفيه البنزين + الطرمبة (اذا دايم تخلي السيارة على الريحه)

بصراحة كانت ممتازة .... بس جاني فيها سعر حلو و بعتها

و الأن اشتريت فورد اكسبيدشن 2003 دفع رباعي
في المدينة من أروع ما يكون
الى الأن(والحمد لله) لم ألحظ شي
اما في البر (((لسه ما جربت)))
ان شاء الله راح أنزل موضوع خاص عن الفورد
مميزات و عيوب

[تيتشر]

انا يالحبيب موتري شوفه بالتوقيع

انطباعي عنه ( ليتني لحقت عليه ايام الوكاله )

الموتر خذ موتر بالبر .. قوي ويتحمل لكن عيبه الآن انه اصبح قديم والبليزر الجديد ما عندك احد

كنت اتمنى انه ما زال يصنّع عشان اطق لي واحد وكاااااااااااله

تحياتي

[الدحبول]

موضوع حلو ومميز يستحق التثبيت وبجداره
السيارة / لاندكروزر
الشركة الصانعة / تويوتا
مكان الصناعة / اليابان
الطراز / VXR
المحرك / 6 أسطونات طولية سعة 4.5 230 نفس محرك GXR الجديد 2007
ناقل الحركة ( الجير ) / آلي (أوتومتيك ) ذو أربع سرعات مع نظام الاورديف
الشكل والاستخدام / إستيشن واجن سيارة رباعية الدفع متعددة الاستخدامات
منضومة الدفع / رباعي دفع رباعي مؤقت
الفرش / قماش أزرق
الموصفات :
1) 4نوافذ كهربائية مع نظام النقر السريع1
2) مقود هيدروليكي رباعيالآضلاع (باورا ستيرنج )
3) قفل كهربائي( سنترلوك ) 4) مثبت سرعة 5)بوصله
6) 2 وسادات هوائية 7) 2 مراية كهربائية بالون السيارة
8) جهاز كاست وراديو 9) موصفات خليجي وارد عبد الغني
10) نظام سحب قطرة الاورديف 11) تأمين زجاج 12) مكيف خلفي
13) إزلة الصقيع عن الزجاج 14) خزان وقود إضافي
15) تكيف لمس ألكتروني 16) رنجات 16الوكالة 17) ساعة
18) صندوق تبريد (ثلاجة) 19)لوازم مدخن
20) خلفية شنط والاستبنة تحت 21) دعاسات صعود
22) فتحة سقف كريستالية وكالة 23)نظام الردع السرقة
24) حامل الاكواب 25) رفارف بلون السيارة
26)مشغل CDيستوعب 12 أسطونة مدمجة مع تبديل آلي

الايجابيات
1) سيارة عملية وتخدم وتقدر تعتمد عليه
2) سيارة تعتبر أقتصادية نوع ما يعني جيد حد التانكين 550 كم ب 60 ريال البنزين الاخضر
3) تستخدم بنزين 91
4) قطع غيار متوفر في جميع مناطق المملكة تقريبا
5) صيانة سهل و إي ورشة قادرة تسوي له صيانة

[escape_man]

عندي باث فايندر فل كامل 2005

ميزاته وعيوبة سبق وذكرها صاحب الموضوع

--------------
وعندي جمس قطع عشرة 81 معدل تعديلات حلييييوه لممارسة هواية التطعيس والازعاج.
-------------
بليزر 88 ولا تسئلوني ليش مجمع هالخرد !! لاني مريض بحب البليزرات ومن 8 سنين واسئلولي الشفاء من الله.

مميزات القطع عشرة والبليزر ... صبورة في حال الصيانة الدورية وحتى لو مديلاتها قديمة ... واسعة ... قوية وجبارة ويمكن افضل قيادتها عن الباث فايندر في البر وخاصة النفود... ملفتة للنظر اذا كانت نظيفة واعتنا فيها صاحبها من حيث الشكل والمنظر... تقدر تعدل وتخربط بقوتها وتتعلم المكيانيكا والكهرباء عليها بعكس السيارات الجديدة الي تخاف تحرك بها شيء وتبلش.

اتوقع الي بيجرب البليزرات راح يدمن ويشرب من نفس الكاس الي شربنا منه.

[بدوي جنوبي]

http://smiles.al-wed.com/smiles/60/876.gif
http://img63.imageshack.us/img63/8392/44c65c7e24bu8.gif

موضوع جدا ممتاز وقيم وسيكون مرجع لاي شخص يريد استخدام سيارة دفع رباعي
http://www.mekshat.com/vb/images/rating/rating_5.gif
اتمني تكون الردود افضل في التنسيق

تحياتي للجميع ومبروك عليكم رمضان

[salehhd]

السلام عليكم
موضوع جميل وابداء بحمد الله
1- ددسن ام السيارات كلها وهي اللي تعلمت عليها كل اصناف العذاب لكن تبقى لها ذكريات لاتنسى ابد الدهر .
2- جيب ربع باترول سوبر 92 مريح خفيف راسي بالبر والخط وذف وكان قمه في صرف البنزين مدري وش السبب ولكن الشباب انبهرو من صرفيته كان يمشيني بحدود 600 كيلو والسرعه 140 ومحمل اراد الله وبعته بعد ماتهربد استخدمته بحدود سنه ونصف السنه.
3- هلي وكاله 99 وهذه السيارة اقولها بكل ثقه لاتحتاج الى تعليق .
4- شيروكي 96 خفيف راسي قوي جداً واقوله انه قوي بما تعنيه الكلمه متماسك صرفينه كانت قمه بالروعه واقوله ويشهد علي الله اني رحت الصمان وجيت في تانكي واحد وكانت السرعه مابين 120 الى 150 بالرجعه قليل صرف القطع اول مأخذته اما بعد مرور ثلاث سنوان من الإجرام فية بداء بطلب القطع بعته بعد اربع سنوات من الإستخدام به علماً اني ماخليت مكان مارقيته ولا وادي إلا وطبيتبه ولا جبل إلا ورقيته واقولها وبقوة هو السيارة الجبارة بشرط حسن الصيانه واقول ( وحسايف بعته ).
5- باترول صالون 2001وعلى فكرة من عشاق الباترول سيارة جميلة راسيه بما تعنية الكلمه سافرت علية الصيفية هذي طلعت قلبة رحت الجنوب رحت القصيم الين قلت بس رحت الشرقية مرتين ورحت صلاله وماشفت منه إلا كل خير خرب على المكيف فقط صرفيت البنزين لابأس الموتر متماسك والسيارة معي لها بحدود خمس شهور والله يطعمنا من خيرها ويكفينا شرها .


اخوك المحب راعي كيف
ابو ناصر

السلام عليكم

حياك الله اخيابو ناصرواشكرك على اضافتك المتميزة
والمفيدة وما شاء الله لديك تجارب عديدة للسيارات

[salehhd]

صراحة الفكرة حلوة كثير .......
بالنسبة لي كانت لي تجربة مع تاهو 97
2 باب (سبورت)
قوة .... متانة ..... عزم جباااااااار بمعنى الكلمة (خاصة في أمور المساعده ... سحب وغيره)
قطع قيار متوفرة وبأسعااااار ممتازة
العيوب :
2 باب (صعوب ركوب الأهل للخلف)
صرفيه البنزين + الطرمبة (اذا دايم تخلي السيارة على الريحه)

بصراحة كانت ممتازة .... بس جاني فيها سعر حلو و بعتها

و الأن اشتريت فورد اكسبيدشن 2003 دفع رباعي
في المدينة من أروع ما يكون
الى الأن(والحمد لله) لم ألحظ شي
اما في البر (((لسه ما جربت)))
ان شاء الله راح أنزل موضوع خاص عن الفورد
مميزات و عيوب

السلام عليكم
حياك الله اخي العزيز واشكرك على اضافتك المفيدة وفي انتظار موضوعك عن الفورد

[salehhd]

انا يالحبيب موتري شوفه بالتوقيع

انطباعي عنه ( ليتني لحقت عليه ايام الوكاله )

الموتر خذ موتر بالبر .. قوي ويتحمل لكن عيبه الآن انه اصبح قديم والبليزر الجديد ما عندك احد

كنت اتمنى انه ما زال يصنّع عشان اطق لي واحد وكاااااااااااله

تحياتي
حياك الله اخي الفاضل والسيارة معروفة بقوتها
واعتقد ا نها لاتزال تصنع الى الان ولاكن لاتأتي الينا الا وارد امريكا
والموجود حالياً هو ترل بليزر وهو فئة اخرى

[salehhd]

موضوع حلو ومميز يستحق التثبيت وبجداره
السيارة / لاندكروزر
الشركة الصانعة / تويوتا
مكان الصناعة / اليابان
الطراز / VXR
المحرك / 6 أسطونات طولية سعة 4.5 230 نفس محرك GXR الجديد 2007
ناقل الحركة ( الجير ) / آلي (أوتومتيك ) ذو أربع سرعات مع نظام الاورديف
الشكل والاستخدام / إستيشن واجن سيارة رباعية الدفع متعددة الاستخدامات
منضومة الدفع / رباعي دفع رباعي مؤقت
الفرش / قماش أزرق
الموصفات :
1) 4نوافذ كهربائية مع نظام النقر السريع1
2) مقود هيدروليكي رباعيالآضلاع (باورا ستيرنج )
3) قفل كهربائي( سنترلوك ) 4) مثبت سرعة 5)بوصله
6) 2 وسادات هوائية 7) 2 مراية كهربائية بالون السيارة
8) جهاز كاست وراديو 9) موصفات خليجي وارد عبد الغني
10) نظام سحب قطرة الاورديف 11) تأمين زجاج 12) مكيف خلفي
13) إزلة الصقيع عن الزجاج 14) خزان وقود إضافي
15) تكيف لمس ألكتروني 16) رنجات 16الوكالة 17) ساعة
18) صندوق تبريد (ثلاجة) 19)لوازم مدخن
20) خلفية شنط والاستبنة تحت 21) دعاسات صعود
22) فتحة سقف كريستالية وكالة 23)نظام الردع السرقة
24) حامل الاكواب 25) رفارف بلون السيارة
26)مشغل CDيستوعب 12 أسطونة مدمجة مع تبديل آلي

الايجابيات
1) سيارة عملية وتخدم وتقدر تعتمد عليه
2) سيارة تعتبر أقتصادية نوع ما يعني جيد حد التانكين 550 كم ب 60 ريال البنزين الاخضر
3) تستخدم بنزين 91
4) قطع غيار متوفر في جميع مناطق المملكة تقريبا
5) صيانة سهل و إي ورشة قادرة تسوي له صيانة

السلام عليكم
حياك الله اخي الفاضل واشكرك على مشاركتك المتميزة
والشرح الرائع والمفصل ويعطيك العافية

[salehhd]

عندي باث فايندر فل كامل 2005

ميزاته وعيوبة سبق وذكرها صاحب الموضوع

--------------
وعندي جمس قطع عشرة 81 معدل تعديلات حلييييوه لممارسة هواية التطعيس والازعاج.
-------------
بليزر 88 ولا تسئلوني ليش مجمع هالخرد !! لاني مريض بحب البليزرات ومن 8 سنين واسئلولي الشفاء من الله.

مميزات القطع عشرة والبليزر ... صبورة في حال الصيانة الدورية وحتى لو مديلاتها قديمة ... واسعة ... قوية وجبارة ويمكن افضل قيادتها عن الباث فايندر في البر وخاصة النفود... ملفتة للنظر اذا كانت نظيفة واعتنا فيها صاحبها من حيث الشكل والمنظر... تقدر تعدل وتخربط بقوتها وتتعلم المكيانيكا والكهرباء عليها بعكس السيارات الجديدة الي تخاف تحرك بها شيء وتبلش.

اتوقع الي بيجرب البليزرات راح يدمن ويشرب من نفس الكاس الي شربنا منه.

السلام عليكم

حياك الله اخي الفاضل واشكرك على اضافتك وعشق البليزر مرض مايعرفة الا الي جربة
الله يشافيك منه:)

[salehhd]

http://smiles.al-wed.com/smiles/60/876.gif

http://img63.imageshack.us/img63/8392/44c65c7e24bu8.gif


موضوع جدا ممتاز وقيم وسيكون مرجع لاي شخص يريد استخدام سيارة دفع رباعي
http://www.mekshat.com/vb/images/rating/rating_5.gif
اتمني تكون الردود افضل في التنسيق



تحياتي للجميع ومبروك عليكم رمضان

حياك الله مشرفنا الغالي واشكرك على كلماتك المشجعة وان شاء الله يكون المضوع عند حسن الضن ويصل الى المراد
اخوك
صالح

[يزيد_1977]

السلام عليكم موضوع حلو

اول جيب انضحك علي فيه رانجلر موديل91 كنت بالثانوي وقتها واشتريته اتذكر بثلاثين الف وطلع جنزير الدبل مفروط ووقتها طالب ولافي امل اصلحها ماهنا دراهم وخذ ياقطع الغيار يوم فق فمه وقام يبع قطع غيار وكان غالي وقلعته قبل اتخرج بسنه جلس حول اربع سنين معي

مميزاته بدون الدبل ماي طعس يوقفك وعزم ماشاء الله لاقوة الا الله لكن في الخط ماتحس انك راكب موتر الله يعز من عندي تح انك راكب تكرمون حمار انواع الازعاج

دودج رام وكاله 98 طلبيه من المتحده اظن مافي غير اللون اللي معي في السعوديه ازرق سبورت ماشاء الله معي الى الان بالنسبه لقطع الغيار مو غالي بس مو رخيص بلنفود ماشاء الله لكن يعيب عليه حجمه والموقف عله وبالاماكن الضيقه يالله تلقى لك موقف وبالخط حلو مركبه مريح ولكن الغماره اللي ورى ضيقه لانه غماره ونص يعني اللي يركب ورى يتضايق اما العزم ماشاء الله كبش ينطح مو سهل لكن يبي لك تداريه وتصينه كل ست شهور عشان مايتعبك بالخرابات

[SilverSniper]

كان عندي جيب لاندكروز 93 شفت منه الويل وبعته وكرهت الياباني كله عقبه..
عندي 3 سيارات..
1- ونيت شفر 1977 قطع 30 كبير مكينته 454... ولا يمكن أبيعه لو جاني وزنه ذهب.. :).. قوي ومتين وصبور ولا يطلب صيانه أبد.. بس عيبه دفرنس واحد.. ماهو رباعي.. والبنزين ماهو عيب في الأمريكي.
وهذي صورته:
http://www.image-upload.net/files/5126/chevy77.jpg


2- بليزر شفر 1990 معدل تعديل كامل.. للبر بجميع أشكاله.. مكينه 383 بقوة 475 حصان.. يسمونه زملائي في العمل.. ((( المجنزره ))) :)
قوة ومتانه والكل عارف البليزر.. وهذي صورته
http://www.image-upload.net/files/5126/P1271840_bfr.jpg

3- شفروليه تاهو 2007.. دفع رباعي.. ممتاز وقوي ومريح.. وفي البر برضه ما فيه أزين من مركبه..
وهذي صورته..
http://www.image-upload.net/files/5126/AKT_0168_chevrolet_s.jpg

والله اني اشهد... والله ثم والله... ما عقب الشفر موتر.. :)

تحياتي..

[برق بريده]

سيارتي gx لاند كروزر 99
مميزاته

1 قطاع الغيار رخيص (( مقارنه با اليباني))
2 اتوقع من احسن المواتر في البر يتحمل الرمل والحجره ((كل اليابنيات))
3 يمسك السعر عند البيع

العيوب

1 يطيح الموتر من عند وراء عند تحميل الاغراض بصوره عجيبه
2 كثرة خراب صوف الدفرنس
3 التكييف ليس جيد ولا يوجد مكيف خلفي
4 تفكك الديكور الداخلي
5 عدم وجود عوازل حراره كافيه عند القير

[ابو ناصر2020]

1- انا كان معي فورد موديل 99 صحن وكاله الموتر ممتاز كأستخدام بس مهوب قوي مرره وثقيل شوي
2- باثفندر 92 لمدت شهرين
3 - هايلوكس 2002 دبل ممتاز وفوق الممتاز مايحتاج تعريف
4 - باترول 97 وكاله موتر خالي عن التعريف

[المشبوه 11]

طلبت حقك معي تااهو بااب واحد قوه وصلابه وممشاه في النفوووذ زي اللوز وخفيف وفي الديره يطربك وعلى الخطوط ووسيع ومعقول في شربه للبنزين

[ابرق العزاف]

جيب صالون تويوتا 94 دفع رباعي فكس ار
تانكيين مكيفين شغل ميه ميه بر بحر
سياره ونعم

[سداااااح]

اليوكن
معي يوكن 98 فاكه وكاله والى الان معي
الميزات
قوه
متانه
وراحه لايوجدبعده سياره بهالراحه
((((((( العيوب))))))))
التفكك
طرمبة البنزين ولقينا لها حل والحمد لله
عدادات الطبلون تلعب باغلب الجموس واليوكن عيب مصنعي

[salehhd]

السلام عليكم

حياكم الله وبياكم وجعل الجنة مثواكم

اشكركم على مشاركتكم واضافاتكم الممتميزة والمفيدة وكل عام وانتم بخير

وفي انتظار المزيد من تجارب الاخوان لتعم الفائدة

[خالد940]

تسلم اخوي صالح على هالموضوع موتري باث 2005 وهاذي صورتة ولا ازيد عن الي قلت انت عن الباث شي كفيت ووفيتhttp://www.yy44.net/up6/31a1365e0a.jpg (http://www.yy44.net)

[salehhd]

تسلم اخوي صالح على هالموضوع موتري باث 2005 وهاذي صورتة ولا ازيد عن الي قلت انت عن الباث شي كفيت ووفيتhttp://www.yy44.net/up6/31a1365e0a.jpg (http://www.yy44.net)
حياك الله اخوي خال واشكرك على المشاركة والصورة

[نجف]

السلام عليكم ورحمة الله وبركاته

انا عندي gx 2004 الــهــدد

صراحه الموتر ماعليه كلام مريح وقوه وعزم وقطع غيار رخيصه .........الخ

العيب الي فيه اني اذا حملت اغراض كثيره ينزل من ورا شئ بسيط وملاحظ

وكان عندي باترول نفس الموديل 2004 سفينة الصحراء

نفس الكلام الي قلته بالـهـدد ينطبق على سفينة الصحراء كما احب ان اسميهما

ولاعليه كلام

العيب الي فيه

ياكل بنزين

يتفكك الديكور

والي عنده دراهم ويبي يشتري موتر اقوله مالك الى الـهـدد او سفينة الصحراء

لان مافيه جيوب الى هن

واعذروني يا اصحاب الجيوب الثانيه لاني ماجربتهن ولا مدحوهن لي
وشكررررررررررررا :D

[salehhd]

السلام عليكم ورحمة الله وبركاته

انا عندي gx 2004 الــهــدد

صراحه الموتر ماعليه كلام مريح وقوه وعزم وقطع غيار رخيصه .........الخ

العيب الي فيه اني اذا حملت اغراض كثيره ينزل من ورا شئ بسيط وملاحظ

وكان عندي باترول نفس الموديل 2004 سفينة الصحراء

نفس الكلام الي قلته بالـهـدد ينطبق على سفينة الصحراء كما احب ان اسميهما

ولاعليه كلام

العيب الي فيه

ياكل بنزين

يتفكك الديكور

والي عنده دراهم ويبي يشتري موتر اقوله مالك الى الـهـدد او سفينة الصحراء

لان مافيه جيوب الى هن

واعذروني يا اصحاب الجيوب الثانيه لاني ماجربتهن ولا مدحوهن لي
وشكررررررررررررا :D


السلام عليكم

حياك الله اخي العزيز واشكرك على مشاركتك واضافتك
وهذه السيارات هي المشهورة لاصحاب الطلعات والمقانيص

[طحنون]

ملك الصحراء
بلامنازع
سفاري 2005
ونا اسميه البطل لانه فعلا بطل يعطيك بالبر وبا الخط
وبصراحه القير التبترونك القير اللي فيه نعم اثبت جدارته وقوته
والمكينه اللي فيه اتمنى انها ماتتغير لانها قوتها متعادله مع الثمانيه سلندر يكفي انه مزوده من المصنع
توين كام 4800 سي سي وشتبي اكثر من هل القوه
محرك جبار ونعومه وقوه اللهم لك الحمد والصرفيه البنزين الى الان تعتبر ممتازه مقارنه بالجيوب الاخرى


العيوب

الرجه الخفيفه اللي بالدركسون الى الان مااختفت من النيسان
صوت العزل الضجيج الخارجي سيئ للغايه
الطاره الدركسون خفيف مره يعني كنها طاره فورد (لازم تكون الطاره ثقيله شوي ) علشان التحكم يصير
بشكل ممتاز
غطاء الفلتر الهواء غير محكم مثل الكرورز يعني يسحب غبار اكثر من الكرورز
في البطانيج ماهوب راسي مثل الكروزر بسبب خفته

[صدام]

معي يوكون باب واحد م 94 قير عايدي واسمه "محمـود"

مميزاته: قوي صلب مريح واسع سهل الصيانة وقطعه رخيصة

عيبه انه مانعني من ترك استخدامه وركوب الجديد

اخو الي بالصورة لكن بدون اضافات

http://www.mekshat.com/pix/upload/images48/mk10003_2594542_2_full.jpg


والله يحفظنا وإياكم...

[باترول 585]

هلا اخواني ...
انا معي باترول 2006 سوبر سفاري والصراحه الموتر ماعليه كلام يس اللهم عيبه الصرفيه

وانا حبيت اعقب على كلام اخوي صالح يوم قال الباث يصرف
لاكن الصراحه انا اشوف الباث اقل جيب من ناحيه الصرفيه لماذا؟
لان تانكي الباث 95 ب35 ريال ويمشي 450 وسط الديره

وانا كان معي باث 2004 والصراحه ما عذبن با الصرفيه ابد ابد ابد

ومع العلم انا رجلي حرااااه

ولاكن الباترول طلع الشيب براسي من كثر مايصرف
وشكرا.....

[مساير الليل]

تجربتي مع الددسن 4×4 2005

سيارهـ تنافس الكبار

تحميل تقولك أنا لك

بر تقول أنا لك

مدينه تقول أنا لك

تعيش تصبر تقول أنا لك

سيارهـ أتعب وأنا أصف فيها

لن ولن أندم عليها أبدا

[ABO-AZIZ]

السلام عليكم ورحمة الله وبركته
انا رجالن معي جيب vx-r
وتبون الحقيقه انه رجال نشمي
والعيب الي تشتكون منيه الا وه انكم لاحملتم يطيح
الحمدلله اني مااواجة المشكله لان الموتر فيه نضام اسمه
الهيدروليك
يقوم هذا النظام بوزن ارتفاع الموتر بحيث انك لاحملت مايطيح الموتر
تقبلو تحياتي
ابو عفجة

[مـدحـدر]

نقل موفق


استعملت عده سيارات دفع رباعي

ومنه جيب جي اكس ار 2003 م

عيوبه في نظري

عزمه بالنفود ضعيف والاستبنه اللي تحت نازله وتحك على طول

العزل فاااااااااااااشل وانواع الازعاج



شيروكي 98م

مميزاته

قووووووي جداً ويطربك

مريح


عيبه الاساسي الحراره


جيب باترول ستاندر 92م

مميزاته كثيره

وعيوبه :

صرفيه البنزين

يقرقع ويتفكك

[رقبة حاشي]

وانا معي جيب ما تطرقتوا له الاخوان ولا اطن احد حايتطرقله الا وهو ميتسوبيشي باجيرو / انا عارف ان الكل بيتضايق من اسمه بس اللي مايعرف ..... يشويه
والله انه من اقوى الجيوب اللي جربتها وسياره ما تطلب بشكل غريب وقطعها طويل عمرها صرف البنزين فوق الممتاز ...
عيبها وكيلها لانه مشغول بالمكيفات والرافعات والدركترات والحفارات والاصنصيرات .... الخ اللهم لا حسد وعشان كذا ما هو ملقي بال لوكالة السياره هذي ولو اخذها واحد متفرغ لها شفت كيف تصير سمعتها اللي مدمرها هلحين هالوكيل الله يهديه ..............
قطع غيارها قريبه من ال جي اكس ار .....
بها مواصفات غير طبيعيه كل مايخطر ببالك من مواصفات للامان وبالداخل وبالخارج ....

[ملك البلوت]

انا معي موتر مثل ماقال اخوي رقبة حاشي باجيرو والصراحه موتر ماعليه كلام الموتر يطربك بالخط وبالبر والمتوتر عيبه انك ماتقدر تركب عليه توانك ماء لان بطن السيارة من تحت منحشر والى غيره ماشفت منه اي رداء

[salehhd]

السلام عليكم

حياكم الله اخواني الاعزاء جميعاً واشكركم على مروركم وضافتاتكم المميزة والمفيدة
والتي اثرت الموضوع بشكل كبير جداً

واسأل الله سبحانة ان يوفقنا واياكم الى ما يحب ويرضى

وفي انتظار المزيد

اخوكم
صالح

[.أبوعبدالرحمن]

معي باث فندر


وما قصرت ياراعي الموضوع

كل شي قلته

[محسن اليامي]

معي باترول 2003 vtc ماشاءالله كل شي فيه زين
في البر وفي الديره

[سوبر جارمن]

التاهو اسمحلي يحتاج دلع مايحتاج نفد والاتراك بسير على العيسى والجميح عموما الله يباركلك الموتر مريح وبطل بس مايبي كر ومسالك وعره وبسفر خذ ولد(ولد نعمه)ههههههههههههههههههههههههههههههههههههه

[saad7770]

السلام عليكم ورحمة الله وبركاته
موضوع جميل وشيق
عندي ثلاث سيارات
1 جمس سوبربان 93 دفع رباعي حجم المكينه 350 اتوماتك
2 جمس وانيت 86 دفع رباعي حجم المكينه 350عادي
3 جمس غمارتين82 دفع رباعي حجم المكينه 454اتوماتك
اما السياره رقم 3 حق المقانيص للربع الخالي والله اني ماخليت عليها محل ماطبيت فيه ولاشفت مها اي شي
والسيارات اليابنيه مابعد استخدمت منها شي

واشكرك على الموضوع الطيب
اخوك سعد

[أ ه م 111]

موضوع يستحق الإشادة

عندي باترول 2006 gl

أربعه أبواب قير عادي

مافيه كلام

قوة ومتانة ويبيض وجهك

البنزين أنا جربت خمسه أنواع من السيارات مافيه ذاك الفرق في صرفيه البنزين

آخرها بليزر 2002 دفع رباعي راحه تامه لكن الدبل يمشي الحال


ولكن المهم إذا أنت راعي بر ورجال مايردك مكانوبغيت القوة والصلابة والمواتر اللي تركن عليه فالأفضل الباترول والتويوتا

لأنك تروح وأنت ماتفكر إلا في الله سبحانه
وتأكدأن مواصفات السيارات الدفع الرباعي يعطونك ميزة على حساب ميزة أخرى في الأنواع الأخرى


وسلااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا ااااااااااااااااااااااااااااااااااامتكم

[محمد الجويسر]

اخوي مشكور على الموضوع الرائع

اما سيارتي فهي هدد 2001 وبصراحه جربت الاند وخبرتي معه طويله من ايام التسعينات شريت 90 و91 كلهن جي اكس سعودي والمزيون 2001 قطري بصراحه الاند موتر ماعليه كلام جربت الشيروكي الله يكفينا شره ماينفع ابد ولا يتحمل وجربت النيسان يشفط البنزين شفط وجرت الهلي والله انها سيارة وسلمتكم

[salehhd]

السلام عليكم

حياكم الله يا اخوان واشكركم على مشاركتكم واضافاتكم الرائعة والتي اثرت الموضوع بشكل واضح ويعطيكم العافية

[باترول 4×4]

تسلم ياراعي الموضوع لايهونون أصحاب الردود .
موتري باترول 99 ربع ، وبصراحة سيارة ما عليها كلام إذا بغيت بر ونفود وتكسير ما شاء الله ، وأحيانا يتعلق ويطلع نفسه بنفسه ما يحتاج مساعدة سيارات ، وآخرها تعلق معي بشعيب المسعودي وهو يمشي أيام الأمطار وكان الماء يغطي الكفرات وبعدت تنسيم الكفرات إلى (10 تقريبا طبعا الكفرات تحت الماء وهذا للتقريب فقط ) طلع بنفسه مع الدبل الثقيل ، وأعتقد أن هذا بسبب خفته ونظام تعليقه الذي يفز بالسيارة عند الانطلاق .
بصراحة الموتر طيب لكن فيه :
بعد مدة يحتاج لتغيير ربلات للمساعدات الأمامية وهي رخيصة 8 ربلات 160 ريال وكالة . والسيارة عندي من عدة سنوات توي أغيرها .
الكربريتر غيرت له العام إصلاح كربريتر والآن يبي له تغيير لأني ألاحظه الآن بدا يصرف أكثر من أول وعموما قيمته فوق المية بشي بسيط إذا ماكان أقل ، وهذا المشكلة فقط في القديم أم الجديد فنظامه بخاخ .

[ابو تركي 2]

مشكور على الموضوع الحلو انا عندي سوبر سفاري موديل 2000 جميل وقوي ويتحمل وحقيقه خويك في كـــــل مكان شريته وكاله ومخليه لسفر والبر ماشي 200000 المشــكله الوحيده فيه الوكاله والله المفروض تنسحب من الحمراني قطــع غيار دبل والتصليح في الوكاله اشرد كله نصب في نصب وسأل مجرب وانصح الي يقرب نيســان من اولها يبعد عن الوكـــالـه
وســــــلا متكم واجرجكم على اللهhttp://www.mekshat.com/pix/upload/images49/mk49338_mk18134_reykjavik-big-patrol[1].jpg

[aan]

انا الان معي تويوتا برادو 2003 وارد خليجي بتانكيين بنزين سعة 180 لتر. يعني اصب البنزين بالشرقية و لا اعبي الا في الغربية. سيارة لا في احلى منها راحة و تناسق في القوة و العزم ما في سيارة مثلها. جربتها بالبر و الطرق خذ تناسق لا مثل له في كل السيارة و صرفية بنزين ممتازة اكثر من 1100كم مع تشغيل المكيف امامي و خلفي بكمرسرين و يبقى قرابة ال 20 لتر عند التعبئ. بالطرق هادئ و عزم جيد جدا و في البر خذ قدرة في تجاوز المصاعب و راحة في المطبات و البطانج. جربنا الطلعات مع عدة سيارات منها الصغير و الكبير و كلها تخلفت عن البرادو في التكامل من لاند جمسي فورد و و و .... البرادو و بس ما يعبها الا التصميم من الخلف. المصمين معرفوا يطلعون بشكل احسن مع ان الخليجي استبه معلقة في الباب الخلفي تحسن من الشكل لكن كان بالامكان المصمين طلعوا بشكل افضل.

لاند 1996 و هو من اقوى السيارات خذ قوة و رساوة في الخط و صلابه لا تماثل الا بالشاص و الربع لكن ثقيل اشوي بالبر و يصرف بنزين اذا قورن البرادو في المدن.

جيب شروكي خذ عزم لكن خراب و ما تطمئن تغزر به في البر.

رانقلر مو للسفر سيارة شباب و بس و متعب يكسر الظهر ما يبله الا ظهور الشباب يمكن تقدر تتحمله مثل الشاص و الربع كأنك جالس بصندوق يخر عليك الهواء من كل مكان.

[سعد777]

جربت السوبر سفاري 2003 وبعته جاه نفس وصارؤ يعاكس عي قلت ياولد وش الحل ..........
http://www.do7a.com/up/get-9-2007-do7a_com_3p31w7nz.gif ويم جت الفكره وابيعه سعر سوق قلت لآزم اشتري سياره مايعرفونها ولا تهمهم واجد وغير شعبيه وقويه في نفس الوقت عشان النفس الله يكفينا شرها
المهم واطق فورد أكسبدشن 2007 الموجود في هذا التقرير وصراحه بعد ماسقته شي روعه بس عيبه نظام مانع الأنزلآق يعمل حتى والدفع الرباعي شغال صراحه شي مخزي فيه وافكر اشيله مره عشان يعطيني الموتر على كيفي http://www.mekshat.com/vb/showthread.php?t=102886
ويم طقيته بلشت بالشيبان وذكرتهم الماضي الفرت وسنينه وكأنك يابو زيد ماغزيت وصدمتين في يومين ماتعد 1000 كيلو العداد

[راعي الجيوب 1]

بلا شك موظوع مميز يحسب لكاتبه
انا استخدمت جميع جيوب تويوتا مثل vxr وgxr والشاص و الربع ولاكن يعلم الله لم اجد بلقوه مثل الربع في طلوع الكثبان الرمليه او تسلق الجبال الوعره او الدخول في بطون الاوديه الوعره وهو سياره بلا منازع ويليه الشاص ولاكن في الخط ليست السيارتان مريحه بحجم راحه vxr وgxr وهذا بحكم تجربتي وامتلاكي vxr و الجيب الربع ،،،،،،،،،،،،
تحياتي

[سنجااار]

انا من اهل الباترول معي 2000 سياره راسيه متماسك صرفية البنزين معقوله ولله الحمد معي له ثلاث سنين ولاشفت ألا كل خير منه
الله يطعمكم خير سياراتكم ويكفيكم شرهن
تقبلو تحيات

[salehhd]

السلام عليكم

حياكم الله يا اخوان واشكركم على تجاوبكم واضافاتكم المميزة والمفيدة والله يحفظكم ويحفط مواتركم وكيفيكم شرها
وفي انتظار المزيد من التجارب والانطباعات

[دمعه]

سفاري 2006
vtc4.8
قوة وراحــــــــة ونشاط وفخامة
وأتحدى فيه أي موتر من غير نوعه ....
وشكرا لموضوعكم الجميل :":":":"

[Mr.OGA]

انا معي باث فاندر 2004
الموتر حلو جدا وقوي وبالخط راسي وبالنفود يشفي الغليل
ومن ناحية الهدد خذ سيارة

[riyadco]

يا اخواني وش رأيكم بالفورد اكسبلورر والله اني حيران مرررره افيدوني يا اهل الخبره تراي محتار ابي اعرف عن قوته وقيره ودبله صبور او لا (جزاكم الله خيرا)

[عدابي]

مكشور على الصور الجميله........
تحياتي
عدابي

[جيب متشوبيشي]

السلام عليكم اناعندي جيب متسوبيشي 2005 ماكينه 3800 الجيب ماشاءالله عليه ممتاز بكل ماللكلمه منعنى قوي وصبور وحمار مكده وانتم بكرامه وقطع غياره عمرها طويل جدا . سواقته في المدينه مريحه مقارنه بالجيوب الأخرى عزمه في البر ممتاز لكن في الطعوس المرتفه جدا جيد . عيوبه / كان في رجه في الهوب شديده جدا عند الضغط على الفرامل لكن معا تغير الهوبات الأماميه والكليبر الأيسر زالت المشكله والحمد لله . قطع غياره نوع ما اسعارها مرتفه لكن مقارنه با الباترول تعتبر معقوله ايضا عمرها طويل جدا . الباجيرو الجديد 2007 مختلف تمام عن الموديل السابق في كل شي من الماكينه والقير والهيكل والدفرنسات وكل شي تقريبا والمكينه وصلت الى 270 نوع مافيك الجديد يعني بزياده 50 حصان عن السابق والختام اقول والله بكل امانه سياره مايندم الى يشتريها واسئلوا الى جربوها .

[سرمد2007]

مرحبا شباب
انا عندي بليزر 2006 دفع رباعي
في الخطوط ممتاز في تنسيم صحيح بالنسبة لي مو زايد
في التنقل بالخطوط والمدن ممتاز كثير ومرتاح منة والصرفية معقولة
البر انا اطلع فية مو كثير طبعا ممتاز بس ثقيل والعيب الاهم بية انة نازل بالمرة عزمة زين انا موراعي بر محترف بس اطلع على طول بإجازت اخر الاسبوع بالعصر مع الشباب .انا طلبت المشورة باترفيع يا ريت تفدوني بيض الله وجيهكم .........

[silver2008]

السلام عليكم .. فكرة رائعة وممتازة .. واشكر من قام بنشرها وشارك بها . اما عن تجربتي انا فهي كالتالي :.
سيارتي جمس نوع صالون 2500 موديل 91 دفرنسين قيراتوماتيك :.
المزايا : العامة للسيارة ..
1ـ السعة العظيمة وكأنه منزل متنقل .
2ـ المتانة .
3ـ الراحة في المشاوير الطويلة ( الصحراء ، الخطوط السريعة )
4ـ واثق الخطوة يمشي ملكاً بين الشعبان وقطع العقوم .وذلك بسبب رفع الشاصي عن الارض .
5ـ سعة في تانكي البانزين (140) لتر .
6ـ قطع غيار متوفرة ( ولكن غير أصلية ) ورخيصة .
7ـ رخيص الثمن .
العيوب :
1ـ لا يتعدى طبلونه 120 كم في الساعة بسبب وزنه الثقيل .. وان زدت السرعة فأنت في خطر أكيد .
2ـ الصرف في البانزين يتضح لمن يهتم لأمر صرف استهلاك السيارة .
3ـ الشكل لمن يهتم بأمر الشكل للسيارة .
اما بالنسبة العيبالذي انا لاحظته على هذا النوع من السيارات والموديلات التي قبله.. فهو انني لم امتلكه عندما كان جديداً ...
تجياتي للجميع .. ودمتم بخير

[salehhd]

السلام عليكم

بارك الله فيكم واشكركم على مشاركاتكم الرائعة والتي اثرت الموضوع بشكل واضح ويعطيكم العافية

وفي انتظار المزيد من الانطباعات

[salehhd]

بمناسبة قرب انتهاء عام 2008
امل طرح المزيد من التجارب لموديلات 2008 لتعم الفائدة وشكراً

[زحلطن]

مشكور وما قصرت.........

[تايتد]

في البدايه جيب لاندكروز حللته بحق وحقيق
الان تاهو 2008 وكاله دبل00
مريح داخل البلد صرفية البنزين مزعج للغايه
يصرف بنزين بالسفر مايوصل 500 كم على سرعة 140كم في الساعه
مانزلت فيه بر لأني غير مطمن له ابداً اخاف يخذلني
تحياتيييييييي

[NissaN 1990]

يعطيك ألف عافيه على الموضوع المميز

جربت البارترول موديل 1990 بسراحه سياره بمعنى الكلمه متعدد الأستخدام يقوم بكل المهام الصعبه والسهله بدون تردد أو خوف منك تمشي وأنت حاط أيديك ورجليك في مويه بارده بالذات بالصحراء ما يخذلك ما عليه كلام

وقردني الله وبتعته وشريت جمس موديل 1993 دفرنسين مكينة 454 وياليتني ماشريته أزين ما فيه أنه سيارت خط راسي ومريح ونفسه طويل مع الخط حتى الخطوط الطويله ما مثله بس ما يصلح في البر أبد مع أني ما جربته بس خايف منه أحس أنه ما هو موتر بر


والآن عندي باترول موديل 1995 باب واحد بسراحه ما فيه أي عيوب كله حلى


وبالنسبه لصرفية الباترول أنا أشوف أنها طبيعيه يمكن لأني ما أستخدمت غيره ،،،،

[salehhd]

السلام عليكم
حياكم الله جميعاً واشكركم على طرح خبراتكم وفي انتظار المزيد

[قريب الدار]

جمس سوبربان 2001
ماشاء الله تبارك الله عزم و راحة ولا يمكن اقارنه بغيره ، هو رقم واحد عندي
لا جيب و لا غيره ...
كان عندي من زمان لاندكروزر موديل 1986 - كرهت الجيوب بسبته - منظر وقوة لكن مهوب في الرمل
و صار عندي باث فيندر 93 ما خليت طعس الا و طلعته - صحيح ان عزمه ضعيف لكن بتوفيق الله يطلع
و الشيروكي - كان عندنا موديل 92 و بعده موديل 97 ماعليه كلام مرتاح منه و ماشاء الله يطلع وين ما تبي
لكن ارجع و اقول الجمس و بس

[ساري يا غرام]

عندي سيارتين
الاولى وهي الغاليه بليزر 89 شد الوكاله وحطه على يمناك

السياره الثانيه تاهو 2008 ومريحه جدا وفي البر تعجبك خصوصا في الطعوس

[سرطوقا]

ماشاء الله هنا خبرات نستفيد منها ، شاكرين لصآحب الموضوع :)