كل ماشريت ماطور هواء يخرب على طول!!!!!!!! [الأرشيف]

المري

08/08/2003, 09:41 AM

السلام عليكم

اخواني الاعزاء عندي مشكله مع مواطير الهواء لاني العام شرينا ثنتين وتأخذ فتره قصيره وتخرب

وذلك بأنها تشتغل عادي صوتها كما هو بس الهواء ضعيف فتعبت .

وهو على ماتوقع صناعة امريكي اللي معاها الهوز الاصفر .

فهل مرت على احد منكم خراب زي كذا؟؟ اذا كان الجواب نعم فكيف اصلحها؟؟ هل اوديها

للي يصلح كهرباء السيارات او اوديها للكهربائي الادوات المنزليه؟؟

ويش الحل ؟؟

واي واحد عنده ماطور هواء زين الرجاء ان يعرفنا عليها ويذكر لنا اسمها ومن اي محل شراها...

انا في انتظار مشاركاتكم

اخوكم / المري

راعي الجيوب

08/08/2003, 10:27 AM

انا انصحك انك تشتري ماطور اسمه سوبرسفاري

وشريته من المحل الشراع

اخوك:راعي الجيوب

المري

08/08/2003, 10:36 AM

هلا اخوي راعي اجيوب الرجاء ان توصف لي شكله ليكون اللي عندي خربان..

اخوك المري

راعي الجيوب

08/08/2003, 01:11 PM

هو ماطور صغير يجي معاه هوز اصفر وشنطه لونها بني

ويعبي الكفرات باربع دقائق ورخيص

اخوك: راعي الجيوب

الباهي

08/08/2003, 01:40 PM

مرحبا بكم
المري
راعي الجيوب

انا عندي ماطور امريكي للاسف ما اعرف اسمه

بس لونه اسود وعليه كتابه بالاحمر زين

له سنتين شغال مظبوط لكن

ابغى ماطور زين ويعبي الكفرات بسرعه لان اللي عندي بطيء

ياليت اللي يعرف نوعيه ممتازه وهواه قوي

وخرابه قليل انه يعلمنا

ولكم جزيلالشكر

اخوكم الباهي

راعي الجيوب

08/08/2003, 04:04 PM

هلا بااخوي الباهي خذلك سوبر سفاري

الباهي

09/08/2003, 12:15 AM

هلا براعي الجيوب

ياليتك توضح لي اكثر لاني ماعندي معلومات عنه
ولك مني جزيل الشكر

الصقرالذهبي

10/08/2003, 08:38 PM

السلام عليكم-
اخوي المري خذ لك لي هواء وعبي كفراتك عن طريق البوجي فهذه الطريقة اسرع من مواطير الوهواء0
فهذه الواطير احيان تسحب عليك البطاريه- والمثل يقول قديمك نديمك لون الجديد اغناك-
========والسلام عليكم:o

النفود

15/08/2003, 10:29 AM

السلام عليكم
هلا با خوي المري بالنسبه للماطور اللي يتكلم عنه
راعي الجيوب(سوبر سفاري)
هذي صورته
http://www.jcwhitney.com/images/imagecache/I22114.gif

ملاحظه/
الصوره تم نقلها من رد للمشرف الشقردي

الباهي

15/08/2003, 04:53 PM

النفود

وين احصل الماطور وهل هو ممتاز ولا نص ونص

لاني ابي ماطور ممتاز وهل هو قوي وسريع

النفود

15/08/2003, 11:09 PM

هلا بالباهي
سبق ان تطرق الاخوان الاعضاء لموضوع مواطير الهواء
وما عليك الا ان تضغط على هذا الرابط وبتلقا انشاء الله اللي بيفيدك أضغط هنا (http://www.mekshat.com/vb/showthread.php?s=&threadid=1143&highlight=%E3%C7%D8%E6%D1+%E5%E6%C7%C1)

المري

16/08/2003, 02:10 PM

تسلمون اخواني جميعا وماقصرت

اما بالنسبة للماطور الهواء يأخي راعي الجيوب فهذا اللي شريت وهي الان عندي

ثلاثه كلها خربانه واثنين عند واحد من الربع وهي اللي بالصوره في مشاركة اخونا

النفود ..

زين هل فيه احد مختص بتصليحها ؟؟؟ مثلا كهربائي السيارات ... او غيره...

في انتظار ردكم

اخوكم / المري

المشاليف

19/08/2003, 12:53 AM

السلام عليكم ورحمة الله وبركاتة :

بالنسبة لمواطير الهواء حسب علمي هو : ماطور البيوك م84 (ترهيم)
أو سوبر سفاري .

راعي الجيوب

20/08/2003, 06:25 AM

شف ياالمري انا عندي هالمطور سنتين

ولاقد مرة اخترب عاد الي عندك ياالمري

يمكن يكون مهوب اصلي

اخوك: راعي الجيوب

مغــادر

24/08/2003, 10:50 PM

السلام عليكم ورحمه الله وبركاته ...

اسمحولي اشاركم على ما اضن ان اخوي المري الي عنده موب اصليه ترى فيه نوع اكون ليه ضعيف وهذا ا
تعبيته ضعيفه وفيه النوع الامريكي الي ليه متين وتعبيته جيده وهذا عندي قد له سنتين و مايحتاج جيد..

وشكله تقريبا نفس الصوره بس ترى المكينه موتورها اكبر ومكتوب على شنطتها (saca) وتحتها INTERNATIONAL
وتمنى لكم التوفيق في رحلاتكم..

اخوكم مغــادر

اعقاب

12/09/2003, 03:43 AM

اخي المري
الاخوه الاعزاء
هناك اكثر من نوعيه في الاسواق وافضلها لونه اخضر
اقصد لون المكينه اخضر
وسعره رخيص يتراوح بين120ـــ150ريالا
هذا من محض التجربه
مزيد من المعلومات
ا

مكشات

12/09/2003, 07:18 AM

هلا اخوي المري
سبق جربت ماطور شكله مثل اللي بالصورة ، هذا ياطويل العمر مشكلته إنه يقفل بعد فترة معينة ، وخصوصا لما يكون الجو حار ..
أنا قفل معي بعد تشغيل خمس دقائق تقريبا ، وجلست انتظره حوالي ربع أو نصف ساعة لين إشتغل مرة ثانية ..
وهالملاحظة مكتوبة عليه ..
تحياتي لك

القماري

15/09/2003, 08:36 AM

أسمع حبيبي فيه نوع من المواطير أسمه ( كمل ) جمل بالعربي ويوجد منه نوعين أبو صينية وبدون صينية
الماطور هذا مجرب وعملي ومخصص لنفخ الكفرات الكبيرة ( 2 دقيقة لكل كفر) وسعره من 350 -380 ريال تلقاه عند الشراع أو في المحلات الكبيرة .
معي منذ 8 شهور تقريبا وأستخدمه كل أسبوع تقريبا والكثير من الشباب يمدحونه وهو مشابه للسفاري لكنه أقوى .
وإذا ودك بموضوع عن المواطير تفضل
http://www.mekshat.com/vb/showthread.php?s=&threadid=5256&highlight=%E3%C7%D8%E6%D1+%C7%E1%E5%E6%C7%C1

المري

15/09/2003, 09:59 AM

شكرا لك يااخ عقاب بس ويش اسم ذا الماطور ؟؟

وهل تعبيته سريعة ؟؟

في انتظار ردك اخي عقاب...

*********

مرحبا باأخينا الغالي مكشات

وشكرا لك على المشاركه..

************

هلا اخوي القماري وتسلم يابعدي المشاركه وعلى عنوان اللنك..

تقبلو تحياتي
المري

المري

15/09/2003, 10:03 AM

هلا اخوي مغادر واخي راعي الجيوب وحياكم الله

على فكرة تراني جربت الاصلي والتجاري وكلها مانجحت معي..

شكرا لكم

*********

شكرا لك اخي المشاليف

وصحيح البيوك يقولون انها احسب مكينه هواء...

بس وين احصلها...

****************

laith

15/09/2003, 12:27 PM

السلام عليكم ......

اعلم ان مشاركتي بالموضوع متاخره ...... والاخوه ماقصرو ولاعندي جديد ..

فيه ماطور " كومبريسور" هواء قيمته 350-380 ريال - بفلتر للهواء او بدون - اخذته من عند الشراع وصراحه لايعلى عليه .. صوته تقول دباب . وحجمه اكبر عن سابقاته مكتوب على كرتونه " Camel " جمل ..

وانشاءالله سوف ادرج صورته عما قريب ..

المري

16/09/2003, 02:36 PM

تسلم اخوي ليث وماقصرت يالغالي

بــرق الشمال

26/09/2003, 05:32 AM

باالنسبه للمواطير فهي واجده منهن الزين مثل كمبرسر
ومواطير بيوك وكدلك وفرد (اللي هن الهدرليك حق الهواء)
وفيه أيضا الحين باالسوق توه نازل سفاري الأصلي والله اني
نسيت اسمه بس ترى سفاري تقليد له وسعره 280 ريال وممكن
تدبل وفيه ايضا مواطير همر وهن عندي أفضل شي تقريبا ويكونن
في كبوت الهمر ......وودي انبه الشباب عن نقطه مهمه جدا للمواطير
اذا كان معك اي ماطور وتبي تنفخ الكفر المشكله ماهي في تعدد الكفرات المشكله
ضغط الهواء وشلون انا اقولكم..لما تجيب كفر وتنفخه فوق 40 تقريبا
يكون هناك ضغط على البستم لأنه زاد الضغط في الكفر وانت تعطي البستم
فوق طاقته فيتلف البستم او ياقف الماطور بسبب الحراره فاالخلاصه
عب 8 كفرات بس أو اكثر شوي بس لايتعدى كل كفر 30 تقريبا
وتشوف بنفسك تراى جربتها بانواع كثيره من المواطير.... :good: :good:

عاشق البسيتين

26/09/2003, 05:48 PM

فيه ماطور امريكي نوع ثاني لا كن انه احسن من جميع المواطير الموجوده وهو يتكون من هوز اصفر لاكن يجي معه عيار مشتبك ويتفخة الكفر خلا ل3 دقايق طوله الماطور تقريبا 20سم انا عندي اثنين لاكن انشالله اني احاول اني اجيب الصوره باذن الله قريبا واذا بغيت اي استفسار علمني اخوك ابو محمد ......عاشق البسيتين.....

ابوحماد

26/09/2003, 06:26 PM

مرحبا اخوي المري

انا مركب في سيارتي ماطور بستم تبع سياره بيوك موديل 83 م من حوالي 6 سنوات ولم يخرب يعبي الكفرات

لكل كفر حوالي ثلاث دقائق بشرط بهز السياره لدخول الهواء بسرعه.....

مع التحيات و التوفيق للجميع

ابو حماد

إلياس المطلق

19/11/2007, 08:52 AM

هـــل من إقـتراح جــــديـــد ,,,

رحال الغربية

19/11/2007, 04:54 PM

المثل يقول أشترى الزين ولو بالدين
http://arb.com.au/Honda/Home/ARB_logo.jpg
له عندى أكثر من خمس سنوات ولا يعلى عليه وأفضل ماطور هواء وكذلك يمكنه نفخ إطارات الشاحنات ويعمل لأكثر من ساعة متواصلة وسخونته خفيفة وموجود عند محلات الرماية
http://arb.com.au/arb-air-compressors/arb-air-compressor.jpg
http://arb.com.au/arb-air-compressors/ckmp12.jpg http://arb.com.au/arb-air-compressors/on-board-air-compressor.jpg
http://arb.com.au/arb-air-compressors/ckma12.jpg

camaro

03/02/2008, 02:49 AM

ابو جمل الاصلي وكيلة الشراع ب 250

سبحان الله وبحمده
سبحان الله العظيم

رفلوا

05/09/2009, 03:27 PM

السلام عليكم الزين ابو جمل فيه كمبريسرين تلقاه عند محلات الرحلات وفيه ناس تمدح ابوحصان والله اعلم

رفلوا

05/09/2009, 03:30 PM

السلام عليكم ابوجمل جربناه سريع وعملي وفيه ناس تمدح ابو حصان والله اعلم

بدون مقدمات

16/09/2009, 03:18 PM

نصيحة مجرب
خل الماطور يبرد لو لمده دقيقه واحدة لان الحرارة تأثر على البستم بالتالي مايعطيك قوه

ولو تلاحض ان اغلب المواطير قوتها في الكفر الاول مهيب مثل الكفر الاخير