الهايلوكسات

[محمد محمود]

السلام عليكم ورحمة الله وبركاته .
الرجاء من الأخوة الإفادة عن الفرق بين الهايلوكس الذي من البازعي والهايلوكس الذي وارد من عبد اللطيف جميل هل هناك فرق كبير من النوعين أي هل هناك فروق جوهرية بين النوعين . وشكراً

لمن يتوفر لديه صور لنوعين النشر للرفع .

[أيمن]

أخوي العزيز .. خذ عندك مواصفات جمعت من قبل .. واقتصر على الفروق من دون ما تتشابه فيه.

مواصفات الخليجي "البازعي" جي أل أكس:
1: القزازة الخلفية تفتح كنافذة.
2: باب تعبئة البنزين أوتوماتيك .
3: حامل أكواب فوق المكيف
4: المسجل شد بلده ياباني (أكثر من ممتاز)
5: المكيف شد بلده (ممتاز وبارد جداً)
6: الخطوط الجانبيه مركبة في اليابان.
7: السياره يابانيه 100% تصنيع وتجميع وقطع .
8: الكتابه الي مكتوبه بباب الصندوق (TOYOTA) صامتة ما تعكس النور .

مواصفات السعودي غمارتين جي أل أكس:
1: الكتابه الي مكتوبه بباب الصندوق (TOYOTA) تعكس النور .
2: حساسات بالصدام الخلفي ( بالبرد تخبط ليش مادري)
3: فايبر قلاس حمايه للصندوق .
4: الخطوط الجانبيه تركب بجده (لا تعليق على الخطوط، إن لم تكن تطبع عندنا)
5: المسجل يركب بجده وصناعته كوري ( وخراباته أكثر من استعماله)
6: المكيف يركب بجده ( يطلع أصوات وخروج الهوا خفيفه جداً)
7: الطبلون وما يتعلق به مركبة في جدة أيضا.
8: ريموت كونترول (فتح وقفل الأبواب فقط)
9: القزازة الخلفية قطعة وحدة ما تفتح مثل الخليجي.

تحيتي

[راعي أشيقر]

هذا بالنسبه للغمارتين

أما الغماره 2003

وارد عبد الطيف جميل

1-كل الأنواع موجوده(GLX , GL , SUPER DELOX)
2-بدون قزازة ورا فاصل
3-خطوط تركب بجده بس بصراحه أزين من خطوط البازعي
4-ريموت كنترول في الGLX
5-مسجل سوني بس مركب بجده
6-حساسات خلفيه
7-مكيف مركب بجده وأدج منه مافيه
8- يفصل السرعه عند 180
9-حامل أكواب فقط في الـ GL
10-فيبر جلاس في الصندوق
11-كتابة (TOYOTA) إلي على باب الصندوق تعكس النور بس في الـGLX , GL



أما بالنسبه لوارد البازعي

1-لا يوجد ألا GLX فقط
2-يوجد نوعيه شاص طويل
3-قزازة ورا فاصل
4-خطوطه مركبه باليابان بس بصراحه بالنسبه لـ2003 الغماره عبدالطيف جميل أزين البازعي حلوه على الغمارتين فقط
5-مسجل تويوتا مركب باليابان زي مسجل الشاص الخليجي بالضبط
6-بدون حساسات خلفيه
7- مكيف ياباني مايحتاج
8-مايفصل عند 180 ينزل تحت يوصل 220للي قاسوه
9-حامل أكواب حدر المكيف
10-بدون فيبر في الصندوق
11-كتابة TOYOTA ماتعكس


ونفس هالمواصفات تنطبق على الغمارتين 2003


وانكانك ناوي تشري خليجي نفس خطوط البازعي ومواصفاته فمعرض اليحيا إلى في بريده يجيب خليجي بس تراه بدون ضمان, وتراه يجيب SUPER DELOX مكيف غماره:redcar: :redcar: :redcar:

[النفود]

ولا يهون اخوي ايمن
بالنسبه لكتابة (TOYOTA) للهايلكس 2003اللي من البازعي تعكس..وشكرا

[الراسيـــــــ]

صبحهم بالخير جميعا
الفروق واجد مثل ماتفضل اخواني النفود وراعي اشيقر وايمن
لاكن احب اضيف ان الخليجيه اذا جت قزاز فصال فلونه اسود والي يركبون العالم فضي والفضي اجمل والناس اذواق
والشي الثاني الضمان كونك تشتري من هنا والوكالة عندك غير لما تشتريه من الخليج او المعارض دون ضمان مع ان التويوتا الله لا يضره ما يبي من يضمنه





الراسيـــــــــــــــــــــــــــــ
alnfod@hotmail.com




.

[ابوياسر 11]

أحباااابي
السلام عليكم ،

سؤالي هل 2003 ( البازعي) يعني الخليجي [ أقصد الديزل]

يجي فيها درج فوق الاصلي + قاعده للقير.. وإلا ( لا ) ..

وعندي سؤال صـغـينوووون:
وش الفرق بين الديزل والبنزين من جميع الفوق

( بالتفصيل الذي يجيب الاحباااااط)
ماودي أشري إلا أنا متيقن أيهم أحسن لأن كل ناس يعطونني ، وجهه

وأنا جازم يا السبوع القادم أو اللي بعد ه
نصيحتكم يالربع،،،،
تقبلو تحياتي
+++++++++++
محبكم : المجرووح

[مقطع أربع]

والله أخوي aboklood
بالنسبة للفرق بين الديزل والبنزين فهو شاسع
أول شي في العزم فعزم البنزين أقوى بكثير من الديزل أما بالنسبة للصرف فمايبيلها كلام البنزين اكثر أما بالنسبة لقطع الغيار فقطع البنزين متوفرة أكثر من الديزل وقطع الغيار للديزل أغلى من البنزين

والعذر والسموحة على المعلومة البسيطة
والشباب ما يقصرون

[الهلي 2002]

السلام عليكم ..
مساكم الله بالخير جميعا ..

للمعلوميه فقط .. لو تشري هايلوكس من سيرلانكا او اندونوسيا او من فيتنام
او حتى من مثلث برمودا اومن اي مكان في الكره الارضيه فعبداللطيف جميل
ملزم بضمان هذه السياره مالم تتعدى ال60 الف او الثلاث سنوات ..

هذا طبعا هو المفروض لانه يضمن اي سياره عليها علامة تويوتا او لكزس
وغصب عليه .. لكن هم يحاولون يتفلتون من السيارات اللي مب على حسابهم
عشان يخلون الناس يشرون من عندهم لان عندهم ميزة الضمان اللتي ملزمين
بها والناس مايدرون ..

انا اعرف كم واحد معه موتلر خليجي يوم وراهم العين الحمرا صلحو له موتره ..

.. ودمتم سالمين ,,

[الراسيـــــــ]

اخوي الهلي ولايهونون الربع
ذي الحركة الي قلت حقت الضمان اذكر انه بالنيسان
والحمراني تجيبله اي سياره من وين ما كانت عادي يصلحه اذا كانت في مدة الضمان لان عندهم بنيسان النظام الدولي
الوكاد انه اذا كان بتويوتا كذا فهي حركتات والله

ويعطيك العافية










الراسيــــــــــــــــــــــــــ
ALNFOD@HOTMAIL.COM








.